இந்த விஜயத்தின் போது இரு நாடுகளுக்கும் இடையிலான சுதந்திர வர்த்தக ஒப்பந்தம் குறித்த பேச்சுவார்த்தைகள் தீர்க்கமான முடிவுக்கு வரும் என இந்தியாவிற்கான இஸ்ரேலிய தூதுவர் தெரிவித்துள்ளார்.

இந்தியாவும், இஸ்ரேலும் தங்களின் பாதுகாப்பு ஒப்பந்தங்களை புதுப்பிப்பதன் மூலம் தங்கள் பாதுகாப்பு கூட்டாண்மையை விரிவுப்படுத்தும் எனவும் அவர் சுட்டிக்காட்டியுள்ளார்.

ஒன்பது ஆண்டுகளில் இந்திய பிரதமர் நரேந்திர மோடி இஸ்ரேலுக்கு மேற்கொள்ளும் இரண்டாவது பயணம் இதுவாகும்.

கடந்த 2017ஆம் ஆண்டு ஜூலை மாதம் மேற்கொண்ட பயணத்தின் போது இருநாடுகளுக்கும் இடையிலான இருதரப்பு உறவு மூலோபாய கூட்டாண்மையாக மேம்படுத்தப்பட்டமை குறிப்பிடத்தக்கது.

The post பிரதமர் மோடி இஸ்ரேல் பயணம்! appeared first on Oruvan.com.

புது டில்லியில் இடம்பெற்று வரும் செயற்கை நுண்ணறிவு தாக்க உச்சி மாநாட்டின் ஒரு பகுதியாக, பிரதமர் நரேந்திர மோடி கூகிள் தலைமை நிர்வாக அதிகாரி சுந்தர் பிச்சையை சந்தித்துள்ளார்.

தொழில்நுட்பம், செயற்கை நுண்ணறிவு, புதிய கண்டுபிடிப்புகள், இந்தியாவின் வளர்ந்து வரும் டிஜிட்டல் சூழல் அமைப்பை வலுப்படுத்துவது குறித்து இருவரும் விவாதித்தாக தகவல் வெளியாகியுள்ளது.

இது குறித்து கருத்து வெளியிட்டுள்ள இந்திய பிரதமர், சுந்தர் பிச்சையைச் சந்தித்தது மகிழ்ச்சியான தருணம் என குறிப்பிட்டுள்ளார்.

செயற்கை நுண்ணறிவில் இந்தியா செய்து வரும் பணிகள் மற்றும் இந்தத் துறையில் நமது திறமையான மாணவர்கள், நிபுணர்களுடன் கூகிள் எவ்வாறு இணைந்து பணியாற்ற முடியும் என்பது குறித்துப் பேசியதாகவும் பிரதமர் மோடி குறிப்பிட்டுள்ளார்.

செயற்கை நுண்ணறிவு தாக்க உச்சி மாநாட்டில் கலந்து கொள்ள இன்று புதன் கிழமை டில்லி வந்த சுந்தர் பிச்சை, இந்தியாவுக்குத் திரும்பியது “மகிழ்ச்சி” தருணம் என தெரிவித்துள்ளார்.

டில்லியின் பாரத் மண்டபத்தில் செயற்கை நுண்ணறிவு தாக்க உச்சி மாநாடு நடந்து வருகிறது. நேற்று முன்தினம் மாநாட்டை பிரதமர் மோடி தொடங்கி வைத்தார்.

ஆறு நாட்கள் நாட்கள் நடக்கும் இந்த மாநாடு எதிர்வரும் 21ஆம் திகதி நிறைவுபெறுகின்றது. இதில் உலக நாடுகளின் செயற்கை நுண்ணறிவு கண்டுபிடிப்புகள் காட்சிக்கு வைக்கப்பட்டு விளக்கம் அளிக்கப்படுகிறமை குறிப்பிடத்தகது.

The post கூகிள் தலைமை நிர்வாக அதிகாரி சுந்தர் பிச்சை பிரதமர் மோடியுடன் சந்திப்பு appeared first on Oruvan.com.

