இதன்படி, ராஜஸ்தான் ரோயல்ஸ் அணியை அமெரிக்காவை சேர்ந்த தொழிலதிபர் கல் சோமானி வாங்கியுள்ளார் என இந்திய ஊடகங்கள் செய்தி வெளியிட்டுள்ளன.

அதேபோல் ரோயல் சேலஞ்சர்ஸ் பெங்களூரு அணியை ஆதித்ய பிர்லா குழுமம் தலைமையிலான கூட்டமைப்பு 1.78 பில்லியன் அமெரிக்க டொலருக்கு முழுமையாக வாங்கியுள்ளது.

இந்த கூட்டமைப்பில், டைம்ஸ் ஒஃப் இந்தியா குழுமம், போல்ட் வென்ச்சர்ஸ், மற்றும் பிளாக்ஸ்டோனின் பெர்ப்பெச்சுவல் பிரைவேட் ஈக்விட்டி” முதலீட்டு நிறுவனம் ஆகியவையும் இணைந்துள்ளன.

எனினும், ஆதித்ய பிர்லா குழுமமே இதற்குத் தலைமை தாங்குகிறது.

இந்த விற்பனையில்ரோயல் சேலஞ்சர்ஸ் பெங்களூரு ஆண்களுக்கான அணி மற்றும் டபிள்யூ.பி.எல். பெண்களுக்கான அணி ஆகிய இரண்டும் அடங்கும் என தெரிவிக்கப்பட்டுள்ளது.

பெங்களூரு அணியின் புதிய தலைவராக, ஆதித்ய பிர்லா குழுமத்தின் தலைவர் குமார் மங்கலம் பிர்லாவின் மகன் ஆர்யமன் பிர்லா நியமிக்கப்படுவார் எனத் தகவல்கள் வெளியாகியுள்ளன.

இதனிடையே, அமெரிக்க தொழிலதிபர் கல் சோமணி தலைமையிலான கூட்டமைப்பு, ராஜஸ்தான் ரோயல்ஸ் அணியின் 100 சதவீத பங்குகளை சுமார் 15,286 கோடி ரூபாய்க்கு வாங்கியுள்ளது.

இதன் மூலம் ஐபிஎல் வரலாற்றிலேயே மிகவும் மதிப்புமிக்க அணியாக ராஜஸ்தான் ரோயல்ஸ் உருவெடுத்துள்ளது.

ஐபிஎல் வரலாற்றில் இதுவரை இல்லாத வகையில் மிகப்பெரிய தொகைக்கு ஒரு அணி விற்கப்பட்டிருப்பது கிரிக்கெட் உலகையே வியப்பில் ஆழ்த்தியுள்ளது.

கல் சோமணி, 2021ஆம் ஆண்டு முதல் ராஜஸ்தான் ரோயல்ஸ் அணியின் சிறு பங்கை தனது வசம் வைத்திருந்தார்.

எவ்வாறாயினும், கல் சோமணி ஐபிஎல் 2026 பருவத்தில் ராஜஸ்தான் ரோயல்ஸ் அணியை தன்வசப்படுத்த முடியாது எனவும், 2026 பருவத்திற்கு பின்னர் அணிக்கு உரிமையாளராக மாற முடியும் எனவும் தெரிவிக்கப்பட்டுள்ளது.

அணி விற்பனை செய்யப்பட்ட போதிலும், அணியின் பயிற்சி ஊழியர்களிலோ அல்லது உயர் கிரிக்கெட் நிர்வாகத்திலோ எந்த மாற்றமும் மேற்கொள்ளப்படவில்லை என்று வெளிநாட்டு ஊடகங்கள் செய்தி வெளியிட்டுள்ளன.

இலங்கை அணியின் முன்னாள் தலைவர் குமார் சங்கக்கார, ராஜஸ்தான் ரோயல்ஸ் அணியின் இயக்குநராக செயற்படுகின்றமையும் குறிப்பிடத்தக்கது.

The post ராஜஸ்தான் ரோயல்ஸ் மற்றும் RCB அணிகள் பெரும் தொகைக்கு விற்பனையானது appeared first on Oruvan.com.

இதற்கான அறிவிப்பு தற்போது வெளியாகியுள்ள நிலையில், அடுத்த ஆண்டு மார்ச் இறுதிக்குள் அணியை விற்க திட்டமிட்டுள்ளதாக தெரிவிக்கப்பட்டுள்ளது.

