அந்த அணியின் பயிற்சியாளர் சாபி அலோன்சோ பரஸ்பர ஒப்புதலின் பேரில் வெளியேறியுள்ள நிலையில் புதிய பயிற்சியாளர்  நியமிக்கப்பட்டுள்ளதாக தெரிவிக்கப்பட்டுள்ளது.

கடந்த ஞாயிற்றுக்கிழமை பார்சிலோனாவுக்கு எதிரான ஸ்பானிஷ் சூப்பர் கோப்பை இறுதிப் போட்டியில் தோல்வியடைந்த பின்னர், சாபி அலோன்சோ பரஸ்பர ஒப்புதலுடன் பதவி விலக முடிவு செய்திருந்தார்.

அவர் எட்டு மாதங்களுக்கும் குறைவான காலமே அணியின் பயிற்சியாளராக பணியாற்றியிருந்தார்.

இந்நிலையில், உடனடியாக நடைமுறைக்கு வரும் வகையில், அணியின் பயிற்சியாளராக அல்வாரோ அர்பெலோவா நியமிக்கப்பட்டுள்ளதாக தெரிவிக்கப்பட்டுள்ளது.

அல்வாரோ அர்பெலோவா 2009-2016ஆம் ஆண்டு காலப்பகுதியில் ரியல் மெட்ரிட் அணிக்காக 238 முறை விளையாடியுள்ளார்.

இவர் விளையாடியப் காலப்பகுதியில் இரண்டு சாம்பியன்ஸ் லீக் பட்டங்களையும், ஒரு முறை லா லிகா பட்டத்தையும் மெட்ரிட் அணி வென்றிருந்தது.

இந்நிலையில், அர்பெலோவா தலைமையில் நடைபெறும் முதல் போட்டியில் இன்று புதன்கிழமை ரியல் மெட்ரிட் அணி விளையாடவுள்ளதாக தெரிவிக்கப்பட்டுள்ளது.

The post ரியல் மெட்ரிட் அணிக்கு புதிய பயிற்சியாளர் appeared first on Oruvan.com.

கைலியன் எம்பாப்பே மற்றும் ரோட்ரிகோ கோஸின் கோல்களின் உதவியுடன் ரியல் மெட்ரீட் வெற்றியை தனதாக்கியுள்ளது.

இந்த வெற்றியுடன் ரியல் மெட்ரீட் அணி 39 புள்ளிகளுடன் புள்ளிப்பட்டியலில் இரண்டாம் இடத்திற்கு முன்னேறியுள்ளது.

புள்ளிப்பட்டியலில் பார்சிலோனா அணி 43 புள்ளிகளுடன் முதலிடத்தில் நீடிக்கின்றது.

ஆரம்பம் முதல் மிகவும் விருவிருப்பாக இடம்பெற்ற இந்தப் போட்டியின் 24வது நிமிடத்தில் கைலியன் எம்பாப்பே முதல் கோலை அணித்து ரியல் மெட்ரீட் அணியை முன்னிலைப்படுத்தியிருந்தார்.

இதனால் போட்டியின் முதல் பாதி ஆட்டத்தில் ஒன்றுக்கு பூச்சியம் என்ற கோல் கணக்கில் ரியல் மெட்ரீட் அணி முன்னிலைப்பெற்றது.

எனினும், இரண்டாம் பாதி ஆட்டத்தில் அலவேஸ் அணியின் விசென்ட் 68வது நிமிடத்தில் கோல் அடிக்க ஒன்றுக்கு ஒன்று என சமநிலைபெற்றது.

இந்நிலையில், இரு அணிகளும் வெற்றிபெறும் முனைப்பில் கடும் முயற்சிகளை எடுத்திருந்தது.

எவ்வாறாயினும், போட்டியின் 78வது நிமிடத்தில் ரியல் மெட்ரீட் அணியின் ரோட்ரிகோ கோஸ் கோல் அடிக்க அந்த அணியின் வெற்றி உறுதியானது.

இறுதியில் போட்டியின் முடிவில் ரியல் மெட்ரீட் அணி இரண்டுக்கு ஒன்று என்ற கோல் கணக்கில் அபார வெற்றியை பதிவு செய்துள்ளது.

இந்த தொடரின் கடந்த ஒன்பது போட்டிகளில் ரியல் மெட்ரீட் அணி பதிவு செய்த மூன்றாவது வெற்றி இதுவென்பதும் குறிப்பிடத்தக்கது.

The post ரியல் மெட்ரீட் அணி அபார வெற்றி appeared first on Oruvan.com.

பெனால்டி ஷூட் அவுட்டில் ரியல் மாட்ரிட் 4-2 என்ற கோல் கணக்கில் வெற்றி பெற்றது.

ஆட்டத்தின் முதல் நிமிடத்திலேயே அட்லெடிகோ அணி ரியல் மாட்ரிட் அணிக்கு அதிர்ச்சி அளித்து கோல் அடித்தது. கோனர் கல்லாகர் அணிக்கு தொடக்கத்திலேயே முன்னிலை வழங்கினார்.

பின்னர் இரு அணிகளும் வலுவான டிஃபென்ஸுகளால் எந்த கோல்களும் அடிக்கவில்லை.

முதல் சுற்றில் ரியல் மாட்ரிட் 1-0 என வென்றதால் இந்தப் போட்டி சமனில் முடிவடைந்தது. பின்னர் கூடுதல் நேரம் ஒத்துக்கியும் முடிவு எட்டப்படாததால் ஆட்டம் பெனால்டிக்கு சென்றது.

எனினும், போட்டியின் 70வது நிமிடத்தில் ரியல் மாட்ரிட் அணிக்கு பெனால்டி வழங்கப்பட்டது. போட்டியில் முன்னேற ஒரு பொன்னான வாய்ப்பாக இருந்த போதிலும் அது தவறவிடப்படது.

பின்னர், போட்டி கூடுதல் நேரத்திற்குச் சென்றது. கூடுதல் நேரத்தில் கோல்கள் எதுவும் அடிக்கப்படவில்லை. இதனால், போட்டி பெனால்டி ஷூட் அவுட் முறைக்குச் சென்றது.

இறுதியில் பெனால்டி ஷூட் அவுட்டில் 4-2 என்ற கோல் கணக்கில் ரியல் மாட்ரிட் அணி வெற்றிபெற்றது.

இந்நிலையில், காலிறுதி போட்டியில் ரியல் மாட்ரிட்டின் ஆர்சனல் அணியை எதிர்த்து விளையாடவுள்ளது. முதல் லெக் ஏப்ரல் 8ஆம் திகதியும், இரண்டாவது லெக் ஏப்ரல் 15ஆம் திகதியும் நடைபெறவுள்ளது.

The post சம்பியன்ஸ் லீக் கால்பந்துப் தொடர் – காலிறுதிக்கு ரியல் மாட்ரிட் தகுதி appeared first on Oruvan.com.