படேலுக்கு ஆதரவாக 51 வாக்குகளும் எதிராக 49 வாக்குகளும் கிடைத்துள்ளது. இதன்படி, FBI இன் ஒன்பதாவது இயக்குனராக காஷ் படேல் செயற்படவுள்ளார்.

டிரம்ப் ஆதரவாளரான படேல், முன்னர் பட விடயங்களுக்கு FBIஐ கடுமையாக விமர்சித்துள்ளார். ஜனாதிபதியான பிறகு, டொனால்ட் டிரம்ப் காஷ் படேலை FBI தலைவராக நியமித்தார். இந்த நியமனம் இப்போது அமெரிக்க செனட்டால் அங்கீகரிக்கப்பட்டுள்ளது.

அதிகரித்து வரும் குற்ற விகிதங்கள், குற்றக் கும்பல்கள் மற்றும் அமெரிக்க எல்லையில் மனித மற்றும் போதைப்பொருள் கடத்தல் போன்ற சவால்களை எதிர்த்துப் போராடுவதே FBI இன் முக்கிய பணிகளாகும்.

டிரம்பின் முதல் நிர்வாகத்தில் காஷ் படேல் பாதுகாப்புத் துறை இயக்குநர், தேசிய புலனாய்வுத் துறை துணை இயக்குநர் மற்றும் தேசிய பாதுகாப்பு பேரவையில் பயங்கரவாத எதிர்ப்பு இயக்குநர் உள்ளிட்ட முக்கியப் பதவிகளை வகித்தார்.

44 வயதான காஷ் படேல், நியூயார்க்கின் கார்டன் நகரத்தைச் சேர்ந்தவர், அவரது பெற்றோர் குஜராத்தைச் சேர்ந்தவர்கள்.

அவர் ரிச்மண்ட் பல்கலைக்கழகத்தில் குற்றவியல் நீதிப் பட்டமும், ரேஸ்கோர்ஸ் பல்கலைக்கழகத்தில் சட்டப் பட்டமும், லண்டன் பல்கலைக்கழகக் கல்லூரியில் சர்வதேச சட்டப் பட்டமும் பெற்றுள்ளார்.

முன்னதாக, அமெரிக்காவின் தேசிய சுகாதார நிறுவனங்களின் இயக்குநராக இந்திய வம்சாவளியைச் சேர்ந்த ஜெய் பட்டாச்சார்யாவை டிரம்ப் பரிந்துரைத்தார்.

ஜெய் பட்டாச்சார்யாவின் நியமனம், மாநிலத்தில் உள்ள சுகாதார ஆராய்ச்சி மற்றும் நிதி நிறுவனங்களுக்கு முதன்மையாகப் பொறுப்பாகும். டிரம்பின் கீழ் சுகாதாரத் துறையில் இவ்வளவு உயர் பதவியை வகிக்கும் முதல் இந்தியர் இவர்தான்.

அரசாங்கத்தின் நிர்வாகத் துறையில் எலோன் மஸ்க்குடன் இந்தியாவின் விவேக் ராமசாமியும் தேர்ந்தெடுக்கப்பட்டார் என்பதும் குறிப்பிடத்தக்கது.

The post FBI இன் புதிய இயக்குநராக இந்தியர் நியமிப்பு appeared first on Oruvan.com.