அவர் தனது ட்ரூத் சோஷியல்” தளத்தில் இதனை அறிவித்துள்ளார்.

தளங்கள் முழுமையாக அழிக்கப்பட்டுள்ளதால் அங்கிருந்து செறிவூட்டப்பட்ட யுரேனியத்தை மீட்பது நீண்ட மற்றும் சிக்கலான செயன்முறையாக இருக்கும் என்றும் அவர் தெரிவித்துள்ளார்.

கடந்த ஜூன் மாதம் அமெரிக்கா மேற்கொண்ட இந்த நடவடிக்கையில், ஃபோர்டோ, நடன்ஸ் மற்றும் இஸ்ஃபஹான் ஆகிய ஈரானின் மூன்று அணுசக்தி நிலையங்கள் இலக்கு வைக்கப்பட்டதாகவும் கூறப்படுகிறது.

மேலும், CNN உள்ளிட்ட சில ஊடகங்கள் அமெரிக்க விமானிகளின் செயற்பாடுகளுக்கு உரிய அங்கீகாரம் வழங்கத் தவறுகின்றன எனவும் ட்ரம்ப் கடுமையாக விமர்சித்துள்ளார்.

The post ஈரானில் உள்ள அணுசக்தி தளங்கள் முழுமையாக அழிக்கப்பட்டதாக ட்ரம்ப் அறிவிப்பு appeared first on Oruvan.com.

மொஜ்தபா கமெனி சுயநினைவின்றி இருப்பதாகவும்,  தீவிர சிகிச்சை பெற்று வருவதாகவும் தூதரகக் குறிப்பொன்றை மேற்கோள் காட்டி, ‘தி டைம்ஸ்’ செய்தி வெளியிட்டுள்ளது.

ஈரானின் உச்ச தலைவர் தலைமறைவாகியுள்ளதாக செய்திகள் வெளியான நிலையில் அவரது இருப்பிடம் வெளிப்படுத்தப்படுவது இதுவே முதன்முறையாகும்.

தலைநகர் தெஹ்ரானுக்குத் தெற்கே 87 மைல் தொலைவில் உள்ள கோம் நகரம், ஷியா இஸ்லாமியர்களின் புனிதத் தலமாகவும், மதத் தலைநகராகவும் கருதப்படுகிறது.

உச்ச தலைவர் தலைமறைவாக இருப்பதாகக் கூறப்பட்ட நிலையில், அமெரிக்க மற்றும் இஸ்ரேலிய உளவு அமைப்புகளுக்குத் தெரிந்திருந்த அவரது இருப்பிடம் தற்போதுதான் முதன்முறையாக பொதுவெளியில் கசிந்துள்ளது.

மொஜ்தபா கமெனி பதவிக்கு வந்தது முதல் இதுவரை பொதுவெளியில் தோன்றவில்லை. ஈரான் அரசு ஊடகங்கள் அவர் கூறியதாகச் சில செய்திகளை வெளியிட்டாலும், அவரது நேரடி வீடியோ காட்சிகளோ புகைப்படங்களோ வெளியாகவில்லை என்பது இந்தத் தகவல்களை உறுதிப்படுத்தும் விதமாக அமைந்துள்ளது.

இதனிடையே, மறைந்த உச்ச தலைவர் அயத்துல்லா கமெனியின் உடலை கோம் நகரில் அடக்கம் செய்வதற்கான ஏற்பாடுகள் தீவிரமாக நடைபெற்று வருவதாகவும் தகவல்கள் தெரிவிக்கின்றன.

The post சுயநினைவற்ற நிலையில் அதிதீவிர சிகிச்சைப் பிரிவில் ஈரானின் புதிய உச்ச தலைவர் – ‘தி டைம்ஸ்’ appeared first on Oruvan.com.

வெளியுறவு அமைச்சகத்தின் செய்தித் தொடர்பாளர் மாவோ நிங் இந்த கோரிக்கையை விடுத்துள்ளார்.

“இராணுவ வழிமுறைகளால் பிரச்சினையை தீர்க்க முடியாது, மேலும் மோதல்கள் தீவிரமடைவது இரு தரப்பினரின் நலன்களுக்கும் உகந்ததல்ல” என்று அவர் சுட்டிக்காட்டியுள்ளார்.

எனவே, சம்பந்தப்பட்ட தரப்பினர் உடனடியாக இராணுவ நடவடிக்கைகளை நிறுத்த வேண்டும் என்று அவர் வலியுறுத்தினார்.

