சீனக் கடற்படையின் 48வது பாதுகாப்புப் படைப்பிரிவு தற்போது ஏடன் வளைகுடா மற்றும் அரபிக்கடல் பகுதியில் நடவடிக்கைகளை மேற்கொண்டு வருவதை சீனா அதிகாரப்பூர்வமாக உறுதிப்படுத்தியுள்ளது .

இந்தத் தாக்குதல் படையில் சீனாவின் மிக நவீன போர்க்கப்பல்களான டாங்ஷான் (122), ஏவுகணை அழிப்புக் கப்பல்டாகிங் (576), தைஹு எரிபொருள் நிரப்பும் கப்பல் ஆகியவற்றுடன், ஹெலிகாப்டர்கள் மற்றும் சிறப்பு நடவடிக்கைப் படை வீரர்களும் அடங்குவர்.

ஈரானுக்குச் செல்லும் மற்றும் அங்கிருந்து வரும் கப்பல்களை அமெரிக்கக் கடற்படை சோதனையிட்டுத் தடுக்கத் தொடங்கியுள்ள நிலையில், சீனாவின் இந்த நடவடிக்கை வந்துள்ளது.

ஈரானியக் கச்சா எண்ணெயின் முக்கிய இறக்குமதியாளரான சீனா, தனது எண்ணெய்க் கப்பல்களைப் பாதுகாக்க இந்தப் போர்க்கப்பல்களைப் பயன்படுத்துவதாக சர்வதேசப் பாதுகாப்பு ஆய்வாளர்கள் நம்புகின்றனர் .

இருப்பினும், இது ஒரு வழக்கமான கடற்கொள்ளை எதிர்ப்பு நடவடிக்கை மட்டுமே என்று சீனப் பாதுகாப்பு அமைச்சகம் கூறுகிறது.

ஆனால், அமெரிக்காவின் இந்த நடவடிக்கையை “ஆபத்தானது மற்றும் பொறுப்பற்றது ” என்று கூறி சீனா கடுமையாக விமர்சித்துள்ளது .

ஹார்முஸ் நீரிணையில் உலகின் இரு சக்திவாய்ந்த கடற்படைகளுக்கு இடையே நடந்த மோதல், உலகளாவிய எரிசக்தி சந்தைகளில் பெரும் தாக்கத்தை ஏற்படுத்தியுள்ளது.

சீனா தனது கடற்படை பலத்தை ஜிபூட்டியில் உள்ள தனது இராணுவத் தளம் மூலம் செலுத்தி வருகிறது, மேலும் எந்த நேரத்திலும் ஹார்முஸ் நீரிணையை நோக்கிப் பயணிக்கத் தயாராக இருப்பதாகக் கூறப்படுகிறது .

ஈரானிய எண்ணெயை ஏற்றிச் செல்லும் சீனக் கப்பலை அமெரிக்கப் படைகள் ஆய்வு செய்ய முயன்றால், அது இரு உலக வல்லரசுகளுக்கும் இடையே நேரடிப் போராக முற்றிவிடக்கூடும் என்று வெளிநாட்டு ஊடகங்கள் எச்சரித்து வருகின்றன .

The post ஹார்முஸ் நீரிணையில் மூன்றாம் உலகப் போர்!! நவீன கப்பல்களுடன் தயார் நிலையில் சீனா appeared first on Oruvan.com.

ஈரானிய இலக்குகள் மீதான அமெரிக்கா மற்றும் இஸ்ரேலிய தாக்குதல்கள் மத்திய கிழக்கு முழுவதும் போர் பதற்றத்தை ஏற்படுத்தியுள்ளது.

ஈரான் பதில் தாக்குதல்களை தீவிரப்படுத்தியுள்ளது. மத்திய கிழக்கில் உள்ள அமெரிக்க தளங்களை இலக்குவைத்து பதில் தாக்குதலை நடத்தி வருகின்றது.

இந்நிலையில் நாட்டின் தேசிய பாதுகாப்பு நிலைப்பாட்டை அமைச்சர்கள் மறுபரிசீலனை செய்து வருவதாக பாதுகாப்பு செயலாளர் ஜோன் ஹீலி உறுதிப்படுத்தியுள்ளார்.

அதிகரித்து வரும் மோதல்கள் ஈரானிய ஆட்சி, அல்லது அதன் சார்பாக செயல்படும் குழுக்கள் பிராந்தியத்திற்கு அப்பால் பழிவாங்க முயற்சி செய்யலாம் என்ற கவலையைத் தூண்டியுள்ளது.

தற்போது, ஈரான் மத்திய கிழக்கு முழுவதும் ஆக்ரோஷமாக நடந்துகொள்வதாக பாதுகாப்பு செயலாளர் ஜோன் ஹீலி குறிப்பிட்டுள்ளார்.

இந்நிலையில், பயங்கரவாத அச்சுறுத்தல் மட்டத்தில் எந்தவொரு முறையான மாற்றத்தையும் உள்துறை செயலாளர் ஷபானா மஹ்மூத் அறிவிப்பார் என்றும் ஹீலி குறிப்பிட்டுள்ளார்.

மேலும், “எங்கள் உளவுத்துறை அமைப்புகள் மற்றும் பயங்கரவாத அச்சுறுத்தல்களைச் சமாளிக்கும் எங்கள் திறன் மீது முழு நம்பிக்கை இருப்பதாக அவர் மேலும் தெரிவித்துள்ளார்.

