hospitals Archives - Oruvan.com

அரச வைத்திசாலைகளின் உள்நோயாளர்களுக்கு சத்தான உணவை வழங்குவதற்கான விசேட திட்டம்

admin — Sun, 06 Jul 2025 09:11:02 +0000

அரச வைத்திசாலைகளில் உள்நோயாளர்களாக சிகிச்சை பெறும் நோயாளர்களுக்கு தரமான சத்தான உணவை வழங்குவதற்காக விசேட திட்டம் முன்னெடுக்கப்பட்டுள்ளது.

இந்த விசேட வேலைத் திட்டத்தை ஆரம்பிப்பதற்கான முன்னோடித் திட்டம் மஹரகம அபேக்ஷா வைத்தியசாலையை மையமாகக் கொண்டு ஆரம்பிக்க திட்டமிடப்பட்டுள்ளது.

இது தொடர்பான கலந்துரையாடல் சுகாதார மற்றும் வெகுசன ஊடக அமைச்சர் வைத்தியர் நளிந்த ஜயதிஸ்ஸ தலைமையில் அமைச்சில் நடைபெற்றது.

இங்கு கருத்து தெரிவித்த அமைச்சர்,

“நோயாளர்களுக்கு , சத்தான உணவை வழங்க வேண்டிய அவசியத்துடன் மஹரகம அபேக்ஷா வைத்தியசாலையில் ஆர்பிக்கப்படும் இந்த முன்னோடித் திட்டம்,
எதிர்காலத்தில் நாட்டின் அனைத்து அரச வைத்தியசாலைகளிலும் செயற்படுத்துவதற்கு எதிர்பார்த்துள்ளோம்

அரச வைத்தியசாலைகளில் உள்ள நோயாளர்களுக்கு உணவு மற்றும் பானங்களை வழங்குவதற்காக சுகாதார அமைச்சகம் ஆண்டுதோறும் பெரும் தொகையைச் செலவிடுகிறது என்றாலும், அந்தப் பணம் நியாயமாகச் செலவிடப்படுகிறதா என்பது குறித்து கவலைகள் உள்ளன ” என்றார்

The post அரச வைத்திசாலைகளின் உள்நோயாளர்களுக்கு சத்தான உணவை வழங்குவதற்கான விசேட திட்டம் appeared first on Oruvan.com.

வான்வழித் தாக்குதல்களை தீவிரப்படுத்திய ரஷ்யா மற்றும் உக்ரைன்

admin — Wed, 19 Mar 2025 10:16:53 +0000

30 நாள் போர் நிறுத்தத்திற்கான அமெரிக்க திட்டத்தை ரஷ்ய ஜனாதிபதி விளாடிமிர் புடின் நிராகரித்ததைத் தொடர்ந்து, ரஷ்யாவும் உக்ரைனும் வான்வழித் தாக்குதல்களை மேற்கொண்டுள்ளன.

இதன்போது இரு நாடுகளுக்குமான உட்கட்டமைப்பு சேதமடைந்துள்ளதாக சர்வதேச ஊடகங்கள் செய்தி வெளியிட்டுள்ளன.

உக்ரைனின் வடக்கு சுமி பகுதியில் உள்ள இரண்டு மருத்துவமனைகள் மீது ரஷ்யப் படைகள் ட்ரோன் தாக்குதல்களை நடத்தியதாக உக்ரைன் அதிகாரிகள் தெரிவிக்கின்றனர்.

அமெரிக்க ஜனாதிபதி டொனால்ட் ட்ரம்புடனான அழைப்பின் போது எரிசக்தி உட்கட்டமைப்பு மீதான தாக்குதல்களில் 30 நாள் இடைநிறுத்தத்திற்கு புடின் ஒப்புக்கொண்டார், ஆனால் முழுமையான போர் நிறுத்தத்தை நிராகரித்தார்.

இந்நிலையில் உக்ரைன் குறித்த பேச்சுவார்த்தை ஞாயிற்றுக்கிழமை சவுதி அரேபியாவில் தொடரும் என அமெரிக்க தூதுவர் ஸ்டீவ் விட்காஃப் தெரிவித்துள்ளார்.

இதேவேளை, உக்ரைனும் ரஷ்யாவும் தலா 175 கைதிகளை பரிமாறிக் கொள்வதற்கு புடினும் டிரம்ப் ஒப்புக்கொண்டுள்ளனர்.

The post வான்வழித் தாக்குதல்களை தீவிரப்படுத்திய ரஷ்யா மற்றும் உக்ரைன் appeared first on Oruvan.com.

இன்சுலின் போதுமான அளவு இல்லாததால் நோயாளர்கள் சிரமம்

admin — Sat, 22 Feb 2025 07:40:19 +0000

இன்சுலின் போதுமான அளவு இல்லாததால் நோயாளர்கள் பெரும் சிரமத்தை எதிர்கொண்டுள்ளதாக
மருத்துவ மற்றும் சிவில் உரிமைகளுக்கான மருத்துவர்களின் தொழிற்சங்க கூட்டணி தலைவர் சமல் சஞ்சீவ தெரிவித்துள்ளார்.

