இரு மாநிலங்களிலும் விடுப்பில் சென்ற அனைத்து பொலிஸ் அதிகாரிகளும் திரும்ப அழைக்கப்பட்டுள்ளனர். பொது இடங்களில் மக்கள் கூடுவதற்கு தடை விதிக்கப்பட்டது. எல்லை மாவட்டங்களில் உள்ள கல்வி நிறுவனங்களும் மூடப்பட்டுள்ளன.

பாகிஸ்தானுடன் 1,037 கிலோமீட்டர் எல்லையைப் பகிர்ந்து கொள்ளும் ராஜஸ்தானில் உள்ள எல்லைப் பகுதி, முழுமையாக எல்லைப் பாதுகாப்புப் படை கட்டுப்பாட்டில் உள்ளது.

சந்தேகத்திற்கிடமான சூழ்நிலையில் யாரைப் பார்த்தாலும் அவர்களைச் சுட அதிகாரிகளுக்கு அதிகாரம் வழங்கப்பட்டுள்ளது.

ஜோத்பூர், கிஷாங்காட் மற்றும் பிகானீர் விமான நிலையங்கள் மூடப்பட்டன. மேற்குப் பகுதி விமானப்படை போர் விமானங்களால் கண்காணிக்கப்படுகிறது. ஏவுகணை பாதுகாப்பு அமைப்பும் செயல்படுத்தப்பட்டுள்ளது.

குஜராத்தில் உள்ள கங்காநகர் முதல் ரான் ஆஃப் கட்ச் வரையிலான பகுதியில் சுகோய் ஜெட் விமானங்கள் கண்காணிப்பை தீவிரப்படுத்தியுள்ளன. பிகானீர், ஸ்ரீ கங்காநகர், ஜெய்சால்மர் மற்றும் பார்மர் மாவட்டங்களில் உள்ள பாடசாலைகள் மூடப்பட்டு தேர்வுகள் ஒத்திவைக்கப்பட்டுள்ளன.

பொலிஸாரை தவிர, ரயில்வே ஊழியர்களின் விடுப்பும் ரத்து செய்யப்பட்டுள்ளது. தேவைப்படும் நேரங்களில் எல்லை கிராமங்களை காலி செய்வதற்கான ஏற்பாடுகள் இறுதி கட்டத்தில் உள்ளன.

அவசரகால சூழ்நிலைகளுக்கு வைத்தியசாலைகள் தயாராக இருக்க அறிவுறுத்தல்கள் உள்ளன. ஜெய்சால்மர் மற்றும் ஜோத்பூரில் நள்ளிரவு முதல் அதிகாலை 4 மணி வரை மின் தடை செய்ய உத்தரவிடப்பட்டுள்ளது.

இந்த நேரத்தில் வீடுகளிலும் பிற இடங்களிலும் விளக்குகளை அணைக்க வேண்டும். எதிரி விமானங்களுக்கு இலக்காக மாறுவதைத் தவிர்ப்பதற்காக இந்த நடவடிக்கை எடுக்கப்பட்டுள்ளது.

பஞ்சாபில், முதல்வர் பகவந்த் மான் அனைத்து அதிகாரப்பூர்வ நிகழ்வுகளையும் ரத்து செய்துள்ளார். பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் புதன்கிழமை காலை ஒன்பது பயங்கரவாத முகாம்களை இந்தியப் படைகள் அழித்துவிட்டன.

ஆபரேஷன் சிந்தூர் என்ற குறியீட்டுப் பெயரிடப்பட்ட 25 நிமிடப் பணியில் 24 ஏவுகணைகளை வீசி பயங்கரவாத முகாம்கள் அழிக்கப்பட்டன.

இந்த கூட்டு நடவடிக்கை மூலம் லஷ்கர்-இ-தொய்பா மற்றும் ஜெய்ஷ்-இ-முகமது போன்ற பயங்கரவாத அமைப்புகளின் பயிற்சி முகாம்களை அழிக்க முடிந்ததாக இந்திய தரப்பு தெரிவித்துள்ளது.