எவ்வாறாயினும், ஹார்முஸ் நீரிணையில் நிலவும் குழப்பத்திற்கு அந்த பகுதியில் நடைபெறும் சட்டவிரோத இராணுவ நடவடிக்கைகளே காரணம் எனவும் அவர் கூறியுள்ளார்.

ஆகையினால், உலகப் பொருளாதாரம் மற்றும் எரிசக்திப் பாதுகாப்பில் மேலும் கடுமையான பாதிப்புகள் ஏற்படுவதைத் தவிர்க்க சம்பந்தப்பட்ட தரப்பினர் நடவடிக்கை எடுக்க வேண்டும் என அவர் மேலும் தெரிவித்துள்ளார்.

The post ஈரானுக்கு எதிரான தாக்குதலை நிறுத்த வேண்டும் – சீனா கோரிக்கை appeared first on Oruvan.com.

அந்தச் செய்தியில், “ஈரான் மீதான ஆக்கிரமிப்புக்கு எதிரான தெளிவான நிலைப்பாட்டிற்காகவும், நமது நாட்டிற்கு அவர்கள் அளித்த ஆதரவிற்காகவும் (ஈராக்கின்) உச்ச மத அதிகாரத்திற்கும் ஈராக் மக்களுக்கும் கமெனி தனது பாராட்டைத் தெரிவித்தார்,” என ஐஎஸ்என்ஏ செய்தி நிறுவனம் தெரிவித்துள்ளது.

இது, ஷியா இஸ்லாத்தில் மிகவும் போற்றப்படும் நபர்களில் ஒருவரான, ஈராக்கைச் சேர்ந்த மதகுரு கிராண்ட் அயதுல்லா அலி சிஸ்தானியைக் குறிக்கிறது.

ஷியா அரசியல் கட்சியான ஈராக்கின் இஸ்லாமிய உச்ச மன்றத்திற்கும், பாக்தாத்தில் உள்ள ஈரானிய தூதருக்கும் இடையே நடந்த சந்திப்பைத் தொடர்ந்து இந்தச் செய்தி வெளியிடப்பட்டுள்ளது.

இருப்பினும், அந்தத் தகவல் எவ்வாறு அனுப்பப்பட்டது என்பது குறித்த மேலதிக விவரங்கள் எதுவும் வழங்கப்படவில்லை என AFP செய்தி வெளியிட்டுள்ளது.

முன்னாள் உச்ச தலைவர் அலி கமெனியின் மகனான கமெனி, பெப்ரவரி 28 அன்று போர் தொடங்கியபோது நடந்த வான்வழித் தாக்குதலில் தனது தந்தை கொல்லப்பட்டதை அடுத்து அப்பதவிக்கு நியமிக்கப்பட்டதிலிருந்து பொதுவெளியில் தோன்றவில்லை.

இதனால், அவரது உடல்நிலை மற்றும் இருப்பிடம் குறித்து தீவிரமான யூகங்களுக்கு வழிவகுத்துள்ளது.

வான்வழித் தாக்குதலில் ஏற்பட்ட காயங்களிலிருந்து அவர் குணமடைந்து வருவதாக அரசு தொலைக்காட்சியும் சில ஈரானிய அதிகாரிகளும் தெரிவித்துள்ளனர்.

பதவியேற்றதிலிருந்து, கமெனி பாரசீகப் புத்தாண்டான நவ்ரூஸைக் குறிக்கும் அறிக்கை உட்பட, ஒரு சில எழுத்துப்பூர்வ அறிக்கைகளை மட்டுமே வெளியிட்டுள்ளார்.

அந்த இரு செய்திகளும் தொலைக்காட்சியில் மற்றொரு பேச்சாளரால் வாசிக்கப்பட்டிருந்தன. அரச ஊடகங்கள் கமேனியின் படங்களை வெளியிட்டுள்ளன, ஆனால் அவை சமீபத்தியவையா என்பதை உறுதிப்படுத்தவில்லை.

அமெரிக்க ஜனாதிபதி டொனால்ட் டிரம்பும் மொஜ்தபா கமெனி குறித்து சரியான தகவல் தெரியவில்லை என குறிப்பிட்டுள்ளார். அவர் உயிருடன் உள்ளாரா? அல்லது இறந்துவிட்டாரா என்பது தெரியாது என டிரம்ப் வலியுறுத்தியுள்ளார்.

