தற்போதைய இலங்கை கடவுச்சீட்டை கொண்டு உலகில் 41 நாடுகளுக்கு மட்டுமே விசா இல்லாமல் செல்ல பயணம் செய்ய முடியும்

கடந்த செப்டம்பர் 11 அன்று வெளியிடப்பட்ட குறியீட்டில் இலங்கை கடவுசீட்டு 97வது இடத்தில் இருந்தது.

2024 ஆம் ஆண்டில் 96வது இடத்தில் இருந்த இலங்கை, இந்த ஆண்டின் தொடக்கத்தில் ஐந்து இடங்கள் முன்னேறி 91வது இடத்தைப் பிடித்ததன் மூலம் குறிப்பிடத்தக்க முன்னேற்றம் கண்டிருந்தது.

எவ்வாறாயினும், உலகின் மிகவும் சக்திவாய்ந்த கடவுச்சீட்டு என்ற அங்கிகாரம் சிங்கப்பூருக்கு கடவுச்சீட்டிற்கு கிடைத்துள்ள, அந்நாட்டு கடவுச்சீட்டை கொண்டு 193 நாடுகளுக்கு விசா இல்லாமல் பயணிக்க முடியும்.

தென் கொரியா (190) இரண்டாவது இடத்தில் உள்ளது, அதே நேரத்தில் ஜப்பான் (190) மூன்றாவது இடத்தில் உள்ளது.

அண்டை நாடான இந்தியாவும் ஐந்து இடங்கள் சரிந்து 85வது இடத்தில் தரப்படுத்தப்பட்டுள்ளது. இந்திய கடவுச்சீட்டை கொண்டு 57 நாடுகளுக்கு விசா இல்லாமல் பயணிக்க முடியும்.

தெற்காசிய நாடுகளான வங்கதேசம் 100வது இடத்திலும், பாகிஸ்தான் 103வது இடத்திலும் உள்ளன.

ஆப்கானிஸ்தான் கடைசி இடத்தில் உள்ளது, அதன் குடிமக்கள் விசா இல்லாமல் 24 நாடுகளுக்கு மட்டுமே பயணிக்க முடியும் என்பது குறிப்பிடத்தக்கது.

The post உலக தரவரிசையில் இலங்கை கடவுச்சீட்டு பின்னடைவு appeared first on Oruvan.com.

இதன்படி, 96வது இடத்தில் இருந்து ஐந்து இடங்கள் முன்னேறி 91வது இடத்தில் இலங்கை கடவுச்சீட்டு தரப்படுத்தப்பட்டுள்ளது.

கடந்த ஆண்டு நான்கு இடங்கள் முன்னேறியிருந்த இலங்கை கடவுச்சீட்டு இம்முறை ஐந்து இடங்கள் முன்னேறியுள்ளதாக தெரிவிக்கப்பட்டுள்ளது.

ஒவ்வொரு நாடுகளுக்கும் விசா இல்லாமல் பயணிக்கக்கூடிய இடங்களைக் கருத்தில் கொண்டு “தி ஹென்லி 2025” ( “The Henley”) கடவுச்சீட்டு தரவரிசைப் பட்டியல் வெளியிடப்பட்டுள்ளது.

இதன்படி, இலங்கை கடவுச்சீட்டைப் பயன்படுத்தி 42 நாடுகளுக்கு விசா இல்லாமல் பயணிக்க முடியும் என தெரிவிக்கப்பட்டுள்ளது.

எவ்வாறாயினும், சிங்கப்பூர் கடவுச்சீட்டை வைத்திருப்பவர்களுக்கு 193 நாடுகளுக்கு விசா இல்லாமல் பயணிக்க முடியும் என்பதுடன், பட்டியலிலும் முதலிடம் பிடித்துள்ளது.

ஜப்பான் மற்றும் தென் கொரியாவின் கடவுச்சீட்டை வைத்திருப்பவர்கள் 190 நாடுகளுக்கு விசா இல்லாமல் பயணிக்க முடியும் என்பதுடன், இந்த நாடுகள் இரண்டாவது இடத்தில் தரப்படுத்தப்பட்டுள்ளன.

ஏழு ஐரோப்பிய நாடுகள் மூன்றாவது இடத்தை பகிர்ந்துகொண்டுள்ளன. இதன்படி, டென்மார்க், பின்லாந்து, பிரான்ஸ், ஜெர்மனி, அயர்லாந்து, இத்தாலி மற்றும் ஸ்பெயின் ஆகிய நாடுகளின் கடவுச்சீட்டுகளை வைத்திருப்பவர்கள் 189 நாடுகளுக்கு பயணிக்க முடியும் என தெரிவிக்கப்பட்டுள்ளது.

ஓஸ்திரியா, பெல்ஜியம், லக்சம்பர்க், நெதர்லாந்து, நோர்வே, போர்ச்சுகல் மற்றும் ஸ்வீடன் ஆகியவை நாடுகள் நான்காவது இடத்தைப் பிடித்துள்ளன. நியூசிலாந்து, கிரீஸ் மற்றும் சுவிட்சர்லாந்துடன் ஐந்தாவது இடத்தில் தரப்படுத்தப்பட்டுள்ளன.

எவ்வாறியனும், இங்கிலாந்து மற்றும் அமெரிக்கா இரண்டும் தலா ஒரு இடம் பின்தள்ளப்பட்டுள்ளதாக தெரிவிக்கப்பட்டுள்ளது. இரு நாடுகளும் முறையே ஆறாவது மற்றும் 10வது இடங்களில் உள்ளன.

இந்தியா எட்டு இடங்கள் முன்னேறி, 85வது இடத்திலிருந்து 77வது இடத்திற்கு முன்னேறியுள்ளது. அந்நாட்டு கடவுச்சீட்டு வைத்திருப்பவர்கள் தற்போது 59 நாடுகளுக்கு விசா இல்லாமல் பயணிக்க முடியும் என தெரிவிக்கப்பட்டுள்ளது.

The post உலக அளவில் பெரும் முன்னேற்றம் கண்டுள்ள இலங்கை கடவுச்சீட்டு appeared first on Oruvan.com.