இந்நிலையில் அனைவருக்கும் வாழ்த்து தெரிவித்துள்ள அமெரிக்க ஜனாதிபதி, ஈரான் துறைமுகங்கள் மீதான அமெரிக்க கடற்படை முற்றுகை விலக்கிக்கொள்ளப்பட்டதாகவும் அறிவித்துள்ளார்.

உலகெங்கிலும் உள்ள கப்பல்கள் தங்களது செயல்பாடுகளை மீண்டும் தொடங்க வேண்டும் என்றும், எண்ணெய் ஏற்றுமதியை மீட்டெடுப்பதற்கான நேரம் வந்துவிட்டதாகவும் அவர் கூறியுள்ளார்.

போர்நிறுத்த ஒப்பந்தம் கையெழுத்தானதை அடுத்து, ஹோர்முஸ் நீரிணை எதிர்வரும் வெள்ளிக்கிழமை மீளவும் திறக்கப்படும் என்று அமெரிக்க ஜனாதிபதி டொனால்ட் டிரம்ப் தெரிவித்துள்ளார்.

இரு நாடுகளுக்கும் இடையில் மத்தியஸ்தராகச் செயல்பட்டு வந்த பாகிஸ்தான் பிரதமர் ஷெபாஸ் ஷெரீப், உள்ளூர் நேரப்படி இன்று அதிகாலையில் ஒப்பந்தம் எட்டப்பட்டதை உறுதி செய்திருந்தார்.

இந்த ஒப்பந்தம் எதிர்வரும் வெள்ளிக்கிழமை சுவிட்சர்லாந்தில் அதிகாரப்பூர்வமாக கையெழுத்திடப்படும் என்று பாகிஸ்தான் பிரதமர் ஷெபாஸ் ஷெரீப் குறிப்பிட்டுள்ளார்.

எவ்வாறாயினும், ஒப்பந்தத்தின் துல்லியமான நிபந்தனைகள் வெளியாகவில்லை.

எனினும், லெபனான் உட்பட அனைத்து முனைகளிலும் இராணுவ நடவடிக்கைகளை உடனடியாகவும் நிரந்தரமாகவும் முடிவுக்குக் கொண்டுவர இந்த ஒப்பந்தம் அழைப்பு விடுத்துள்ளதாக தெரிவிக்கப்பட்டுள்ளது.

இந்த அறிவிப்பு வெளியானதும் சர்வதேச சந்தையில் கச்சா எண்ணெய் விலையில் வீழ்ச்சி ஏற்பட்டுள்ளதாக தெரிவிக்கப்பட்டுள்ளது.

இன்று காலை நேர வர்த்தகத்தில் பிரென்ட் கச்சா எண்ணெய் எதிர்கால ஒப்பந்தங்கள் நான் வீதம் சரிந்த, அதே நேரத்தில் அமெரிக்க வெஸ்ட் டெக்சாஸ் இன்டர்மீடியட் 4.6 வீதத்திற்கும் அதிகமாக வீழ்ச்சியடைந்தது.

இதேவேளை, ஈரான் தனது அணுசக்தித் திட்டம் தொடர்பாக தெளிவான நடவடிக்கைகளை எடுத்தால், அதன் மீதான தடைகளை நீக்கத் தயாராக இருப்பதாக நான்கு ஐரோப்பிய நாடுகள் அறிவித்துள்ளனர்.

இதன்படி, ஈரான் ஒருபோதும் அணு ஆயுதத்தைப் பெறக்கூடாது என இத்தாலி, ஜெர்மனி, பிரான்ஸ் மற்றும் இங்கிலாந்து நாட்டின் தலைவர்கள் தெரிவித்துள்ளனர்.

இந்த நோக்கத்திற்காக அமெரிக்கா, ஈரான் மற்றும் சர்வதேச அணுசக்தி முகமையுடன் இணைந்து பணியாற்ற நாங்கள் தயாராக இருப்பதாகவும் அறிவித்துள்ளனர்.

மேலும் ஹோர்முஸ் நீரிணையை கட்டுப்பாடின்றி திறக்கக் கோருவதோடு, லெபனானின் இறையாண்மை மற்றும் பிராந்திய ஒருமைப்பாட்டையும் உறுதிப்படுத்த கோரிக்கை விடுத்துள்ளனர்.

The post ஈரான் – அமெரிக்க போர் முடிவுக்கு வந்தது! டொனால்ட் டிரம்ப் அறிவிப்பு appeared first on Oruvan.com.

அமெரிக்கச் சட்டமான போர் அதிகாரச் சட்டத்தின்படி, நாடாளுமன்றத்தின் ஒப்புதல் இல்லாமல் ஜனாதிபதியால் 60 நாட்களுக்கு மேல் இராணுவ நடவடிக்கையைத் தொடர முடியாது.

இந்நிலையில், ஈரான் மீது அமெரிக்கா போர் தொடுத்து 60 நாட்கள் நிறைவுக்கு வந்துள்ளது.

இதன்படி, டிரம்பிற்கு தற்போது நாடாளுமன்றத்தின் ஒப்புதல் இல்லை என்றும், இது அவரை மூன்று சாத்தியமான வழிகளில் ஒன்றைத் தேர்ந்தெடுக்க நிர்பந்திக்கும் என்றும் தெரியவந்துள்ளது.

