சமையல் எரிவாயு 24 மணி நேரமும் விநியோகிப்பதை உறுதி செய்வதற்கான நடவடிக்கைகள் எடுக்கப்பட்டுள்ளதாக அந்நிறுவனத்தின் தலைமை நிர்வாக அதிகாரி நளிந்த குருகுலசூரிய தெரிவித்துள்ளார் .

தொடர்ச்சியான விநியோக முயற்சிகளுக்கு ஆதரவளிப்பதற்காக 3,500 மெட்ரிக் தொன் எரிவாயுவை ஏற்றிச் செல்லும் கப்பல் நேற்று நாட்டை வந்தடைந்தாகவும் அவர் கூறியுள்ளார்.

இதேவேளை  3,700 மெட்ரிக் தொன் எரிவாயுவை ஏற்றிய மற்றுமொரு கப்பல் நேற்று முன்தினம் நாட்டை வந்தடைந்தாக லிட்ரோ நிறுவனம் தெரிவித்துள்ளது .

அத்துடன் அந்த  நிறுவனம் தற்போது நாளாந்தம் சுமார் 1,700 மெட்ரிக் தொன் எரிவாயுவை சந்தைக்கு வெளியிடுகிறது.

The post இன்று முதல் நாளாந்தம் 40,000 லாஃப்ஸ் எரிவாயு சிலிண்டர்கள் சந்தைக்கு appeared first on Oruvan.com.

இதற்கு எதிர்ப்புகள் எழுந்த நிலையில், தற்போது சர்வதேச நாணய நிதியம் விளக்கமளித்துள்ளது.

அனைத்து நிபந்தனைகளையும் பாகிஸ்தான் பூர்த்தி செய்ததைத் தொடர்ந்து நிதியை விடுவித்ததாக சர்வதேச நாணய நிதியத்தின் தகவல் தொடர்புத் துறையின் பணிப்பாளர் ஜூலி கோசாக் தெரிவித்துள்ளார்.

அவர் மேலும் தெரிவிக்கையில்

“பாகிஸ்தானுக்கு நிதியுதவி வழங்குவது என்று எடுக்கப்பட்டிருந்த முடிவை, கடந்த ஆண்டு செப்டம்பரில் நாங்கள் மீளாய்வு செய்திருந்தோம்.

அதன் அடிப்படையில் மே 9 ஆம் திகதி இரண்டாவது கட்டமாக அந்நாட்டுக்கு நிதி விடுவிக்கப்பட்டது. மீளாய்வின்போது, திட்டம் சரியான பாதையில் செல்கிறதா,
திட்டத்தின் கீழ் உள்ள நிபந்தனைகள் பூர்த்தி செய்யப்பட்டுள்ளதா, திட்டத்தை மீண்டும் சரியான பாதையில் கொண்டு வர ஏதேனும் கொள்கை மாற்றங்கள் தேவையா என்பதை நாங்கள் ஆய்வு செய்தோம்.

பாகிஸ்தான் அனைத்து நிபந்தனைகளும் பூர்த்தி செய்திருக்கிறது. சில சீர்திருத்த நடவடிக்கைகளிலும் அது முன்னேற்றம் அடைந்திருக்கிறது. எனவேதான் நாங்கள் அடுத்தக்கட்ட நிதியை விடுவித்தோம். நாங்கள் இதற்கு முன்னர் கொடுத்த நிதி அனைத்தும் அந்நாட்டின் மத்திய வங்கி கணக்கில் சரியாக வரவு வைக்கப்பட்டிருக்கிறது” என்று கூறியுள்ளார்.

The post பாகிஸ்தானுக்கு நிதி விடுவித்தமை தொடர்பில் ஐ.எம்.எப் விளக்கம் appeared first on Oruvan.com.

ஜனவரி 19 அன்று ஆரம்பமான இஸ்ரேலுக்கும் ஹமாஸுக்கும் இடையிலான போர் நிறுத்த ஒப்பந்தத்தின் ஒரு பகுதியாக எலி ஷராபி, ஓஹத் பென் அமி மற்றும் ஓர் லெவி ஆகியோரின் விடுதலை எதிர்பார்க்கப்படுகிறது.

ஒப்பந்தத்தின் முதற்கட்டமாக, 33 இஸ்ரேலிய பணயக்கைதிகள் விடுவிக்கப்பட உள்ளனர்.

கடந்த வாரம், இஸ்ரேல் மற்றும் ஹமாஸ் இடையே பணயக்கைதிகள் மற்றும் கைதிகளின் அண்மைய பரிமாற்றத்தில் மூன்று பணயக்கைதிகள் மற்றும் 183 இற்கும் மேற்பட்ட பலஸ்தீன கைதிகள் விடுவிக்கப்பட்டனர்.

The post மேலும் மூன்று இஸ்ரேலிய பணயக்கைதிகளை ஹமாஸ் விடுவிக்கும் என எதிர்பார்ப்பு appeared first on Oruvan.com.

நுகர்வோர் அதிகாரசபையால் வெளியிடப்பட்ட வர்த்தமானி அறிவித்தலின்படி, ஒரு கிலோகிராம் பச்சை மற்றும் சிவப்பு பச்சை அரிசியின் அதிகபட்ச மொத்த விலை  215 ரூபாவாகவும், அதிகபட்ச சில்லறை விலை 220 ரூபாவாகவும் குறிப்பிடப்பட்டுள்ளது.

ஒரு கிலோகிராம் உள்நாட்டு அரிசியின் மொத்த விலை 225 ரூபாவாகவும், அதிகபட்ச சில்லறை விலை 230 ரூபாவாகவும் குறித்த வர்த்தமானி அறிவித்தலில் குறிப்பிடப்பட்டுள்ளது.

வர்த்தமானி அறிவித்தலின் படி, ஒரு கிலோகிராம் உள்நாட்டு கீரிசம்பாவின் மொத்த விலை 255 ரூபாவாகவும், அதிகபட்ச சில்லறை விலை 260 ரூபாவாகவும் நிர்ணயிக்கப்பட்டுள்ளது.

இதேவேளை, இறக்குமதி செய்யப்படும் அரிசிக்கான அதிகபட்ச சில்லறை விலையை நிர்ணயிக்கும் வர்த்தமானி அறிவித்தலை நுகர்வோர் அதிகாரசபை வெளியிட்டுள்ளது.

அதன்படி, இறக்குமதி செய்யப்படும் ஒரு கிலோகிராம் பச்சை அரிசியின் அதிகபட்ச சில்லறை விலை 210 ரூபாவாகவும், இறக்குமதி செய்யப்படும் ஒரு கிலோகிராம் நாட்டரிசியின் அதிகபட்ச சில்லறை விலை 220 ரூபாவாகவும் நிர்ணயிக்கப்பட்டுள்ளது.

மேலும், இறக்குமதி செய்யப்படும் ஒரு கிலோகிராம் சம்பா அரிசியின் அதிகபட்ச சில்லறை விலை 230 ரூபாவாகவும் குறித்த வர்த்தமானி அறிவித்தலில் குறிப்பிடப்பட்டுள்ளது.

The post அரிசிக்கான அதிகபட்ச விலை நிர்ணயம் – வர்த்தமானி வெளியீடு appeared first on Oruvan.com.