மேலும், ஈரானுடனான பேச்சுவார்த்தைகளில் உயர்மட்ட நபருடன் ஈடுபட்டு வருவதாக கடந்த வாரம் டிரம்ப் கூறினார், ஆனால் அவர் ஈரானின் உச்ச தலைவர் அல்ல என்றும் தெளிவுபடுத்தினார்.

1979 இஸ்லாமியப் புரட்சிக்குப் பிறகு ஈரானின் மூன்றாவது உச்சத் தலைவரான மொஜ்தபா கமெனி, தனது தந்தை மற்றும் புரட்சியின் ஸ்தாபகத் தலைவரான அயதுல்லா ரூஹோல்லா கொமேனி ஆகிய இருவருக்கும் பிறகு இந்தப் பதவியைப் பெற்றுள்ளார்.

The post ஈராக்கியர்களுக்கு நன்றி – மொஜ்தபா கமெனியிடம் இருந்து வந்த அறிக்கை appeared first on Oruvan.com.

போரின் ஆரம்ப நாட்களில் உச்ச தலைவர் அயதுல்லா அலி கமேனி மற்றும் பிற மூத்த அதிகாரிகள் படுகொலை செய்யப்பட்டதன் மூலம் ஈரான் ஏற்கனவே ஆட்சி மாற்றத்தை” சந்தித்துள்ளது என்று டிரம்ப் சுட்டிக்காட்டியுள்ளார்.

அயதுல்லா அலி கமேனியின் மரணத்திற்குப் பிறகு ஈரானின் உச்ச தலைவரான அவரது மகன் மொஜ்தபா கமேனி குறித்த தன்னிடம் எந்த தகவலும் இல்லை என்றும் டிரம்ப் மீண்டும் வலியுறுத்தினார்.

எவ்வாறாயினும், ஈரானில் பல இலக்குகள் கைப்பற்றப்பட்டு அழிக்கப்பட்டுள்ளன என்று டிரம்ப் தெரிவித்துள்ளார்.

முன்னதாக, ஏர் ஃபோர்ஸ் ஒன் விமானத்தில் செய்தியாளர்களிடம் பேசிய டிரம்ப், அமெரிக்கா ஈரானுடன் நேரடியாகவும் மறைமுகமாகவும் பேச்சுவார்த்தை நடத்தி வருவதாகவும் தெரிவித்துள்ளார்.

அந்தப் பேச்சுவார்த்தைகள் மிகவும் சிறப்பாக நடைபெற்று வருவதாகவும் அவர் குறிப்பிட்டுள்ளார்.

ஈரானுடன் ஒப்பந்தம் ஏற்படுவது கிட்டத்தட்ட உறுதி என்றும், ஆனால் அது நடக்காமல் போவதற்கும் வாய்ப்புள்ளது என்றும் அவர் கூறினார். இருப்பினும், ஈரானில் அமெரிக்கா “ஆட்சி மாற்றத்தை” சாதித்துவிட்டதாக அவர் கூறினார்.

இதனிடையே, ஃபைனான்சியல் டைம்ஸ் பத்திரிகைக்கு அளித்த ஒரு தனிப் பேட்டியில், ஈரானின் எண்ணெயைக் கைப்பற்ற விரும்புவதாகவும், கார்க் தீவில் உள்ள ஈரானிய ஏற்றுமதி மையத்தை அமெரிக்காவால் கைப்பற்ற முடியும் என்றும் டிரம்ப் கூறினார்.

“உண்மையைச் சொல்லப்போனால், ஈரானில் உள்ள எண்ணெயைக் கைப்பற்றுவதுதான் எனக்கு மிகவும் பிடித்தமான விஷயம்.

ஆனால், அமெரிக்காவில் உள்ள சில முட்டாள்கள், ‘நீங்கள் ஏன் அதைச் செய்கிறீர்கள்?’ என்று கேட்கிறார்கள். உண்மையில் அவர்களே முட்டாள்கள்,” என்று டிரம்ப் ஃபைனான்சியல் டைம்ஸ் பத்திரிகையிடம் கூறினார்.

இந்த நடவடிக்கை கார்க் தீவைக் கைப்பற்றுவதாக அமையலாம் என அவர் குறிப்பிட்டார். ஒருவேளை நாங்கள் கார்க் தீவைக் கைப்பற்றலாம், அல்லது கைப்பற்றாமலும் போகலாம்.

எங்களுக்கு நிறைய வாய்ப்புகள் உள்ளன… அப்படியென்றால், நாங்கள் அங்கே [கார்க் தீவில்] சிறிது காலம் இருக்க வேண்டியிருக்கும் என டிரம்ப் கூறியுள்ளார்.