அந்த வகையில், ஈரானுடன் ஒரு அமைதி ஒப்பந்தம் செய்துகொள்வதே முதல் வழியாகும், அதன் மூலம் போரை முடிவுக்குக் கொண்டுவர முடியும்.

அமெரிக்கா வான்வழித் தாக்குதல்களை நிறுத்தி, கடல் முற்றுகையை நீக்கினால், ஹார்முஸ் நீரிணையை மீண்டும் திறப்பதாக ஈரான் ஒரு நிபந்தனைக்குட்பட்ட சலுகையை முன்வைத்துள்ளது.

எனினும், இந்த சாத்தியக்கூறு பலவீனமானதாகக் கருதப்படுகிறது.

இரண்டாவது வழி, இராணுவ நடவடிக்கைக்கான அங்கீகாரத்தை காங்கிரஸிடம் கோருவதாகும், இதற்கு எளிய பெரும்பான்மை தேவை.

இந்த நிலையில், போரைத் தொடர முடியும் என்பதுடன் தரைவழி நடவடிக்கை உட்பட மேலதிக நடவடிக்கைகளும் சாத்தியமாகும். எனினும் இந்த சாத்தியக்கூறு நடுத்தரமானது என விவரிக்கப்பட்டுள்ளது.

மூன்றாவது மற்றும் அதிக சாத்தியமான சூழ்நிலை என்னவென்றால், காலக்கெடு முடிந்த பிறகும் ஜனாதிபதி டிரம்ப் அதைப் புறக்கணித்துப் போரைத் தொடர்வதுதான்.

இது ஒருவித சட்ட மற்றும் அரசியல் நெருக்கடிக்கு வழிவகுத்து, வெள்ளை மாளிகைக்கும் காங்கிரஸுக்கும் இடையிலான மோதலை மேலும் தீவிரப்படுத்தக்கூடும்.

இந்நிலையில், டிரம்ப் ஒரு கடினமான சூழ்நிலையில் இருப்பதாகவும், அவர் எடுக்கும் ஒவ்வொரு முடிவும் அரசியல் அல்லது சட்டரீதியான அபாயங்களைக் கொண்டுள்ளதாகவும் தெரிவிக்கப்பட்டுள்ளது.

மேலும் எந்த வழியும் தெளிவான வெற்றிக்கு உத்தரவாதம் அளிக்கவில்லை எனவும் ஆய்வாளர்கள் சுட்டிக்காட்டியுள்ளனர்.

அமெரிக்க-ஈரான் ஒப்பந்தம் ஏன் முடங்கியுள்ளது?

பல முக்கிய அம்சங்களில் உள்ள கருத்து வேறுபாடுகள் காரணமாக, அமெரிக்காவுக்கும் ஈரானுக்கும் இடையிலான சாத்தியமான ஒப்பந்தம் இன்னும் முடங்கியுள்ளது.

அதேவேளையில், இரு நாடுகளின் அடுத்தகட்ட நடவடிக்கைகள் மீது உலகத்தின் கவனம் குவிந்துள்ளது.

அறிக்கைகளின்படி, போர் நிறுத்தத்திற்கு ஈடாக ஈரான் தனது அணுசக்தித் திட்டத்தில் எந்தவொரு பெரிய சலுகைகளையும் வழங்காததால், அந்நாடு முன்வைத்த சமீபத்திய முன்மொழிவுகளுக்கு டிரம்ப் ஒப்புக்கொள்ளவில்லை என தெரியவந்துள்ளது.

ஈரானின் அணுசக்தித் திட்டம்

முக்கியமான சர்ச்சைகளின் பட்டியலில் முதலிடத்தில் இருப்பது ஈரானின் அணுசக்தித் திட்டம் ஆகும்.

இதில், ஈரான் தனது அணுசக்தித் திட்டத்தை முழுமையாகக் கைவிட வேண்டும் என அமெரிக்கா விரும்புகிறது.

ஆனால் அத்தகையத் தடைகள் ஒரு குறிப்பிட்ட காலத்திற்கு மட்டுமே இருக்க வேண்டும் என்று ஈரான் வாதிடுகிறது.

யுரேனியம் படிவுகள்

யுரேனிய இருப்பும் ஒரு முக்கியப் பிரச்சினையாகும். ஈரானிடம் உள்ள சுமார் 400 கிலோகிராம் செறிவூட்டப்பட்ட

யுரேனியத்தின் மீது அமெரிக்கா முழுமையானக் கட்டுப்பாட்டைக் கோருகிறது, ஆனால் ஈரான் இந்தக் கோரிக்கையை நிராகரித்துள்ளது.

ஹார்முஸ் நீரிணை

மறுபுறம், ஹார்முஸ் நீரிணையும் பதற்றத்தின் மையமாகக் காணப்படுகின்றது. அங்கு, அமெரிக்கக் கடற்படை முற்றுகையை நீக்கினால் மட்டுமே தடைகளை நீக்க முடியும் என்ற நிபந்தனையுடன் ஈரான் தடைகளைத் தொடர்ந்து விதித்துள்ளது.

