எனினும், கடுமையான நிபந்தனைகளையும் விதித்துள்ளதாக தெரிவிக்கப்பட்டுள்ளது.

அரபு ஊடகங்களின்படி, ஹார்முஸ் நீரிணை வழியாக தினமும் 15 கப்பல்கள் மட்டுமே செல்ல அனுமதிக்கப்படும் என்றும், ஒவ்வொரு கப்பலும் ஈரானிடம் இருந்து முன் அனுமதி பெற வேண்டும் என்றும் ஈரானிய அதிகாரிகள் கூறியுள்ளனர்.

புரட்சிகரப் பாதுகாப்புப் படையினரின் மேற்பார்வையின் கீழ் இந்த புதிய முறை செயல்படுத்தப்பட்டுள்ளது என்றும், போருக்கு முந்தைய நிலைமை இனி இருக்காது என்றும் அதிகாரிகள் கூறுகின்றனர்.

போர் நிறுத்தத்தை நிலைநிறுத்துவதற்காக, வெளிநாடுகளில் முடக்கப்பட்டுள்ள தனது சொத்துக்கள் இரண்டு வாரங்களுக்குள் மீட்கப்பட வேண்டும் என்று ஈரான் தெளிவுபடுத்தியுள்ளது.

அரபு ஊடகங்களின்படி, ஈரானின் இந்த நிபந்தனை ஒப்பந்தத்திற்கான ஒரு முக்கிய உத்தரவாதமாகும்.

மேலும், ஐக்கிய நாடுகள் பாதுகாப்பு சபைத் தீர்மானத்தின் மூலம் போர் முடிவுக்கு முறைப்படி அங்கீகாரம் அளிக்கப்பட வேண்டும் என்றும், இல்லையெனில் மீண்டும் போரைத் தொடங்கத் தயாராக இருப்பதாகவும் ஈரான் வலியுறுத்தியுள்ளது.

அரபு ஊடக அறிக்கை ஒன்றின்படி, அப்பகுதியில் தனது இராணுவ இருப்பை அதிகரிக்க வேண்டாம் என அமெரிக்காவை ஈரான் வலியுறுத்தியுள்ளது.

மறுபுறம், யுரேனியம் செறிவூட்டல் விவகாரம் தொடர்பான ஒப்பந்தத்தை தொடர்ந்து கடைப்பிடிப்பதாக ஈரானும் தெரிவித்துள்ளது.

பேச்சுவார்த்தைகளுக்கு ஈரானின் முன்மொழிவுகளே அடிப்படை என அமெரிக்க ஜனாதிபதி டொனால்ட் டிரம்ப் ஏப்ரல் ஏழாம் திகதி அறிவித்திருந்தார்.

இதன் பின்னரே, ஈரானுக்கும் அமெரிக்காவிற்கும் இடையிலான போர் நிறுத்தம் நடைமுறைக்கு வந்தது. இருப்பினும், இந்த ஒப்பந்தத்தில் லெபனான் விவகாரம் சர்ச்சையை ஏற்படுத்தி வருகிறது.

இந்த ஒப்பந்தத்தில் லெபனானையும் சேர்க்க வேண்டும் என ஈரான் விரும்புகிறது, ஆனால் அமெரிக்காவும் இஸ்ரேலும் அதற்கு மறுக்கின்றன. இஸ்ரேல் லெபனான் மீது தொடர்ந்து தாக்குதல் நடத்தி வருகிறது.

லெபனான் மீதான தாக்குதல்கள் நிறுத்தப்படாவிட்டால், ஹார்முஸ் நீரிணையை மீண்டும் மூட நேரிடலாம் என ஈரான் எச்சரித்துள்ளது.

அமெரிக்காவுக்கும் ஈரானுக்கும் இடையிலான வரலாற்று சிறப்புமிக்க பேச்சுவார்த்தைகள் இன்று இஸ்லாமாபாத்தில் இடம்பெறுகின்றது.