The post எல்லைகள் மூடப்பட்டன, ஏவுகணை பாதுகாப்பு அமைப்பு தயார் – இந்திய-பாக் எல்லை பகுதியில் கடும் பதற்றம் appeared first on Oruvan.com.

இந்தியா மற்றும் பாகிஸ்தான் இடையே போர் பதற்றம் அதிகரித்துள்ள நிலையில், இன்று (08) காலை பாகிஸ்தானின் லாகூரில் மூன்று குண்டுவெடிப்புகள் நிகழ்ந்ததாக அறிவிக்கப்பட்டது.

பாதுகாப்பு கவலைகளை மேற்கோள் காட்டி, கராச்சிக்கான விமானங்கள் தற்போது வரை பாதிக்கப்படவில்லை என்பதை விமான நிறுவனம் உறுதிப்படுத்தியுள்ளது.

இந்தியாவிற்கும் பாகிஸ்தானுக்கும் இடையில் அதிகரித்து வரும் பதட்டங்கள் மற்றும் பிராந்தியத்தில் ஏற்பட்டுள்ள மோதல் வான்வெளி கட்டுப்பாடுகளுக்கு வழிவகுத்த நிலையில் ஸ்ரீலங்கன் ஏர்லைன்ஸின் இந்த அறிவிப்பு வெளியாகியுள்ளது.

புதுப்பிப்புகள் மற்றும் மாற்று பயண ஏற்பாடுகளுக்கு பயணிகள் விமான நிறுவனத்தைத் தொடர்பு கொள்ள அறிவுறுத்தப்படுகிறார்கள்.

பல சர்வதேச விமான வழித்தடங்களில் இடையூறுகளுக்கு வழிவகுத்த இந்தியாவிற்கும் பாகிஸ்தானுக்கும் இடையிலான அதிகரித்த பதட்டங்களுக்கு மத்தியில் இந்த முடிவு எடுக்கப்பட்டுள்ளது.

லாகூர் விமானங்களில் முன்பதிவு செய்த பயணிகள், மறு அட்டவணை அல்லது பணத்தைத் திரும்பப் பெறுவது தொடர்பான கூடுதல் தகவலுக்கு விமான நிறுவனத்தைத் தொடர்பு கொள்ளுமாறு ஸ்ரீலங்கன் ஏர்லைன்ஸ் வலியுறுத்தியது.

இடைநிறுத்தத்தின் காலம் குறித்து மேலதிக விபரங்கள் எதுவும் வெளியிடப்படவில்லை.

The post இந்தியா-பாகிஸ்தான் போர் பதற்றம்; லாகூருக்கான ஸ்ரீலங்கன் ஏர்லைன்ஸ் விமானம் நிறுத்தம் appeared first on Oruvan.com.

“இந்த நியாயமற்ற தாக்குதல்கள் கற்பனையான பயங்கரவாத முகாம்கள் இருப்பதாக பொய்யான சாக்குப்போக்கின் கீழ் வேண்டுமென்றே பொதுமக்கள் பகுதிகளை குறிவைத்துள்ளன.

இதன் விளைவாக அப்பாவி ஆண்கள், பெண்கள் மற்றும் குழந்தைகள் கொல்லப்பட்டனர், மேலும் மசூதிகள் உட்பட பொதுமக்களின் உள்கட்டமைப்புக்கு சேதம் விளைவிக்கப்பட்டுள்ளதாக,” என்று அந்த அலுவலக அறிக்கையில் தெரிவிக்கப்பட்டுள்ளது.

