விஸ்டன் இதழின் 2026 பதிப்பில், உலக கிரிக்கெட் நிர்வாகத்தில் இந்தியா ஆரோக்கியமற்ற ஆதிக்கத்தைக் கொண்டுள்ளது என்றும் தெரிவிக்கப்பட்டுள்ளது.

பிரித்தானியாவை தலைமையிடமாகக் கொண்ட, 1864ஆம் ஆண்டு முதல் வெளிவந்துகொண்டிருக்கும் விஸ்டன் கிரிக்கெட்டர்ஸ் அல்மனாக், உலகெங்கிலும் உள்ள அனைத்து முக்கிய கிரிக்கெட் போட்டிகளின் வருடாந்திரப் பதிவாகும்.

மேலும் கிரிக்கெட் விளையாட்டின் “பைபிள்” என்று கருதப்படுகிறது.

இந்நிலையில், அதன் 163வது ஆண்டுப் பதிப்பில், உலகளாவிய கிரிக்கெட்டில் இந்தியாவின் ஆரோக்கியமற்ற மற்றும் அரசியல்மயமாக்கப்பட்ட ஆதிக்கத்தை இதழின் ஆசிரியர் லோரன்ஸ் பூத் சுட்டிக்காட்டியுள்ளார்.

தற்போது தலைவராகப் பணியாற்றும் ஜெய் ஷா உள்ளிட்ட, சர்வதேச கிரிக்கெட் பேரவையின் முக்கிய தலைமைப் பதவிகளில் இந்திய அதிகாரிகள் உள்ளனர் என்று அவர் தெரிவித்துள்ளார்.

ஜெய் ஷா, இந்தியாவின் உள்துறை அமைச்சரும் பிரதமர் நரேந்திர மோடியின் நீண்டகால கூட்டாளியுமான அமித் ஷாவின் மகன் ஆவார்.

சர்வதேச கிரிக்கெட் பேரவையின் பொறுப்பை ஏற்பதற்கு முன்பு ஷா தலைமை தாங்கிய இந்திய கிரிக்கெட் கட்டுப்பாட்டு சபையை “இந்தியாவின் ஆளும் பாஜகவின் விளையாட்டுத் துணை அமைப்பு” என்று விஸ்டன் விவரித்துள்ளது.

விஸ்டன் இதழில் வெளியான கட்டுரை, இந்திய கிரிக்கெட் கட்டுப்பாட்டு சபை இந்தியாவின் ஆளும் பாரதிய ஜனதா கட்சியுடன் நெருங்கிய தொடர்புடையது என்றும் விவரித்திருந்தது.

மேலும், கிரிக்கெட் நிர்வாகத்தில் அதிகரித்து வரும் அரசியல் தலையீடு குறித்த கவலைகளையும் லோரன்ஸ் பூத் சுட்டிக்காட்டியுள்ளார்.

இந்தியாவுக்கும் பாகிஸ்தானுக்கும் இடையே ஒரு குறுகிய காலப் போர் நடந்த பின்னணியில் நடைபெற்ற 2025 ஆசியக் கிண்ண தொடரில் அரசியல் எவ்வாறு தலையிட்டது என்பதையும் அவர் குறிப்பிட்டுள்ளார்.

இதன் விளைவாக இரு அணிகளும் மோதிக்கொண்ட போட்டிகளில் அணியின் வீரர்கள் கைகுலுக்க மறுத்ததையும் பூத் சுட்டிக்காட்டினார்.

பங்களாதேஷில் ஏற்பட்ட அரசியல் வன்முறையின் போது இந்துக்கள் கொல்லப்பட்டதைத் தொடர்ந்து இரு நாடுகளுக்கும் இடையே பதற்றம் அதிகரித்தது.

இந்த இராஜதந்திரப் பதட்டங்களுக்கு மத்தியில் பங்களாதேஷ் வேகப்பந்து வீச்சாளர் முஸ்தாபிசூர் ரஹ்மான் இந்தியன் பிரீமியர் லீக் (ஐபிஎல்)ஒப்பந்தத்திலிருந்து நீக்கப்பட்டது உள்ளிட்ட உதாரணங்களையும் அவர் அடிக்கோடிட்டுள்ளார்.

முஸ்தாபிசூர் ரஹ்மான் ஐபிஎல் தொடரிலிருந்து வெளியேறியது, பங்களாதேஷ்அரசாங்கம் அவர்களை இந்தியாவிற்குப் பயணிக்க அனுமதிக்க மறுத்தது உள்ளிட்ட காரணங்களால் இந்த ஆண்டுக்கான டி20 உலகக் கிண்ண தொடரில் இருந்து அந்நாடு நீக்கப்பட்டது.