இந்நிலையில், அணியை விற்பனை செய்வதற்கான பணிகள் தற்போது ஆரம்பமாகியுள்ளதாக அணி நிர்வாகம் அறித்துள்ளது.

இங்கிலாந்தின் டியாஜியோ நிறுவனத்தின் இந்திய பிரிவான யுனைடெட் ஸ்பிரிட்ஸ், ரோயல் சேலஞ்சர்ஸ் பெங்களூர் அணியை நிர்வகித்து வருகிறது.

இந்நிலையில், அணிக்கு இரண்டு பில்லியன் டொலர் விலை நிர்ணயம் செய்யப்பட்டுள்ளதாக கூறப்படுகின்றது.

18 ஆண்டு கால ஐபிஎல் வரலாற்றில் நடப்பு ஆண்டில் இடம்பெற்ற தொடரிலேயே ரோயல் சேலஞ்சர்ஸ் பெங்களூர் அணி முதல் முறையாக ஐபிஎல் கிண்ணத்தை கைப்பற்றியிருந்தது.

அணியின் வெற்றியை கொண்டாட பெங்களூரு சின்னசாமி மைதானத்தில் விழா ஏற்பாடு செய்யப்பட்டிருந்தது. அந்த விழாவில் ஏற்பட்ட கூட்ட நெரிசலில் சிக்கி 11 பேர் உயிரிழந்தனர்.

இந்த சம்பவம் நாட்டையே உலுக்கியது. இதனால் அந்த அணி மீது ஏகப்பட்ட விமர்சனங்கள் எழுந்தன.

இவ்வாறான பின்னணியில் அணியை விற்பனை செய்ய முடிவு செய்யப்பட்டுள்ளதாக தெரிவிக்கப்பட்டுள்ளது.

The post விற்பனைக்கு வருகின்றது ஆர்சிபி அணி!! விபரங்கள் வெளியாகின appeared first on Oruvan.com.

சுமார் இரண்டு பில்லியன் டொலருக்கு அணியை விற்பனை செய்ய அந்த அணியின் உரிமையாரான யுனைடெட் ஸ்பிரிட்ஸ் நிறுவனம் முடிவுசெய்துள்ளதாக தெரிவிக்கப்பட்டுள்ளது.

ஐபிஎல் இன் முன்னால் தலைவரான லலித் மோடியும் இதனை உறுதிப்படுத்தும் வகையில் தகவல்களை வெளியிட்டுள்ளார்.

இந்நிலையில், பெங்களூரு அணியை வாங்குவதற்கான போட்டியில், சீரம் இன்ஸ்டிடியூட் ஒப் இந்தியாவின் தலைமை செயல் அதிகாரியான அடர் பூனாவாலா முன்னணியில் இருப்பதாக கூறப்படுகிறது.

18 ஆண்டு கால ஐபிஎல் வரலாற்றில் முதல் முறையாக இந்த ஆண்டே பெங்களுரு அணி கிண்ணத்தை கைப்பற்றியிருந்தது.

அணியின் வென்றதை கொண்டாடும் விதமாக, பெங்களூருவில் நடைபெற்ற பேரணியில் ஏற்பட்ட கூட்ட நெரிசலில் 11 பேர் உயிரிழந்த சோகம் சம்பவதும் பதிவாகியிருந்தது.

இந்த துயர சம்பவத்திற்கு பின்னரே, பெங்களூரு அணியை விற்பனை செய்வது குறித்த பேச்சு வார்த்தைகள் தீவிரமடைந்ததாக கூறப்படுகிறது.

யுனைடெட் ஸ்பிரிட்ஸ் நிறுவனம், பெங்களூரு அணிக்காக சுமார் இரண்டு பில்லியன் அமெரிக்க டொலர்கள் என்ற மிக பிரம்மாண்டமான விலையை நிர்ணயித்துள்ளதாக கூறப்படுகிறது.

இந்த விற்பனை முடிந்தால் பெங்களூரு அணி, உலகின் மிகவும் மதிப்புமிக்க விளையாட்டு அணிகளில் ஒன்றாக மாறும்.

இந்த விற்பனை பேச்சுவார்த்தைகளை நிர்வகிக்கும் பொறுப்பு, உலகின் முன்னணி முதலீட்டு வங்கியான சிட்டி-யிடம் ஒப்படைக்கப்பட்டுள்ளமை குறிப்பிடத்தக்கது.