The post ஈரானில் ஆட்சி மாற்றம் நிகழ்ந்துவிட்டது – டிரம்ப் அறிவிப்பு appeared first on Oruvan.com.

ஈரானின் மூத்த அரசியல் மற்றும் பாதுகாப்பு அதிகாரி ஒருவர் பிரஸ் டிவிக்கு அளித்த செவ்வியில், போரை முடிவுக்குக் கொண்டு வருவதற்கான நடவடிக்கைகள் ஈரானின் நிபந்தனைகள் மற்றும் கால அட்டவணையின்படியே நடக்கும் என வலியுறுத்தினார்.

போரை முடிவுக்குக் கொண்டுவருவதற்கான காலத்தை அமெரிக்க ஜனாதிபதி டொனால்ட் டிரம்ப் நிர்ணயிக்க ஈரான் அனுமதிக்காது என்று அவர் சுட்டிக்காட்டியுள்ளார்.

எவ்வாறாயினும், தமது நிபந்தனைகள் நிறைவேற்றப்படும்போதுதான் ஈரான் போரை முடிவுக்குக் கொண்டுவர முடிவு செய்யும்,” என அந்த அதிகாரி குறிப்பிட்டுள்ளார்.

தமது கோரிக்கைகள் நிறைவேற்றப்படும் வரை, தமது பாதுகாப்பைத் தொடரவும், எதிரிக்குக் கடுமையான பதிலடி கொடுக்கவும் ஈரான் உறுதியாக உள்ளது என்பதையும் அவர் வலியுறுத்தினார்.

போர்க்களத்தில் அமெரிக்காவின் தோல்விகளை மூடிமறைப்பதற்கான முன்மொழிவுகளை வழங்கி, பல்வேறு இராஜதந்திர வழிகள் மூலம் பேச்சுவார்த்தை நடத்தி வருவதாகவும் அவர் குற்றம் சுமத்தியுள்ளார்.

2025ஆம் ஆண்டின் வசந்த காலத்திலும் குளிர்காலத்திலும் நடைபெற்ற இரண்டு சுற்றுப் பேச்சுவார்த்தைகளை, அவற்றுக்கிடையே உள்ள ஒற்றுமைகளைச் சுட்டிக்காட்டி, ஏமாற்றுப் பேச்சுவார்த்தைகள் என அவர் விவரித்தார்.

இரு நிகழ்வுகளிலும், அர்த்தமுள்ள பேச்சுவார்த்தையில் ஈடுபடுவதற்கு அமெரிக்காவிற்கு உண்மையான நோக்கம் இல்லை என்று வலியுறுத்திய அந்த அதிகாரி, பின்னர் ஈரானுக்கு எதிராக இராணுவ ஆக்கிரமிப்பில் ஈடுபட்டார்.

எனவே ஈரான் எதிர்மறையாக எதிர்வினையாற்றியுள்ளதுடன், ஒரு நட்பு பிராந்திய இடைத்தரகர் மூலம் வழங்கப்பட்ட சமீபத்திய அறிக்கையை, பதட்டங்களை அதிகரிப்பதற்கான ஒரு தந்திரம் என வகைப்படுத்தியுள்ளது.

போரை முடிவுக்குக் கொண்டுவர ஈரான் ஒப்புக்கொள்ளும் ஐந்து குறிப்பிட்ட நிபந்தனைகளை அந்த அதிகாரி கோடிட்டுக் காட்டினார்.

1. எதிரியின் ‘ஆக்கிரமிப்புகள் மற்றும் படுகொலைகளை’ முழுமையாக நிறுத்துதல்.
2. இஸ்லாமியக் குடியரசுக்கு எதிராக மீண்டும் போர் மூளாமல் இருப்பதை உறுதிசெய்ய உறுதியான வழிமுறைகளை நிறுவுதல்.
3. போர்ச் சேதங்கள் மற்றும் இழப்பீடுகள் வழங்கப்படுவதை உறுதிசெய்யும் தெளிவான வரையறைகளை வழங்குதல்.
4. பிராந்தியத்தில் உள்ள அனைத்து முனைகளிலும் மற்றும் அனைத்து எதிர்ப்புக் குழுக்களுக்கும் எதிரான போரை முடிவுக்குக் கொண்டுவருதல்.
5. ஹர்முஸ் நீரிணையின் மீது அதிகாரம் செலுத்துவதற்கான ஈரானின் இறையாண்மை உரிமைக்கு சர்வதேச அங்கீகாரம் மற்றும் உறுதிமொழிகள்.