2025ஆம் ஆண்டு இதேபோன்ற ஒரு சூழ்நிலையை எதிர்கொண்டபோது, ​​சாம்பியன்ஸ் டிராபிக்காக பாகிஸ்தானுக்குச் செல்ல இந்தியா மறுத்ததுடன், தங்களது அனைத்து போட்டிகளையும் துபாய்க்கு மாற்ற கோரியிருந்தது.

இதற்கு அனுமதி வழங்கியிருந்த சர்வதேச கிரிக்கெட் பேரவை, டி20 உலகக் கிண்ண தொடரின் தங்கள் விளையும் போட்டிகளை இலங்கைக்கு மாற்ற வேண்டும் என்ற பங்களாதேஷின் கோரிக்கையை நிராகரித்திருந்தது.

இந்த சமத்துவமற்ற நிலையையும் லோரன்ஸ் பூத் சுட்டிக்காட்டியுள்ளார்.

இந்நிலையில், கிரிக்கெட்டின் அதிகரித்து வரும் அரசியல்மயமாக்கல், ஆட்டத்தின் நிர்வாகத்தைச் சீர்குலைத்து வருவதாக விஸ்டன் இதழ் எச்சரித்துள்ளது.

இந்தியாவின் செல்வாக்கு மற்றும் அரசியல் காரணிகளால் உலக கிரிக்கெட் களம் அதிகளவில் வடிவமைக்கப்பட்டு வருகிறது என்றும் விஸ்டன் இதழ் மேலும் தெரிவித்துள்ளது.

The post உலக கிரிக்கெட்டை கட்டுப்படுத்துவதாக இந்தியா – விஸ்டன் இதழ் எச்சரிக்கை appeared first on Oruvan.com.

குறிப்பாக, 2026 மார்ச் 15 ஆம் திகதி கொழும்பில் நடைபெறவிருந்த இந்தியாவுக்கு எதிரான போட்டியில் பாகிஸ்தான் பங்கேற்காது என அந்நாட்டு அரசு உத்தியோகபூர்வமாக அறிவித்துள்ளது.

இந்நிலையில், பாகிஸ்தான் அரசாங்கத்தின் இந்தத் தலையீடு உலகளாவிய கிரிக்கெட்டின் ஒருமைப்பாட்டிற்கும் அதன் விளையாட்டு உணர்வுக்கும் பாதிப்பை ஏற்படுத்தும் என சர்வதேச கிரிக்கெட் பேரவை சுட்டிக்காட்டியுள்ளது.

உலகக் கிண்ணம் போன்ற ஒரு சர்வதேச விளையாட்டுத் தொடரில், தகுதிபெற்ற அனைத்து அணிகளும் சமமான நிபந்தனைகளின் கீழ் போட்டி அட்டவணைக்கு அமைய விளையாட வேண்டும் என்பதே அடிப்படை விதியாகும்.

அவ்வாறிருக்கையில், ஒரு குறிப்பிட்ட போட்டியை மாத்திரம் புறக்கணிப்பது விளையாட்டு மனிதாபிமானத்திற்கு எதிரானது என சர்வதேச கிரிக்கெட் பேரவை வலியுறுத்தியுள்ளது

பாகிஸ்தானில் உள்ள மில்லியன் கணக்கான கிரிக்கெட் ரசிகர்கள் உட்பட உலகெங்கிலும் உள்ள விளையாட்டுப் பிரியர்களுக்கு இந்தத் தீர்மானம் ஏமாற்றத்தை அளிக்கும் என சர்வதேச கிரிக்கெட் பேரவை கூறியுள்ளது.

இத்தகைய முடிவுகள் பாகிஸ்தான் கிரிக்கெட்டுக்கும், ஒட்டுமொத்த சர்வதேச கிரிக்கெட் கட்டமைப்புக்கும் நீண்டகால அடிப்படையில் மோசமான விளைவுகளை ஏற்படுத்தும் என எச்சரிக்கை விடுக்கப்பட்டுள்ளது.

தற்போதைய சிக்கலான நிலையைத் தணித்து, அனைத்துத் தரப்பினரும் ஏற்றுக்கொள்ளக்கூடிய ஒரு பரஸ்பர இணக்கப்பாட்டிற்கு வருமாறு பாகிஸ்தான் கிரிக்கெட் சபைக்கு சர்வதேச கிரிக்கெட் பேரவை அழைப்பு விடுத்துள்ளது.

உலகக் கிண்ணத் தொடரை வெற்றிகரமாக நடத்துவதற்கு முழுமையான ஒத்துழைப்பை வழங்குமாறும் சர்வதேச கிரிக்கெட் பேரவை மேலும் கேட்டுக்கொண்டுள்ளது

The post பாகிஸ்தானின் தீர்மானமும், ஐசிசி இன் இன் கவலையும் appeared first on Oruvan.com.