வரலாற்று சிறப்பு மிக்க தெவ்னிமோரி புத்த பெருமானின் புனித சின்னங்களை இந்தியாவுக்கு திருப்பிக் கொண்டு செல்வதற்காக இந்தியாவின் மத்தியப் பிரதேச ஆளுநர் மங்குபாய் படேல் மற்றும் அருணாச்சலப் பிரதேச துணை முதல்வர் சௌனா மேய்ன் உள்ளிட்ட இந்திய தூதுக்குழுவினர் இன்று (09) பிற்பகல் இலங்கைக்கு வருகை தந்துள்ளனர்.

அதன்படி, எதிர்வரும் 11 ஆம் திகதி தெவ்னிமோரி புனித சின்னங்களை இந்தத் தூதுக்குழு இந்தியாவுக்கு கொண்டு செல்லவுள்ளது.

இந்தியப் பிரதமர் நரேந்திர மோடியின் அண்மைய இலங்கை விஜயத்தின் போது ஜனாதிபதி அநுர குமார திசாநாயக்கவுடன் நடத்தப்பட்ட கலந்துரையாடலின் விளைவாக, இந்தியப் பிரதமர் நரேந்திர மோடியின் தலையீட்டின் கீழ் இந்திய அரசாங்கத்தின் முழு அனுசரணையுடன் தெவ்னிமோரி புனித சின்னங்கள் கடந்த நான்காம் திகதி இலங்கைக்குக் கொண்டுவரப்பட்டு கொழும்பு, ஹுனுபிட்டி கங்காராம விகாரையில் மக்கள் தரிசனத்திற்காக வைக்கப்பட்டது.

பெப்ரவரி 05 ஆம் திகதி முதல் 11 ஆம் திகதி வரை 24 மணி நேரமும் புனித சின்னங்களை வழிபட பொதுமக்களுக்கு வாய்ப்பு வழங்கப்பட்டுள்ளது.

இந்தியாவின் பரோதா அருங்காட்சியகத்தில் மிகவும் பாதுகாப்பாக வைக்கப்பட்டிருந்த இந்தப் புனிதச் சின்னங்கள், இதுவரை இந்தியாவிற்கு வெளியே கொண்டு செல்லப்படவில்லை.

முதன்முறையாக, இலங்கை மக்கள் இந்தப் புனிதச்சின்னங்களைத் தங்கள் கண்களால் பார்த்து வழிபடும் வாய்ப்பைப் பெற்றிருப்பது சிறப்புக்குரியது.

The post புத்த பெருமானின் புனித சின்னங்களை மீள கொண்டுச் செல்ல வந்த இந்திய தூதுக்குழு appeared first on Oruvan.com.

தனது எக்ஸ் தள பதிவொன்றில் இந்திய பிரதமர் இவ்வாறு கூறியுள்ளார். அந்த பதிவில் மேலும் தெரிவித்துள்ளதாவது,

2025 ஏப்ரலில் எனது விஜயத்தின்போது இச்சின்னங்களை இலங்கைக்கு அனுப்புவது குறித்து தீர்மானிக்கப்பட்டதுடன் அதன் அடிப்படையில் மக்கள் வழிபாட்டினை மேற்கொள்வதற்கான வாய்ப்பு கிடைக்கப்பெற்றுள்ளது.

நமது நாடுகள் ஆழமான நாகரீக மற்றும் ஆன்மீக பிணைப்புகளினால் இணைக்கப்பட்டுள்ளன.

புத்த பெருமானின் கருணை, அமைதி மற்றும் நல்லிணக்கம் குறித்த காலத்தால் அழியாத செய்தியானது தொடர்ந்து மனித குலத்துக்கு வழிகாட்டட்டும்.” என்று தெரிவிக்கப்பட்டுள்ளது.