பெப்ரவரி 28 அன்று அமெரிக்காவும் இஸ்ரேலும் புதிய சுற்று ஆக்கிரமிப்பைத் தொடங்குவதற்குச் சில நாட்களுக்கு முன்பு, ஜெனீவாவில் நடைபெற்ற இரண்டாவது சுற்றுப் பேச்சுவார்த்தையின்போது ஈராள் முன்வைத்த நிபந்தனைகளுக்குக் கூடுதலானவையே இந்த நிபந்தனைகள் என்று அந்த அதிகாரி மேலும் கூறினார்.

நல்லெண்ணத்துடன் செயல்படும் அனைத்து இடைத்தரகர்களுக்கும், அனைத்து நிபந்தனைகளையும் ஏற்றுக்கொள்வதைப் பொறுத்தே போர் நிறுத்தம் அமையும் என்று ஈரான் தெரிவித்துள்ளது.

“அதற்கு முன்பு எந்தப் பேச்சுவார்த்தையும் நடைபெறாது,” என அந்த அதிகாரி வலியுறுத்திக் கூறியுள்ளார்.

டன், கூறப்பட்ட நிபந்தனைகள் நிறைவேற்றப்படும் வரை ஈரானின் பாதுகாப்பு நடவடிக்கைகள் தொடரும் என்றும் மீண்டும் உறுதிப்படுத்தினார்.

“டிரம்ப் நினைக்கும் போது போர் முடிவுக்கு வராது, மாறாக அது முடிவுக்கு வர வேண்டும் என்று ஈரான் முடிவு செய்யும் போதுதான் வரும்,” என்று அவர் மேலும் கூறினார்.

The post போர் முடிவுக்கு வராது – ஈரான் அறிவிப்பு appeared first on Oruvan.com.

“சில உளவுத்துறை அறிக்கைகளின் அடிப்படையில், ஈரானின் எதிரிகள் பிராந்திய நாட்டின் ஆதரவுடன் ஈரானிய தீவுகளில் ஒன்றை ஆக்கிரமிக்கத் தயாராகி வருகின்றனர் என்று சபாநாயனர் முகமது பாகர் காலிபாஃப் குறிப்பிட்டுள்ளார்.

இந்நிலையில், எங்கள் படைகள் எதிரிகளின் அனைத்து நகர்வுகளையும் கண்காணித்து வருகின்றன.

அவர்கள் சிறிதளவு நடவடிக்கை எடுத்தாலும், அந்தப் பிராந்திய அரசின் அனைத்து முக்கிய உள்கட்டமைப்புகளும் இடைவிடாத, ஓயாத தாக்குதல்களால் குறிவைக்கப்படும் எனவும் காலிபாஃப் குறிப்பிட்டுள்ளார்.

வளைகுடாவில் உள்ள ஈரானிய எண்ணெய் வளங்களைக் கைப்பற்றுவதற்காகவோ அல்லது முக்கியத்துவம் வாய்ந்த ஹர்முஸ் நீரிணையை பாதுகாப்பதற்காகவோ அமெரிக்கா நடவடிக்கை எடுத்து வருகின்றது.

இந்த நடவடிக்கைகளுக்காக அமெரிக்க ஜனாதிபதி தரைவழிப் படையெடுப்புக்கு உத்தரவிடக்கூடும் என்ற யூகங்களுக்கு மத்தியில், ஆயிரக்கணக்கான வீரர்களையும் வளைகுடாவில் நிலைநிறுத்தியுள்ளார்.

இந்நிலையில், ஈரானின் கச்சா எண்ணெய் ஏற்றுமதியில் முழுவதையும் கையாளும் கார்க் தீவு, சாத்தியமான இலக்குகளில் ஒன்றாகும் என தெரிவிக்கப்பட்டுள்ளது.

இந்த தீவு, “முற்றிலும் பாதுகாப்பற்ற நிலையில் இருக்கும் ஒரு சிறிய எண்ணெய் தீவு” என்று அமெரிக்கா ஜனாதிபதி டிரம்ப் சுட்டிக்காட்டியுள்ளார்.

எவ்வாறாயினம், தரைவழிப் படையெடுப்பு ஏற்பட்டால் செங்கடலில் உள்ள கப்பல் போக்குவரத்தை ஈரான் குறிவைக்கும் என்று பெயர் குறிப்பிடப்படாத ஈரானிய இராணுவ அதிகாரி ஒருவர் தெரிவித்துள்ளார்.