சர்வதேச கிரிக்கெட் பேரவையின் (ஐ.சி.சி) ஊழல் தடுப்பு குறியீட்டின் ஐந்து பிரிவுகளை மீறியதாக குற்றம் சாட்டப்பட்டதை அடுத்து, அமெரிக்க துடுப்பாட்ட வீரர் ஆரோன் ஜோன்ஸ் அனைத்து கிரிக்கெட்டிலிருந்தும் உடனடியாக தடை செய்யப்பட்டுள்ளார்.

இந்தக் குற்றச்சாட்டுகளுக்கு பதிலளிக்க ஆரோன் ஜோன்ஸுக்கு 14 நாட்கள் அவகாசம் வழங்கப்பட்டுள்ளமையும் குறிப்பிடத்தக்கது.

2026 டி20 உலகக் கிண்ண தொடருக்கு முன்னதாக இலங்கையில் நடைபெற்ற பயிற்சி முகாமில் பங்கேற்ற 18 அமெரிக்க வீரர்களில் 31 வயதான ஜோன்ஸ் ஒருவர் ஆவார்.

போட்டிக்கான அமெரிக்க அணி இன்னும் பெயரிடப்படவில்லை என்றாலும், பயிற்சி முகாமில் இருந்து 15 வீரர்கள் தேர்ந்தெடுக்கப்படுவார்கள் என்று எதிர்பார்க்கப்பட்டது.

இருப்பினும், இந்தத் தடை காரணமாக ஜோன்ஸ் அணிக்குத் தேர்ந்தெடுக்கப்படும் தகுதியை இழந்துள்ளார்.

சர்வதேச கிரிக்கெட் பேரவையின் படி, ஜோன்ஸ் மீதான குற்றச்சாட்டுகள் முதன்மையாக 2023-24 ஆம் ஆண்டு பார்படோஸில் நடந்த ‘பிம் 10’ போட்டியுடன் தொடர்புடையவை.

இது கிரிக்கெட் மேற்கிந்திய தீவுகளின் அதிகார வரம்பிற்கு உட்பட்டது, எனினும, அவர் மீதான இரண்டு குற்றச்சாட்டுகள் சர்வதேச போட்டிகளுக்கும் பொருந்தும் என தெரிவிக்கப்பட்டுள்ளது.

ஜோன்ஸ் மீது சுமத்தப்பட்டுள்ள குற்றச்சாட்டுகள்:

• மேற்கிந்திய தீவுகள் கிரிக்கெட் சங்க நடத்தை விதிகளின் பிரிவு 2.1.1 இன் மீறல்: 2023/24 ‘Bim10’ போட்டியில் ஒரு போட்டியின் முடிவுகள் அல்லது முன்னேற்றத்தை மாற்ற முயற்சிப்பது அல்லது பங்களிப்பது அல்லது மேட்ச் பிக்சிங்.
• மேற்கிந்திய தீவுகள் கிரிக்கெட் விதிகளின் பிரிவு 2.4.2 இன் மீறல்: ஊழல் நடவடிக்கைகளில் ஈடுபட பெறப்பட்ட அழைப்புகள் அல்லது அணுகுமுறைகள் பற்றிய தகவல்களை மேற்கிந்திய தீவுகள் கிரிக்கெட்டுக்கு வெளியிடத் தவறியமை.
• மேற்கிந்திய தீவுகள் கிரிக்கெட் விதிகளின் பிரிவு 2.4.4 ஐ மீறுதல்: அங்கீகரிக்கப்பட்ட ஊழல் தடுப்பு அதிகாரியால் நடத்தப்படும் விசாரணைக்கு ஒத்துழைக்க மறுத்தமை.
• ஐ.சி.சி விதிகளின் பிரிவு 2.4.4 ஐ மீறுதல்: சர்வதேச மட்டத்தில் நடந்த ஊழல் நடவடிக்கைகள் பற்றிய தகவல்களை ஐ.சி.சி ஊழல் தடுப்பு பிரிவுக்கு தெரிவிக்கத் தவறியமை.
• ஐ.சி.சி. விதிகளின் பிரிவு 2.4.7 இன் மீறல்: ஆதாரங்களை மறைப்பதன் மூலமோ அல்லது அழிப்பதன் மூலமோ ஊழல் தடுப்புப் பிரிவின் விசாரணைகளைத் தடுப்பது.

இது ஒரு பரந்த விசாரணையின் ஒரு பகுதி என்றும், எதிர்காலத்தில் மற்ற வீரர்கள் மீதும் இதே போன்ற குற்றச்சாட்டுகள் சுமத்தப்படலாம் என்றும் சர்வதேச கிரிக்கெட் பேரவையின் அறிக்கையில் தெரிவிக்கப்பட்டுள்ளது.

