4.18 டிரில்லியன் டொலர் மதிப்புள்ள இந்தியாவின் பொருளாதாரம், 2030 ஆம் ஆண்டுக்குள் ஜெர்மனியை விஞ்சி மூன்றாவது பெரிய பொருளாதாரமாக மாறும் என்றும் இந்திய அரசாங்கம் கூறியுள்ளது.

தொடர்ந்து அதிக வளர்ச்சி விகிதங்களைக் கொண்டு, இந்தியா உலகின் வேகமாக வளர்ந்து வரும் பெரிய பொருளாதாரமாக உள்ளது என்று அந்த அறிக்கையில் மேலும் கூறப்பட்டுள்ளது.

2025-26 ஆம் ஆண்டின் இரண்டாவது காலாண்டில் இந்தியாவின் உண்மையான மொத்த உள்நாட்டு உற்பத்தி 8.2% வளர்ச்சியடைந்தது, இது கடந்த நிதியாண்டின் முதல் காலாண்டில் 7.8% ஆகவும், நான்காவது காலாண்டில் 7.4% ஆகவும் இருந்தது.

“இந்தியாவின் மொத்த உள்நாட்டு உற்பத்தி 4.18 டிரில்லியன் டொலர் ஆகும். இந்தியா ஜப்பானை முந்தி உலகின் நான்காவது பெரிய பொருளாதாரமாக மாறியுள்ளது.

தற்போது உலகின் மூன்றாவது பெரிய பொருளாதாரமாக இருக்கும் ஜெர்மனியை இந்தியா முந்திச் செல்லும், 2030 ஆம் ஆண்டுக்குள் மொத்த உள்நாட்டு உற்பத்தி 7.3 டிரில்லியன் டொலராக ஆக இருக்கும் என்று எதிர்பார்க்கப்படுகிறது.

2025 ஆம் ஆண்டிற்கான சீர்திருத்தங்களை கோடிட்டுக் காட்டும் இந்திய அரசாங்கத்தின் அறிக்கையை மேற்கோள் காட்டி தி இந்து செய்தித்தாள் செய்தி வெளியிட்டுள்ளது.

உலகின் மிகப்பெரிய பொருளாதார நாடாக அமெரிக்கா உள்ளது, சீனா இரண்டாவது இடத்தில் உள்ளது.

2025-26 ஆம் ஆண்டின் இரண்டாவது காலாண்டில் மொத்த உள்நாட்டு உற்பத்தி ஆறு காலாண்டுகளில் இல்லாத அளவுக்கு உயர்ந்து, உலகளாவிய வர்த்தக நிச்சயமற்ற தன்மைகளுக்கு மத்தியில் இந்தியாவின் மீள்தன்மையால் உலகம் ஏற்கனவே வியப்படைந்துள்ளது.

சர்வதேச நிறுவனங்கள் இந்த நம்பிக்கையை எதிரொலித்துள்ளன. உலக வங்கி 2026 ஆம் ஆண்டில் இந்தியா 6.5% வளர்ச்சியடையும் என்று கணித்துள்ளது.

2026 ஆம் ஆண்டில் 6.4% மற்றும் 2027 ஆம் ஆண்டில் 6.5% வளர்ச்சியுடன், இந்தியா வேகமாக வளரும் G20 பொருளாதாரமாக தொடரும் என்று மூடிஸ் எதிர்பார்க்கிறது.

சர்வதேச நாணய நிதியம் இந்தியாவின் வளர்ச்சி கணிப்புகளை 2025 ஆம் ஆண்டில் 6.6% மற்றும் 2026 ஆம் ஆண்டில் 6.2% ஆக உயர்த்தியுள்ளது.

பொருளாதார ஒத்துழைப்பு மற்றும் மேம்பாட்டு அமைப்பு அதன் கணிப்புகளை 2025 இல் 6.7% மற்றும் 2026 இல் 6.2% ஆக உயர்த்தியுள்ளது.
இதேபோல், எஸ் அண்ட் பி நடப்பு நிதியாண்டில் 6.5% மற்றும் அடுத்த நிதியாண்டில் 6.7% வளர்ச்சியை எதிர்பார்க்கிறது, அதே நேரத்தில் ஆசிய வளர்ச்சி வங்கி 2025 ஆம் ஆண்டிற்கான அதன் கணிப்பை 7.2% ஆக உயர்த்தியுள்ளது.

வலுவான நுகர்வோர் தேவை காரணமாக ஃபிட்ச் மதிப்பீடுகள் 2026 ஆம் ஆண்டிற்கான அதன் கணிப்பை 7.4% ஆக உயர்த்தியுள்ளன.

“உலகின் வேகமாக வளர்ந்து வரும் முக்கிய பொருளாதாரங்களில் இந்தியாவும் ஒன்று, மேலும் இந்த வேகத்தைத் தக்க வைத்துக் கொள்ள நல்ல நிலையில் உள்ளது.

