திங்கட்கிழமை மாலை மேற்கு கிரீன்லாந்தில் உள்ள காங்கர்லுசுவாக்கில் டேனிஷ் வீரர்கள் களமிறக்கப்பட்டுள்ளதாக இராணுவத் தலைவர் பீட்டர் போய்சன் உறுதிப்படுத்தியுள்ளார்.

டேனிஷ் துருப்புக்கள் ஆர்க்டிக் பிரதேசத்தில் தரையிறங்கியதாகவும், ஒபரேஷன் ஆர்க்டிக் எண்டியூரன்ஸ் என அழைக்கப்படும் பன்னாட்டு இராணுவப் பயிற்சிகளில் பங்கேற்க முன்னர் அனுப்பப்பட்ட சுமார் 60 பேருடன் இணைந்ததாகவும் தெரிவிக்கப்பட்டுள்ளது.

கிரீன்லாந்தில் அமெரிக்க இராணுவ பிரசன்னத்தை கட்டுப்படுத்த டென்மார்க் திறந்த மனப்பான்மையை வெளிப்படுத்தியுள்ளது.

கிரீன்லாந்து விற்பனைக்கு இல்லை என்றும், தீவை வலுக்கட்டாயமாகக் கைப்பற்றும் எந்தவொரு நடவடிக்கையும் நேட்டோவின் முடிவுக்கு வழிவகுக்கும் என்றும் டென்மார்க் பலமுறை கூறியுள்ளது.

எவ்வாறாயினும், கிரீன்லாந்தை அமெரிக்க கட்டுப்பாட்டின் கீழ் கொண்டுவர வேண்டும் என்று டிரம்ப் உறுதியாகவுள்ளார்.

டிரம்பின் இந்த முடிவால் அமெரிக்க-ஐரோப்பிய உறவில் விரிசல் ஏற்பட்டுள்ளது.

மேலும் அமெரிக்கா மற்றும் டென்மார்க் உள்ளிட்ட 32 உறுப்பினர்களைக் கொண்ட அட்லாண்டிக் கடல்கடந்த பாதுகாப்பு கூட்டணியின் சாத்தியமான சிதைவு குறித்த அச்சங்களை எழுப்பியுள்ளதாக தெரிவிக்கப்பட்டுள்ளது.

The post அமெரிக்க அச்சுறுத்தலால் ஆர்க்டிக் பிராந்தியத்தில் பதற்றம் ; கிரீன்லாந்தில் டேனிஷ் படைகள் களமிறக்கம் appeared first on Oruvan.com.

தேவைப்பட்டால் ராணுவ வலிமையைப் பயன்படுத்தியும் கிரீன்லாந்தை அமெரிக்காவின் கட்டுப்பாட்டுக்குள் கொண்டு வரலாம் என்ற நிர்வாகத்தின் மிரட்டலுக்கு எதிராக, அமெரிக்க நாடாளுமன்றத்தில் இருகட்சிகளைச் சேர்ந்த உறுப்பினர்களும் இணைந்து வியாழக்கிழமை ஒரு கண்டனத் தீர்மானத்தைக் கொண்டு வந்துள்ளனர்.

அலாஸ்கா செனட்டர் லிசா முர்கோவ்ஸ்கி மற்றும் ரூபன் காலெகோ உள்ளிட்ட உறுப்பினர்கள் தாக்கல் செய்துள்ள இந்தத் தீர்மானத்தில், டென்மார்க் மற்றும் கிரீன்லாந்து ஆகிய நட்பு நாடுகளுடன் அமெரிக்கா கொண்டுள்ள நீண்டகால உறவை மீண்டும் உறுதிப்படுத்தியுள்ளனர்.

ஒரு நாட்டின் பகுதியை வலுக்கட்டாயமாகப் பறிப்பது என்பது நட்பு நாடுகளிடையே அவநம்பிக்கையை ஏற்படுத்தும் என்றும், ஆர்டிக் பகுதியில் அமெரிக்காவின் பாதுகாப்பு நலன்களைக் காக்க ஒத்துழைப்பே சிறந்தது, மிரட்டல் அல்ல என்றும் அவர்கள் சுட்டிக்காட்டியுள்ளனர்.