2019 ஆம் ஆண்டு சர்வதேச கிரிக்கெட் போட்டியில் விளையாடிய ஆரோன் ஜோன்ஸ், அமெரிக்க அணிக்காக 52 ஒருநாள் போட்டிகளிலும், 48 டி20 போட்டிகளிலும் விளையாடியுள்ளார்.

2024 டி20 உலகக் கோப்பையில் அமெரிக்க அணியின் வரலாற்று வெற்றிகளுக்கு அவர் பெரும் பங்களிப்பைச் செய்தார், கனடாவுக்கு எதிராக 40 பந்துகளில் 94 ஓட்டங்களும், பாகிஸ்தானுக்கு எதிராக ஆட்டமிழக்காமல் 36 ஓட்டங்களும் குவித்திருந்தமை குறிப்பிடத்தகப்பது.

The post மேட்ச் பிக்சிங் – ஆரோன் ஜோன்ஸுக்கு ஐசிசி தடை appeared first on Oruvan.com.

பங்களாதேஷ் அணிக்கு பதிலாக ஸ்கொட்லாந்து அணியை இணைத்துக்கொள்வதாக சர்வதேச கிரிக்கெட் பேரவை  அறிவித்திருந்த நிலையில்,  பங்களாதேஷ் கிரிக்கெட் சபையின் அறிவிப்பு வெளியாகியுள்ளது.

டாக்காவில் நடைபெற்ற பங்களாதேஷ் கிரிக்கெட் அதிகாரிகளின் கூட்டத்திற்குப் பின்னர் அந்நாட்டு கிரிக்கெட் சபையின் தலைவர் இந்தக் கருத்துக்களைத் தெரிவித்தார்.

பாதுகாப்புக் காரணங்களைக் காரணம் காட்டி, இருபதுக்கு இருபது  உலகக் கிண்ண தொடருக்கு இந்தியாவுக்கு சுற்றுப்பயணம் மேற்கொள்ள பங்களாதேஷ்  கிரிக்கெட் சபை மறுப்பு வெளியிட்டுள்ளது.

இதன்படி, இந்தியாவுக்கு வெளியே போட்டிகளில் விளையாடும் பங்களாதேஷின் கோரிக்கையை நிராகரித்து, போட்டி அட்டவணையை மாற்றப்போவதில்லை என்று சர்வதேச கிரிக்கெட்  பேரவை தெரிவித்துள்ளது.

மேலும், இறுதி முடிவை எடுக்க சர்வதேச கிரிக்கெட் கவுன்சில் ஒரு குறிப்பிட்ட நேரத்தை பங்களாதேஷ் தரப்பிற்கு வழங்கியது.

எவ்வாறாயினும், இந்தியாவில் விளையாட போவதில்லை என்ற நிலைப்பாட்டில் எந்த மாற்றமும் இல்லை என்று பங்களாதேஷ் கிரிக்கெட் சபை அறிவித்திருந்தது.

இதன்படி, இந்த ஆண்டு இருபதுக்கு இருபது உலகக் கிண்ண தொடரில் இருந்து பங்களாதேஷ் அணியை நீக்கியதுடன் ஸ்காட்லாந்து அணியை இணைத்து சர்வதேச கிரிக்கெட் பேரவை அறிவித்திருந்தமை குறிப்பிடத்தக்கது.

The post ஐசிசியின் முடிவை ஏற்றுக்கொள்வதாக பங்களாதேஷ் கிரிக்கெட் சபை அறிவிப்பு appeared first on Oruvan.com.

எதிர்வரும் 24 ஆம் திகதி வரை நான்கு நாட்களுக்கு நாட்டின் பல பிரதான நகரங்களில் இது காட்சிப்படுத்தப்படுவதோடு, கொழும்பு ஆர்.பிரேமதாச சர்வதேச மைதானத்தில் நடைபெறும் இலங்கை-இங்கிலாந்து ஒருநாள் போட்டியின் போது விளையாட்டு ரசிகர்கள் இந்த தங்கக் கோப்பையை அருகில் இருந்து பார்க்கும் வாய்ப்பைப் பெறுவார்கள்.

அதன் பின்னர், கோப்பையை கண்டி, தம்புள்ளை மற்றும் யாழ்ப்பாணம் ஆகிய நகரங்களுக்கு எடுத்துச் செல்ல திட்டமிடப்பட்டுள்ளதுடன், அங்கு அந்தப் பகுதிகளில் வசிக்கும் விளையாட்டு ரசிகர்கள் உலகக் கோப்பையுடன் நினைவுப் புகைப்படங்களை எடுக்கவும் அதைப் பார்க்கும் வாய்ப்பும் வழங்கப்படும்.

இந்த நாட்டில் உலகக் கோப்பை போட்டிகள் நடத்தப்படுவதற்கு முன்பு அதற்கான ஆர்வத்தையும் பார்வையாளர்களின் கவனத்தையும் ஈர்ப்பதே இந்த சுற்றுப்பயணத்தின் முக்கிய நோக்கமாகும்.