கொழும்பிலுள்ள புனித கங்காராமை விகாரையில் புனித தேவ்னிமோரி சின்னங்களின் தரிசனத்தை ஆரம்பித்துவைத்தமைக்காக ஜனாதிபதி அநுர குமார திசாநாயக்க அவர்களுக்கு நன்றி.

2025 ஏப்ரலில் எனது விஜயத்தின்போது இச்சின்னங்களை இலங்கைக்கு அனுப்புவது குறித்து தீர்மானிக்கப்பட்டதுடன் அதன் அடிப்படையில்… https://t.co/rLGTRudlsZ

— Narendra Modi (@narendramodi) February 5, 2026

The post ஜனாதிபதி அநுரவுக்கு நன்றி தெரிவித்த இந்திய பிரதமர் appeared first on Oruvan.com.

விரைவில் தமிழக சட்ட சபை தேர்தல் இடம்பெறவுள்ள நிலையில், பிரதமர் நரேந்திர மோடியில் விஜயம் முக்கியத்துவம் பெற்றுள்ளது.

கூட்டணியை பலப்படுத்தி தமிழகத்தில் ஆட்சியை கைப்பற்ற பாரதிய ஜனதா கட்சி சார்பில் வியூகங்கள் வகுக்கப்பட்டுள்ளன.

இந்நிலையில், மூன்று நாள் பயணமாக மோடி தமிழகம் வரவுள்ளதாக தெரிவிக்கப்பட்டுள்ளது.

ஜனவரி 13ஆம் திகதி தமிழகம் வரும் பிரதமர் 15ஆம் திகதி வரை பல்வேறு நிகழ்ச்சிகளில் பங்கேற்பார் என தெரிவிக்கப்பட்டுள்ளது.

குறிப்பாக விவசாயிகளுடன் பொங்கல் விழா கொண்டாட்டத்தில் பிரதமர் பங்கேற்பார் என்று கூறப்படுகிறது.

தமிழகத்தில் விவசாயிகளுடன் இணைந்து முதல்முறையாக பிரதமர் மோடி கொண்டாடும் பொங்கல் விழாவாக இது இருக்கும் என எதிர்பார்க்கப்படுகிறது.

ராமேஸ்வரத்தில் நடைபெற உள்ள காசி தமிழ் சங்கமம் நிறைவு விழா மற்றும் தமிழக பாஜக தலைவர் நயினார் நாகேந்திரன் நடத்தும் யாத்திரை நிறைவு விழா ஆகியவற்றிலும் பிரதமர் கலந்துகொள்ளவுள்ளதாக தெரிவிக்கப்பட்டுள்ளது.

இந்நிலையில், பிரதமரின் தமிழக பயணத்துக்கான ஏற்பாடுகளில்  பாரதிய ஜனதா கட்சி தீவிரமாக ஈடுபட்டுள்ளதாக தகவல்கள் வெளியாகியுள்ளன.

The post பிரதமர் மோடி தமிழகத்துக்கு விஜயம் appeared first on Oruvan.com.

இரண்டு நாள் அரச பயணமாக புடின் இந்தியா வந்துள்ள நிலையில், இரு நாட்டு அரச தலைவர்களும் இன்று சந்தித்துப் பேசவுள்ளனர்.

டெல்​லி​யில் உள்ள ஹைத​ரா​பாத் இல்​லத்​தில் இந்த சந்திப்பு இடம்பெறவுள்ளது. புடின் மற்றும் இந்திய பிரதமர் நரேந்திர மோடி இருவரும் இந்த சந்திப்பில் கலந்துகொள்ளவுள்ளனர்.

இதன்போது, பாது​காப்​பு, அணு சக்தி, தொழில்​நுட்​பம், வர்த்​தகம், விண்​வெளி உள்​ளிட்ட துறை​கள் தொடர்​பாக இரு நாடு​கள் இடையே 25 உடன்படிகைகள் கையெழுத்தாகும் என எதிர்ப்பார்க்கப்படுகின்றது.