“ஐ.நா. சாசனத்தின் பிரிவு 51 இன் படி, அப்பாவி பாகிஸ்தானிய உயிர்களை பலி வாங்கியமைக்கும் அதன் இறையாண்மையை அப்பட்டமாக மீறியதற்கும் பழிவாங்க, தற்காப்புக்காக, அது தேர்ந்தெடுக்கும் நேரத்தில், இடத்தில் மற்றும் முறையில் பதிலளிக்கும் உரிமையை பாகிஸ்தான் கொண்டுள்ளது.”

“இது தொடர்பாக பாகிஸ்தான் ஆயுதப்படைகள் உரிய நடவடிக்கைகளை எடுக்க முறையாக அதிகாரம் பெற்றுள்ளன,” என்று அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது.

பாகிஸ்தானின் தேசிய பாதுகாப்பு குழு, இந்தியா “பிராந்தியத்தில் ஒரு தீயை மூட்டியுள்ளதாக” கூறியதுடன், இந்தியா இதற்கு பொறுப்புக் கூற வேண்டும் என்றும் வலியுறுத்தியுள்ளது.

The post இந்தியாவைத் தாக்க பாகிஸ்தான் இராணுவத்திற்கு அனுமதி appeared first on Oruvan.com.

இன்று அதிகாலை முதல் ஆக்கிரமிப்பு காஷ்மீர் பகுதியில் இந்திய இராணுவம் பயங்கரவாதிகள் தங்கியிருந்த இடங்களை குறிவைத்து தாக்குதல் நடத்தியது.

தாக்குதல் குறித்து பாகிஸ்தான் வெளியுறவு அமைச்சர் முகமது இஷாக் டார் கருத்து வெளியிடுகையில், இந்தியத் தாக்குதல்களில் எட்டு பொதுமக்கள் உயிரிழந்துள்ளதாகவும், 35 பேர் காயமடைந்துள்ளதாகவும் தெரிவித்துள்ளார்.

அகமதுபூர் கிழக்கு நகரில் அதிக எண்ணிக்கையிலான உயிரிழப்புகள் பதிவாகியுள்ளதாக அவர் மேலும் கூறுகிறார்.

இந்திய இராணுவம் மேற்கொண்ட தாக்குதலை பாகிஸ்தான் பிரதமர் ஷப்பாஸ் ஷெரீப் உறுதிபடுத்தியுள்ளார். இதையடுத்து லாகூர், சியல்கோட் விமான நிலையங்களை அடுத்த 48 மணி நேரத்திற்கு பாகிஸ்தான் மூடியது.

கடந்த மாதம் 22ஆம் திகதி பஹல்காமில் தீவிரவாதிகள் மேற்கொண்ட தாக்குதலில் குறைந்தது 26 பேர் கொல்லப்பட்டனர். இந்த தாக்குதலை தொடர்ந்து இரு நாடுகளுக்கும் இடையில் போர் பதற்றம் ஏற்பட்டிருந்தது.

பாகிஸ்தானுக்கு எதிராக இந்திய பல்வேறு இராஜதந்திர நடவடிக்கைகளை எடுத்திருந்த நிலையில், பாகிஸ்தானும் இந்தியாவுக்கு எதிராக பல்வேறு நடவடிக்கைகளை எடுத்திருந்தது.

மேலும், இந்தியா மற்றும் பாகிஸ்தானுக்கு இடையில் போர் வெடிக்கும் என்ற நிலைப்பாடு உருவாகியது. இதனையடுத்து இரு நாடுகளும் இந்த விடயத்தில் பொறுமையை கடைப்பிடிக்குமாறு உலக நாடுகளும் வலியுறுத்தியிருந்தன.

நாடு முழுவதும் அனைத்து மாநிலங்கள் மற்றும் யூனியன் பிரதேசங்களில் இன்று (ஏழாம் திகதி) போர் கால ஒத்திகை நடத்தப்படும் என மத்திய உள்துறை அமைச்சகம் உத்தரவிட்டது.

இந்நிலையிலேயே, இன்று அதிகாலை ஒபரேஷன் சிந்தூர் என்ற பெயரில் இந்தியா இந்த தாக்குதலை நடத்தியுள்ளது.