சர்வதேச இருபதுக்கு 20 உலகக்கிண்ண கிரிக்கெட் போட்டிகளை பெப்ரவரி 07 முதல் மார்ச் 08 வரை இலங்கை மற்றும் இந்தியா இணைந்து நடத்த திட்டமிடப்பட்டுள்ளது.

2012 இருபதுக்கு 20 உலகக்கிண்ண போட்டிகளுக்குப் பின்னர் இலங்கையில் நடத்தப்படும் மாபெரும் போட்டி, இந்த உலகக்கிண்ணப் போட்டியாகும்.

கிரிக்கெட் உலகக்கிண்ண போட்டிகளுக்கான அட்டவணை 2025 நவம்பர் 25 ஆம் திகதி இந்தியாவில் வெளியிடப்பட்டதுடன், சர்வதேச கிரிக்கெட் கவுன்சில் கொழும்பில் உள்ள ஆர். பிரேமதாச மைதானம், பல்லேகலே சர்வதேச மைதானம் மற்றும் கொழும்பில் உள்ள எஸ்.எஸ்.சி. மைதானம் ஆகியவற்றை இலங்கையில் நடத்தப்படும் போட்டிகளுக்கான இடங்களாகத் தேர்ந்தெடுத்தது.

அதன்படி, 8 போட்டிகள் ஆர். பிரேமதாச மைதானத்திலும், 5 போட்டிகள் எஸ்.எஸ்.சி. மைதானத்திலும், 7 போட்டிகள் பல்லேகலே சர்வதேச மைதானத்திலும் நடைபெறவுள்ளது.

இம்முறை, 20 நாடுகள் போட்டியில் பங்கேற்க உள்ளதுடன், அதில் 20 போட்டிகள் இலங்கையில் நடைபெற உள்ளன. மேலும் பாகிஸ்தான் அணி போட்டியிடவுள்ள அனைத்துப் போட்டிகளும் இலங்கையில் நடைபெறும்.

அதேபோன்று, பாகிஸ்தான் அணிக்கு அரையிறுதி மற்றும் இறுதிப் போட்டிகளில் பங்கேற்க வாய்ப்புக் கிடைத்தால், அந்த இரண்டு போட்டிகளும் இலங்கையில் நடத்தப்படும் என்பதும் குறிப்பிடத்தக்கது.

அவ்வாறு நடந்தால், இறுதிப் போட்டி கொழும்பில் உள்ள ஆர். பிரேமதாச மைதானத்தில் நடைபெறுவதோடு, இதன் மூலம் இலங்கையில் நடைபெறும் மொத்த போட்டிகளின் எண்ணிக்கை 22 ஆக அதிகரிக்கும்.

இலங்கை மற்றும் இந்தியா ஆகிய நாடுகளில் போட்டிகள் நடைபெறுவதோடு, இங்கிலாந்து, தென்னாபிரிக்கா, நியூசிலாந்து, பாகிஸ்தான், மேற்கிந்திய தீவுகள், பங்களாதேஷ், அயர்லாந்து, ஜிம்பாப்வே மற்றும் ஆப்கானிஸ்தான் ஆகிய டெஸ்ட் அந்தஸ்து பெற்ற நாடுகளின் கிரிக்கட் அணிகள் இதில் அடங்கும். மேலும், அமெரிக்கா, கனடா, இத்தாலி, நெதர்லாந்து, நெமீபியா, நேபாளம், ஓமான் மற்றும் ஐக்கிய அரபு இராச்சியம் ஆகிய நாடுகளும் இந்த ஆண்டு போட்டிகளில் பங்கேற்க உள்ளன.

2026 ஆம் ஆண்டின் தொடக்கத்தில் இலங்கையில் நடைபெறும் இருபதுக்கு 20 உலகக்கிண்ணப் போட்டிகள், நாட்டின் பொருளாதாரம், சுற்றுலாத் துறை, விளையாட்டு மேம்பாடு, சர்வதேச விளம்பரம் மற்றும் நாடு தொடர்பில் சாதகமாக நன்மதிப்பை பெறுவதற்கான ஒரு சிறந்த வாய்ப்பாகக் கருதலாம்.

குறிப்பாக வெளிநாட்டு சுற்றுலாப் பயணிகள், வெளிநாட்டு அணிகள், ஊடகக் குழுக்கள் மற்றும் ஆயிரக்கணக்கான பார்வையாளர்கள் இலங்கைக்கு வருகை தருவதன் மூலம் நாட்டிற்கு அதிக அளவு அந்நியச் செலாவணி வருமானம் கிடைக்கும்.