இதற்கிடையில், இந்த விவகாரம் ஐரோப்பிய நாடுகள் மத்தியில் கடும் கொந்தளிப்பை ஏற்படுத்தியுள்ளது.

டென்மார்க்கிற்கு ஆதரவாக பிரான்ஸ், ஜெர்மனி, பிரிட்டன் மற்றும் நார்வே உள்ளிட்ட நேட்டோ (NATO) உறுப்பு நாடுகள் தங்களின் சிறிய அளவிலான ராணுவக் குழுக்களை கிரீன்லாந்திற்கு அனுப்பத் தொடங்கியுள்ளன.

இது அமெரிக்காவிற்கு எதிரான நேரடிப் போர் அல்ல என்றாலும், டென்மார்க்கின் இறையாண்மையைக் காப்பதற்கான ஒரு குறியீட்டு நடவடிக்கையாக இது பார்க்கப்படுகிறது.

குறிப்பாக, பிரான்ஸ் மற்றும் ஜெர்மனி நாடுகள் தங்களது வீரர்கள் ஏற்கனவே அங்கு பயிற்சிக்காகச் சென்றுவிட்டதை உறுதிப்படுத்தியுள்ளன.

வாஷிங்டனில் நடைபெற்ற பேச்சுவார்த்தையில் கலந்துகொண்ட டென்மார்க் மற்றும் கிரீன்லாந்து வெளியுறவு அமைச்சர்கள், “கிரீன்லாந்து விற்பனைக்கு அல்ல” என்பதையும், அமெரிக்காவுடன் இணைய விரும்பவில்லை என்பதையும் திட்டவட்டமாகத் தெரிவித்துள்ளனர்.

இருப்பினும், அமெரிக்காவின் பாதுகாப்பு கவலைகளை ஆராய ஒரு சிறப்புக் குழுவை அமைக்க டென்மார்க் ஒப்புக்கொண்டுள்ளது.

இதற்கிடையில், ரஷ்யா மற்றும் சீனா ஆகிய நாடுகள் இந்த மோதலைக் கூர்ந்து கவனித்து வருவதுடன், மேற்கு நாடுகளின் இந்த ராணுவ நகர்வுகள் தேவையற்ற பதற்றத்தை உருவாக்குவதாக விமர்சித்துள்ளன

The post கிரீன்லாந்தை அமெரிக்காவுடன் இணைக்க டிரம்ப் ஆர்வம்: நேட்டோ நாடுகள் கடுதம் எதிர்ப்பு appeared first on Oruvan.com.

அமெரிக்காவின் 47 ஆவது ஜனாதிபதியாக டொனால்ட் ட்ரம்ப் தெரிவு செய்யப்பட்டதைத் தொடர்ந்து எதிர்வரும் 20 ஆம் திகதி அவர் பதவியேற்க உள்ளார்.

ட்ரம்ப் பதவியேற்றதனர் பின்னர் உலகின் பல நாடுகளுக்கு பொருளாதார விளைவுகளை ஏற்படுத்தும் என்றும் அவை ஆழமானதாகவும் விரைவானதாகவும் இருக்கும் என்றும் நிபுணர்கள் ஏற்கனவே கூறியிருக்கின்றனர்.

அந்த வகையில் தற்போது கிரீன்லாந்து பேசுபொருளாக மாறியிருக்கிறது. டொனால்ட் ட்ரம்ப், கிரீன்லாந்தைக் கைப்பற்றுவதற்கு இராணுவத்தைப் பயன்படுத்துவதை நிராகரிக்க மறுத்ததன் பின்னர், ஐரோப்பிய ஒன்றியம் அதன் இறையாண்மை எல்லைகளை தாக்குவதற்கு ஏனைய நாடுகளை அனுமதிக்காது என பிரான்ஸ் எச்சரிக்கை விடுத்துள்ளது.

ட்ரம்ப் டேனிஷ் பிரதேசத்தைப் பெறுவதற்கான தனது விருப்பத்தை மீண்டும் வலியுறுத்தியதுடன் இது தேசிய மற்றும் பொருளாதார பாதுகாப்பிற்கு முக்கியமானது என்றும் கூறினார்.