இந்தியப் படைகள் மூன்று இடங்களில் ஏவுகணைகள் மூலம் பாகிஸ்தானைத் தாக்கியதாக பாகிஸ்தான் இராணுவ செய்தித் தொடர்பாளர் அந்நாட்டு அரசு தொலைக்காட்சியில் மேற்கோள் காட்டியுள்ளார்.

பாகிஸ்தான் நிர்வாகத்தில் உள்ள காஷ்மீர் மாநிலத்தின் எல்லைப் பகுதிகளில் கடுமையான ஷெல் தாக்குதல்கள் மற்றும் பலத்த வெடிப்புகள் ஏற்பட்டதாக ரொய்ட்டர்ஸ் செய்தி நிறுவனம் தெரிவித்துள்ளது.

இந்தியாவின் தாக்குதலை தொடர்ந்து லாகூர், பஞ்சாபில் அவசரநிலை பிரகடனத்தை பாகிஸ்தான் அறிவித்துள்ளது.

இதனிடையே, இந்திய நிர்வாகத்திற்கு உட்பட்ட காஷ்மீரின் ஜம்மு, சம்பா, கதுவா, ரஜோரி மற்றும் பூஞ்ச் ​​பகுதிகளில் உள்ள அனைத்து பள்ளிகள், கல்லூரிகள் மற்றும் கல்வி நிறுவனங்கள் இன்றும் மூடப்படும் என்று அதிகாரிகள் அறிவித்துள்ளனர்.

இன்று அதிகாலை, இந்திய நிர்வாகத்திற்கு உட்பட்ட காஷ்மீரில் பீம்பர் காலி பகுதியில் பாகிஸ்தான் பீரங்கித் தாக்குதல் நடத்தியதாக இந்திய இராணுவம் தெரிவித்துள்ளது.

பிராந்தியத்தின் பல பகுதிகளில் வெடிச்சத்தம் கேட்டதாக உள்ளூர்வாசிகள் பிபிசியிடம் தெரிவித்தனர்.

காஷ்மீரில் பாகிஸ்தான் படையினர் நடத்திய ஷெல் தாக்குதலில் மூன்று இந்திய பொதுமக்கள் கொல்லப்பட்டதாக இந்திய இராணுவம் தெரிவித்துள்ளது.

எவ்வாறாயினும், ஐந்து இந்திய போர் விமானங்களை சுட்டு வீழ்த்தியதாக பாக்கிஸ்தான் இராணுவ செய்தித் தொடர்பாளர் குறிப்பிட்டுள்ளார்.

The post போர் துவங்கியது : பாகிஸ்தான் மீது இந்தியா தாக்குதல், எட்டுப் பேர் பலி appeared first on Oruvan.com.

இதன்படி, கொழும்பில் உள்ள பாகிஸ்தான் தூதருக்கு எதிராக இந்திய வம்சாவளி சமூக ஆர்வலர்கள் போராட்டம் நடத்தினர்.

மக்களைக் கொலை செய்வதன் மூலம் எந்த தீர்வையும் அடைய முடியாது என்றும், அதற்கு பதிலாக அனைவரும் சமாதானம், அமைதி மற்றும் நல்லிணக்கத்துடன் வாழ வேண்டும் என்றும் போராட்டக்காரர்கள் சுட்டிக்காட்டினர்.

இதுபோன்ற காட்டுமிராண்டித்தனமான செயல்களைக் கட்டுப்படுத்தவும், நாட்டில் செயல்படும் பயங்கரவாதிகள் மற்றும் பயங்கரவாத நடவடிக்கைகளை ஒழிக்கவும் பாகிஸ்தானை வலியுறுத்தி அவர்கள் ஆர்ப்பாட்டத்தில் ஈடுபட்டனர்.

The post ஜம்மு-காஷ்மீரில் தீவிரவாத தாக்குதல் – பாகிஸ்தான் தூதருக்கு எதிராக கொழும்பில் ஆர்ப்பாட்டம் appeared first on Oruvan.com.

