தென்னாப்பிரிக்கா அணிக்கு எதிராக நேற்று இடம்பெற்ற முதல் இருபதுக்கு இருபது போட்டியில் டெவால்ட் ப்ரூயிஸூன் விக்கெட்டை கைப்பற்றியதன் மூலம் அவர் இந்த சாதனையை படைத்துள்ளார்.

மேலும், இந்த சாதனையை நிகழ்த்திய உலகின் ஐந்தாவது பந்து வீச்சாளர் என்ற பெருமையையும் பும்ரா படைத்துள்ளார்.

இலங்கை அணியின் லசித் மலிங்க, நியூசிலாந்து அணியின் டிம் சவுத்தி, பங்களாதேஷ் அணியின் ஷகிப் அல் ஹசன் மற்றும் பாகிஸ்தான் அணியின் ஷாஹீன் அஃப்ரிடி ஆகியோர் மூன்று வடிவ கிரிக்கெட் போட்டிகளில் 100 விக்கெட்டுகளை கைபற்றியுள்ளனர்.

இவர்களுடன் ஜஸ்பிரித் பும்ராவும் இந்தப் பட்டியலில் இணைந்துள்ளார்.

பும்ரா இதுவரை 52 டெஸ்ட் போட்டிகளில் 99 இன்னிங்ஸ்களில் 234 விக்கெட்டுகளை வீழ்த்தியுள்ளார். அதேபோல், 89 ஒருநாள் போட்டிகளில் 88 இன்னிங்ஸ்களில் 149 விக்கெட்டுகளை வீழ்த்தியுள்ளார்.

இருவரை  81 சர்வதேச டி20 போட்டிகளில் 101 விக்கெட்டுகளை வீழ்த்தியுள்ளார். சர்வதேச டி20 போட்டிகளில் அதிக விக்கெட்டுகளை வீழ்த்திய இந்திய பந்துவீச்சாளர்களில் பும்ரா இரண்டாவது இடத்தில் உள்ளார்.

107 விக்கெட்டுகளை வீழ்த்தியுள்ள அர்ஷ்தீப் சிங் முதலிடத்தில் உள்ளார் என்பதும் குறிப்பிடத்தக்கது.

The post புதிய சாதனை படைத்தார் பும்ரா appeared first on Oruvan.com.

சிறந்த வீரர்களுக்கான பரிந்துரை பெயர்ப்பட்டியலில் இந்திய வேகப்பந்து வீச்சாளர் ஜஸ்பிரித் பும்ரா, ஆஸ்திரேலியாவின் வேகப்பந்து வீச்சாளர் பேட் கம்மின்ஸ், தென் ஆப்பிரிக்க வீரர் டேன் பீட்டர்சன் ஆகியோர் இடம்பெற்றுள்ளனர்.

எனினும், அவர்கள் இருவரையும் பின்தள்ளிய பும்ரா சிறந்த வீரராக தெரிவுசெய்யப்பட்டுள்ளார்.

கடந்த டிசம்பர் மாதத்தில் அவுஸ்திரேலியாவுக்கு எதிராக நடைபெற்ற மூன்று டெஸ்ட் போட்டிகளில் 22 விக்கெட்டுகளை வீழ்த்தியதுடன், பந்துவீச்சில் 14.22 என்று அளவில் சராசரி வைத்திருந்த பும்ராவுக்கு இந்த விருது கிடைத்து இருக்கிறது

இந்த தொடரில் ஆட்டநாயகன் விருதை வென்றிருந்தார். அது மட்டும் இல்லாமல் உலக அளவில் சிறந்த பந்து வீச்சாளர் என்ற பெருமையை பும்ரா பெற்றிருந்தார்.

இந்த தொடரின் மூலம் டெஸ்ட் கிரிக்கெட்டில் பும்ரா 200வது விக்கெட்டை வீழ்த்தி இருந்தார். இதன் மூலம் இந்த மைல்கல்லை அதிவேகமாக எட்டிய நான்காவது வீரர் என்ற பெருமை கிடைத்தது.

மேலும், குறைந்த பந்துவீச்சு சராசரியில் 200 விக்கெட்டுகளை வீழ்த்திய முதல் வீரர் என்ற பெருமையும் பும்ராவுக்கு கிடைத்திருக்கிறது. இதன் காரணமாக தான் அவருக்கு சிறந்த வீரர்களுக்கான விருது கிடைத்திருக்கிறது.

