ஸ்ரேயாஸ் ஐயர் ஒரு சிறந்த வீரர், ஆனால் சில விடயங்கள் சரியாக அமையவில்லை, அதனால்தான் அவர் அணியை விட்டு வெளியேற வேண்டியிருந்தது என்று பண்டிட் தெரிவித்துள்ளார்.

ஸ்ரேயாஸ் ஐயர் தலைமையின் கீழ், கொல்கத்தா அணி 2024ம் ஆண்டு ஐபிஎல் கிண்ணத்தை மூன்றாவது முறையாக கைப்பற்றியது. எனினும், அடுத்த பருவத்தில் அவர் அணியில் இருந்து விடுவிக்கப்பட்டார்.

இதனைடுத்த 2025ம் ஆண்டு இடம்பெற்ற மெகா ஏலத்தில் பஞ்சாப் கிங்ஸ் அணியால் ஸ்ரேயாஸ் ஐயர் ஒப்பந்தம் செய்யப்பட்டார்.
தற்போது அந்த அணியை சிறப்பாக வழிநடத்தி வருகின்றார்.

ஸ்ரேயாஸ் ஐயர் கொல்கத்த அணியின் தலைவராக இருந்தபோது, ​​சந்திரகாந்த் பண்டிட் அணியின் பயிற்சியாளராக பணியாற்றினார்.

இந்நிலையிலேயே, ஐயரை விடுவிக்க கொல்கத்தா நிர்வாகம் ஏன் முடிவு செய்தது என்பதை பண்டிட் வெளிப்படுத்தியுள்ளார்.

“துரதிர்ஷ்டவசமாக, எங்களால் ஸ்ரேயாஸ் ஐயரை தக்கவைத்துக் கொள்ள முடியவில்லை. ஸ்ரேயாஸ் ஒரு அற்புதமான வீரர், அவர் தலைவராக எங்களுக்குக் கிண்ணத்தை வென்று கொடுத்தார்.

அவர் அணியைக் கையாண்ட விதம் எனக்கு மிகவும் பிடித்திருந்தது.

ஆனால் சில சமயங்களில், சில சூழ்நிலைகள் எழுகின்றன மற்றும் எதிர்காலத் திட்டங்கள் அத்தகைய வீரர்களைக் கைவிட உங்களைக் கட்டாயப்படுத்தும் என சந்திரகாந்த் பண்டிட் மேலும் தெரிவித்துள்ளார்.

The post ஸ்ரேயாஸ் ஐயரை விடுவித்தது ஏன்? கொல்கத்தா அணியின் முன்னாள் பயிற்சியாளர் விளக்கம் appeared first on Oruvan.com.

ஐபிஎல் தொடரில் கொல்கத்தா அணிக்காக விளையாடி வந்த ரசல் அண்மையில் அந்த அணியில் இருந்து அணியில் இருந்து விடுவிக்கப்பட்டார்.

இதனை தொடர்ந்து அவர் ஓய்வு முடிவை அறிவித்துள்ளார். கொல்கத்தா அணியின் முக்கிய வீரராக இருந்த ரசல் அணியின் வெற்றிக்கு முக்கிய பங்காற்றியுள்ளார்.

ஐபிஎல் தொடரில் ரசல்140 போட்டிகளில் விளையாடியுள்ள அவர் 174.18 ஸ்ட்ரைக் ரேட்டில் 2,651 ஓட்டங்களை குவித்துள்ளார். அத்துடன் 123 விக்கெட்டுகளை வீழ்த்தியுள்ளார்.

கொல்கத்தா அணியை தவிர வேறு அணியில் விளையாட விருப்பம் இல்லை எனவும், அடுத்த சீசனில் கொல்கத்தா அணியின் ‘பவர் கோச்’ ஆக செயல்படுவேன் என அவர் தெரிவித்துள்ளார் .

The post ஐபிஎல் போட்டிகளில் ஓய்வு பெருவதாக ஆன்ட்ரே ரசல் அறிவிப்பு appeared first on Oruvan.com.

விராட் கோலி மற்றும் பில் சால்ட் ஆகியோரின் அதிரடி துடுப்பாட்டத்தின் உதவியுடன் ரோயல் சேலஞ்சர்ஸ் பெங்களூரு அணி முதல் போட்டியை அபார வெற்றியுடன் ஆரம்பித்துள்ளது.

விராட் கோலி 36 பந்துகளில் 59 ஓட்டங்களையும், பில் சால்ட் 31 பந்துகளில் 56 ஓட்டங்களையும் குவித்திருந்தனர். கொல்கத்தா நிர்ணயித்த 174 என்ற இலக்கை பெங்களூரு அணி 16.2 ஓவர்களில் மூன்று விக்கெட்டுகளை இழந்து எளிதாக எட்டியது.

பவர் பிளேயில் பெங்களூரு அணிக்காக தொடக்க வீரர்கள் 80 ஓட்டங்களை குவித்தனர். இது ஐபிஎல் வரலாற்றில் பெங்களூரு அணியின் இரண்டாவது அதிகபட்ச பவர் பிளே ஓட்டக்குவிப்பாகும்.