மேலும், இதன் ஊடாக ஹோட்டல்கள் மற்றும் உணவு வர்த்தகங்கள், போக்குவரத்து சேவைகள், தொழில்நுட்ப மற்றும் நிர்வாக சேவைகள் உள்ளிட்ட பல்வேறு துறைகளில் குறுகிய மற்றும் நீண்ட கால வேலை வாய்ப்புகள் உருவாகும் என்றும் எதிர்பார்க்கப்படுகிறது.

இலங்கையில் இந்தப் போட்டிகளை நடத்துவதன் மூலம், இலங்கையை ஒரு சுற்றுலாத் தலமாக உலகம் இனங்காண்பதுடன், அதன் ஊடாக புதிய முதலீடுகளை அதிகரிப்பதற்கான வாய்ப்புகள் உருவாகும்.

மேலும், வருடத்தின் ஒவ்வொரு மாதமும் இலங்கையை ஒரு விளையாட்டு சுற்றுலா மையமாக அடையாளம் காணுதல் மற்றும் நாட்டின் சர்வதேச பின்னணியை வலுப்படுத்தி, அதன் மூலம் இலங்கையின் மதிப்பை அதிகரிப்பது போன்ற நீண்டகால நன்மைகளையும் இதன் மூலம் பெற்றுத்தரும்.

இளைஞர் விவகாரங்கள் மற்றும் விளையாட்டுத்துறை அமைச்சர் சுனில் கமகே, விளையாட்டுத்துறை பிரதி அமைச்சர் சுகத் திலகரத்ன, விளையாட்டு அபிவிருத்தித் திணைக்களத்தின் பணிப்பாளர் நாயகம் எஸ். அச்சுதன், இலங்கை கிரிக்கெட் நிறுவனத்தின் தலைவர் ஷம்மி சில்வா உட்பட நிறைவேற்றுக் குழு மற்றும் இலங்கை T20 உலகக்கிண்ண அணியின் தலைவர் தசுன் ஷானக்க, பிரதான பயிற்றுவிப்பாளர் சனத் ஜயசூரிய உள்ளிட்ட பலர் இந்நிகழ்வில் கலந்து கொண்டனர்.

The post டி20 உலகக் கிண்ண கண்காட்சி சுற்றுப்பயணம் ஆரம்பமானது! appeared first on Oruvan.com.

அவுஸ்திரேலிய அணியில் பல வீரர்கள் காயமடைந்துள்ளதால், தற்காலிக அணியே அறிவிக்கப்பட்டுள்ளது.

இதன்படி, காயங்களிலிருந்து மீண்டு வரும் பெட் கம்மின்ஸ், டிம் டேவிட் மற்றும் ஜோஷ் ஹேசில்வுட் உள்ளிட்ட 15 வீரர்கள் கொண்ட அணி அறிவிக்கப்பட்டுள்ளது.

அணியை அறிவித்த அவுஸ்திரேலிய தேர்வுக்குழுத் தலைவர் ஜோர்ஜ் பெய்லி, காயமடைந்த வீரர்கள் குணமடைந்து வருவதாகவும், உலகக் கிண்ண தொடருக்கான சரியான நேரத்தில் அவர்கள் உடல் தகுதி பெறுவார்கள் என்றும் கூறினார்.

இருப்பினும், அவுஸ்திரேலிய வேகப்பந்து வீச்சு அணியின் முக்கிய துருப்புச் சீட்டான மிட்செல் ஸ்டார்க் சர்வதேச இருபதுக்கு 20 கிரிக்கெட்டிலிருந்து ஓய்வு பெற்றதிலிருந்து, அவருக்குப் பதிலாக இடது கை வேகப்பந்து வீச்சாளர் தேர்வு செய்யப்படவில்லை என்பது குறிப்பிடத்தக்கது.

ஸ்பென்சர் ஜோன்சனும் காயமடைந்துள்ளார், அதன் காரணமாக சேவியர் பார்ட்லெட் அணியில் சேர்க்கப்பட்டுள்ளார்.

அறிவிக்கப்பட்டுள்ள தற்காலிக அணி விபரம்..

மிட்செல் மார்ஷ் (தலைவர்), சேவியர் பார்ட்லெட், கூப்பர் கோனோலி, பெட் கம்மின்ஸ், டிம் டேவிட், கேமரூன் கிரீன், நேதன் எல்லிஸ், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், மேத்யூ குஹ்னேமன், கிளென் மேக்ஸ்வெல், மேத்யூ ஷார்ட், மார்கஸ் ஸ்டோய்னிஸ், எடம் சாம்பா

The post டி20 உலகக் கிண்ணம் – தற்காலிக அணியை அறிவித்தது அவுஸ்திரேலியா appeared first on Oruvan.com.