குறிப்பாக, ரஷ்​யா​வின் ஐந்​தாம் தலை​முறை போர் விமான​மான சுகோய் எஸ்​யு57 போர் விமானங்​களை வாங்​கு​வது தொடர்​பாக இந்​தி​யா, ரஷ்யா இடையே ஒப்​பந்​தம் கையெழுத்​தாகும் என்று எதிர்​பார்க்​கப்​படு​கிறது.

இதனிடையே, இந்​திய, ரஷ்ய உச்சி மாநாட்டின் ஒரு பகு​தி​யாக இரு நாடு​களின் தொழில​திபர்​கள் பங்கேற்​கும் கூட்​டம் டில்லி பாரத் மண்​டபத்தில் இன்று பிற்பகலில் நடை​பெறவுள்ளது.

இதில் பிரதமர் நரேந்​திர மோடி​யும், ரஷ்ய ஜனாதிபதி விளாடிமிர் புடினும் கலந்துகொண்டு உரை​யாற்ற உள்​ளனர்.

இதில் இரு நாடு​களை சேர்ந்த 150க்​கும் மேற்​பட்ட தொழிலதிபர்கள் பங்​கேற்க உள்​ளனர்.

முன்னதாக நேற்று மாலை இந்தியாவுக்கு வந்த ஜனாதிபதி புடினை, பிரதமர் நரேந்​திர மோடி விமான நிலை​யத்​திற்கு நேரில் சென்று வரவேற்​றிருந்தார்.

மேலும், பிரதமர் மோடி சார்பில் புடினுக்கு சிறப்பு விருந்தும் வழங்கப்பட்டிருந்தமை குறிப்பிடத்தக்கது.

The post இந்தியா மற்றும் ரஷ்யாவுக்கு இடையில் இன்று 25 புரிந்துணர்வு உடன்படிகை appeared first on Oruvan.com.

ரவி கிஷன் எம்.பி இன்று வெளியிட்டிருந்த புகைப்படம் தற்போது வைரலாகியுள்ளது.

எதிர்வரும் ஒன்பதாம் திகதி செவ்வாய்க்கிழமை நடைபெற உள்ள துணை ஜனாதிபதி தேர்தலுக்கு முன்னதாக, தேசிய ஜனநாயக கூட்டணி (NDA) எம்.பி.க்களுக்கு இரண்டு நாள் பயிலரங்கு ஏற்பாடு செய்யப்பட்டுள்ளது.

பிரதமர் நரேந்திர மோடியும் இந்தப் பயிலரங்கு நிகழ்ச்சியில் கலந்து கொண்டு, பயிலரங்கு நடைபெறும் போது பின் வரிசையில் அமர்ந்தார்.
இது குறித்து கோரக்பூரைச் சேர்ந்த பாஜக எம்.பி. ரவி கிஷன் கூறுகையில், பிரதமர் மோடி பின் வரிசையில் அமர்ந்திருப்பது கட்சியின் பலத்தை பிரதிபலிக்கிறது என்று தெரிவித்துள்ளார்.

தேசிய ஜனநாயக கூட்டணி நாடாளுமன்ற உறுப்பினர்களுக்காக ஏற்பாடு செய்யப்பட்ட இந்தப் பயிலரங்கில், ஜிஎஸ்டியில் செய்யப்பட்ட சீர்திருத்தங்களுக்காக பாஜக நாடாளுமன்ற உறுப்பினர்கள் பிரதமர் நரேந்திர மோடியையும் கௌரவித்தனர்.

பாஜகவின் இந்த இரண்டு நாள் பயிலரங்கு ஞாயிற்றுக்கிழமை (செப்டம்பர் 7, 2025) தொடங்கியதாக தெரிவிக்கப்பட்டுள்ளது.

The post பின் வரிசையில் அமர்ந்திருந்த மோடி – வைரலாகும் புகைப்படம் appeared first on Oruvan.com.

மணிப்பூரில் ஏற்பட்ட கடும் வன்முறைக்குப் பின்னர் முதல்முறையாக பிரதமர் நரேந்திர மோடி அம்மாநிலத்திற்கு செல்லவுள்ளார்.