அதேவேளையில், ஒரு உடன்பாடு எட்டப்படும் வரை முற்றுகை தொடரும் என்று அமெரிக்கா தெரிவித்துள்ளது.

முடக்கப்பட்ட சொத்துக்களை மீட்டெடுத்தல்

இந்த ஒப்பந்தத்திற்கு ஈடாக, பொருளாதாரத் தடைகளை நீக்குமாறும், சுமார் 20 பில்லியன் டொலர் மதிப்புள்ள முடக்கப்பட்டச் சொத்துக்களைத் திருப்பித் தருமாறும் ஈரான் அதிகாரிகள் கோரிக்கை விடுத்துள்ளனர்.

சேதங்களுக்கான இழப்பீடு

மேலும், அமெரிக்க மற்றும் இஸ்ரேலியத் தாக்குதல்களால் ஏற்பட்ட சேதங்களுக்காக ஈரான் ஏறத்தாழ 279 பில்லியன் டொலர் இழப்பீடு கோரியுள்ளது.

இது பேச்சுவார்த்தைகளில் மற்றொரு பெரும் தடையாக அமைந்துள்ளது.

ஈரானின் பிராந்திய செல்வாக்கு

பிராந்திய செல்வாக்கும் ஒரு சிக்கலான பிரச்சினையாகும்.

லெபனானில் உள்ள ஹிஸ்புல்லா மற்றும் காசாவில் உள்ள ஹமாஸ் உள்ளிட்ட தனது கூட்டாளிகளுக்கான ஆதரவை ஈரான் குறைத்துக் கொள்ள வேண்டும் என அமெரிக்கா விரும்புகையில், ஈரான் இந்த நிலைப்பாட்டை மறுத்துள்ளது.

நிபுணர்களின் கூற்றுப்படி, இந்த அடிப்படைக் கருத்து வேறுபாடுகளைத் தீர்க்காமல் ஒரு விரிவான உடன்பாட்டை எட்டுவது தற்போது கடினமாகியுள்ளதாக தெரிவிக்கப்பட்டுள்ளது.

The post ஈரான் போரால் கடும் நெருக்கடியில் டிரம்ப் – மூன்று வழிகள் மட்டுமே உள்ளன appeared first on Oruvan.com.

இலங்கைக்கு அண்மித்த கடற்பரப்பில் ஈரானிய கடற்படைக் கப்பலான ஐரிஸ் தேனா மீது நடத்தப்பட்ட தாக்குதலைத் தொடர்ந்து அதிகரித்துள்ள பதட்டங்களுக்கு மத்தியில் இந்த உரையாடல் இடம்பெற்றுள்ளது.

இந்த சம்பவத்தின் போது இலங்கை அரசாங்கம் எடுத்திருந்த நடவடிக்கைகளுக்கு ஈரான் வெளியுறவு அமைச்சர் அப்பாஸ் அரக்சி நன்றி தெரிவித்திருந்தார்.

இலங்கையில் உள்ள ஈரான் தூதரகம் வெளியிட்ட அறிக்கையின்படி , ஐரிஸ் தேனா கப்பல் மீதான தாக்குதலை அமெரிக்காவால் நிகழ்த்தப்பட்ட போர்க்குற்றம் என்று விவரித்து, அமைச்சர் அரக்சி  கண்டித்துள்ளார்.

சர்வதேச மனிதாபிமானச் சட்டம் மற்றும் 1949ம் ஆண்டு ஜெனீவா உடன்படிக்கைகளின் கடுமையான மீறலாக அமைந்த இந்தத் தாக்குதலை ஈரான் ஒருபோதும் மறக்காது என்று அவர் மேலும் வலியுறுத்தினார்.

குற்றவாளிகளைப் பொறுப்பேற்கச் செய்ய, ஈரான் அனைத்து சட்ட மற்றும் அரசியல் வழிகளையும் பின்பற்றும் என்று அவர் உறுதியளித்தார்.

பிராந்திய மற்றும் சர்வதேச சவால்களை எதிர்கொள்வதில் ஒத்துழைப்பின் முக்கியத்துவத்தை வலியுறுத்தி, ஈரான் மற்றும் இலங்கை இடையேயான இருதரப்பு உறவுகளை வலுப்படுத்தும் வழிகள் குறித்தும் இரு அமைச்சர்களும் கலந்துரையாடியதாக மேலும் தெரிவிக்கப்பட்டுள்ளது.

The post லங்கை மற்றும் ஈரான் வெளியுறவு அமைச்சர்கள் தொலைபேசி வாயிலாக உரையாடல் appeared first on Oruvan.com.

தங்கள் தயாரிப்புகளில் பயன்படுத்தப்படும் மூலப்பொருட்களின் விநியோகத்தை ஈரான் போர் தொடர்ந்து சீர்குலைத்தால், இந்த விலை அதிகரிப்பை மேற்கொள்ளவுள்ளதாக அதன் தலைமை நிர்வாக அதிகாரி கோ மியா கியாட் தெரிவித்துள்ளார்.

