recovery Archives - Oruvan.com

பொருளாதார அபிவிருத்திகளை பரிசீலித்து எடுக்கப்பட்ட முடிவை அறிவித்த மத்திய வங்கி

admin — Wed, 26 Mar 2025 05:23:53 +0000

ஓரிரவு கொள்கை வட்டி வீதத்தை தற்போதைய 08 வீதத்திலேயே பேணுவதற்கு தீர்மானிக்கப்பட்டுள்ளது.

இலங்கை மத்திய வங்கியின் நாணயக் கொள்கைச் சபையின் கூட்டம் நேற்று செவ்வாய்க்கிழமை இடம்பெற்ற நிலையில் இந்த தீர்மானம் எடுக்கப்பட்டுள்ளது.

தற்போதைய மற்றும் எதிர்பார்க்கப்படும் உள்நாட்டு மற்றும் பேரினப் பொருளாதார அபிவிருத்திகளை பரிசீலித்த பின்னரே நாணயக் கொள்கை சபை இந்த முடிவை எடுத்துள்ளதாக இலங்கை மத்திய வங்கி தெரிவித்துள்ளது.

பண வீக்க இலக்கை 5 சதவீதமாகக் கொண்டு இந்த தீர்மானம் மேற்கொள்ளப்பட்டுள்ளதாக தெரிவிக்கப்பட்டுள்ளது.

The post பொருளாதார அபிவிருத்திகளை பரிசீலித்து எடுக்கப்பட்ட முடிவை அறிவித்த மத்திய வங்கி appeared first on Oruvan.com.

பலஸ்தீன மக்களுக்கான தமது முழுமையான ஆதரவை உறுதிப்படுத்திய ஐ.நா

admin — Wed, 19 Feb 2025 07:31:52 +0000

மனிதாபிமான உதவி, எதிர்கால மீட்பு மற்றும் மறுசீரமைப்பு நடவடிக்கைகளுக்கு, பலஸ்தீன மக்களுக்கான தமது முழுமையான ஆதரவை ஐக்கிய நாடுகள் சபை உறுதிப்படுத்தியுள்ளது.

மத்திய கிழக்கு அமைதி செயன்முறைக்கான துணை சிறப்பு ஒருங்கிணைப்பாளர், குடியுரிமை மற்றும் மனிதாபிமான ஒருங்கிணைப்பாளர் முஹன்னத் ஹாடி தெரிவித்துள்ளார்.

சர்வதேச சமூகம், நியாயமான மற்றும் நீடித்த அமைதியை ஆதரிக்க கூட்டு முயற்சிகளை மேற்கொள்ள வேண்டும் எனவும் வலியுறுத்தினார்.

குடியிருப்புகள் மிகவும் கடுமையாக பாதிக்கப்பட்டுள்ள நிலையில் மீட்புத் தேவைகளில் இந்தது றை மிகப்பெரிய பங்கை வகிக்கும் என எதிர்பார்கப்படுகிறது.

மீட்பு மற்றும் மறுசீரமைப்பு சவால்களை எதிர்கொள்ள பலஸ்தீனியர்களுக்கு கூட்டு நடவடிக்கை தேவைப்படும் என கூறிய அவர் அடுத்த மூன்று ஆண்டுகளில் மாத்திரம், அத்தியாவசிய சேவைகளை உறுதிப்படுத்தவும் நீண்டகால மீட்புக்கான அடித்தளத்தை அமைக்கவும் 20 பில்லியன் டொலர்கள் தேவைப்படும் என்றும் ஹாடி தெரிவித்தார்.

இதேவேளை,மத்திய கிழக்கில் பலஸ்தீன அகதிகளுக்கான ஐ.நா. மீட்புப் பணிகள் நிலையம் நடாத்திய பாடசாலைகள் மீதான இஸ்ரேலின் தாக்குதலை ஐக்கிய நாடுகள் சபை வன்மையாக கண்டித்துள்ளது.

மாணவர்களின் கற்றல் நடவடிக்கைகளின் போது கண்ணீர்ப்புகைக் குண்டுகள் மற்றும் ஒலி குண்டுகளைப் பயன்படுத்துவது ஏற்றுக்கொள்ள முடியாதது என பொதுச்செயலாளர் செய்தித் தொடர்பாளர் ஸ்டீபன் டுஜாரிக் கூறியுள்ளார்.

இதேவேளை, ஆக்கிரமிக்கப்பட்ட கிழக்கு ஜெருசலேமில் உள்ள ஐ.நா.வின் மீற முடியாத வளாகத்திற்குள் அத்துமீறி நுழைந்ததை ஐக்கிய நாடுகள் சபையின் பொதுச்செயலாளர் அன்டோனியோ குட்டெரெஸ் வன்மையாக கண்டித்துள்ளார்.

The post பலஸ்தீன மக்களுக்கான தமது முழுமையான ஆதரவை உறுதிப்படுத்திய ஐ.நா appeared first on Oruvan.com.

இவ்வாண்டில் வலுவான மீட்சியில் இலங்கை கவனம் செலுத்தும்

Kanooshiya Pushpakumar — Wed, 08 Jan 2025 12:52:35 +0000

இலங்கை 2024 ஆம் ஆண்டு 5 வீத உண்மையான மொத்த உள்நாட்டு உற்பத்தி (GDP) வளர்ச்சியை பதிவு செய்த பின்னர் இந்த ஆண்டு வலுவான மீட்சியில் கவனம் செலுத்தும் எனவும் , இது கடந்த ஏழு ஆண்டுகளில் மிக உயர்ந்ததாக இருக்கும் எனவும் இலங்கை மத்திய வங்கித் தலைவர் பி.நந்தலால் வீரசிங்க இன்று (8) தெரிவித்தார்.

இலங்கையின் பொருளாதாரம் 2022ஆம் ஆண்டில் கடுமையான அந்நியச் செலாவணி நெருக்கடியின் கீழ் பாதிக்கப்பட்டது.

2023ஆம் ஆண்டில் மார்ச் மாதத்தில் 2.9 பில்லியன் டொலர் சர்வதேச நாணய நிதியத்தின் (IMF) கடனுதவியை பெற்று, டிசம்பர் மாதத்தில் 25 பில்லியன் டொலர் கடனை மறுசீரமைத்த பின்னர் எதிர்பார்த்ததை விட வேகமான பொருளாதார வளர்ச்சியை பதிவு செய்தது.

2024 ஆம் ஆண்டின் முதல் ஒன்பது மாதங்களில் பொருளாதாரம் 5.2 வீத வளர்ச்சியடைந்தது, இது இலங்கை மத்திய வங்கியின் (CBSL) 3 வீத மதிப்பீட்டை விட அதிகமாகும் என்று ஆளுநர் பி.நந்தலால் வீரசிங்க தெரிவித்தார்.

2025ஆம் ஆண்டின் நடுப்பகுதியில் பணவீக்கம் நேர்மறையான பகுதியை எட்டும் என்று எதிர்பார்க்கப்படுகிறது, அதன் பிறகு CBSL 5 வீத பணவீக்க விகிதத்தை பராமரிப்பதில் கவனம் செலுத்தும் என்றும் அவர் கூறினார்.

2025ஆம் ஆண்டுக்கும் அதற்கு அப்பாலுக்குமான இலங்கை மத்திய வங்கியின் அறிக்கை வெளியிடப்பட்டுள்ளமை குறிப்பிடத்தக்கது.

The post இவ்வாண்டில் வலுவான மீட்சியில் இலங்கை கவனம் செலுத்தும் appeared first on Oruvan.com.