இந்தியாவின் ஜம்மு காஷ்மீரில் நடந்த கொடிய பஹல்காம் பயங்கரவாதத் தாக்குதல் நடந்து ஓரிரு நாட்களுக்கு பின்னர் இந்த கொலை மிரடை்டல் விடுக்கப்பட்டுள்ளது.

இந்த மிரட்டலைத் தொடர்ந்து, கம்பீர் டெல்லியின் ராஜீந்தர் நகர் காவல் நிலையத்தில் ஒரு முறையான முறைப்பாட்டை பதிவு செய்துள்ளார்.

கடந்த 22ஆம் திகதி கம்பீருக்கு இரண்டு மின்னஞ்சல்கள் வந்தன – ஒன்று மதியம் மற்றும் ஒன்று மாலை – அதில் ‘IKillU’ என்று எழுதப்பட்டிருந்தது, என்று செய்தி நிறுவனம் ANI தெரிவித்துள்ளது.

பஹல்காம் பயங்கரவாதத் தாக்குதலுக்கு கம்பீர் தனது சமூக பக்கமான எக்ஸ் தளத்தில், “இறந்தவர்களின் குடும்பங்களுக்காக பிரார்த்தனை செய்வதாகவும், இதற்குக் காரணமானவர்களை இந்தியா தாக்கும்” என்று பதிவிட்டிருந்தார்.

இந்திய மண்ணில் நடந்த மிக மோசமான தாக்குதல்களில் ஒன்றான பஹல்காம் தாக்குதலில் குறைந்தது 26 பேர் உயிரிழந்தனர். பெரும்பாலும் சுற்றுலாப் பயணிகள் கொல்லப்பட்டனர்.

தாக்குதலுக்குப் பிறகு சந்தேகிக்கப்படும் பயங்கரவாதியின் வரைபடத்தை பாதுகாப்பு நிறுவனங்கள் வெளியிட்டுள்ளதுடன், இந்திய அரசாங்கமும் கடும் நடவடிக்கைகளை எடுத்துள்ளமை குறிப்பிடத்கதக்து.

The post பஹல்காம் பயங்கரவாத தாக்குதல்: கவுதம் கம்பீருக்கு கொலை மிரட்டல் appeared first on Oruvan.com.

அவற்றில் மிக முக்கியமானது சிந்து நதி நீர் ஒப்பந்தத்தை ‘நிறுத்தி வைத்தல்’ ஆகம், பல நிபுணர்கள் இதை அண்டை நாடுகளுக்கு இடையிலான முதல் நீர் போரின் ஆரம்பம் என்று அழைக்கின்றனர்.

பிரதமர் நரேந்திர மோடி, தேசிய பாதுகாப்பு குறித்த உயர்மட்ட கூட்டத்தை நேற்று நடத்திய பின்னர் எடுக்கப்பட்ட இந்த முடிவு, இந்தியாவின் எதிர்முனை தாக்குதலின் அதிரடியை குறிக்கிறது.

பாகிஸ்தான் “நம்பகத்தன்மையுடனும் மீளமுடியாத வகையிலும்” எல்லை தாண்டிய பயங்கரவாதத்திற்கான ஆதரவை கைவிடும் வரை சிந்து நதி நீர் ஒப்பந்தம் இடைநிறுத்தப்பட்டிருக்கும் என்று மத்திய அரசு அறிவித்தது.

இந்திய அரசாங்கத்தின் இந்த நடவடிக்கை பாகிஸ்தானின் நதி மேலாண்மையில் கடுமையான தாக்கத்தை ஏற்படுத்தக்கூடும், இது வரும் ஆண்டுகளில் ஒரு பெரிய நீர் நெருக்கடிக்கு வழிவகுக்கும் என சுட்டிக்காட்டப்பட்டுள்ளது.