மோதல் தொடங்கியதிலிருந்து உற்பத்திச் செலவுகள் கடுமையாக அதிகரித்துள்ளதாக காரெக்ஸ் நிறுவனத்தின் தலைமை நிர்வாக அதிகாரி கோ மியா கியாட் ஊடகங்களிடம் தெரிவித்துள்ளார்.

மலேசியாவைத் தளமாகக் கொண்ட இந்நிறுவனம், ஆண்டுக்கு ஐந்து பில்லியனுக்கும் அதிகமான ஆணுறைகளை உற்பத்தி செய்கின்றது.

இங்கிலாந்தின் தேசிய சுகாதார சேவை போன்ற அரசு சுகாதார அமைப்புகளுக்கும் இந்த நிறுவனம் ஆணுறைகளை விநியோகம் செய்கிறது.

அமெரிக்க மற்றும் இஸ்ரேலிய வான்வழித் தாக்குதல்களுக்குப் பதிலளிக்கும் விதமாக, ஹார்முஸ் நீரிணை ஊடாக பயணிக்கும் கப்பல்களைத் தாக்குவோம் என ஈரான் அச்சுறுத்தல் விடுத்ததிலிருந்து, உலகளாவிய எண்ணெய் விநியோகம் கடுமையாகப் பாதிக்கப்பட்டுள்ளது.

மேலும், குறித்த நீரிணையை முற்றிலுமாக மூடி, உலகளாவிய விநியோகச் சங்கிலிகளில் பெரும் இடையூறுகளை ஏற்படுத்தியுள்ளது.

உலகின் கச்சா எண்ணெய் மற்றும் திரவமாக்கப்பட்ட இயற்கை எரிவாயு (LNG) ஆகியவற்றில் சுமார் ஐந்தில் ஒரு பங்கும், மற்ற பெட்ரோலிய வேதிப்பொருட்களும் பொதுவாக இந்த நீரிணை வழியாகவே கொண்டுச் செலப்படுகின்றன.

கரேக்ஸ், லேடெக்ஸைப் பாதுகாக்கப் பயன்படும் அம்மோனியா மற்றும் சிலிக்கான் அடிப்படையிலான மசகுப் பொருட்கள் உள்ளிட்ட, எண்ணெயிலிருந்து பெறப்படும் மூலப்பொருட்களைச் சார்ந்துள்ளது.

எவ்வாறாயினும், இந்த ஆண்டு ஆணுறைகளுக்கான தேவை சுமார் 30 வீதம் அதிகரித்துள்ளதாக தெரிவித்துள்ள மியா கியாட், அதிகரித்துள்ள சரக்குக் கட்டணங்கள் மற்றும் விநியோகத்தில் ஏற்படும் தாமதங்கள் பற்றாக்குறையை மேலும் மோசமாக்கியுள்ளதாகவும் குறிப்பிட்டுள்ளார்.

ஆணுறை விலைகளின் திடீர் உயர்வு, உலகின் எரிசக்தி சந்தைகளை ஏற்கனவே உலுக்கியுள்ள ஈரானுடனான அமெரிக்க-இஸ்ரேல் போர், நுகர்வோருக்கான பிற பொருட்களின் விலைகளையும் எவ்வாறு உயர்த்துகிறது என்பதை அடிக்கோடிட்டுக் காட்டுவதாக வல்லுநர்கள் தெரிவித்துள்ளனர்.

புதிய ஆய்வின்படி, போர் காரணமாக விமானக் கட்டணங்கள் திடீரென உயர்ந்துள்ளன, குறைந்த விலை எகானமி டிக்கெட்டுகளின் விலை, ஒரு வருடத்திற்கு முன்பு இருந்ததை விட சராசரியாக 24 வீதம் உயர்ந்துள்ளதாக தெரிவிக்கப்பட்டுள்ளது.

இதற்கிடையில், வளைகுடா வழியாக நடைபெறும் சரக்கு விநியோகத்தில் ஏற்பட்ட இடையூறு, உரங்களின் விலை உயர்வுக்கும், கணினி சில்லுகள் தயாரிக்கப் பயன்படும் ஹீலியத்திற்குத் தட்டுப்பாடு ஏற்படவும் வழிவகுத்துள்ளது.

உற்பத்தியாளர்கள் மூலப்பொருட்களைப் பெறுவதில் சிரமப்படுவதால், போத்தல் குடிநீர் தொழிலும் நெருக்கடியில் உள்ளதாக தெரிவிக்கப்பட்டுள்ளது.

போக்குவரத்துச் செலவுகள் அதிகரிப்பதன் காரணமாக சர்க்கரை, பால் பொருட்கள் மற்றும் பழங்களின் விலைகள் உயரும் என்று ஐக்கிய நாடுகள் சபை இந்த மாத ஆரம்பத்தில் எச்சரிக்கை விடுத்திருந்தமை குறிப்பிடத்தக்கது.

The post ஈரான் போர் எதிரொலி: உலகளவில் ஆணுறைக்கு கடும் தட்டுப்பாடு – விலையை உயர்த்தும் பிரபல நிறுவனம் appeared first on Oruvan.com.