The post இரண்டு பில்லியன் டொலருக்கு ஆர்.சி.பி அணி விற்பனையாகின்றது appeared first on Oruvan.com.

இதுகுறித்து, அம்மாநில முதலமைச்சர் தனிப்பிரிவுக்கு முறைப்பாடு ஒன்றை அனுப்பியுள்ளார். அதில், கடந்த ஐந்து ஆண்டுகளாக, தன்னுடன் நன்றாக பழகிய யாஷ் தயாள், திருமண ஆசை காட்டி, பல மோசடிகளை செய்துள்ளதாக குறிப்பிட்டுள்ளார்.

கடந்த ஐந்து ஆண்டுகளாக நானும், யாஷ் தயாளும் நன்றாக பழகினோம். திருமணம் செய்துகொள்கிறேன் எனக் கூறி, அவரது குடும்ப நபர்களிடம் என்னை ‘மருமகள்’ என அடையாளப்படுத்தினார்.

இதனை நம்பி அவரிடம் பல வழிகளில் ஏமாந்துவிட்டேன். பணத்தையும் இழந்தேன், என்னையையும் இழந்தேன். ஐந்து ஆண்டுகள் நன்றாக பழகிய நிலையில், தற்போது அவர் என்னை ஏமாற்றிவிட்டார்.

என்னுடன் அடிக்கடி சண்டை போட ஆரம்பித்தார். மேலும், திருமணம் செய்துகொள்ள முடியாது எனக் கூறிவிட்டார். அதன்பின்னர் தான், எனக்கு ஒரு உண்மை தெரிய வந்தது, அவர் வேறு ஒரு பெண்ணுடன் தொடர்பில் இருக்கிறார் என்பது.

இதுகுறித்து, ஜூன் 14ஆம் திகதி 181 என்ற பெண்கள் உதவி எண்ணிற்கு அழைத்தேன். இதுகுறித்து முறைப்பாடும் செய்திருந்தேன். எனினும், முறைப்பாட்டை பதிவுசெய்ய மறுத்துவிட்டனர்.

இதனால்தான், தற்போது முதல்வர் தனிப்பிரிவில் புகார் கொடுத்துள்ளேன். எனக்கு நியாயம் கிடைக்க வேண்டும்” என தெரிவித்துள்ளார்.

மேலும், ‘‘என்னிடம், யாஷ் தயாள் பேசியதற்காக வாட்சப் சேட்கள் இருக்கிறது. வீடியோ அழைப்பில் பேசிய ஆதாரம் இருக்கிறது. இருவரும் ஒன்றாக இணைந்து எடுத்துக் கொண்ட புகைப்படங்களும் இருக்கிறது.

எனக்கு நியாயம் வேண்டும். இது எனக்கான நியாயம் மட்டுமல்ல, பாதிக்கப்பட்ட அனைத்து பெண்ணிற்கும் நியாயம் கிடைக்கும் என்ற நீதிக்கான நியாயம். உரிய நடவடிக்கையை உடனே எடுக்க வேண்டும்’’ என அந்தப் பெண் கூறியுள்ளார்.

அண்மையில் நடந்து முடிந்த 18வது ஐபிஎல் தொடரில் ரோயல் சேலஞ்சர்ஸ் பெங்களூர் அணி முதல் முறையாக கிண்ணத்தை கைப்பற்றியிருந்தது. அணியின் வெற்றிக்கு யாஷ் தயாள் முக்கிய பங்காற்றியிருந்தமை குறிப்பிடத்தக்கது.

The post யாஷ் தயாள் என்னை ஏமாற்றவிட்டார் – பெண் பரபரப்பு புகார் appeared first on Oruvan.com.

இந்திய ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது.

கடந்த மார்ச் மாதம் தொடங்கி ஐபிஎல் கிரிக்கெட் தொடர் தற்போது இறுதிக் கட்டத்தை எட்டியுள்ளது. இன்று அகமதாபாத் மைதானத்தில் இறுதிப்போட்டி கோலாகலமாக நடைபெறவுள்ளது.

இறுதிப் போட்டியில் பஞ்சாப் கிங்ஸ் மற்றும் ரோயல் சேலஞ்சர்ஸ் பெங்களூர் அணிகள் மோதுகின்றன. இந்நிலையில், இன்றைய போட்டியின் மீது அதிக எதிர்பார்ப்பு ரசிகர்கள் மத்தியில் உள்ளது.