The post பிரித்தானியாவின் பயங்கரவாத அச்சுறுத்தல் நிலை முற்றிலும் மதிப்பாய்வு செய்யப்பட்டுள்ளது – பாதுகாப்புச் செயலாளர் அறிவிப்பு appeared first on Oruvan.com.

சவூதி அரேபியா, குவைத், பஹ்ரைன், கட்டார், ஐக்கிய அரபு அமீரகம் மற்றும் ஓமன் ஆகிய நாடுகளை உள்ளடக்கிய வளைகுடா ஒத்துழைப்பு சபை இணைந்து வெளியிட்டுள்ள கூட்டறிக்கையில் இந்த விடயம் தெரிவிக்கப்பட்டுள்ளது.

“பிராந்தியத்தில் பதற்றத்தைத் தணிப்பதற்காகப் பலகட்ட தூதரக முயற்சிகள் மேற்கொள்ளப்பட்ட போதிலும், அவற்றையெல்லாம் மீறி ஈரான் தொடர்ந்து தாக்குதல்களை நடத்தி வருகிறது.

எங்களது நாடுகளின் பாதுகாப்பு மற்றும் ஸ்திரத்தன்மை விடயத்தில் எவ்வித சமரசத்திற்கும் இடமில்லை.

ஈரானின் இந்த அத்துமீறல்களுக்கு முற்றுப்புள்ளி வைப்பதற்காக நாங்கள் அனைவரும் ஒன்றிணைந்து செயல்பட உள்ளோம்” என அந்த அறிக்கை ஊடாக எச்சரிக்கை விடுக்கப்பட்டுள்ளது.

மத்திய கிழக்கில் தற்போது நிலவும் போர் பதற்றங்களுக்கு மத்தியில், வளைகுடா நாடுகளின் இந்தத் திடீர் அறிவிப்பு பிராந்திய நிலைமையை மேலும் தீவிரமடையச் செய்துள்ளது.

இதேவேளை, அனைத்து இலக்குகளையும் அடையும் வரை ஈரான் மீது தாக்குதல்கள் தொடரும் என அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

எவ்வாறாயினும், ஈரானின் புதிய தலைவர்களுடன் பேச்சுவார்த்தை நடத்த அமெரிக்க ஜனாதிபதி இணக்கம் தெரிவித்துள்ளதாக சர்வதேச ஊடகங்கள் செய்தி வெளியிட்டுள்ளன.

ஈரானுக்கு எதிரான தாக்குதலில், முதல் 24 மணிநேரத்திற்குள் ஈரானின் 1,000 இற்கும் மேற்பட்ட இலக்குகள் மீது தாக்குதல்களை நடத்தியுள்ளதாக அமெரிக்கப் பாதுகாப்புப் படைகள் தெரிவித்துள்ளன.

The post ஈரானுக்கு தகுந்த பதிலடி – வளைகுடா நாடுகள் உத்தியோகபூர்வமாக அறிவிப்பு appeared first on Oruvan.com.

இறந்தவர்களில் 490 பேர் போராட்டக்காரர்கள் என்றும், 48 பாதுகாப்புப் படையினரும் உயிரிழந்துள்ளதாகவும் தகவல்கள் தெரிவிக்கின்றன.

தற்போது போராட்டங்கள் நடைபெறும் பகுதிகளில் உள்ள சில மருத்துவமனைகள் இறந்த அல்லது காயமடைந்தவர்களால் நிரம்பி வழிவதாக மருத்துவமனை அதிகாரிகள் கூறுகின்றனர்.

மருத்துவமனைகளுக்குக் கொண்டுவரப்படுபவர்களில் பெரும்பாலோர் 20 முதல் 25 வயதுக்குட்பட்ட இளைஞர்கள் என்று தெஹ்ரானில் உள்ள மருத்துவமனை வட்டாரங்கள் பிபிசியிடம் தெரிவித்துள்ளன.

அவர்களில் பலர் தலை அல்லது மார்புப் பகுதியில் சுடப்பட்டிருப்பதாக தெரிவிக்கப்பட்டுள்ளது.

வைத்தியசாலைகளுக்கு அழைத்துவரபடுபவர்களுக்கு அடிப்படை சிகிச்சை கூட வழங்க போதுமான நேரம் இல்லை என்றும், சில மருத்துவமனைகளின் பிணவறைகள் ஏற்கனவே நிரம்பிவிட்டதாகவும் அறிக்கைகள் குறிப்பிடுகின்றன.

போராட்டங்களைக் கட்டுப்படுத்தும் நோக்கத்துடன் அரசாங்கம் தொடங்கிய இணைய முடக்கம் தொடர்ந்து நடைமுறையில் இருப்பதாக தெரிவிக்கப்பட்டுள்ளது.

இதற்கிடையில், அமெரிக்க அதிபர் டொனால்ட் டிரம்பின் அறிக்கைக்கு ஈரான் பதிலளித்துள்ளது, ஈரானிய மக்களின் போராட்டத்திற்கு அமெரிக்கா உதவ தயாராக இருப்பதாக அந்த அறிவிப்பில் தெரிவிக்கப்பட்டுள்ளது.

அமெரிக்கா ஈரானை தாக்கினால், இஸ்ரேல் மற்றும் அமெரிக்க தளங்களுக்கு எதிராக பதிலடி கொடுக்கப்படும் என ஈரான் தெரிவித்துள்ளது.

The post ஈரானில் நீடிக்கும் போராட்டம்!! 500 பேர் உயிரிழப்பு appeared first on Oruvan.com.