பசிபிக் பெருங்கடலில் அதிகாலை தரையிறங்கிய இந்தக் குழுவினர், பாதுகாப்பாக உள்ளதாக தளபதி Reid Wiseman உறுதிப்படுத்தினார்.

இந்தப் பயணம் மனித விண்வெளி ஆய்வில் புதிய கட்டத்தை தொடங்குவதாக NASA தெரிவித்துள்ளது. நான்கு விண்வெளி வீரர்களும் நலமாகவும் மகிழ்ச்சியாகவும் உள்ளதாக அதிகாரிகள் தெரிவித்துள்ளனர்.

மனிதர்கள் இதுவரை பயணித்திராத நிலவின் தொலைவுப்பகுதியை எட்டிய ஆர்டெமிஸ்-2 குழுவினரின் இந்தப் பயணத்தின் போது விண்கலம் பூமியிலிருந்து சுமார் 406,771 கிலோமீற்றர்ர் தூரம் சென்றது.

அமெரிக்காவின் விண்வெளி ஆராய்ச்சி நிறுவனமான நாசா கடந்த 1972 ஆம் ஆண்டுக்குப் பிறகு மனிதர்கள் அடங்கிய ஆர்டெமிஸ் 2 குழுவை, நிலவை நோக்கி கடந்த முதலாம் திகதி அனுப்பியது.

இதுவரை மனிதர்கள் எட்டாத தூரத்தை எட்டிய நால்வர் கொண்ட இக்குழுவினர், நிலவின் பின்பக்கம் சென்று மேற்பரப்பு புகைப்படத்தையும் வெளியிட்டனர்.

The post வெற்றிகரமாக பூமி திரும்பிய Artemis II குழு appeared first on Oruvan.com.

கொலை செய்யப்பட்ட பணய கைதியின் சடலத்தை ஒப்படைக்காமல் ஹமாஸ் ஆயுதக்குழு ஒப்பந்தத்தை மீறிவிட்டதாக இஸ்ரேல் பிரதமர் பெஞ்சமின் நெதன்யாகு குற்றம் சுமத்தியுள்ளார்.

இஸ்ரேலில் இருந்து கடத்தப்பட்டு ஹமாஸ் ஆயுதக்குழுவால் கொலை செய்யப்பட்ட 85 வயதான
ஒடெட் லிப்ஷிட் , 32 வயதான ஷிரி பிபஸ், அவரின் 4 வயது குழந்தை ஏரியல் பிபஸ் மற்றும் 9 மாத கைக்குழந்தை கிபிர் பிபஸ் ஆகியோரின் சடலங்கள் ஒப்படைக்கப்படும் என தெரிவிக்கப்பட்ட நிலையில் சடலங்கள் செஞ்சிலுவை சங்கம் மூலம் இஸ்ரேலிடம் ஒப்படைக்கப்பட்டது.

இந்நிலையில், நால்வரது சடலங்களும் பிரேத பரிசோதனைக்கு உட்படுத்தப்பட்ட நிலையில்
ஒடெட் லிப்ஷி, குழந்தைகள் ஏரியல் பிபஸ், கிபிர் பிபஸ் ஆகியோரின் சடலங்கள் உறுதி செய்யப்பட்டன.

ஆனால், 4 ஆவது உடல் ஷிரி பிபசின் உடல் இல்லை என்று இஸ்ரேல் தெரிவித்துள்ளது. டிஎன்ஏ உட்பட அனைத்துவகையிலான ஆய்வுகளுக்குபின் 4வது உடல் ஷிரி பிபசின் உடல் இல்லை என இஸ்ரேல் தெரிவித்துள்ளது.

மேலும், அந்த உடல் பணய கைதிகள் யாருடைய டிஎன்ஏ உடனும் சேரவில்லை எனவும் தெரிவித்துள்ளது.

இதேவேளை, போர் நிறுத்தத்தின் முதற்கட்ட ஒப்பந்தப்படி ஹமாஸ் ஆயுதக்குழு தங்கள் வசம் உள்ள இஸ்ரேலிய பணய கைதிகளில் மேலும் அறுவரை நாளை ஒப்படைக்க உள்ளது.

The post பணய கைதியின் சடலத்திற்கு பதிலாக வேறு உடலை ஒப்படைத்த ஹமாஸ் – இஸ்ரேல் விசனம் appeared first on Oruvan.com.