சீனக் கடற்படையின் 48வது பாதுகாப்புப் படைப்பிரிவு தற்போது ஏடன் வளைகுடா மற்றும் அரபிக்கடல் பகுதியில் நடவடிக்கைகளை மேற்கொண்டு வருவதை சீனா அதிகாரப்பூர்வமாக உறுதிப்படுத்தியுள்ளது .

இந்தத் தாக்குதல் படையில் சீனாவின் மிக நவீன போர்க்கப்பல்களான டாங்ஷான் (122), ஏவுகணை அழிப்புக் கப்பல்டாகிங் (576), தைஹு எரிபொருள் நிரப்பும் கப்பல் ஆகியவற்றுடன், ஹெலிகாப்டர்கள் மற்றும் சிறப்பு நடவடிக்கைப் படை வீரர்களும் அடங்குவர்.

ஈரானுக்குச் செல்லும் மற்றும் அங்கிருந்து வரும் கப்பல்களை அமெரிக்கக் கடற்படை சோதனையிட்டுத் தடுக்கத் தொடங்கியுள்ள நிலையில், சீனாவின் இந்த நடவடிக்கை வந்துள்ளது.

ஈரானியக் கச்சா எண்ணெயின் முக்கிய இறக்குமதியாளரான சீனா, தனது எண்ணெய்க் கப்பல்களைப் பாதுகாக்க இந்தப் போர்க்கப்பல்களைப் பயன்படுத்துவதாக சர்வதேசப் பாதுகாப்பு ஆய்வாளர்கள் நம்புகின்றனர் .

இருப்பினும், இது ஒரு வழக்கமான கடற்கொள்ளை எதிர்ப்பு நடவடிக்கை மட்டுமே என்று சீனப் பாதுகாப்பு அமைச்சகம் கூறுகிறது.

ஆனால், அமெரிக்காவின் இந்த நடவடிக்கையை “ஆபத்தானது மற்றும் பொறுப்பற்றது ” என்று கூறி சீனா கடுமையாக விமர்சித்துள்ளது .

ஹார்முஸ் நீரிணையில் உலகின் இரு சக்திவாய்ந்த கடற்படைகளுக்கு இடையே நடந்த மோதல், உலகளாவிய எரிசக்தி சந்தைகளில் பெரும் தாக்கத்தை ஏற்படுத்தியுள்ளது.

சீனா தனது கடற்படை பலத்தை ஜிபூட்டியில் உள்ள தனது இராணுவத் தளம் மூலம் செலுத்தி வருகிறது, மேலும் எந்த நேரத்திலும் ஹார்முஸ் நீரிணையை நோக்கிப் பயணிக்கத் தயாராக இருப்பதாகக் கூறப்படுகிறது .

ஈரானிய எண்ணெயை ஏற்றிச் செல்லும் சீனக் கப்பலை அமெரிக்கப் படைகள் ஆய்வு செய்ய முயன்றால், அது இரு உலக வல்லரசுகளுக்கும் இடையே நேரடிப் போராக முற்றிவிடக்கூடும் என்று வெளிநாட்டு ஊடகங்கள் எச்சரித்து வருகின்றன .

The post ஹார்முஸ் நீரிணையில் மூன்றாம் உலகப் போர்!! நவீன கப்பல்களுடன் தயார் நிலையில் சீனா appeared first on Oruvan.com.

இதன்படி, மத்திய கிழக்கு மோதல் காரணமாக 66 வீத மக்கள் எதிர்வரும் மாதங்களின் நிதி நிலைமை குறித்துக் கவலை கொண்டுள்ளதாக தெரிவிக்கப்பட்டுள்ளது.

அதே நேரத்தில் பத்தில் மூன்று பேர் உணவு மற்றும் எரிசக்தி போன்ற அடிப்படைத் தேவைகளைக் குறைத்துக்கொண்டுள்ளதாகவும் கண்டறியக்கப்பட்டுள்ளது.

38 சதவீத மக்கள் கடந்த ஆண்டின் இதே காலகட்டத்துடன் ஒப்பிடும்போது தங்களின் நிதி நிலைமை மோசமடைந்துள்ளதாகத் தெரிவித்துள்ளனர்.

கணக்கெடுப்பில் பங்கேற்றவர்களில் 25 சதவீதம் பேர் அன்றாடச் செலவுகளைச் சமாளிக்கத் தங்கள் சேமிப்பைப் பயன்படுத்த வேண்டியிருந்ததாக தெரிவித்துள்ளனர்.

அதே நேரத்தில் ஆறில் ஒருவர் தங்களுக்குப் பிரியமானவரிடமோ அல்லது நண்பரிடமோ கடன் வாங்கியதாகவும், 51 சதவீதம் பேர் தாங்கள் கடனில் இருப்பதாகவும் தெரிவித்தனர்.

12 சதவீத மக்கள், கடனைத் திருப்பிச் செலுத்துவது கடினமாகிவிட்டதாகக் கூறியுள்ளதாக அந்த ஆய்வில்  தெரிவிக்கப்பட்டுள்ளது.

The post மத்திய கிழக்கு போர் பிரித்தானிய மக்களிடையே பெரும் தாக்கத்தை ஏற்படுத்தியுள்ளது – புதிய ஆய்வில் தகவல் appeared first on Oruvan.com.

