சபாநாயகரின் கல்வி தகைமை தொடர்பான சர்ச்சைகளுக்கு மத்தியில் நாடாளுமன்றத்தின் உத்தியோகபூர்வ வலைத்தளத்தில் சபாநாயகரின் சுயவிபரக் கோவையிலிருந்து கலாநிதி பட்டம் நீக்கப்பட்டு ‘ கௌரவ சபாநாயகர்’ என்று குறிப்பிடப்பட்டுள்ளது.

சபாநாயகர் தனது கல்வி தகைமையை பகிரங்கப்படுத்த வேண்டும் அல்லது பதவி விலக வேண்டும் என்று எதிர்க்கட்சிகள் குறிப்பிடுகின்ற நிலையில் சபாநாயகருக்கு எதிராக நம்பிக்கையில்லா பிரேரணையை கொண்டு வரும் ஐக்கிய மக்கள் சக்தி அதற்கான கையொப்பங்களை பெறும் நடவடிக்கைகளை முன்னெடுத்துள்ளது.

இந்த நம்பிக்கையில்லாப் பிரேரணைக்கு, ஐக்கிய மக்கள் சக்தியின் தலைவர் சஜித் பிரேமதாச, செயலாளர் நாயகம் ரஞ்சித் மத்தும பண்டார, எதிர்க்கட்சியின் பிரதான அமைப்பாளர் கயந்த கருணாதிலேக்க,நாடாளுமன்ற உறுப்பினர்களான சி அலவத்துவல, அஜித் பி பெரேரா, சுஜித் சஞ்சய் பெரேரா, சதுர கலப்பிட்டி, ஜகத் விதான மற்றும் ஹர்ஷன ராஜகருணா ஆகியோர் கையொப்பமிட்டனர்.

The post சபாநாயகருக்கு எதிரான நம்பிக்கையில்லா பிரேரணை – கையொப்பம் பெறும் நடவடிக்கையில் ஐ.ம.ச appeared first on Oruvan.com.

சபாநாயகரின் கலாநிதி பட்டம் தொடர்பில் மேலெழுந்துள்ள சிக்கலை பிரதானமாகக் கொண்டு இந்த கலந்துரையாடல் இடம்பெற்றதாக எதிர்க்கட்சியின் நாடாளுமன்ற உறுப்பினர் ஒருவர் சிங்கள ஊடகமொன்றிடம் கருத்து வெளியிட்டுள்ளார்.

அசோக ரன்வலவுக்கு கலாநிதி கல்வித்தகைமை உள்ளதா என்பது தொடர்பில் பதிலளிக்க தாமதப்படுத்துவதும் உண்மையிலேயே அவருக்கு குறித்த கல்வித்தகைமை இல்லயெனின் பொதுமக்களை தவறாக வழி நடத்தியமை மக்கள் ஆணையை புறக்கணிக்கும் விடயம் என்பது தொடர்பில் அங்கு கலந்துரையாடப்பட்டதாக அவர் தெரிவித்தார்.

தமது கட்சியின் உறுப்பினர்கள் கூடிய போது இவ்விடயம் தொடர்பில் ஆழமாக கலந்துரையாடப்பட்டதாகவும் அதன் பின்னர் ஏனைய கட்சிகளுடன் இணைந்து உத்தியோகபூர்வமாக தீர்மானமொன்றை மேற்கொள்ள தீர்மானித்துள்ளதாக அவர் சுட்டிக்காட்டியுள்ளார்.

இலங்கை நாடாளுமன்றத்தில் 22ஆவது சபாநாயகராக தெரிவு செய்யப்பட்ட அசோக ரன்வலவின் கலாநிதி பட்டம் தொடர்பில் தற்போது சர்ச்சைகள் எழுந்துள்ள நிலையில் இவ்விடயம் சமூக ஊடகங்களில் அதிகளவில் பேசப்பட்டு வருகிறது.

The post சபாநாயகர் அசோக ரன்வலவுக்கு எதிராக நம்பிக்கையில்லாப் பிரேரணை? appeared first on Oruvan.com.