அமெரிக்காவின் நீண்ட கால நட்பு நாடான டென்மார்க், கிரீன்லாந்து விற்பனைக்கு இல்லை என்றும் குடிமக்களுக்கு சொந்தமானது என்றும் பலமுறை தெளிவுபடுத்தியுள்ளது.

கிரீன்லாந்தையோ அல்லது பனாமா கால்வாயையோ கையகப்படுத்துவதற்கு இராணுவம் அல்லது பொருளாதார சக்தியைப் பயன்படுத்துவதை நிராகரிப்பீர்களா என செய்தியாளர்கள் மாநாட்டில் ட்ரம்பிடம் கேள்வி எழுப்பப்பட்டது.

அதற்கு, பொருளாதார பாதுகாப்பிற்கு எங்களுக்கு அவை தேவை என்று கூறிய ட்ரம்ப் சீன மற்றும் ரஷ்ய கப்பல்களைக் கண்காணிப்பதற்கான
இராணுவ முயற்சிகளுக்கு தீவு முக்கியமானது என்றும் கூறினார்.

கிரீன்லாந்து பனிப்போருக்குப் பின்னர் அமெரிக்க ரேடார் தளத்தின் தாயகமாக இருந்து வருவதுடன் வோஷிங்டனுக்கு நீண்ட காலமாக மூலோபாய முக்கியத்துவம் வாய்ந்ததாகவும் காணப்படுகின்றது என தெரிவித்திருக்கிறார்.

இந்நிலையில் கிரீன்லாந்து கிரீன்லாண்டர்களுக்கு சொந்தமானது என டென்மார்க் பிரதமர் தெரிவித்துள்ளார்.

உள்ளூர் மக்களால் மட்டுமே அதன் எதிர்காலத்தை தீர்மானிக்க முடியும் என்றும் அவர் கூறியுள்ளார். “நாங்கள் விற்பனைக்கு இல்லை, விற்கப்படவும் மாட்டோம்” என்றும் அவர் அழுத்தமாக கூறியிருக்கிறார்.

கீரின்லாந்தை கண்வைத்த ட்ரம்ப்

அரிய கனிமங்கள் உள்ளிட்ட இயற்கை வளங்கள் கொண்டமைந்துள்ளது கீரின்லாந்து. அமெரிக்கா, கிரீன்லாந்தில் பிட்டுஃப்ஃபிக் விண்வெளி தளத்தை நிர்வகிக்கிறது.

மேலும் ஆர்டிக் வட்டத்தில் உலகளாவிய சக்திகள் தங்கள் வரம்பை விரிவுபடுத்த முயற்சிப்பதால் வர்த்தகத்திற்கான ஒரு முக்கிய இடமாகவும் அது பார்க்கப்படுகிறது. குறிப்பாக ரஷ்யா, இப்பகுதியை ஒரு பாதுகாப்பு உத்தியாகப் பார்க்கிறது. இந்நிலையில்

கடந்த 2019 ஆம் ஆண்டில் ஜனாதிபதியாகத் தனது முதல் பதவிக் காலத்தில், கிரீன்லாந்தை வாங்கும் எண்ணத்தை ட்ரம்ப் முன்மொழிந்தார். ஆனால் அது நிறைவேறவில்லை.

அவரது அண்மைய கருத்து தற்போதும் கிரீன்லாந்தை அமெரிக்காவின் கட்டுக்குள் கொண்டு வருவதற்கே அவர் விரும்புகிறார் என்பது தெளிவாகத் தெரிகிறது.

டென்மார்க் பிரதமர் கிரீன்லாந்தை விற்கமாட்டோம் என தெளிவாகக் கூறிய போதிலும் ட்ரம்ப் தனது அறிக்கைகளைத் தொடர்ந்து இணையத்தில் வெளியிட்டு வருகிறார்.

ஆனாலும் ட்ரம்பின் நிர்வாகத்துடன் பணியாற்ற டென்மார்க் இணக்கம் தெரிவித்திருக்கிறது.

மேலும் கிரீன்லாந்தில் தனது இராணுவ திறனை அதிகரிக்க டென்மார்க் மெதுவாக நடவடிக்கைகளை எடுத்து வருகிறது.