பிரதமர் மோடி மிசோரம் மற்றும் மணிப்பூர் மாநிலங்களுக்கு செல்ல வாய்ப்புள்ளதாக மிசோரம் தலைநகர் ஐஸ்வாலில் உள்ள அதிகாரிகள் தெரிவித்துள்ளதாக கூறப்படுகிறது.

இதன்படி, புதிதாக அமைக்கப்பட்டுள்ள பைரபி-சாய்ராங் ரயில் பாதையை திறந்து வைப்பதற்காக பிரதமர் மோடி முதலில் மிசோரம் செல்ல உள்ளார் என்று தெரிவிக்கப்பட்டுள்ளது.

2023ஆம் ஆண்டு மே மாதத்தில் மணிப்பூரில் இரு இனக் குழுக்களுக்கு இடையே வன்முறை வெடித்ததில் நூற்றுக்கணக்கானோர் கொல்லப்பட்டதுடன், 1000த்திற்கும் மேற்பட்டவர்கள் படுகாயமடைந்திருந்தனர்.

வன்முறைக்கு பின்னர் பிரதமர் மோடி ஒருமுறை கூட மணிப்பூருக்கு சென்றிருக்கவில்லை. இதற்கு பல்வேறு தரப்பினர்களும் கடும் விமர்சனங்களை முன்வைத்திருந்தனர்.

இந்த நிலையில் முதல் முறையாக மணிப்பூருக்கு பிரதமர் வரவுள்ளதாக மிசோரம் அரசின் அதிகாரிகள் தெரிவித்துள்ளனர்.

எனினும், பிரதமரின் வருகை தொடர்பான இறுதி பயணத் திட்டம் இன்னும் இறுதி செய்யப்படவில்லை என்று அதிகாரிகள் தரப்பில் தெரிவிக்கப்பட்டுள்ளது.

The post வன்முறைக்கு பின்னர் முதல்முறையாக பிரதமர் மோடி மணிப்பூருக்கு விஜயம் appeared first on Oruvan.com.

வரி விதிப்பின் மூலம் உலக நாடுகளிடையே நிலையற்ற தன்மை ஏற்பட்டுள்ள நிலையில், அண்டை நாடாகவும், நண்பர்களாகவும் இருப்பது அவசியம் என்று அவர் தெரிவித்துள்ளார்.

ஷாங்காய் ஒத்துழைப்பு அமைப்பின் உச்சிமாநாட்டில் பங்கேற்பதற்காக பிரதமா் நரேந்திர மோடி சீனா சென்றிருந்தார். இதன்போது அவருக்கு இந்திய பாரம்பரிய முறைப்படி உற்சாக வரவேற்பு அளிக்கப்பட்டது.

இதனை தொடர்ந்து தியான்ஜின் நகரில் உச்சி மாநாடு நேற்று நடைபெற்றிருந்தது. இதில், பிரதமர் நரேந்திர மோடி கலந்துகொண்டார். முன்னதாக, மாநாட்டிற்கு வந்த பிரதமர் மோடியை சீன அதிபர் ஷி ஜின்பிங் கைக்குலுக்கி வரவேற்றார்.

உலக அளவில் ஏற்பட்டுவரும் நெருக்கடி மற்றும் மாற்றங்களுக்கு மத்தியில், இந்தியா – சீனா இடையிலான ஒத்துழைப்பின் அவசியம் குறித்து ஷி ஜின்பிங் மோடியுடன் பேசினார்.

”மாற்றத்தை நோக்கி உலக நாடுகள் சென்றுகொண்டிருக்கின்றன. சீனாவும் இந்தியாவும் மிகப்பெரிய அளவில் நாகரீகமடைந்த நாடுகள். உலகளாவிய தெற்கின் ஒரு பகுதியாகவும், அதிக மக்கள் தொகை கொண்ட இரு நாடுகளாகவும் இருக்கிறோம்” எனக் குறிப்பிட்டார்.

