சமூக வலைத்தளங்களில் பரவிவரும் கடிதம் தொடர்பில் விளக்கமளித்த அவர், இலக்கு வைக்கப்பட்டுள்ள 3 மில்லியன் சுற்றுலாப் பயணிகளை நாட்டிற்கு வரவழைப்பதற்காக, சமூக ஒழுக்கத்திற்கு முரணான எதையும் செய்யப்போவதில்லை என்று உறுதியாகக் கூறினார்.

“இது எந்த வகையிலும் பிரச்சாரமோ அல்லது ஊக்குவிப்புத் திட்டமோ அல்ல. இது சமத்துவத்தைப் பாதுகாப்பதற்கான எமது உறுதிப்பாட்டை வெளிப்படுத்துவது மட்டுமே,” என்றும் அவர் சுட்டிக்காட்டினார்.

EQUAL GROUND என்ற அமைப்புடன் இணைந்து LGBTIQ சுற்றுலாத்துறையை மேம்படுத்துவதற்கான திட்டமொன்றிற்கு அனுமதி அளிக்கும் வகையிலான கடிதம் சமூக ஊடகங்களில் பரவியதைத் தொடர்ந்தே பல்வேறு தரப்பிலிருந்தும் விமர்சனங்கள் எழுந்தன.

“சமூகத்தில் எமது நிறுவனம் சமர்ப்பித்த கடிதம் குறித்து ஒரு தவறான கருத்து பரவி வருகிறது. இது உண்மையில், இலங்கையில் அங்கீகரிக்கப்பட்ட மற்றுமொரு நிறுவனத்திற்கு சமர்ப்பிக்கப்பட்ட கடிதமாகும் . இதன் உள்ளடக்கத்தையும் கருத்தையும் பார்த்தால், LGBTIQ சமூகம் சுற்றுலாத்துறையுடன் எவ்வாறு தொடர்புபடுகிறது என்பது பற்றித்தான் பேசுகிறது. ஆனால், நாம் LGBTIQ சுற்றுலா ஊக்குவிப்பை செய்வதாக ஒரு தவறான விளக்கம் செல்கிறது. இது மொழி மற்றும் புரிந்துணர்வில் ஏற்பட்ட குறைபாடு என்றே நான் நினைக்கிறேன்,” என புத்திக்க ஹேவாவசம் தெளிவுபடுத்தினார்.

அரசாங்கம் மற்றும் நிறுவனமாக, சகல இனங்கள் மற்றும் மதங்களின் சமத்துவத்தை பாதுகாக்கும் நிலைப்பாட்டில் தாம் இருப்பதாகவும், சுற்றுலாப் பயணிகளின் சமத்துவத்தை உறுதி செய்வதே தமது பிரதான பொறுப்பு என்றும் அவர் கூறினார்.

The post LGBTIQ சமூகத்தை ஊக்குவிக்கும் எந்த நடவடிக்கையும் மேற்கொள்ளப்பட மாட்டாது – புத்திக ஹேவாவசம் appeared first on Oruvan.com.

இலங்கையின் இயற்கை அழகும் கலாச்சார பாரம்பரியமும் சுற்றுலாப் பயணிகளை ஈர்க்க போதுமானது என்றும், பாலியல் நோக்குநிலை அல்லது பாலினம் தொடர்பான பிரச்சினைகளை முன்னிலைப்படுத்த வேண்டிய அவசியமில்லை என்றும் அவர் வலியுறுத்தினார்.

“எங்கள் சுற்றுலா மேம்பாடு பாலியல் நோக்குநிலை அல்லது பாலின பிரச்சினைகளை அடிப்படையாகக் கொண்டிருக்கக்கூடாது.

பாலியல் விருப்பங்களைப் பொருட்படுத்தாமல், உலகம் முழுவதிலுமிருந்து சுற்றுலாப் பயணிகளை ஈர்க்க எங்கள் பாரம்பரியம் போதுமானது,” என்று நாமல் ராஜபக்ச சுட்டிக்காட்டியுள்ளர்.

“இதுபோன்ற உணர்திறன் மிக்க பிரச்சினைகளை மிகவும் பொறுப்புடன் அணுக வேண்டும்” என்று வலியுறுத்தி, இதை அரசாங்கம் மறுபரிசீலனை செய்ய வேண்டும் என்றும் கோரிக்கை விடுத்துள்ளார்.

இலங்கை அதன் கண்கவர் இயற்கை அழகு, கலாச்சாரம் மற்றும் மரபுகள் காரணமாக நீண்ட காலமாக ஒரு பிரபலமான சுற்றுலா தலமாக இருந்து வருகிறது என்பதை அவர் சுட்டிக்காட்டியுள்ளார்.

எனவே, “சுற்றுலாப் பயணிகளை ஈர்ப்பதற்காக நாம் பாலியல் அடையாளத்தில் கவனம் செலுத்தத் தேவையில்லை” என்று நாமல் ராஜபக்ச மேலும் தெரிவித்துள்ளார்.

The post LGBTIQ சமூகத்தை இலக்காகக் கொண்ட சுற்றுலா பிரச்சாரத்தை ஊக்குவிக்கும் அரசாங்கத்தின் முடிவுக்கு நாமல் எம்.பி எதிர்ப்பு appeared first on Oruvan.com.