ஊடகங்களிடம் பேசிய அவர், இரண்டாம் சுற்றுப் பேச்சுவார்த்தையில் பங்கேற்கும் எண்ணம் ஈரானுக்கு இல்லை என்று தெரிவித்துள்ளார்.

மேலும், அமெரிக்கா போர் நிறுத்தத்தை மீறிவிட்டது என்றும், அமெரிக்காவின் போர் நிறுத்த மீறல் குறித்து பாகிஸ்தான் மத்தியஸ்தருக்குத் தெரிவிக்கப்பட்டுள்ளது என்றும் அவர் குறிப்பிட்டுள்ளார்.

ஈரான் ஒரு அமைதியான நாடு என்றும், இராஜதந்திர செயல்முறையை முன்னெடுத்துச் செல்வதில் அமெரிக்கா அக்கறை காட்டவில்லை என்றும், அது ஆக்கிரமிப்பு நடவடிக்கைகளில் ஈடுபட்டு போர் நிறுத்தத்தின் விதிமுறைகளை மீறியுள்ளது என்றும் இஸ்மாயில் பாகாயி மேலும் தெரிவித்துள்ளார்.

அமெரிக்காவின் முன்மொழிவுகள் அற்பமானவை என்றும், அமெரிக்காவின் கோரிக்கைகள் யதார்த்தமற்றவை என்றும் இஸ்மாயில் பகாய் கூறியுள்ளார்.

ஈரான் தனது கோரிக்கைகளைத் தெளிவாகக் கூறியுள்ளது, அவற்றை மாற்றிக்கொள்ளாது. ஈரானின் தேசிய நலன்களைப் பாதுகாக்கும் விடயத்தில், நாங்கள் காலக்கெடுவையோ அல்லது இறுதி எச்சரிக்கைகளையோ நம்புவதில்லை.

ஈரானிலிருந்து அணுசக்திப் பொருட்களை வெளியேற்றுவது பேச்சுவார்த்தைகளின் ஒரு பகுதியாக ஒருபோதும் இருந்ததில்லை என்றும், தனது அணுசக்தி சாதனங்கள் நாட்டிற்குள்ளேயே பாதுகாப்பாக வைக்கப்படும் என்பதே ஈரானின் தெளிவான நிலைப்பாடு என்றும் அவர் சுட்டிக்காட்டியுள்ளார்.

எங்கள் மீது கடற்படை முற்றுகையை விதித்து அமெரிக்கா போர் நிறுத்த ஒப்பந்தத்தை மீறியதாகவும், கடற்படை முற்றுகையை விதித்து ஈரானியக் கப்பல் மீது தாக்குதல் நடத்தியதாகவும், தற்போதைய போர் போன்ற சூழ்நிலை காரணமாக ஹார்முஸ் நீரிணையில் கடல் போக்குவரத்தை ஒருதலைப்பட்சமாக இயல்பு நிலைக்குக் கொண்டுவருவது சாத்தியமில்லை என்றும் அவர் கூறினார்.

அமெரிக்காவின் இந்த நடவடிக்கை, போர்நிறுத்தத்தையும் சர்வதேச சட்டங்களையும் மீறுவதாகும் என்று அவர் மேலும் கூறினார். அமெரிக்கா அனுபவங்களிலிருந்து பாடம் கற்றுக்கொள்ளவில்லை, அதன் விளைவுகள் ஒருபோதும் நல்லதாக இருக்காது.

முந்தைய பேச்சுவார்த்தைகளின் போது அமெரிக்கா நம்மீது நடத்திய தாக்குதல்களை நம்மால் மறக்க முடியாது.

அமெரிக்காவும் இஸ்ரேலும் ஒரு புதிய ஆக்கிரமிப்பைத் தொடங்க விரும்பினால், நமது ஆயுதப் படைகள் அதற்குப் பதிலடி கொடுக்கும், நமது தேசிய நலன்களைத் தொடர்ந்து பாதுகாக்கும், அமெரிக்க-இஸ்ரேலிய தாக்குதல்களுக்கு முன்பு ஹார்முஸ் நீரிணை பாதுகாப்பாக இருந்தது.

பாகிஸ்தானிய மத்தியஸ்தரின் விளக்கம் இருந்தபோதிலும், லெபனானில் போர் நிறுத்தம் ஒப்பந்தத்தின் ஒரு பகுதியாக இல்லை என்று அமெரிக்கா கூறியது.

இந்தியக் கப்பல்கள் குறிவைக்கப்பட்டது குறித்து ஈரானிய நிறுவனங்கள் விசாரித்து வருகின்றன என்று இஸ்மாயில் பகாய் மேலும் தெரிவித்துள்ளார்.

The post அமெரிக்கா எல்லை மீறிவிட்டது! பேச்சுவார்தையில் கலந்துகொள்ளபோவதில்லை என ஈரான் அறிவிப்பு appeared first on Oruvan.com.

மத்திய கிழக்கில் தற்போது ஏற்பட்டுள்ள போர் நெருக்கடியால் இந்த நிலை உருவாகும் என சுயாதீன ஆய்வாளர் ஒருவர் தெரிவித்துள்ளார்.