நேற்றையப் போட்டியின் போது விராட் கோலி தனித்துவமான சாதனை ஒன்றையும் நிலைநாட்டியுள்ளார். ஐபிஎல் போட்டிகளில் கொல்கத்தா நைட் ரைடர்ஸ் அணிக்கு எதிராக 1000 ஓட்டங்களை அவர் கடந்துள்ளார்.

கொல்கத்தா அணிக்கு எதிரான 32 போட்டிகளில் விளையாடியுள்ள அவர் 1021 ஓட்டங்களை குவித்துள்ளார். மேலும், ஐபிஎல் போட்டிகளில் நான்காவது அணிக்கு எதிரான விராட் கோலி 1000 ஓட்டங்களை கடந்துள்ளார்.

முன்னதாக சென்னை சூப்பர் கிங்ஸ், பஞ்சாப் கிங்ஸ் மற்றும் டெல்லி கேபிடல்ஸ் அணிகளுக்கு எதிராக அவர் இந்த சாதனையை படைத்திருந்தார். இரண்டுக்கும் மேற்பட்ட அணிகளுக்கு எதிராக இந்த சாதனையை நிகழ்த்திய ஒரே வீரர் சாதனையையும் விராட் கோலி படைத்துள்ளார்.

மேலும, இந்த தொடரின் போது மற்றுமொரு சாதனையை படைக்கவும் விராட் கோலி தயாராகி வருகின்றார். ஒரு அணிக்கு எதிராக அதிக ஓட்டங்களை குவித்த வீரர் என்ற சாதனையை அவர் நிகழ்த்த வாய்ப்பு கிட்டியுள்ளது.

தற்போது, சாதனை அவுஸ்திரேலியா அணியின் முன்னாள் வீரர் ​​டேவிட் வார்னர் வசமுள்ளது. பஞ்சாப் கிங்ஸ் அணிக்கு எதிராக அவர் 1134 ஓட்டங்களை குவித்துள்ளார்.

இந்திய அணியின் முன்னாள் வீரர் ஷிகர் தவான் சென்னை அணிக்கு எதிராக 1105 ஓட்டங்களை குவித்து இரண்டாம் இடத்திலும் டேவிட் வார்னர் கொல்கத்தா அணிக்கு எதிராக 1093 ஓட்டங்களை குவித்து மூன்றாவது இடத்திலும் உள்ளனர்.

நான்காவது இடத்தில் உள்ள கோலி, இதுவரை சென்னைக்கு எதிராக 1081 ஓட்டங்களை குவித்துள்ளார். ஐபிஎல் தொடரில் அதிக சீசன்களில் ஒரே அணிக்காக விளையாடிய வீரர் என்ற பெருமையும் கோலி வசமுள்ளது.

ஐபிஎல் தொடர் ஆரம்பித்தது முதல் இதுவரையில் பெங்களூரு அணிக்காக மட்டுமே விராட் கோலி விளையாடி வருகின்றமை குறிப்பிடத்தக்கது.

The post ஐபிஎல் 2025 – விராட் கோலி படைத்துள்ள தனித்துவமான சாதனை appeared first on Oruvan.com.

அத்துடன், துணை தலைவராக வெங்கடேஷ் ஐயர் நியமிக்கப்பட்டுள்ளார்.

இது குறித்த அறிவிப்பை அணியின் தலைமை நிர்வாக அதிகாரி வெங்கி மைசூர் வெளியிட்டுள்ளார்.

“ரஹானேவின் அனுபவமும் தலைமைத்துவமும் விலைமதிப்பற்றதாக இருக்கும், அதே நேரத்தில் எங்களுக்கு ஒரு முக்கிய வீரரான வெங்கடேஷ் ஐயர் வலுவான தலைமைத்துவ குணங்களைக் கொண்டுள்ளார்.

அணியை வழிநடத்தும் அவர்களின் திறனில் நாங்கள் நம்பிக்கை கொண்டுள்ளோம்” என வெங்கி மைசூர் தெரிவித்துளு்ளார்.

இந்நிலையில், கொல்கத்தான அணியை வழிநடத்துவது ஒரு மரியாதை. எங்களிடம் ஒரு நல்ல சமநிலையான அணி உள்ளது, மேலும் நாங்கள் ஒன்றாக இணைந்து பணியாற்ற தயாராக இருக்கின்றோம்” என ரஹானே தெரிவித்துள்ளார்.

இன்றும் சில நாட்களில் ஆரம்பமாகவுள்ள 2025 ஐபிஎல் தொடரில் எதிர்வரும் 22ஆம் திகதி ஈடன் கார்டனில் பெங்களூரு ரோயல் சேலஞ்சர்ஸ் அணிக்கு எதிரான முதல் போட்டியில் கொல்கத்தா நைட் ரைடர்ஸ் அணி விளையாடவுள்ளது.

முன்னதாக 2012,2014 மற்றும் 2024ஆம் ஆண்டுகளில் கொல்கத்தா நைட் ரைடர்ஸ் அணி ஐபிஎல் கிண்ணத்தை கைப்பற்றியிருந்தமை குறிப்பிடத்தக்கது.

The post ஐபிஎல் 2025 – கொல்கத்தா அணியின் தலைவராக ரஹானே நியமிப்பு appeared first on Oruvan.com.