1979 ஆம் ஆண்டு க்ளென் டர்னருக்குப் பின்னர் டேரில் மிட்செல் முதலிடம் பிடித்துள்ளார்.

கிறைஸ்ட்சர்ச்சில் மேற்கிந்திய தீவுகளுக்கு எதிரான ஒருநாள் போட்டியில் சதம் அடித்ததன் மூலம் அவர் ஒருநாள் போட்டிகளின் துடுப்பாட்ட வீரர்கள் வரிசையில் முதலிடம் பிடித்துள்ளார்.

இதன் மூலம் அவுஸ்திரேலியா அணிக்கு எதிரான தொடர் முடிந்த பின்னர் 22 நாட்களாக முதலிடத்தில் இருந்த இந்திய அணியின் ரோகித் சர்மா இரண்டாம் இடத்திற்கு தள்ளப்பட்டுள்ளார்.

46 ஆண்டுகளுக்கு முன்பு ஒருநாள் துடுப்பாட்ட வீரர்கள் தரவரிசையில் நியூசிலாந்து அணியின் க்ளென் டர்ன முதலிடம் பிடித்திருந்தார்.

அதன் பின்னர் அந்த அணி சார்பில் நாதன் ஆஸ்டில், ரோஸ் டெய்லர் மற்றும் கேன் வில்லியம்சன் போன்ற நட்சத்திர வீரர்கள் விளையாடி இருந்தாலும் முதலிடம் பிடிக்க முடியவில்லை.

தற்போது டேரில் மிட்செல் முலிடம் பிடித்துள்ளார். இந்திய அணியின் தற்போதைய தலைவர் சுப்மன் கில் நான்காவது இடத்திலும், விராட் கோலி ஐந்தாவது இடத்திலும் தரப்படுத்தப்பட்டுள்ளனர்.

இதேவேளை, ஒருநாள் போட்டிகளின் பந்து வீச்சாளர் தரவரிசையில் ஆப்கானிஸ்தான் அணியின் நட்சத்திர சுழல் பந்து வீச்சாளர் ரஷித கான் 710 புள்ளிகளுடன் முதலிடத்தை பிடித்துள்ளார்.

இலங்கையின் மகீஷ் தீக்சன நான்காம் இடத்த பிடித்துள்ளமை குறிப்பிடத்தக்கது.

The post ஒருநாள் துடுப்பாட்ட வீரர் தரவரிசை!! 46 ஆண்டுகளின் பின் முதலிடம் பிடித்த நியூசிலாந்து வீரர் appeared first on Oruvan.com.

சர்வதேச கிரிக்கெட் பேரவை சார்பில், ஒருநாள் போட்டியில் சிறந்து விளங்கும் வீராங்கனைகளுக்கான தரவரிசை பட்டியல் வெளியாகியுள்ளது.

இதில் இந்தியாவின் ஸ்மிருதி மந்தனா, 791 புள்ளிகளுடன் முதலிடத்தில் நீடிக்கிறார்.

இங்கிலாந்தின் நாட் சிவர் பிரன்ட் 731 புள்ளிகளுடன் இரண்டாம் இடத்திலும், அவுஸ்திரேலியாவின் பெத் மூனே 713 புள்ளிகளுடன் மூன்றாம் இடத்திலும் உள்ளனர்.

இந்தியாவின் ஹர்மன்பிரீத் கவுர், 612 புள்ளிகளுகடக் இரண்டு இடம் பின்தங்கி, 16 வது இடத்தில் உள்ளார்.

இலங்கைக்கு எதிரான உலக கிண்ண போட்டியில் அரைசதம் அடித்த தீப்தி சர்மா 610 புள்ளிகளுடன் ஒரு இடம் முன்னேறி 17வது இடத்தை பிடித்துள்ளார்.

கடந்த இரு போட்டியில் சிறப்பாக செயல்பட்ட ஹர்லீன் ஏழு இடங்கள் முன்னேறி 38 வது இடம் பிடித்தார்.

பந்து வீச்சாளர் தரவரிசையில் இங்கிலாந்து அணியின் சோபி எக்லெஸ்டோன் 792 புள்ளிகளுடன் முதலிடத்தில் நீடிக்கிறார்.

இந்தியாவின் தீப்தி சர்மா 640 புள்ளிகளுடன் ஆறாவது இடத்தை பிடித்துள்ளமை குறிப்பிடத்தக்கது.

The post ஸ்மிருதி மந்தனா முதலிடத்தில் நீடிப்பு appeared first on Oruvan.com.

மகளிர் உலகக் கிண்ண ஒருநாள் கிரிக்கெட் தொடர் தற்போது இடம்பெற்று வருகின்றது. லீக் போட்டிகள் இடம்பெற்று வரும் நிலையில், இந்திய மற்றும் பாகிஸ்தான் அணிகள் நாளை மறுதினம் மோதவுள்ளன.