மேலும், ”சிறந்த அண்டை நாடுகளாகவும் நல்ல நண்பர்களாகவும் இருக்க வேண்டியது அவசியம். டிராகனும், யானையும் ஒன்றாக இணைய வேண்டும்” எனவும் தெரிவித்தார்.

அத்துடன், கடந்த ஆண்டு ரஷ்யாவின் கஸான் நகரில் நடைபெற்ற வெற்றிகரமான மாநாட்டில் பங்கேற்றது குறித்து நினைவு கூர்ந்தார். மேலும், இந்தியா – சீனா இடையிலான ராஜதந்திர உறவின் 75வது ஆண்டின் நிறைவையும் சுட்டிக்காட்டினார்.

இரு நாடுகளும் தங்களுக்கு இடையிலான உறவை நீண்ட கால கண்ணோட்டத்தில் முன்னெடுத்துச்செல்லும் முயற்சிகளை மேற்கொள்ள வேண்டும் எனவும் ஷி ஜின்பிங் குறிப்பிட்டார்.

The post இந்தியாவும், சீனாவும் நண்பர்கள் – மோடியிடம் ஷி ஜின்பிங் சொன்ன செய்தி appeared first on Oruvan.com.

ரஷ்யா – உக்ரைன் இடையே மூன்றரை ஆண்டுகளுக்கும் மேலாக போர் நீடித்துள்ள நிலையில், போர்நிறுத்தத்திற்கு அமெரிக்க ஜனாதிபதி டிரம்ப் மேற்கொண்ட முயற்சிகள் தோல்வியில் முடிந்தன.

இதனால், ஆத்திரமடைந்த டிரம்ப், ரஷ்யாவுடன் வர்த்தகம் செய்யும் நாடுகளுக்கு கடுமையான வரிவிதிப்பை அறிவித்தார்.

ரஷ்யாவிடம் இருந்து கச்சா எண்ணெய் மற்றும் ஆயுதங்கள் வாங்கும் இந்தியாவுக்கு 25 சதவீத வரி விதித்தபோதும், ரஷ்யாவிடம் இருந்து இறக்குமதி செய்யும் முடிவில் இருந்து இந்தியா பின்வாங்கவில்லை.

இதையடுத்து, குறிப்பிட்ட இந்திய பொருட்களுக்கு இனிமேல் 50 சதவீத வரி விதிக்கப்படும் என அமெரிக்க டொனால்ட் டிரம்ப் அறிவித்துள்ளார். இதனால், இந்தியா – அமெரிக்கா இடையேயான வர்த்தக உறவு கடுமையாக பாதிக்கப்பட்டுள்ளது.

இந்த சூழலில், விளாடிமிர் புடின் இந்த மாத இறுதியில் இந்தியா வரவுள்ளதாக அறிவிக்கப்பட்டுள்ளது. இதன்போது, பிரதமர் மோடியை சந்தித்து ஆலோசனை நடத்தவுள்ளதாகவும் தெரிவிக்கப்பட்டுள்ளது.

இதேபோல், இந்த மாத இறுதியில் சீனாவில் நடைபெற இருக்கும் ஷாங்காய் ஒத்துழைப்பு அமைப்பு உச்சிமாநாட்டில் பங்கேற்க இந்திய பிரதமர் நரேந்திர மோடி சீனா செல்ல இருப்பதாகவும் தகவல் வெளியாகியுள்ளது.

பிரதமர் நரேந்திர மோடியின் சீன பயணம் உறுதி செய்யப்பட்டால், 2019க்கு பிறகு ஐந்து ஆண்டுகள் கழித்து பிரதமர் நரேந்திர மோடி சீனாவுக்கு மேற்கொள்ளும் பயணமாக இது இருக்கும் என்பது நினைவுகூரத்தக்கது.

The post அச்சுறுத்தும் அமெரிக்கா – இந்தியா வருகின்றார் புடின் appeared first on Oruvan.com.