சுற்றுலா அவுஸ்திரேலிய அணி இலங்கைக்கு கிரிக்கெட் சுற்றுப்பயணம் செய்து இரண்டுப் போட்டிகள் கொண்ட டெஸ்ட் மற்றும் ஒற்றை ஒருநாள் போட்டிகளில் பங்கேற்கின்றது.

முதலில் இரண்டுப் போட்டிகள் கொண்ட டெஸ்ட் தொடரின் முதல் போட்டி எதிர்வரும் 20ஆம் திகதி ஆரம்பிக்கின்றது. இவ்விரு போட்டிகளும் காலி சர்வதேச மைதானத்தில் இடம்பெறவுள்ளது.

இந்நிலையில் உலக டெஸ்ட் சம்பியன்ஷிப் தொடரின் இறுதிப் போட்டிக்கு ஏற்கனவே தென்னாபிரிக்க மற்றும் அவுஸ்திரேலிய அணிகள் தகுதி பெற்றிருக்க இத்தொடர் அவுஸ்திரேலிய அணிக்கு ஒரு பயிற்சி தொடராக இருக்கும் என கருதலாம்.

மேலும் அவுஸ்திரேலிய அணி இறுதியாக இந்திய அணிக்கு எதிரான ஐந்துப் போட்டிகள் கொண்ட டெஸ்ட் தொடரை 3-1 என இலகுவாக கைப்பற்றியே இறுதிப் போட்டிக்கான தமது வரவை உறுதி செய்யதிருந்தது.

இந்நிலையில் இலங்கைக்கு எதிராக இடம்பெறவுள்ள இரண்டுப் போட்டிகள் கொண்ட டெஸ்ட் தொடருக்கான அவுஸ்திரேலிய குழாம் இன்று (9) அறிவிக்கப்பட்டது. இதில் அவுஸ்திரேலிய அணியின் தலைவரான பட் கமின்ஸிற்கு ஓய்வு வழங்கியுள்ளது.

அதற்கேற்ப இலங்கைக்கு எதிரான டெஸ்ட் தொடரில் நட்சத்திர துடுப்பாட்ட வீரரான ஸ்டீவன் ஸ்மித் அவுஸ்திரேலிய அணியை தலைமைப் பெறுப்பேற்று வழிநடாத்துகின்றார்.

மேலும் அறிவிக்கப்பட்டுள்ள அணியைப் பொறுத்தவரையில் அனுபவமிக்க துடுப்பாட்ட வீரர்களான ஸ்மித்துடன் உஸ்மான் கவாஜா, லபுச்சேன், அலெக்ஸ் கெரி மற்றும் ட்ராவிஸ் ஹெட் ஆகியோர் இடம்பெற்றுள்ளனர்.

மேலும் பந்துவீச்சாளர்களில் மிச்சல் ஸ்டார்க், நேதன் லயன், போலன்ட் ஆகியோருடன் அறிமுக வீரர்களான வெப்ஸ்ட்டர் அத்துடன் இளம் வீரரான நேதன் மெக்சீவனி, இளம் சுழல்பந்துவீச்சாளர்களான டொட் மேர்பி, மேட் குஹ்னமேன் ஆகியோருக்கும் அவுஸ்திரேலிய குழாத்தில் வாய்ப்பு வழங்கப்பட்டுள்ளது.

எனினும் ஜோஷ் ஹேசல்வூட், மிச்சல் மார்ஷ் ஆகியோருக்கு உபாதை காரணமாக ஓய்வு வழங்கப்பட்டுள்ளது.

(அரபாத் பஹர்தீன்)

The post இலங்கைக்கு எதிரான டெஸ்ட் தொடர்; ஆஸி. அணியின் தலைவராக ஸ்மித் appeared first on Oruvan.com.