இந்தப் போட்டி கொழும்பு ஆர். பிரேமதாச மைதானத்தில் இடம்பெறவுள்ளது. போட்டியில் கலந்துகொள்ளும் இந்திய மகளிர் அணி நேற்று மாலை இலங்கைக்கு வந்தது.

பஹல்காம் தீவிரவாத தாக்குதலுக்கு பின்னர் இந்திய மற்றும் பாகிஸ்தான் நாடுகளுக்கு இடையில் அரசியல் பதற்றம் வெகுவாக அதிகரித்துள்ளது.

இந்த அரசியல் பதற்றம் இரு நாடுகளுக்கும் இடையிலான விளையாட்டிலும் பாரிய தாக்கத்தை செலுத்தியுள்ளது.

இதன்படி, அண்மையில் நடந்து முடிந்த ஆசியக் கிண்ண கிரிக்கெட் தொடர் முழுவதும் இந்திய – பாகிஸ்தான் வீரர்கள் கைகுலுக்கிக்கொள்ளவில்லை.

மேலும், இருநாட்டு வீரர்களும் மோசமான சைகைகள் மூலம் ஆத்திரமூட்டும் செயல்களில் ஈடுபட்டனர்.

எல்லாவற்றுக்கும் மோலக இறுதிப் போட்டியில் வெற்றி பெற்ற இந்திய அணியினர், பாகிஸ்தான் அமைச்சரிடம் இருந்து கிண்ணத்தை வாங்க மறுத்திருந்தமை விளையாட்டு ரசிகர்கள் மத்தியில் பெரும் அதிர்ச்சியை ஏற்படுத்தியது.

இந்நிலையிலேயே, இந்திய மகளிர் அணிக்கு கைகுலுக்க வேண்டாம் என ஆலோசனை வழங்கப்பட்டுள்ளதாக தகவல்கள் வெளியாகியுள்ளன.

இந்திய கிரிக்கெட் சபை, வீராங்கனைகள் மற்றும் துணை ஊழியர்களுக்கு இந்த ஆலோசனையை வழங்கியுள்ளதாக சர்வதேச ஊடகங்கள் செய்தி வெளியிட்டுள்ளன.

The post கைகுலுக்க வேண்டாம் – இந்திய மகளிர் அணிக்கு ஆலோசனை appeared first on Oruvan.com.

இந்த முடிவு உலக கிரிக்கெட் வட்டாரத்தில் பெரும் அதிர்வலைகளை ஏற்படுத்தியுள்ளதாக தெரிவிக்கப்பட்டுள்ளது.

நேற்று செவ்வாய்க்கிழமை நடைபெற்ற சர்வதேச கிரிக்கெட் பேரவை கூட்டத்தில் இந்த முடிவு எடுக்கப்பட்டது.

அமெரிக்க கிரிக்கெட் சங்கம், சர்சதேச கிரிக்கெட் விதிமுறைகளை தொடர்ச்சியாக மீறியதும், முறையான நிர்வாக அமைப்பை செயல்படுத்தத் தவறியதுமே இந்த நடவடிக்கைக்கு முக்கியக் காரணங்கள் என்று தெரிவிக்கப்பட்டுள்ளது.

இந்த இடைநீக்க நடவடிக்கையை துரதிர்ஷ்டவசமானது அதேநுரம் மிகவும் அவசியமானது என்று தெரிவித்துள்ள சர்வதேச கிரிக்கெட் பேரவை இந்த நடவடிக்கையால் வீரர்களோ, விளையாட்டோ பாதிக்கப்படாது என்பதை உறுதிபடுத்தியுள்ளது.

இதன்படி, அமெரிக்காவின் தேசிய அணிகள், சர்வதேச கிரிக்கெட் பேரவை நடத்தும் போட்டிகளில் தொடர்ந்து பங்கேற்கலாம்.

2028 லொஸ் ஏஞ்சல்ஸ் ஒலிம்பிக் போட்டிக்கான தயாரிப்புகளிலும், அதில் பங்கேற்பதிலும் எந்த தடையும் இல்லை என அறிவிக்கப்பட்டுள்ளது.

எவ்வாறாயினும், இடைநீக்கம் நடைமுறையில் இருக்கும் வரை, அமெரிக்க தேசிய அணிகளின் நிர்வாகத்தை சர்வதேச கிரிக்கெட் பேரவை நேரடியாகவோ அல்லது அதன் பிரதிநிதிகள் மூலமாகவோ கவனிக்கும் என அறிவிக்கப்பட்டுள்ளது.

The post அமெரிக்க கிரிக்கெட் பேரவை உறுப்பினர் அந்தஸ்து நீக்கம் – சர்வதேச கிரிக்கெட் பேரவை அதிரடி நடவடிக்கை appeared first on Oruvan.com.