Manusha Nanayakkara Archives - Oruvan.com

மனுஷ நாணயக்காரவை வாக்குமூலம் வழங்க லஞ்சம் அல்லது ஊழல் விசாரணை ஆணைக்குழுவிற்கு அழைப்பு

Mano Shangar — Thu, 25 Sep 2025 05:39:15 +0000

முன்னாள் அமைச்சர் மனுஷ நாணயக்கார வாக்குமூலம் ஒன்றை வழங்குவதற்காக லஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவிற்கு அழைக்கப்பட்டுள்ளார்.

இதன்படி, அவரை நாளைய தினம் ஆணைக்குழுவில் முன்னிலையாகுமாறு அழைப்பு விடுக்கப்பட்டுள்ளது.

இலங்கை தொழிலாளர்களை இஸ்ரேலுக்கு அனுப்பியது தொடர்பாக லஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழு விசாரணை ஒன்றை முன்னெடுத்துள்ளது.

இந்த விசாரணை தொடர்பாக வாக்குமூலம் பதிவு செய்வதற்காக அப்போதைய தொழிலாளர் அமைச்சர் மனுஷ நாணயக்கார ஆணைக்குழுவிற்கு அழைக்கப்பட்டுள்ளார்.

அவர் கடந்த எட்டாம் திகதி ஆணைக்குழுவிற்கு அழைக்கப்பட்டார். எனினும், அந்த நேரத்தில், மனுஷ நாணயக்கார வெளிநாட்டில் இருந்தார்.

இந்நிலையில், அவர் நேற்று துபாயில் இருந்து வந்து கட்டுநாயக்க விமான நிலையம் ஊடாக நாடு திரும்பியதாக தெரிவிக்கப்பட்டுள்ளது.

இந்நிலையில், லஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவின் அதிகாரிகள் குழு விமான நிலையத்தில் அவருக்கான அழைப்பு கடிதத்தை வழங்கியது.

அதன்படி, நாளை (26) காலை 9.30 மணிக்கு ஆணைக்குழுவில் முன்னிலையாகுமாறு மனுஷ நாணயக்காரவுக்கு அறிவிக்கப்பட்டுள்ளது.

The post மனுஷ நாணயக்காரவை வாக்குமூலம் வழங்க லஞ்சம் அல்லது ஊழல் விசாரணை ஆணைக்குழுவிற்கு அழைப்பு appeared first on Oruvan.com.

மனுஷ நாணயக்கார சிஐடியில் ஆஜர்

Kanooshiya Pushpakumar — Tue, 21 Jan 2025 08:59:26 +0000

முன்னாள் அமைச்சர் மனுஷ நாணயக்கார இன்று (21) வாக்குமூலம் அளிப்பதற்காக குற்றப் புலனாய்வுத் திணைக்களத்தில் ஆஜரானார்.

பொலிஸ் ஊடகப் பேச்சாளர், சிரேஷ்ட பொலிஸ் அத்தியட்சகர் புத்திக மனதுங்க இதை உறுதிப்படுத்தியுள்ளார்.

தென் கொரிய வேலைவாய்ப்பு சம்பவம் தொடர்பாக மனுஷ நாணயக்கார வாக்குமூலம் அளிக்கத் தயாராக இருப்பதாக அவரது வழக்கறிஞர் நேற்று (20) கொழும்பு நீதவான் நீதிமன்றத்தில் அளித்த தகவலின்படி அவர் இன்று ஆஜராகியுள்ளார்.

இந்த சம்பவம் தொடர்பாக குற்றப் புலனாய்வுத் துறை தன்னைக் கைது செய்யத் தயாராகி வருவதால், தனக்கு முன்பிணை வழங்கக் கோரி முன்னாள் அமைச்சர் தாக்கல் செய்த முன்ஜாமீன் மனு நேற்று நீதிமன்றத்தில் விசாரணைக்கு எடுத்துக்கொள்ளப்பட்டது.

The post மனுஷ நாணயக்கார சிஐடியில் ஆஜர் appeared first on Oruvan.com.

குற்றப்புலனாய்வுத் திணைக்களத்தில் ஆஜராகவுள்ள மனுஷ நாணயக்கார

Kanooshiya Pushpakumar — Mon, 20 Jan 2025 08:45:00 +0000

தென் கொரிய வேலை வாய்ப்பு சம்பவம் தொடர்பாக முன்னாள் அமைச்சர் மனுஷ நாணயக்கார நாளை (21) குற்றப்புலனாய்வுத் திணைக்களத்தில் ஆஜராகி வாக்குமூலம் அளிக்க உள்ளதாக அவரது சட்டத்தரணி இன்று (20) கொழும்பு நீதவான் நீதிமன்றத்திற்கு அறிவித்துள்ளார்.

குறித்த சம்பவம் தொடர்பாக தாம் கைது செய்யப்படுவதற்கு முன்னர் முன்பிணையில் விடுவிக்கக் கோரி மனுஷ நாணயக்கார தாக்கல் செய்த முன்பிணை மனு இன்று அழைக்கப்பட்ட போது, அவர் சார்பில் ஆஜரான ஜனாதிபதி சட்டத்தரணி சாலிய பீரிஸ் நீதிமன்றத்திற்கு இதனைத் தெரிவித்தார்.

தனது கட்சிக்காரர் நாளை குற்றப்புலனாய்வுத் திணைக்களத்திற்கு சென்று வாக்குமூலம் அளிப்பதற்கு தயாராகவுள்ளதாகவும், பின்னர் வேறொரு நாளில் இந்த மனுவின் சமர்ப்பணங்களை உறுதிப்படுத்துவதற்காக அழைக்குமாறும் ஜனாதிபதி சட்டத்தரணி நீதிமன்றத்திடம் இதன்போது கோரிக்கை விடுத்துள்ளார்.

அதன்படி, சமர்ப்பணங்களை உறுதிப்படுத்துவதற்காக மனு எதிர்வரும் 22 ஆம் திகதி அழைக்கப்படவுள்ளது.

The post குற்றப்புலனாய்வுத் திணைக்களத்தில் ஆஜராகவுள்ள மனுஷ நாணயக்கார appeared first on Oruvan.com.

பிணை மனுவை சமர்பித்த மனுஷ நாணயக்கார

Kanooshiya Pushpakumar — Thu, 16 Jan 2025 08:53:17 +0000

முன்னாள் அமைச்சர் மனுஷ நாணயக்கார கொழும்பு நீதவான் நீதிமன்றில் பிணை மனுவொன்றை சமர்பித்துள்ளார்.

குற்றப் புலனாய்வுத் துறையில் ஆஜராகுமாறு மனுஷ நாணக்காரவுக்கு அறிவிக்கப்பட்டதையடுத்து அவர் இந்த மனுவை சமர்பித்துள்ளார்.

கடந்த அரசாங்கத்தின் போது வெளிநாட்டு வேலைவாய்ப்புகள் வழங்குவதில் ஏற்பட்டுள்ள ஊழல் மோசடிகள் தொடர்பில் மேற்கொள்ளப்பட்ட விசாரணைகளின் அடிப்படையில் இந்த அழைப்பு விடுக்கப்பட்டுள்ளது.

The post பிணை மனுவை சமர்பித்த மனுஷ நாணயக்கார appeared first on Oruvan.com.