இது மோதலைப் பெருமளவில் விரிவுபடுத்தி உலகளாவிய வர்த்தகத்தைச் சீர்குலைக்கும் என்றும் அவர் சுட்டிக்காட்டியுள்ளார்.

The post ஈரானின் கார்க் தீவை கைப்பற்றி எதிரிகள் முயற்சி – சபாநாயகர் எச்சரிக்கை appeared first on Oruvan.com.

இந்தப் போரில் ஏற்கனவே வெற்றி பெறப்பட்டுவிட்டதாகவும், ஆட்சி மாற்ற இலக்கு அடையப்பட்டுவிட்டதாகவும் டிரம்ப் சுட்டிக்காட்டியுள்ளார். எனினும், ஈரான் இதனை முற்றிலும் மறுத்துள்ளது.

சமாதான முயற்சிகள் இருந்தபோதிலும், ஈரான் மீதான அமெரிக்க-இஸ்ரேலிய கூட்டுத் தாக்குதல்கள் தொடர்ந்தும் இடம்பெற்று வருகின்றது.

தெற்கு தெஹ்ரானில் உள்ள பொதுமக்கள் மையங்கள் மீதான தாக்குதலில் 12 பேர் கொல்லப்பட்டுள்ளதுடன், 28 பேர் காயமடைந்துள்ளனர்.

இதனையடுத்து, மத்திய கிழக்கில் உள்ள இஸ்ரேல் மற்றும் அமெரிக்கத் தளங்கள் மீது ஈரான் பதிலடி கொடுத்து வருகிறது. இதற்கிடையில், மேலும் 1,000 அமெரிக்கப் படைகள் மத்திய கிழக்கில் நிலைநிறுத்தப்படவுள்ளனர்.

எவ்வாறாயினும், போரை முடிவுக்குக் கொண்டுவருவது குறித்து விவாதிக்க, அமெரிக்க-ஈரானியப் பிரதிநிதிகள் இந்த வாரத் தொடக்கத்தில் இஸ்லாமாபாத்தில் சந்திக்கவுள்ளதாக சர்வதேச ஊடகங்கள் செய்தி வெளியிட்டுள்ளன.

மூன்று வாரங்களுக்கும் மேலாக நடைபெற்று வரும் அமெரிக்க-இஸ்ரேலிய வான்வழித் தாக்குதல்களில் ஈரானின் பெரும்பாலான மூத்த தலைவர்கள் கொல்லப்பட்டுள்ளதாகவும், அதன் இராணுவத் திறன்களில் பெரும் பகுதி அழிக்கப்பட்டுள்ளதாகவும் டிரம்ப் தெரிவித்துள்ளார்.

“நாங்கள் சரியான தலைவர்களுடன் பேசி வருகிறோம், அவர்கள் ஒரு உடன்பாட்டை எட்டுவதற்கு மிகவும் ஆர்வமாக உள்ளனர்,” என்று ஓவல் அலுவலகத்தில் செய்தியாளர்களிடம் டிரம்ப் தெரிவித்தார்.

போர் நிறுத்தத்திற்கான முயற்சிகளை எகிப்து, பாகிஸ்தான் மற்றும் துருக்கி ஆகிய நாடுகள் முன்னெடுத்து வருகின்றன.

தனது மருமகன் ஜாரெட் குஷ்னர், வெள்ளை மாளிகை தூதர் ஸ்டீவ் விட்காஃப், வெளியுறவுத்துறை அமைச்சர் மார்கோ ரூபியோ மற்றும் துணை ஜனாதிபதி ஜே.டி. வான்ஸ் ஆகியோர் ஈரானுடனான பேச்சுவார்த்தைகளில் ஈடுபட்டுள்ளதாக டிரம்ப் மேலும் கூறினார்.

“ஈரான் எங்களுக்கு ஒரு பரிசை வழங்கினர், அந்தப் பரிசு இன்று வந்து சேர்ந்தது. அது மிகவும் மதிப்புமிக்க பரிசு, அது என்னவென்று நான் உங்களிடம் கூற மாட்டேன், ஆனால் அது மிகவும் முக்கியமானது,” என்று டிரம்ப் கூறினார்.

இதற்கிடையில், அமெரிக்காவுடன் நேரடியாகவோ அல்லது மறைமுகமாகவோ எந்தத் தொடர்பும் இல்லை என்று ஈரானிய வட்டாரங்கள் தெரிவிக்கின்றன.

