இவற்றில் 16 கடைகளில் காலாவதியான பொருட்கள் விற்பனை செய்யப்பட்டுள்ளதாக தெரிவிக்கப்பட்டுள்ளது.

விற்பனை செய்யப்படும் பொருட்களின் விலையை காட்சிப்படுத்தாமை, அதிக விலைக்கு பொருட்களை விற்பனை செய்தமை மற்றும் வாடிக்கையாளர்களை ஏமாற்றி தயாரிப்புகளில் குறிப்பிடப்பட வேண்டிய தகவல் இன்றி விற்பனை செய்த குற்றச்சாட்டுக்களின் கீழ் ஏனைய
கடைகள் மீது வழக்கு தாக்கல் செய்யப்பட்டுள்ளதாக தெரிவிக்கப்பட்டுள்ளது.

பண்டிகைக் காலங்களில் சந்தையில் நுகர்வோருக்கு அநீதி இழைக்கப்படுவதைத் தடுப்பதற்காக நுகர்வோர் விவகார அதிகார சபையால் விசேட
சோதனை நடவடிக்கைகள் முன்னெடுக்கப்பட்டுள்ளன.

The post விசேட சோதனை நடவடிக்கை – 23 பல்பொருள் அங்காடிகள் மீது வழக்குத் தாக்கல் appeared first on Oruvan.com.

கிளீன் ஶ்ரீலங்கா திட்டத்துடன் இணைந்ததாக இந்த சோதனை நடவடிக்கை முன்னெடுக்கப்பட்டுள்ளது.

இதன்போது, வாகனங்களில் பயணிகளுக்கு விபத்து ஏற்படுத்தும் வகையில் ஆபத்தான முறையில் பொருத்தப்பட்டுள்ள உதிரி பாகங்களை அகற்றவும், ஹேண்ட் பிரேக், சிக்னல் விளக்குகள், முகப்பு விளக்குகள் உள்ளிட்ட மோட்டார் வாகன கட்டளைச் சட்டத்தில் வாகனம் ஒன்றை இயக்குவதற்கு விதிக்கப்பட்டுள்ள 21 விடயங்கள் குறித்து கவனம் செலுத்தப்பட்டது.

இதன்போது, பழுதடைந்த வாகனங்கள் சில பொலிஸாரால் அவதானிக்கப்பட்ட நிலையில், குறைபாடுகளை சரிசெய்ய சாரதிகளுக்கு 14 நாட்கள் அவகாசம் வழங்கப்பட்டது.

குறித்த காலப்பகுதியில் குறித்த வாகனங்களை இயக்க முற்றிலும் தடை விதிக்கப்பட்டுள்ளது மற்றும் வாகனத்தின் வாகன வருமான அனுமதிப்பத்திரம் பொலிஸாரினால் கைப்பற்றப்பட்டுள்ளது.

சிவனொளிபாதமலை பக்தர்களை ஏற்றிச் சென்ற வாகனங்களின் குறைபாடுகளை நிவர்த்தி செய்து அவர்கள் வசிக்கும் பொலிஸ் எல்லைக்குட்பட்ட பொலிஸ் நிலையத்தின் வாகனப் பிரிவு அதிகாரிகளிடம் சமர்ப்பித்து நல்லதண்ணி பொலிஸாருக்கு அறிக்கை சமர்ப்பிக்குமாறு நல்லதண்ணி பொலிஸார் தெரிவித்தனர்.

மேலும், குறித்த அறிக்கை கிடைக்கும் வரை வாகனங்களின் வாகன வருமான அனுமதிப்பத்திரங்கள் நல்லதண்ணி பொலிஸ் பொறுப்பில் இருக்கும் என தெரிவிக்கப்பட்டுள்ளது.

The post சிவனொளிபாதமலைக்கு செல்லும் வாகனங்கள் திடீர் பரிசோதனை appeared first on Oruvan.com.

அண்மைய நாட்களில் இடம்பெற்று வரும் பயணிகள் போக்குவரத்து பேருந்துகள் உட்பட விபத்துக்களை கருத்திற் கொண்டு பண்டிகை கால விபத்துக்களை குறைப்பதற்காக பதில் பொலிஸ் மா அதிபரின் பணிப்புரைக்கமைய இந்த நடவடிக்கை மேற்கொள்ளப்பட்டு வருவதாக பொலிஸார் தெரிவித்தனர்.

முக்கியமாக பொதுப் பயணிகள் போக்குவரத்துப் பேருந்துகளை சோதனையிடுவதுடன், மதுபானம் அல்லது போதைப்பொருள் பாவனை மற்றும் போக்குவரத்து விதிகளை மீறி ஆபத்தான முறையில் வாகனம் ஓட்டும் சாரதிகளுக்கு எதிராக சட்டத்தை அமுல்படுத்தவுள்ளதாக பொலிஸார் தெரிவித்தனர்.

போக்குவரத்து விதிகளை மீறி பேருந்துகள் மற்றும் பிற வாகனங்கள் இயங்கினால், 119 மற்றும் 1997 என்ற குறுகிய தொலைபேசி இலக்கங்களிலோ அல்லது பொலிஸ் பிரிவுகளுக்கு பொறுப்பான அதிகாரிகள் மற்றும் போக்குவரத்து தலைமையகத்தின் பணிப்பாளர்கள் மற்றும் பணிப்பாளர்களின் கையடக்க தொலைபேசி இலக்கங்களிலோ தொடர்பு கொள்ளுமாறு பொதுமக்களிடம் கோரிக்கை விடுக்கப்பட்டுள்ளது.

கொழும்பு நகர்ப்புறம், மேல் மாகாணம் வடக்கு மற்றும் தெற்கு போக்குவரத்து பிரிவுகளின் 0718591967, 0718591741, 0718592857, 0718592278 என்ற அலைபேசி இலக்கத்திற்கும் தகவல் தெரிவிக்கலாம்.

போக்குவரத்து விதிகளை மீறுவது அல்லது பிற குற்றங்கள் தொடர்பான காணொளிகள் இருப்பின் அவற்றை அந்த தொலைபேசி இலக்கங்களுக்கு WhatsApp ஊடாக அனுப்பி வைக்க முடியும் எனவும் பொலிஸ் ஊடகப் பிரிவு அறிவித்துள்ளது.

The post நாடளாவிய ரீதியில் விசேட போக்குவரத்து சோதனை நடவடிக்கை appeared first on Oruvan.com.

வீதி விபத்துக்கள் அதிகரித்துள்ளமையினால் பதில் பொலிஸ் மா அதிபர் பிரியந்த வீரசூரிய இந்த சோதனை நடவடிக்கையை ஆரம்பித்துள்ளார்.

கடந்த சில தினங்களாக, பயணிகள் போக்குவரத்து பேருந்துகள் அதிகளவில் விபத்துக்குள்ளாகி வரும் காரணத்தினால் பயணிகள் போக்குவரத்து பேருந்துகளில் சிறப்பு சோதனை தொடங்கப்பட்டது.

போதைப்பொருள் பயன்படுத்தி விட்டு பேருந்துகளை செலுத்தும் சாரதிகள் தொடர்பிலும் பொலிஸாருக்கு தகவல் கிடைக்கபட்டுள்ளது.

பேருந்து சாரதிகள் போதையில் வாகனம் செலுத்துவது தொடர்பில் தகவல் கிடைத்தால் பொலிஸாருக்கு அறிவிக்குமாறு பொதுமக்களிடம் கோரிக்கை விடுக்கப்பட்டுள்ளது.

The post நாடளாவிய ரீதியில் பேருந்துகளில் விசேட சோதனை appeared first on Oruvan.com.