கடந்த மாதம், சிந்து நதி அமைப்பு ஆணையம் (IRSA), பாகிஸ்தானில் உள்ள பஞ்சாப் மற்றும் சிந்து மாகாணங்களுக்கு நடப்பு பயிர் பருவத்தின் கடைசி கட்டத்தில் 35 சதவீத நீர் பற்றாக்குறை ஏற்படும் என்று எச்சரித்தது.

மேலும், பாகிஸ்தான் நீடித்த வறட்சியை அனுபவித்து வருவதுடன், அங்கு மழைப்பொழிவு சராசரியை விடக் குறைவாக உள்ளது.

இந்திய அரசாங்கத்தின் இந்த முடிவு பாகிஸ்தானின் நிலைமையை மோசமாக்கக்கூடும், ஏனெனில் தற்போது, ​​இந்தியத் தரப்பிலிருந்து அவர்களுக்கு எந்த தகவலும் தரவும் வழங்கப்படாது, இது மோசமான நதி மேலாண்மைக்கு வழிவகுக்கும்.

பாகிஸ்தான் உலகின் வறண்ட நாடுகளில் ஒன்றாகும், பாகிஸ்தானின் மொத்த விவசாய உற்பத்தியில் சுமார் 90 சதவீதம் சிந்து நதி நீர்ப்பாசன முறையால் ஆதரிக்கப்படும் விளைநிலங்களில் நிகழ்கிறது.

இந்திய நதிகளில் இருந்து விவசாயம் மற்றும் நீர் மின்சாரம் பாகிஸ்தானின் மொத்த உள்நாட்டு உற்பத்தியில் 24 சதவீதத்தையும், அதன் வேலைவாய்ப்பில் 45 சதவீதத்தையும், அதன் ஏற்றுமதியில் 60 சதவீதத்திற்கும் அதிகமானதையும் இயக்குகிறது.

உலக வங்கியின் தலையீட்டின் பேரில் 1960 ஆம் ஆண்டு கையெழுத்தான சிந்து நதி நீர் ஒப்பந்தம், இந்தியாவிற்கும், பாகிஸ்தானுக்கும் இடையிலான நீடித்த ஒத்துழைப்பின் அரிய நிகழ்வாக கருதப்படுகிறது.

இந்த ஒப்பந்தத்தின் கீழ், கிழக்கு நதிகளான ரவி, பியாஸ் மற்றும் சட்லஜ் ஆகியவற்றின் மீது இந்தியாவிற்கு பிரத்தியேக கட்டுப்பாடு வழங்கப்பட்டது.

அதே நேரத்தில், ஜம்மு மற்றும் காஷ்மீரில் உள்ள இந்தியப் பிரதேசத்தில் உருவெடுத்தாலும், மேற்கு நதிகளான சிந்து, ஜீலம் மற்றும் செனாப் ஆகியவற்றின் மீது பாகிஸ்தானுக்கு உரிமைகள் வழங்கப்பட்டன.

இந்த ஒப்பந்தம் இத்தனை ஆண்டுகள் போர்கள் மற்றும் இராஜதந்திர முறிவுகளுக்கு மத்தியிலும் நீடித்தது. ஆனால் சமீபத்தில் நடந்த பஹல்காம் தாக்குதலுக்கு பின்னர், மத்திய அரசு தனது முடிவை மறுபரிசீலனை செய்துள்ளதாக தெரிகிறது.

எவ்வாறாயினும், இந்திய அரசாங்கத்தின் இந்த முடிவுக்கு எதிராக பாகிஸ்தான் சர்வதேச அமைப்புகளின் கதவுகளைத் தட்டிவிடும் என்று எதிர்பார்க்கப்படுகிறது,

The post பஹல்காம் தாக்குதல் – இந்தியாவிற்கும் பாகிஸ்தானுக்கும் இடையிலான முதல் நீர் போரின் தொடக்கமா? appeared first on Oruvan.com.