ஆனால் சீனா மற்றும் ரஷ்யாவின் அத்துமீறல்களுக்கு எதிராக டென்மார்க் அப்பகுதியைப் பாதுகாக்க முடியாவிட்டால், கட்டுப்பாட்டுக்கான கோரிக்கைகளை அமெரிக்கா அதிகரிக்க வாய்ப்பு உள்ளதாகவும் ஆய்வாளர்கள் கூறுகின்றனர்.

அமெரிக்காவில் ஆட்சி மாற்றம் ஏற்பட்டிருக்கும் இந்த வேளையில் ட்ரம்ப் தேர்தல் பிரச்சாரங்களில் பல வாக்குறுதிகளை அளித்திருந்தார். தற்போதும் பல எதிர்பார்ப்புகளையும் நிறைவேற்ற உள்ளதாக கருத்து வெளியிட்டு வருகிறார். இவ்வாறு அவருடை சில தீர்மானங்கள் நிறைவேற்றப்படும் பட்சத்தில் அதிக வர்த்தக கட்டணங்கள் முதல் கட்டுப்பாடுகளை நீக்குதல், அதிக எண்ணெய் தோண்டுதல் மற்றும் மேற்கத்திய இராணுவ கூட்டணியான வடக்கு அட்லாண்டிக் உடன்படிக்கை அமைப்பில் (நேட்டோ) அமெரிக்காவின் பங்காளிகளுக்கு அதிக கோரிக்கைகள், அரசாங்க நிதி மீதான அழுத்தம், பணவீக்கம் , பொருளாதார வளர்ச்சி மற்றும் வட்டி விகிதங்கள் உலகின் ஒவ்வொரு மூலையிலும் உணரப்படும் என எதிர்பார்க்கப்படுகிறது.

The post கீரின்லாந்து மீது கண்வைத்த ட்ரம்ப் – உற்று நோக்கும் உலக நாடுகள் appeared first on Oruvan.com.

ட்ரம்ப் டேனிஷ் பிரதேசத்தைப் பெறுவதற்கான தனது விருப்பத்தை மீண்டும் வலியுறுத்தியதுடன் இது தேசிய மற்றும் பொருளாதார பாதுகாப்பிற்கு முக்கியமானது என்றும் கூறினார்.

அமெரிக்காவின் நீண்ட கால நட்பு நாடான டென்மார்க், கிரீன்லாந்து விற்பனைக்கு இல்லை என்றும் குடிமக்களுக்கு சொந்தமானது
என்றும் பலமுறை தெளிவுபடுத்தியுள்ளது.

கிரீன்லாந்தையோ அல்லது பனாமா கால்வாயையோ கையகப்படுத்துவதற்கு இராணுவம் அல்லது பொருளாதார சக்தியைப் பயன்படுத்துவதை நிராகரிப்பீர்களா என செய்தியாளர்கள் மாநாட்டில் ட்ரம்பிடம் கேள்வி கேட்கப்பட்டது.

அதற்கு, பொருளாதார பாதுகாப்பிற்கு எங்களுக்கு அவை தேவை என்று கூறிய ட்ரம்ப் சீன மற்றும் ரஷ்ய கப்பல்களைக் கண்காணிப்பதற்கான இராணுவ முயற்சிகளுக்கு தீவு முக்கியமானது என்றும் கூறினார்.

கிரீன்லாந்து பனிப்போருக்குப் பின்னர் அமெரிக்க ரேடார் தளத்தின் தாயகமாக இருந்து வருவதுடன் வோஷிங்டனுக்கு நீண்ட காலமாக மூலோபாய முக்கியத்துவம் வாய்ந்ததாகவும் காணப்படுகின்றது என தெரிவித்திருக்கிறார்.

இந்நிலையில் கிரீன்லாந்து கிரீன்லாண்டர்களுக்கு சொந்தமானது என டென்மார்க் பிரதமர் தெரிவித்துள்ளார்.

உள்ளூர் மக்களால் மட்டுமே அதன் எதிர்காலத்தை தீர்மானிக்க முடியும் என்றும் அவர் கூறியுள்ளார்.

The post கிரீன்லாந்தை கட்டுக்குள் கொண்டுவர ட்ரம்ப் எதிர்பார்ப்பு appeared first on Oruvan.com.