ஹார்மூஸ் நீரிணை தொடர்ந்தும் மூடப்பட்டுள்ளதால் எரிபொருள் விலை சடுதியாக அதிகரித்துள்ளது.

எரிபொருள் விலை அதிகரிப்பால் எதிர்வரும் மாதங்களில் விநியோகச் சங்கிலிகள் முழுவதும் பாதிப்படைந்து, வாங்கும் திறனைப் பெருமளவில் பாதிக்கும் என்று தி ஐட்டம் கிளப் தெரிவித்துள்ளது.

இந்த ஆண்டு ஐக்கிய இராச்சியத்தின் பொருளாதார வளர்ச்சி வெறும் 0.7 வீதமாக இருக்கும் என கணிக்கப்பட்டுள்ளது. இது கடந்த ஆண்டு எட்டப்பட்ட நிலையற்ற 1.4 வீத வளர்ச்சியில் பாதியாகும்.

மேலும், வேலைவாய்ப்புச் சந்தையானது கோவிட் பெருந்தொற்றுக்குப் பின்னர் மிகப்பெரிய பாதிப்பை சந்திக்கும் என்றும் கணிக்கப்பட்டுள்ளது.

இதன்படி, வேலையின்மை விகிதம் தற்போதைய 5.2 வீத நிலையில் இருந்து அடுத்த ஆண்டுக்குள் 5.8 வீதமாக உயரும் என்றும் கணிக்கப்பட்டுள்ளது.

உயர்ந்துவரும் எரிசக்திச் செலவுகளும், விநியோகச் சங்கிலிகளில் ஏற்படும் இடையூறுகளும், இந்த ஆண்டின் மத்தியில் ஐக்கிய ராச்சியத்தை ஒரு தொழில்நுட்பப் பொருளாதார மந்தநிலையின் விளிம்பிற்குத் தள்ளும் என ஐட்டம் கிளப்பின் தலைமைப் பொருளாதார ஆலோசகரான மாட் ஸ்வானெல் தெரிவித்துள்ளார்.

The post ஈரான் போரால் பிரித்தானியாவில் பொருளாதார மந்தநிலை ஏற்படும் அபாயம் appeared first on Oruvan.com.

ஈரான் ஒரு ஒப்பந்தத்திற்கு உடன்படாவிட்டால், ‘உள்கட்டமைப்பு மற்றும் எரிசக்தி வசதிகள் மீதான தாக்குதல்கள் மீளவும் தொடங்குமென அமெரிக்க பாதுகாப்புச் செயலர் பீட் ஹெக்செத் பென்டகனில் நடந்த செய்தியாளர் சந்திப்பில் தெரிவித்தார்.

“ஈரான், ஒரு வளமான எதிர்காலத்தையும், ஒரு ‘பொன் பாலத்தையும்’ தேர்ந்தெடுக்கலாம். ஈரான் மக்களின் நலனுக்காக அவ்வாறு செய்வார்கள் என்று நாங்கள் நம்புகிறோம்,” என்று அவர் கூறினார்.

“ஆனால் ஈரான் தவறான முடிவுகளை எடுத்தால், அது முற்றுகைகளையும், உள்கட்டமைப்பு மற்றும் எரிசக்தி வசதிகள் மீதான தாக்குதல்களை எதிர்கொள்ள நேரிடும்,” என்று ஹெக்செத் மேலும் கூறினார்.

மேலும், ஹார்முஸ் நீரிணையில் உள்ள ஈரானிய துறைமுகங்களுக்குள், தேசியம் பாராமல் அனைத்துக் கப்பல்களும் நுழைவதையோ அல்லது வெளியேறுவதையோ அமெரிக்கா முடிந்தவரை தடுக்கும் என்றும் அவர் கூறினார்.

அமெரிக்கா மற்றும் இஸ்ரேல் இணைந்து ஈரான் மீது தொடுத்துள்ள போரை முடிவுக்குக் கொண்டுவருவதற்காக வார இறுதியில் இஸ்லாமாபாத்தில் நடந்த பேச்சுவார்த்தைகள் தோல்வியடைந்தது.

இந்நிலையில், சமாதான ஒப்பந்தத்திற்கான அமெரிக்காவின் நிபந்தனைகளை ஈரான் ஏற்க வேண்டும் என கட்டாயப்படுத்தும் முயற்சியாக, அமெரிக்க ஜனாதிபதி டொனால்ட் டிரம்ப் ஈரானிய துறைமுகங்களுக்குக் கடற்படை முற்றுகையிட உத்தரவிட்டார்.

இதற்கிடையில், பாகிஸ்தான் இராணுவத் தலைமைத் தளபதி ஃபீல்ட் மார்ஷல் ஆசிம் முனீர், ஈரான் நாடாளுமன்ற சபாநாயகர் முகமது பாகர் காலிபாஃபை வியாழக்கிழமை சந்தித்தார் என்று ஈரான் அரசு தொலைக்காட்சி செய்தி வெளியிட்டுள்ளது.