ஏனெனில் இதுவரை இந்த இரண்டு அணிகளும் ஐபிஎல் கிண்ணத்தை வென்றது இல்லை. இந்நிலையில் ஏதேனும் ஒரு அணி புதிதாக கிண்ணத்தை வெல்லும் என்பதால் அதிக எதிர்பார்ப்பு உள்ளது.

இந்நிலையில், இன்றைய போட்டியில் ரோயல் சேஞ்சஸ் பெங்களூர் அணி வெற்றி பெறும் பச்சத்தில் விராட் கோலி ஐபிஎல் தொடர்களிலிருந்து தனது ஓய்வை அறிவிக்கலாம் என்று எதிர்பார்க்கப்படுகிறது.

கடந்த 18ஆண்டுகளாக பெங்களூரு அணிக்காக விளையாடி வரும் விராட் கோலியால் தலைவராக இருந்தும் கிண்ணத்தை வெல்ல முடியவில்லை. ஏற்கனவே சர்வதேச டி20 மற்றும் டெஸ்ட் போட்டிகளில் இருந்தும் விராட் கோலி ஓய்வை அறிவித்துள்ளார்.

இதனால், இந்த ஆண்டுபெங்களூரு அணிக்காக எப்படியாவது கோப்பையை வென்று தரவேண்டும் என்ற முனைப்பில் விராட் கோலி இருந்து வருகிறார்.

இந்நிலையில் இன்றைய போட்டியின் முடிவில் தான் அவரது ஐபிஎல் எதிர்காலம் இருக்கும் என்று எதிர்பார்க்கப்படுவதாக இந்திய ஊடகங்கள் வெளியிட்டுள்ள செய்தியில் சுட்டிக்காட்டப்பட்டுள்ளது.

The post ஐ.பி.எல் இறுதிப் போட்டி இன்று – ஓய்வை அறிவிக்க தயாராகும் விராட் கோலி? appeared first on Oruvan.com.

இதன் மூலம் ஒரு அணிக்காக 300 சிக்ஸர்களை அடித்த முதல் வீரர் என்ற பெருமையை கோலி பெற்றுள்ளார்.

நடப்பு ஐபிஎல் தொடரில் பெங்களூரு சின்னசாமி மைதானத்தில் சென்னை சூப்பர் கிங்ஸுக்கு அணிக்கு எதிரான நேற்றையப் போட்டியில் அவர் இந்த சாதனையை நிகழ்த்தினார்.

2008 முதல் பெங்களூரு அணிக்காக விளையாடி வரும் கோலி, இதுவரை அந்த அணிக்காக 304 சிக்ஸர்களை அடித்துள்ளார்.

நேற்றையப் போட்டியில் கலீல் அகமது வீசிய மூன்றாவது ஓவரின் ஐந்தாவது பந்தில் சிக்ஸர் அடித்ததன் மூலம் வீரர் 300 சிக்ஸர்கள் என்ற மைல்கல்லை எட்டினார்.

மேற்கிந்திய தீவுகளின் முன்னாள் நட்சத்திரம் கிறிஸ் கெய்ல் (பெங்களூரு) 263 சிக்ஸர்களுடன் பட்டியலில் இரண்டாவது இடத்தில் உள்ளார். மும்பை இந்தியன்ஸ் அணிக்காக ரோஹித் சர்மா 262 சிக்ஸர்களுடன் மூன்றாவது இடத்தில் உள்ளார்.

இதனிடையே,, டி20 போட்டிகளில் ஒரே மைதானத்தில் 150 சிக்சர்கள் அடித்த சாதனையையும் கோலி படைத்துள்ளார். சின்னசாமி மைதானத்தில் விராட் கோலி இதுவரை 154 சிக்ஸர்கள் அடித்துள்ளார்.

நேற்றையப் போட்டியில் அபாரமான ஆட்டத்தை வெளிப்படுத்திய கோலி, 33 பந்துகளில் ஐந்து சிக்ஸர்கள் மற்றும் ஐந்து நான்கு ஓட்டங்கள் உட்பட 63 ஓட்டங்களை குவித்திருந்தார்.

இதேவேளை, நேற்றையப் போட்டியில் பெங்களூரு அணி இரண்டு ஓட்டங்களால் வெற்றிபெற்றிருந்ததுடன், புள்ளிப் பட்டியலிலும் முதல் இடத்திற்கு முன்னேறியுள்ளது.

