இதற்கமைய அதன் புதிய விலை 600 ரூபாவாக நிர்ணயிக்கப்பட்டுள்ளது.

சர்வதேச சந்தை விலைகளுக்கு ஏற்ப, அரசாங்கத்தின் அனுமதியுடன் பிரீமியம் ரக எரிபொருட்களின் விலைகள் மாற்றியமைக்கப்படுவதாக அந்நிறுவனம் தெரிவித்துள்ளது.

இருப்பினும், 92 ஒக்டேன் பெற்றோல் மற்றும் ஒட்டோ டீசல் ஆகியவற்றின் விலைகளில் மாற்றங்கள் ஏதுமின்றி அரசாங்கத்தின் விலையே பின்பற்றப்படும் எனவும் அறிவிக்கப்பட்டுள்ளது.

The post சூப்பர் டீசலின் விலையை உயர்த்திய சினோபெக் appeared first on Oruvan.com.

கொவிட் தொற்றால் எந்தவொரு அதிகரிப்பும் பதிவாகாத போதிலும் சர்வதேச விமான நிலையங்கள் மற்றும் துறைமுகங்களில் கண்காணிப்பை அதிகரிப்பது குறித்து அரசாங்கம் பரிசீலித்து வருகிறது.

பொது மக்கள் அச்சம் கொள்ளத் தேவை இல்லையென்றாலும் முன்னெச்சரிக்கை நடவடிக்கைகளை எடுக்குமாறு
நோயெதிர்ப்பு நிபுணர் பேராசிரியர் சந்திமா ஜீவந்தரா தெரிவித்துள்ளார்.

முகமூடி அணிதல், அடிக்கடி கைகளைக் கழுவுதல் மற்றும் சுகாதார அமைச்சகத்தின் பொது சுகாதார ஆலோசனையைப் பின்பற்றுமாறும் அறிவுறுத்தியுள்ளார்.

கொவிட் தொற்றின் அதிகரிப்பைக் கையாள்வதற்கு நாடு முழுவதும் உள்ள வைத்தியசாலைகள் தயாராக உள்ளதென சுகாதார அமைச்சின் உயர் அதிகாரி ஒருவர் தெரிவித்துள்ளார்.

நிலைமை மோசமடைந்தால் போதியளவான தனிமைப்படுத்தல் பிரிவுகள், மருத்துவ பொருட்கள் மற்றும் பயிற்சி பெற்ற ஊழியர்களுடன் வசதிகள் ஏற்படுத்தப்பட்டுள்ளதாக தெரிவிக்கப்பட்டுள்ளது.

இதனிடையே குழந்தைகள் மத்தியில் டெங்கு மற்றும் சிக்குன்குன்யா அதிகரித்து வருவதாக லேடி ரிட்ஜ்வே குழந்தைகள் வைத்தியசாலையின் வைத்தியர் தீபல் பெரேரா தெரிவித்தார்.

சீரற்ற வானிலை காரணமாக நுளம்புகளால் பரவும் நோய்கள் அதிகரித்து வருவதை அவர் சுட்டிக்காட்டினார்.

The post கொவிட் தொற்று – முன்னெச்சரிக்கை நடவடிக்கைகளை எடுக்குமாறு அறிவுறுத்தல் appeared first on Oruvan.com.

இந்த ஆண்டின் இதுவரையான காலப்பகுதியில் 19,000 இற்கும் மேற்பட்டோர் டெங்கு காய்ச்சலால் பாதிக்கப்பட்டுள்ளதுடன் ஏழு பேர் உயிரிழந்துள்ளதாக வைத்தியர் சுதத் சமரவீர தெரிவித்துள்ளார்.

இரத்தினபுரி மாவட்டத்தில் டெங்கு பரவல் ஓரளவு கட்டுக்குள் கொண்டு வரப்பட்டாலும், அப்பகுதியில் உள்ள பல சுகாதார வைத்திய அதிகாரி பிரிவுகள் (MOH) தொடர்ந்து அதிக எண்ணிக்கையிலான டெங்கு பாதிப்புகளைப் பதிவு செய்து வருகின்றன.

இந்நிலையில் அதிக ஆபத்துள்ள சுகாதார வைத்திய அதிகாரி பிரிவுகளை இலக்காகக் கொண்டு சிறப்பு டெங்கு ஒழிப்பு திட்டம்
முன்னெடுக்கப்பட்டுள்ளது.

நுளம்பு இனப்பெருக்கம் செய்யும் இடங்களை அகற்றுதல், பொது விழிப்புணர்வு மற்றும் சமூக ஈடுபாடு ஆகியவற்றில் கவனம் செலுத்தும் இந்த பிரசாரம் மே 19 முதல் மே 24 வரை நடைபெறும் என தெரிவிக்கப்பட்டுள்ளது.

The post டெங்கு காய்ச்சலால் பாதிக்கப்பட்டோரின் எண்ணிக்கை அதிகரிப்பு appeared first on Oruvan.com.

2023 ஆம் ஆண்டில், 1,487,303 வெளிநாட்டு சுற்றுலாப் பயணிகள் இலங்கைக்கு வருகை தந்துள்ள நிலையில், இதனூடாக பதிவு செய்த மொத்த வருமானம் 2,068 மில்லியன் டொலர்கள் ஆகும்.

2024 ஆம் ஆண்டில் இலங்கைக்கு வருகை தந்த சுற்றுலாப் பயணிகளின் எண்ணிக்கை 2,053,465 ஆக பதிவான நிலையில், இதனூடாக இலங்கை 3,168.6 மில்லியன் அமெரிக்க டொலர் வருமானத்தைப் பதிவு செய்துள்ளது.

இது ஆண்டு அடிப்படையில் 53.2 வீத வளர்ச்சியாகும்.

2024ஆம் ஆண்டு டிசம்பரில் சுற்றுலாத்துறை வருமானம் 362.1 மில்லியன் டொலர்களாக பதிவாகியுள்ளது.

2023ஆம் ஆண்டு டிசம்பரில் இதன் மதிப்பு 269.3 மில்லியன் டொலர்களாக பதிவானதாக இலங்கை மத்திய வங்கி குறிப்பிட்டுள்ளது.

The post சுற்றுலாத்துறை வருமானம் 53 வீதம் அதிகரிப்பு appeared first on Oruvan.com.

மக்கள் தொகை கணக்கெடுப்பு மற்றும் புள்ளிவிபரவியல் திணைக்களம் வெளியிட்டுள்ள அறிக்கையில் இந்த விடயம்
தெரிவிக்கப்பட்டுள்ளது.

2024 ஆம் ஆண்டு நவம்பவர் மாதத்தில், பணவீக்க வீதம் -2.1 ஆக காணப்பட்ட நிலையில் டிசம்பர் மாதம் -1.7 ஆக அதிகரித்துள்ளது.

இதேவேளை, நவம்பர் மாதத்தில் 0.6 வீதமாக பதிவான உணவுப் பணவீக்கம் ​​டிசம்பர் மாதத்தில் 0.8 வீதமாக அதிகரித்துள்ளது.

மேலும் நவம்பர் மாதத்தில் -3.3 வீதமாக காணப்பட்ட உணவு அல்லாப் பணவீக்கம் டிசம்பர் மாதத்தில் -3.0 வீதமாக உயர்வடைந்துள்ளது.

The post பணவீக்கம் அதிகரிப்பு appeared first on Oruvan.com.