டிரம்ப் நிர்வாகம், மத்தியஸ்தர்கள் மூலம் ஈரானிடம் 15 அம்ச போர்நிறுத்தத் திட்டத்தைச் சமர்ப்பித்துள்ளதாக அசோசியேட்டட் பிரஸ் (AP) செய்தி நிறுவனம் தெரிவித்துள்ளது.

அமெரிக்காவுக்கும் ஈரானுக்கும் இடையிலான பேச்சுவார்த்தைகளுக்கு பாகிஸ்தான் இராணுவத் தலைமை மத்தியஸ்தம் செய்து வருகிறது.

இராணுவத் தளபதி ஆசிம் முனீர், டொனால்ட் டிரம்புடன் தொலைபேசியில் பேசியதை வெள்ளை மாளிகை உறுதிப்படுத்தியது.

டிரம்ப் மற்றும் முனீர் இடையேயான தொலைபேசி உரையாடலைத் தொடர்ந்து, பாகிஸ்தான் பிரதமர் ஷெபாஸ் ஷெரீப், ஈரான் அதிபர் மசூத் பெஸ்கோவுடன் பேச்சுவார்த்தை நடத்தினார்.

அப்போது, ​​பேச்சுவார்த்தை மற்றும் ராஜதந்திரத்தின் அவசரத் தேவை குறித்து இருவரும் ஒப்புக்கொண்டதாக அதிகாரப்பூர்வ அறிக்கை ஒன்று தெரிவித்தது.

டிரம்பின் மத்திய கிழக்குத் தூதர் ஸ்டீவ் விட்காஃப் இஸ்லாமாபாத் செல்லத் தயாராகி வருவதாகக் கூறப்படுகிறது.

இந்தப் பேச்சுவார்த்தைகள் முன்னெடுக்கப்பட்டால், அமெரிக்கத் தரப்பில் தலைமைப் பேச்சுவார்த்தையாளராக அமெரிக்கத் துணை ஜனாதிபதி ஜே.டி.வான்ஸ் முன்மொழியப்படுவதாக பாகிஸ்தானிய வட்டாரங்கள் தெரிவித்தன.

இருப்பினும், ஈரான் தரப்பிலிருந்து பேச்சுவார்த்தையில் யார் பங்கேற்பார் என்பது குறித்து எந்த உறுதிப்படுத்தலும் வெளியாகவில்லை.

ஈரானின் நாடாளுமன்ற சபாநாயகர் முகமது பாகர் காலிபாஃப் அவர்களே பங்கேற்க அதிக வாய்ப்புள்ளதாக தி கார்டியன் செய்தி வெளியிட்டுள்ளது.

The post ஈரானுடனான போரில் வெற்றிபெற்று விட்டோம் – அமெரிக்க ஜனாதிபதி அறிவிப்பு appeared first on Oruvan.com.

கொழும்பில் உள்ள உள்ள ஈரானிய தூதரகத்தில் இன்று (23) நடைபெற்ற செய்தியாளர் சந்திப்பில் கலந்துகொண்டு பேசிய இலங்கைக்கான ஈரானிய தூதுவர் இதனை தெரிவித்துள்ளார்.

இலங்கைக்கு எரிபொருள் அல்லது வேறு ஏதேனும் அத்தியாவசியப் பொருட்களைக் கோரினால், தனது நாடு அவற்றை இலங்கைக்கு வழங்கத் தயாராக உள்ளது என்று அவர் மேலும் தெரிவித்தார்.

ஈரான் தனது நட்பு நாடுகளுக்கு ஹர்முஸ் நீரிணையை மூடவில்லை என்றும் தூதர் மேலும் தெரிவித்தார்.

இலங்கையுடனான தனது இருதரப்பு உறவில் ஈரானின் உறுதிப்பாட்டை மீண்டும் வலியுறுத்திய தூதுவர், இரு நாடுகளுக்கும் இடையிலான தொடர்ச்சியான ஒத்துழைப்பையும் வலியுறுத்தினார்.

இலங்கையை ஒரு நட்பு நாடு என்று வர்ணித்ததோடு, ஈரான் தனது கூட்டாளிகளிடம் ஒரு திறந்த மற்றும் ஆதரவான நிலைப்பாட்டைப் பேணி வருவதாகவும் கூறினார்.