The post டிசம்பர் மாதத்திற்கான ஐசிசி விருதை தனதாக்கினார் பும்ரா appeared first on Oruvan.com.

இந்திய அணியின் அடுத்த தலைவர் யார் என்பதை பிசிசிஐ தெரிவுசெய்யாவிட்டால் ரோஹித் சர்மா அணியின் தலைவராக தொடர்வதற்கு திட்டமிட்டுள்ளதாக தெரிவிக்கப்பட்டுள்ளது.

இது தொடர்பில் மும்பையில் நேற்று சனிக்கிழமை நடந்த கூட்டத்திலும் சர்மா பங்கேற்றிருந்ததாக தெரிவிக்கப்பட்டுள்ளது.

இந்த கூட்டத்தில் ஒரு நாள் போட்டிகளின் எதிர்காலம் குறித்தும் கலந்துரையாடப்பட்டதாகவும், 2025ஆம் ஆண்டு ஐசிசி சம்பியன்ஸ் கிண்ண தொடரின் பின்னர் ஒரு நாள் போட்டிகளுக்கான தலைவர் குறித்து முடிவெடுப்பதற்கும் தீர்மானிக்கப்பட்டுள்ளது.

கடந்த ஆண்டு தொடக்கத்தில் இருந்து டி20 கிரிக்கெட் போட்டிகளுக்கு முன்னணி வீரர் சூர்யகுமார் யாதவ் தலைவராக நியமிக்கப்பட்டுள்ளார்.

மேலும், அமெரிக்காவில் நடந்து முடிந்த டி20 உலகக் கிண்ணத்தை வென்ற பிறகு ரோஹித், விராட் கோலி மற்றும் ரவீந்திர ஜடேஜா ஆகியோர் டி20 போட்டிகளில் இருந்த ஓய்வு பெறுவதாக அறிவித்தனர்.

பும்ரா புதிய தலைவராக தெரிவுசெய்யப்படுவாரா?

இந்திய அணியின் டெஸ்ட் போட்டிகளுக்கான தலைவராக முன்னணி வேகப்பந்து வீச்சாளர் ஜஸ்பிரித் பும்ராவை நியமிப்பது குறித்து நேற்றை கலந்துரையாடலில் விவாதிக்கப்பட்டுள்ளது.

தலைமைத் தேர்வாளர் அஜித் அகர்கர், இந்திய கிரிக்கெட் பேரவை உறுப்பினர்கள், தலைமை பயிற்சியாளர் கவுதம் கம்பீர் மற்றும் ரோஹித் சர்மா உட்பட அனைவரும் இது குறித்த கருத்துகளை பகிர்ந்து கொண்டுள்ளதாக தெரிவிக்கப்பட்டுள்ளது.

எதிர்கால தலைமைப் பதவிக்கு பும்ரா பரிசீலிக்கப்பட்டு வரும் நிலையில், ஐந்து போட்டிகள் கொண்ட டெஸ்ட் தொடரின் போது தனது பணிச்சுமையை நிர்வகிக்கும் அவரது திறன் குறித்கும் பேசப்பட்டுள்ளதாக தெரிவிக்கப்பட்டுள்ளது.

சமீபத்தில் முடிவடைந்த அவுஸ்திரேலியா அணிக்கு எதிரான டெஸ்ட் போட்டிகளின் போது, ​​ஜஸ்பிரித் பும்ரா அனைத்து வடிவங்களிலும் இந்தியாவை சில முறை வழிநடத்தியிருந்தமை குறிப்பிடத்தக்கது.

The post தலைமைப் பதவியில் ரோஹித் நீடிப்பாரா? appeared first on Oruvan.com.

மெல்போர்னில் நடந்து வரும் அவுஸ்திரேலியா அணிக்கு எதிரான போர்டர்-கவாஸ்கர் டெஸ்ட் தொடரின் நான்காம் போட்டியின், இன்றைய நான்காம் நாள் ஆட்டத்தின் போது அவர் இந்த சாதனையை படைத்துள்ளார்.

தனது 44வது டெஸ்ட் போட்டியில் விளையாடும் பும்ரா, 19.38 சராசரியுடன் 202 விக்கெட்டுகளை வீழ்த்தியுள்ளார்.