சென்னை அணி நடப்பு ஐபிஎல் தொடரில் தொடர் தோல்விகளை சந்தித்து வரும் நிலையில் நேற்றுடன் ஒன்பதாவது தோல்வியை பதிவு செய்துள்ளமை குறிப்பிடத்தக்கது.

The post 300 சிக்ஸர்கள்….. முதல் வீரராக விராட் கோலி படைத்துள்ள புதிய சாதனை appeared first on Oruvan.com.

இதன்படி இருபதுக்கு இருபது கிரிக்கெட் போட்டிகளில் 13 ஆயிரம் ஓட்டங்களை கடந்த முதல் இந்திய வீரர் மற்றும் உலகின் ஐந்தாவது வீரர் என்ற பெருமையைப் விராட் கோலி பெற்றார்.

நடப்பு ஐபிஎல் தொடரில் மும்பை அணிக்கு எதிராக நேற்று இடம்பெற்ற போட்டியின் போது அவர் இந்த சாதனையை படைத்துள்ளார். இந்தப் போட்டியில் கோலி 42 பந்துகளில் 67 ஓட்டங்களை குவித்தார்.

எட்டு நான்கு ஓட்டங்கள், இரண்டு ஆறு ஓட்டங்கள் அடங்களாக 159.52 சராசரியில் அவர் இந்த ஓட்டங்களை குவித்திருந்தார்.

2025 ஐபிஎல்லில் விராட் கோலி, இதுவரை நான்கு போட்டிகளில் 164 ஓட்டங்களை குவித்துள்ளார். இதில் இரண்டு அரைச்சதங்களும் அடங்கும்.

இந்நிலையில், தனது ஒட்டுமொத்த டி20 கிரிக்கெட் வாழ்க்கையில், கோலி தற்போது 13 ஆயிரம் ஓட்டங்களை குவித்துள்ளார். 403 போட்டிகளில் விளையாடி அவர் இந்த ஓட்டங்களை குவித்துள்ளார்.

இதில் ஒன்பது சதங்கள் மற்றும் 99 அரைசதங்கள் அடங்கும். அதிகபட்சமாக 122 ஓட்டங்களை குவித்துள்ளார்.

போட்டி முடிந்த பின்னர் பேசிய விராட் கோலி, நவீன கால டி20 கிரிக்கெட்டில் தகவமைப்பு மற்றும் புதுமைகளை ஏற்படுத்த வேண்டியதன் அவசியத்தை வலியுறுத்தினார் என்பதும் குறிப்பிடத்தக்கது.

The post மற்றுமொரு புதிய மைல்கல்லை எட்டினார் விராட் கோலி appeared first on Oruvan.com.

விராட் கோலி மற்றும் பில் சால்ட் ஆகியோரின் அதிரடி துடுப்பாட்டத்தின் உதவியுடன் ரோயல் சேலஞ்சர்ஸ் பெங்களூரு அணி முதல் போட்டியை அபார வெற்றியுடன் ஆரம்பித்துள்ளது.

விராட் கோலி 36 பந்துகளில் 59 ஓட்டங்களையும், பில் சால்ட் 31 பந்துகளில் 56 ஓட்டங்களையும் குவித்திருந்தனர். கொல்கத்தா நிர்ணயித்த 174 என்ற இலக்கை பெங்களூரு அணி 16.2 ஓவர்களில் மூன்று விக்கெட்டுகளை இழந்து எளிதாக எட்டியது.

பவர் பிளேயில் பெங்களூரு அணிக்காக தொடக்க வீரர்கள் 80 ஓட்டங்களை குவித்தனர். இது ஐபிஎல் வரலாற்றில் பெங்களூரு அணியின் இரண்டாவது அதிகபட்ச பவர் பிளே ஓட்டக்குவிப்பாகும்.

நேற்றையப் போட்டியின் போது விராட் கோலி தனித்துவமான சாதனை ஒன்றையும் நிலைநாட்டியுள்ளார். ஐபிஎல் போட்டிகளில் கொல்கத்தா நைட் ரைடர்ஸ் அணிக்கு எதிராக 1000 ஓட்டங்களை அவர் கடந்துள்ளார்.