இலங்கை உட்பட நட்பு நாடுகளின் கப்பல்களுக்கு ஹர்முஸ் நீரிணை அணுகக்கூடியதாகவே உள்ளது என்று அவர் குறிப்பிட்டதோடு, அத்தகைய நாடுகளின் தேவைகளை எளிதாக்க ஈரான் தயாராக இருப்பதாகவும் உறுதிப்படுத்தினார்.

மேலும், இலங்கைக்குத் தேவைப்பட்டால், எரிபொருள் உள்ளிட்ட அத்தியாவசியப் பொருட்களை வழங்க ஈரான் தயாராக இருப்பதாகத் தூதர் தெரிவித்தார்.

தேவைப்படும் காலங்களில் இலங்கைக்கு ஆதரவளிக்க ஈரான் தயாராக இருப்பதை அவர் வலியுறுத்தியதோடு, இரு நாடுகளுக்கும் இடையே வலுவான மற்றும் ஒத்துழைப்புடன் கூடிய உறவுகளைப் பேணுவதன் முக்கியத்துவத்தையும் எடுத்துரைத்தார்.

“இலங்கை சிக்கலில் இருப்பதை நாங்கள் விரும்பவில்லை, மேலும் இலங்கை மக்கள் ஈரானில் மிகவும் மதிக்கப்படுகிறார்கள் மற்றும் மரியாதையுடன் நடத்தப்படுகிறார்கள்,” என்று கூறிய தூதுவர், இரு நாடுகளுக்கும் இடையிலான நல்லெண்ணத்தையும் பரஸ்பர மரியாதையையும் அடிக்கோடிட்டுக் காட்டினார்.

இதற்கிடையில், நாட்டில் வசிக்கும் வெளிநாட்டுப் பிரஜைகளுக்கு ஆதரவளிக்கவும் அவர்களைப் பாதுகாக்கவும் ஈரான் விரிவான உள்கட்டமைப்பை நிறுவியுள்ளதாகத் தூதர் தெரிவித்தார்.

இன்றுவரை, அவர்களைப் பாதிக்கும் எந்தப் பிரச்சினைகள் குறித்தும் தகவல்கள் இல்லை என்றும், அவர்களின் நல்வாழ்வை உறுதி செய்யத் தேவையான அனைத்து நடவடிக்கைகளும் எடுக்கப்பட்டுள்ளதாகவும் அவர் குறிப்பிட்டார்.

மேலும் அவர், “அவர்கள் தங்கள் நாடுகளுக்குத் திரும்ப விரும்பினால், துருக்கி போன்ற அண்டை நாடுகள் வழியாக அவர்களின் பயணத்திற்கு வசதி செய்து தர முடியும்” என்று மேலும் தெரிவித்துள்ளார்.

The post இலங்கைக்கு எந்த நேரத்திலும் எரிபொருள் வழங்க தயார் – ஈரான் அறிவிப்பு appeared first on Oruvan.com.

குறித்த தாக்குதல் காட்சிகளைத் தமது கையடக்கத்தொலைபேசிகளில் பதிவு செய்ய முயன்ற போதே இவர்கள் காயமடைந்துள்ளதாகத் தூதரகம் அறிவித்துள்ளது.

ஈரான் அணுசக்தி மையத்தின் மீதான தாக்குதலுக்குப் பதிலடியாக, இஸ்ரேலின் அணுசக்தி மையம் அமைந்துள்ள டிமோனா (Dimona) நகர் மீது ஈரான் ஏவுகணைத் தாக்குதலை மேற்கொண்டது .

அணுசக்தி அனர்த்தங்களைத் தவிர்க்க அவதானத்துடன் செயற்படுமாறு ஐக்கிய நாடுகளின் அணுசக்தி கண்காணிப்பு அமைப்பு கோரிக்கை விடுத்திருந்த நிலையில் இந்தத் தாக்குதல் இடம்பெற்றுள்ளது.

தெற்கு இஸ்ரேலிலுள்ள டிமோனா நகரை இலக்கு வைத்து நடத்தப்பட்ட குறித்த ஏவுகணைத் தாக்குதலில் 47 பேர் காயமடைந்தனர்.

இந்த ஏவுகணை, இஸ்ரேலிய அணுசக்தி மையத்திலிருந்து சுமார் 13 கிலோமீற்றர் தொலைவில் வீழ்ந்து வெடித்துள்ளதாகத் தெரிவிக்கப்படுகிறது.

The post இஸ்ரேல் மீதான ஈரானின் தாக்குதலில் நான்கு இலங்கையர்கள் காயம் appeared first on Oruvan.com.