எனினும், அவர்களின் சந்திப்பு குறித்து வேறு எந்தத் தகவலும் வெளியாகவில்லை. கடந்த வார இறுதியில் இஸ்லாமாபாத்தில் நடந்த பேச்சுவார்த்தைகள் எந்த முன்னேற்றமும் இன்றி முடிவடைந்தது.

இந்நிலையில், இருநாடுகளுக்கும் இடையே இரண்டாவது சுற்று அமைதிப் பேச்சுவார்த்தைகளை நடத்த பாகிஸ்தான் வலியுறுத்தி வருகிறது.

பேச்சுவார்த்தைகள் மீண்டும் தொடங்குமா என்பது குறித்து எந்த முடிவும் எடுக்கப்படவில்லை.

இருப்பினும், மேலதிகப் பேச்சுவார்த்தைகள் இஸ்லாமாபாத்தில் நடைபெற வாய்ப்புள்ளது என வெள்ளை மாளிகையின் செய்தி தொடர்பாளர் கரோலின் லெவிட் தெரிவித்துள்ளார்.

The post ஈரான் உடன்படாவிட்டால் மீண்டும் தாக்குதல் நடத்தப்படும் – அமெரிக்கா எச்சரிக்கை appeared first on Oruvan.com.

வடக்கு இஸ்ரேலில் உள்ள இராணுவத் தளங்கள் மற்றும் குடியிருப்புகளைக் குறிவைத்து கடந்த திங்கட்கிழமை தொடங்கப்பட்ட தொடர்ச்சியான பெரும் எதிர்த்தாக்குதல்களின் போது, ​​இந்த அதிநவீன வான்வழி ஆயுதம் பயன்படுத்தப்பட்டதாக கூறப்படுகிறது .

இஸ்ரேலின் கான் செய்தி நிறுவனத்தின்படி , இந்தப் புதிய டிரோன், மின்காந்த அலைகளின் குறுக்கீடுகள் இருந்தபோதிலும் செயல்படக்கூடிய காட்சி வழிகாட்டு அமைப்புடன் பொருத்தப்பட்டுள்ளது .

ரேடார் கருவிகளால் கண்டறியப்படாமல் பயணிக்கும் திறன், பல்லாயிரக்கணக்கான கிலோமீட்டர் தூரம் பறக்கும் திறன், ஐந்து கிலோகிராம் வரை வெடிபொருட்களைச் சுமந்து செல்லும் திறன் மற்றும் கட்டிடங்களுக்கு உள்ளேயும் இயக்கக்கூடிய அதிநவீன தொழில்நுட்பம் ஆகியவை இதன் சில முக்கிய அம்சங்களாகும் .

திங்கள்கிழமை அதிகாலையில் தொடங்கிய இந்தத் தாக்குதல்கள், கிரியாட் ஷ்மோனா, மெதுலா மற்றும் திபேரியாஸ் உள்ளிட்ட பகுதிகள் ட்ரோன்கள் மூலம் குறிவைத்துள்ளன.

மேலும், கோலானி படைப்பிரிவுக்குச் சொந்தமான பயிற்சி மையங்களும், டெஃபென் இராணுவத் தளமும் குறிவைக்கப்பட்டதாக தெரிவிக்கப்பட்டுள்ளது.

இஸ்ரேலிய பாதுகாப்பு அமைப்புகளால் இந்த ட்ரோன்களில் ஒரு சிறிய எண்ணிக்கையை மட்டுமே இடைமறிக்க முடிந்ததாகவும், மீதமுள்ளவை அவற்றின் குறிவைத்த இலக்குகளில் தரையிறங்கியதாகவும் ஊடக அறிக்கைகள் தெரிவிக்கின்றன .

இவ்விவகாரம் குறித்து கருத்து தெரிவித்த ஹிஸ்புல்லா அமைப்பின் முக்கிய உறுப்பினர் ஷேக் நயீம் காசிம், லெபனானுக்கு எதிரான அமெரிக்க – இஸ்ரேலிய ஆக்கிரமிப்பு முற்றிலுமாக நிறுத்தப்படும் வரை, பதிலடி கொடுக்கும் இந்த நோக்கம் கைவிடப்படாது என்று தெரிவித்தார் .

2024ஆம் ஆண்டு எட்டப்பட்ட போர் நிறுத்த ஒப்பந்தங்களை இஸ்ரேல் தொடர்ந்து மீறி வருவதன் காரணமாகவே இந்த நடவடிக்கையை எடுக்க வேண்டிய கட்டாயம் ஏற்பட்டதாக அந்த அமைப்பு வலியுறுத்துகிறது .

தெற்கு லெபனானில் உள்ள டயர் மற்றும் நபாட்டியா நகரங்கள் மீது இஸ்ரேல் நடத்திய கடுமையான தாக்குதல்களைத் தொடர்ந்து இராணுவ நிலைமை மேலும் மோசமடைந்துள்ளது.

இந்தத் தாக்குதல்களில் குழந்தைகள் உட்பட ஏராளமான பொதுமக்கள் கொல்லப்பட்டுள்ளமை குறிப்பிடத்தக்கது.

The post போர் களத்தில் நுழையும் தற்கொலை ட்ரோன்! appeared first on Oruvan.com.