மாத்தறையில் உள்ள வைத்தியசாலைகள் உட்பட சில வைத்தியசாலைகள் நோயாளர்களுக்கு இன்சுலின் வழங்கப்படுவதில்லை என்றும் அவர் கூறியுள்ளார்.

இது தொடர்பில் அவர் மேலும் தெரிவிக்கையில்,

மருத்துவ விநியோக பிரிவு இன்சுலின் விநியோகிக்கப்பட்டதாகக் கூறினாலும்,வைத்தியசாலைகள் தேவையான அளவை விட குறைவாகவே பெறுகின்றன. இதன் விளைவாக, நோயாளர்கள் வெளிப்புற மருந்தகங்களிலிருந்து அதிக விலைக்கு அதனை பெறவேண்டிய நிலைக்குத் தள்ளப்பட்டுள்ளனர்.

மேலும் வைத்தியசாலைகளுக்கு அருகிலுள்ள மருந்தகங்களில் பதிவு செய்யப்படாத மருந்துகள் குறைந்த விலையில் விற்பனை செய்யப்படுவதாகவும்
அவர் குற்றம் சுமத்தியுள்ளார்.

இந்தப் பிரச்சினைகளைத் தீர்க்க உடனடி நடவடிக்கை எடுக்குமாறு சுகாதார அமைச்சிடம் அவர் வலியுறுத்தினார்.

The post இன்சுலின் போதுமான அளவு இல்லாததால் நோயாளர்கள் சிரமம் appeared first on Oruvan.com.

தனியார் மருத்துவக் கல்லூரிகளில் மருத்துவப் பயிற்சிக்காக அரச மருத்துவமனைகளை வழங்கும் முடிவு ரத்து

Kanooshiya Pushpakumar — Fri, 07 Feb 2025 05:47:54 +0000

தனியார் மருத்துவக் கல்லூரிகளில் மருத்துவப் பயிற்சிக்காக பல அரசு மருத்துவமனைகளை வழங்கும் முடிவை ரத்து செய்யத் தீர்மானித்துள்ளதாக சுகாதார அமைச்சு தெரிவித்துள்ளது.

இதன்படி, கடந்த அரசாங்கத்தால் எடுக்கப்பட்ட அமைச்சரவை முடிவு ரத்து செய்யப்பட்டதாக பிரதி அமைச்சர் வைத்தியர் ஹன்சக விஜயமுனி தெரிவித்தார்.

முந்தைய அரசாங்கத்தின் ஆட்சிக் காலத்தில், சிலாபம் ஆதார வைத்தியசாலை மற்றும் சீதுவ விஜய குமாரதுங்க நினைவு வைத்தியசாலை உட்பட பல மருத்துவமனைகளில் தனியார் மருத்துவக் கல்லூரிகளுக்கு மருத்துவப் பயிற்சி வழங்கத் தீர்மானிக்கப்பட்டது.

நாட்டில் தனியார் மருத்துவக் கல்லூரிகளை நிறுவுவது குறித்து அரசாங்கம் தற்போது எந்த முடிவையும் எடுக்கவில்லை என்றும் அமைச்சர் தெரிவித்துள்ளார்.

இதனிடையே கொழும்பில் போராட்டத்தில் ஈடுபட்டிருந்த மருத்துவ பீட மாணவர்கள் குழுவின் பிரதிநிதிகள் மற்றம் பிரதமர் கலாநிதி ஹரிணி அமரசூரிய இடையே நேற்று இரவு கலந்துரையாடலொன்று இடம்பெற்றுள்ளது.

வடமேல், சப்ரகமுவ மற்றும் மொறட்டுவ பல்கலைக்கழகங்களின் மருத்துவ பீடங்களில் உள்ள பேராசிரியர் பிரச்சினைகளைத் தீர்த்தல், அரச பல்கலைக்கழக கல்வியைப் பாதுகாத்தல் மற்றும் தனியார் மருத்துவக் கல்லூரிகளை நிறுவுவதல் உள்ளிட்ட பல பிரச்சினைகளுக்குத் தீர்வு கோரி , கொழும்பு கோட்டை ரயில் நிலையத்திற்கு முன்பாக நேற்று பிற்பகல் இந்தப் போராட்டம் முன்னெடுக்கப்பட்டது.

பின்னர் அந்தக் குழு லோட்டஸ் சுற்றுவட்டம் வழியாக ஜனாதிபதி அலுவலகம் நோக்கிச் செல்ல முயன்ற நிலையில் பொலிஸார் குறித்த வீதியை தற்காலிகமாக மூடுவதற்கு நடவடிக்கை எடுத்திருந்தனர்.

The post தனியார் மருத்துவக் கல்லூரிகளில் மருத்துவப் பயிற்சிக்காக அரச மருத்துவமனைகளை வழங்கும் முடிவு ரத்து appeared first on Oruvan.com.