வெளிநாட்டுத் தூதுக்குழுக்கள் வரத் தொடங்கியுள்ள நிலையில், பாகிஸ்தான் தலைநகரில் பாதுகாப்பு பலப்படுத்தப்பட்டுள்ளது.
இதனால் ஒட்டுமொத்த உலகின் பார்வையும் இஸ்லாமாபாத்தின் பக்கம் திரும்பியுள்ளது.

The post ஈரான் – அமெரிக்க பேச்சுவார்த்தை – இஸ்லாமாபாத்தை உற்றுநோக்கும் உலக நாடுகள் appeared first on Oruvan.com.

இரு நாடுகளும் தங்கள் பாதுகாப்பை மேம்படுத்துவதற்கும், பிராந்தியத்திலும் உலகிலும் பாதுகாப்பு மற்றும் அமைதியை அடைவதற்கும் பகிர்ந்து கொள்ளப்பட்ட உறுதிப்பாட்டை ஒப்பந்தம் பிரதிபலிக்கவுள்ளது.

அத்துடன் இரு நாடுகளுக்கும் இடையிலான பாதுகாப்பு ஒத்துழைப்பின் அம்சங்களை ஒப்பந்தம் மேம்படுத்தவுள்ளது. எந்தவொரு ஆக்கிரமிப்புக்கும் எதிரான கூட்டுத் தடுப்பை வலுப்படுத்துவதையும் இந்த ஒப்பந்தம் பிரதான நோக்கமாகக் கொண்டுள்ளது என்றும் தெரிவிக்கப்பட்டுள்ளது.

அதேவேளை, இரு நாடுகளுக்கும் எதிரான எந்தவொரு ஆக்கிரமிப்பும், இரு நாடுகளுக்கும் எதிரான திட்டமிடப்பட்ட ஆக்கிரமிப்பாக கருதப்படும் என்றும் ஒப்பந்தத்தின் பிரதான உள்ளடக்கம் கூறுகிறது.

இந்த ஒப்பந்தம் கைச்சாத்திடப்பட்ட பின்னர் இரு நாடுகளும் இணைந்து கூட்டறிக்கை ஒன்றை வெளியிட்டுள்ளன.

பிராந்தியப் பாதுகாப்பு நோக்கிலான “மூலோபாய பரஸ்பர பாதுகாப்பு ஒப்பந்தம்” (Strategic Mutual Defense Agreement- SMDA) குறித்த ஆவணங்களை சவுதி அரேபியாவும் பாகிஸ்தானும் பரிமாறிக் கொள்வதாக கூட்டு அறிக்கையில் தெரிவிக்கப்பட்டுள்ளது.

கூட்டு இராணுவ நடவடிக்கைகளுக்கு இரு நாடுகளும் எந்த வேளையிலும் தயாராக இருக்கும் எனவும் அதற்குரிய பயிற்சிகள் வழங்கப்படும் எனவும் கூட்டு அறிக்கையில் விபரிக்கப்பட்டுள்ளது.

அதேவேளை இந்த ஒப்பந்தம் இந்தோ – பசுபிக் பிராந்தியத்துக்கு ஆபத்தாக அமையலாம் என புதுடில்லி ஊடகங்கள் விமர்சித்துள்ளன. இந்த ஒப்பந்தத்துக்குப் பின்னால் சீனா இருப்பதாகவும் இந்திய ஊடகங்கள் குற்றம் சுமத்தியுள்ளன.

அரபு நாடுகளும் இஸ்லாமிய நாடுகளும் இணைந்து நேட்டோ போன்ற ஒரு பாிய இராணுவ கூட்டணியை அமைக்க கட்டாரில் பேச்சு நடத்திக் கொண்டிருக்கும் நிலையில், சவுதி அரபியாவும் பாகிஸ்தானும் மூலோபாய பாதுகாப்பு ஒப்பந்தத்தில் கைச்சாட்டுள்ளமை மேலும் பலம் சேர்க்கும் என பாகிஸ்தான் ரூடே ஆங்கில நாளிதழ் செய்தி வெளியிட்டுள்ளது.

The post சவுதி – பாகிஸ்தான் மூலோபாய பாதுகாப்பு ஒப்பந்தம் – இந்தோ – பசுபிக் பிராந்தியத்துக்கு சவால் appeared first on Oruvan.com.