உண்மையான பௌத்த தத்துவத்தின் மூலம் அனைவரது வாழ்விலும் ஒளியையும் அமைதியையும் கொண்டு வருவதற்காகப் பாடுபடுவது மிகவும் முக்கியமானதாகும் என பிரதமர் தனது பொசன் தின வாழ்த்து செய்தியில் குறிப்பிட்டுள்ளார்.

மேலும் அவரது வாழ்த்துச் செய்தியில் தெரிவித்திருப்பதாவது.

“பௌத்த சமய வரலாற்றின்படி, நாட்டில் வன்முறையற்ற ஒரு அகிம்சை சமூகத்தை உருவாக்குவதற்கான முதற்படி பொசன் நோன்மதித் தினத்தை அடிப்படையாகக் கொண்டே எடுத்துவைக்கப்பட்டது.

உன்னதமான கலாசார வாழ்க்கையையும் பரிவுணர்வையும் கொண்ட மக்களை உருவாக்கும் உயர்ந்த பொறுப்பை சுமந்துள்ள ஒரு அரசாங்கம் என்ற வகையில், அகிம்சை மற்றும் சகவாழ்வின் செய்தியை மென்மேலும் பிரகாசிக்கச் செய்ய பாடுபடுவோம்.

முழு நாடும் மீண்டும் புதியதோர் மறுமலர்ச்சி யுகத்தை நோக்கிப் பயணிக்கும் இச்சந்தர்ப்பத்தில், இந்த ஆண்டு பொசன் நோன்மதித் தினம், அந்த புதிய யுகத்திற்கு ஆசீர்வாதமாக அமைய வேண்டும் என்பது தமது பிரார்த்தனையாகும்” என தெரிவிக்கப்பட்டுள்ளது.

The post பொசன் பூரணை தினத்தை முன்னிட்டு பிரதமர் வாழ்த்து appeared first on Oruvan.com.

இதன்படி, கொழும்பு கோட்டையிலிருந்து அனுராதபுரத்திற்கு 20 ரயில் சேவைகளும், அனுராதபுரத்திலிருந்து மிஹிந்தலைக்கு 36 ரயில் சேவைகளும் இயக்கப்படும் என ரயில்வே பொது மேலாளர் தம்மிக்க ஜெயசுந்தர தெரிவித்தார்.

தேசிய பொசன் விழா அனுராதபுரம் நகரத்தின், புனித தலங்களான மிஹிந்தலை மற்றும் தந்திரிமலையை மையமாகக் கொண்டு நடத்த திட்டமிடப்பட்டுள்ளது.

பொசன் வாரம் 13 ஆம் திகதி வரை தொடரும் நிலையில் வருகைத்தரும் பக்தர்களின் வசதிக்காக தேவையான அனைத்து ஏற்பாடுகளும் தற்போது செய்யப்பட்டு வருவதாக பொசன் குழு தெரிவித்துள்ளது.

The post பொசன் பண்டிகையை முன்னிட்டு விசேட ரயில் சேவைகள் appeared first on Oruvan.com.