கொல்கத்தா அணிக்கு எதிரான 32 போட்டிகளில் விளையாடியுள்ள அவர் 1021 ஓட்டங்களை குவித்துள்ளார். மேலும், ஐபிஎல் போட்டிகளில் நான்காவது அணிக்கு எதிரான விராட் கோலி 1000 ஓட்டங்களை கடந்துள்ளார்.

முன்னதாக சென்னை சூப்பர் கிங்ஸ், பஞ்சாப் கிங்ஸ் மற்றும் டெல்லி கேபிடல்ஸ் அணிகளுக்கு எதிராக அவர் இந்த சாதனையை படைத்திருந்தார். இரண்டுக்கும் மேற்பட்ட அணிகளுக்கு எதிராக இந்த சாதனையை நிகழ்த்திய ஒரே வீரர் சாதனையையும் விராட் கோலி படைத்துள்ளார்.

மேலும, இந்த தொடரின் போது மற்றுமொரு சாதனையை படைக்கவும் விராட் கோலி தயாராகி வருகின்றார். ஒரு அணிக்கு எதிராக அதிக ஓட்டங்களை குவித்த வீரர் என்ற சாதனையை அவர் நிகழ்த்த வாய்ப்பு கிட்டியுள்ளது.

தற்போது, சாதனை அவுஸ்திரேலியா அணியின் முன்னாள் வீரர் ​​டேவிட் வார்னர் வசமுள்ளது. பஞ்சாப் கிங்ஸ் அணிக்கு எதிராக அவர் 1134 ஓட்டங்களை குவித்துள்ளார்.

இந்திய அணியின் முன்னாள் வீரர் ஷிகர் தவான் சென்னை அணிக்கு எதிராக 1105 ஓட்டங்களை குவித்து இரண்டாம் இடத்திலும் டேவிட் வார்னர் கொல்கத்தா அணிக்கு எதிராக 1093 ஓட்டங்களை குவித்து மூன்றாவது இடத்திலும் உள்ளனர்.

நான்காவது இடத்தில் உள்ள கோலி, இதுவரை சென்னைக்கு எதிராக 1081 ஓட்டங்களை குவித்துள்ளார். ஐபிஎல் தொடரில் அதிக சீசன்களில் ஒரே அணிக்காக விளையாடிய வீரர் என்ற பெருமையும் கோலி வசமுள்ளது.

ஐபிஎல் தொடர் ஆரம்பித்தது முதல் இதுவரையில் பெங்களூரு அணிக்காக மட்டுமே விராட் கோலி விளையாடி வருகின்றமை குறிப்பிடத்தக்கது.

The post ஐபிஎல் 2025 – விராட் கோலி படைத்துள்ள தனித்துவமான சாதனை appeared first on Oruvan.com.

பெங்களூரில் இன்று நடந்த ஒரு நிகழ்வில் RCB அணியின் சிஓஓ ராஜேஷ் மேனன் இந்த அறிவிப்பை வெளியிட்டார்.

2021ஆம் ஆண்டு RCB அணியில் ராஜத் படிதர் ஒப்பந்தம் செய்யப்பட்டார். வலது கை துடுப்பாட்ட வீரரான அவர் 27 ஐபிஎல் போட்டிகளில் அணியைப் பிரதிநிதித்துவப்படுத்தியுள்ளார்.

34.74 என்ற சராசரியில் அவர் 799 ஓட்டங்களை குவித்துள்ளார்.

2025ஆம் ஆண்டு ஐபிஎல் தொடரை முன்னிட்டு கடந்த ஆண்டு இறுதியில் நடத்தப்பட்ட மெகா ஏலத்தில் ​​கடந்த மூன்று பருவங்களாக அணித் தலைவராக செயப்பட்ட டு பிளெசிஸை RCB அணி விடுவித்திருந்தது.

மெகா ஏலத்தின் போது RCB அணி, கேஎல் ராகுல், ரிஷப் பந்த் மற்றும் ஸ்ரேயாஸ் ஐயர் போன்ற எந்த முக்கிய வீரர்களையும் தலைவர் பதிவிக்கு நியமிக்கும் வகையில் தெரிவுசெய்யவில்லை.

நடந்து முடிந்த மெகா ஏலத்தில் மொத்தம் 22 வீரர்களை RCB அணி ஒப்பந்தம் செய்திருந்தமை குறிப்பிடத்தக்கது.

The post RCB அணியின் புதிய தலைவராக ராஜத் படிதர் அறிவிப்பு appeared first on Oruvan.com.