இதன் மூலம் மிகவும் குறைந்த சராசரியுடன் டெஸ்ட் கிரிக்கெட் போட்டிகளில் 200க்கும் மேற்பட்ட விக்கெட்டுகளை வீழ்த்திய பந்து வீச்சாளர்களின் பட்டியலில், பும்ரா முதலிடத்தைப் பிடித்துள்ளார்.

அவருக்கு அடுத்த இடத்தில் மேற்கிந்திய தீவுகள் அணியின் மால்கம் மார்ஷல் (376 விக்கெட்டுகள், 20.94 சராசரி), ஜோயல் கார்னர் (259 விக்கெட்டுகள், 20.97 சராசரி) மற்றும் கர்ட்லி அம்ப்ரோஸ் (405 விக்கெட்டுகள், 20.99 சராசரி) ஆகிய மூவரும் உள்ளனர்.

டெஸ்ட் கிரிக்கெட்டில் தனது 200வது விக்கெட்டை பும்ரா இன்றைய ஆட்டத்தில் வீழ்த்தியிருந்தார். அவுஸ்திரேலியா அணியின் அதிரடி துடுப்பாட்ட வீரர் டிராவிஸ் ஹெட்டை வீழ்த்தியதன் மூலம் பும்ரா தனது 200வது விக்கெட்டை வீழ்த்தினார்.

அதே ஓவரில், மிட்செல் மார்ஷையும் ஓட்டங்கள் எதுவும் கொடுக்காமல் பும்ரா வீழ்த்தினார். இந்த ஆண்டு சர்வதேச கிரிக்கெட்டில் அதிக விக்கெட் எடுத்த வீரராகவும் பும்ரா மாறியுள்ளார்.

அவுஸ்திரேலியா அணிக்கு எதிராக ஐந்துப் போட்டிகள் கொண்ட தொடரில் இந்திய விளையாடி வரும் நிலையில், இதுவரை பும்ரா 29 விக்கெட்டுகளை வீழ்த்தியுள்ளார்.

மேலும், டிராவிஸ் ஹெட்டை ஆட்டமிழக்கச் செய்ததன் மூலம் 200 டெஸ்ட் விக்கெட்டுகளை வேகமாக வீழ்த்திய இந்திய வேகப்பந்து வீச்சாளர் என்ற கபில் தேவின் சாதனையையும் பும்ரா முறியடித்தார்.

கபில் தேவ் 50வது போட்டியின் போது தனது 200வது டெஸ்ட் விக்கெட்டை வீழ்த்தியிருந்தார். எனினும், பும்ரா 44வது போட்டியிலேயே 200வது விக்கெட்டை வீழ்த்தி அசத்தியுள்ளார்.

டெஸ்ட் போட்டிகளில் 200 விக்கெட்டுகளை வேகமாக வீழ்த்திய இரண்டாவது இந்தியர் இவர்தான். முன்னாள் வீரர் ரவிச்சந்திரன் அஸ்வின் 37 போட்டிகளுடன் இந்தப் பட்டியலில் முதலிடத்தில் உள்ளார்.

2023-25​​ஆம் ஆண்டுக்காள உலக டெஸ்ட் சம்பியன்ஷிப் தொடரில் இதுவரை 14 போட்டிகளில் மொத்தம் 74 விக்கெட்டுகளை வீழ்த்தியுள்ள பும்ரா, உலக டெஸ்ட் சம்பியன்ஷிப்பின் ஒரே பதிப்பில் இந்தியாவுக்காக அதிக விக்கெட்டுகளை வீழ்த்திய அஷ்வின் சாதனையை முறியடித்தார்.

2019-21 உலக டெஸ்ட் சம்பியன்ஷிப் தொடரில் 14 போட்டிகளில் 71 விக்கெட்டுகளை அஸ்வின் வீழ்த்தினார்.

எவ்வாறாயினும், உலக டெஸ்ட் சம்பியன்ஷிப் தொடரின் ஒரே பதிப்பில் அதிக விக்கெட்டுகளை வீழ்த்திய வீரர்களின் பட்டியிலில் அவுஸ்திரேலியாவின் நேதன் லயன் முதலிடத்தில் உள்ளார்.

அவர் 2021-23 பதிப்பில் 20 போட்டிகளில் 88 விக்கெட்டுகளை வீழ்த்தியுள்ளமை குறிப்பிடத்தக்கது.

The post புதிய வரலாறு படைத்தார் பும்ரா – குறைந்த சராசரியில் 200விக்கெட்டுகள் வீழ்த்தி சாதனை appeared first on Oruvan.com.