சுதந்திரத்தின் நூற்றாண்டு விழாவான 2047 ஆம் ஆண்டுக்குள் உயர்-நடுத்தர வருமான நிலையை அடைய வேண்டும் என்ற லட்சியத்துடன், நாடு பொருளாதார வளர்ச்சி, கட்டமைப்பு சீர்திருத்தங்கள் மற்றும் சமூக முன்னேற்றத்தின் வலுவான அடித்தளத்தில் கட்டமைக்கப்படுகிறது,” என்று அரசாங்கம் கூறியதாக தி இந்து செய்தித்தாள் மேற்கோளிட்டுள்ளது.

இந்திய அரசாங்க அறிக்கை, பணவீக்கம் தாங்கக்கூடிய குறைந்த வரம்பிற்குக் கீழே உள்ளது, வேலையின்மை குறைந்து வருகிறது, ஏற்றுமதி செயல்திறன் தொடர்ந்து மேம்பட்டு வருகிறது என்பதை எடுத்துக்காட்டுகிறது.

The post உலகின் நான்காவது பெரிய பொருளாதார நாடாக இந்தியா முன்னேற்றம்! appeared first on Oruvan.com.

முதலமைச்சர் ஸ்டாலின் ஜெர்மனி மற்றும் பிரித்தானியாவுக்கு உத்தியோகப்பூர்வ விஜயம் மேற்கொண்டுள்ளார்.

ஜெர்மனியில் நேற்று முன்தினம் ஸ்டாலின் தலைமையில் ‘டி என் ரைசிங் யுரோப்’ முதலீட்டு இயக்கத்தின் ஒரு பகுதியாக, ‘டி என் ரைசிங் ஜெர்மனி’ முதலீட்டாளர் மாநாடு நடைபெற்றது.

இதில், முதல்வர் ஸ்டாலின் முன்னிலையில் 3,819 கோடி ரூபா மதிப்பிலான 23 புரிந்துணர்வு ஒப்பந்தங்கள் கையெழுத்தாகின.

இதன் மூலம் தமிழகத்தில் 9,070 புதிய வேலைவாய்ப்புகள் உருவாகும் என எதிர்பார்க்கப்படுகிறது.

ஜெர்மனியில் மொத்தம் 26 ஒப்பந்தங்களின் மூலம் 7,020 கோடி ரூபா அளவுக்கு முதலீடு கிடைத்துள்ளதாக தெரிவிக்கப்படுகிறது.

இதனால் 15,320 பேருக்கு வேலைவாய்ப்பு உருவாகி உள்ளதாக இந்திய செய்திகள் தெரிவிக்கின்றன.

தமிழகத்தில் ஏற்கெனவே செயல்பட்டு வரும் பல முன்னணி நிறுவனங்கள் விரிவாக்கப் பணிகளுக்கான முதலீட்டுக்கு முன்வந்துள்ளதாக தெரிவிக்கப்படுகிறது.

ஜெர்மனியின் இரட்டை தொழில் பயிற்சி மாதிரியை தமிழகம் கொண்டு வருவதற்காக நெக்ஸ்ட் மிட்டல்ஸ்டாண்ட் (ஆஸ் பில்டங்) நிறுவனத்துடன் புரிந்துணர்வு ஒப்பந்தம் மேற்கொள்ளப்பட்டது.

120 மாணவர்களுடன் தொடங்கும் இந்த திட்டம் அடுத்த பத்தாண்டுகளில் 20,000 மாணவர்களாக உயரும் என எதிர்பார்க்கப்படுகிறது.

தொடர்ந்து, பிரித்தானியாவுக்கு சென்ற முதலமைச்சர் ஸ்டாலின், பல முதலீட்டாளர்கள் மற்றும் பிரித்தானியா வாழ் தமிழர்களை சந்தித்தார்.

The post ஜெர்மனியில் முதலீட்டாளர்கள் மாநாடு – முதலமைச்சர் ஸ்டாலின் முன்னிலையில் 23 ஒப்பந்தங்கள் கைச்சாத்து appeared first on Oruvan.com.

தமிழ்நாட்டுக்கு புதிய தொழில் முதலீடுகளை ஈர்ப்பது தொடர்பாக அரச முறை பயணமாக ஜேர்மனி மற்றும் இங்கிலாந்து நாடுகளுக்கு முதலமைச்சர் மு.க.ஸ்டாலின் சுற்றுப்பயணம் மேற்கொண்டுள்ளார்.

இந்த பயணத்தின்போது தமிழ்நாட்டை நோக்கி தொழில் முதலீடுகளை ஈர்ப்பதற்கும், புதிய ஒப்பந்தங்களில் கையெழுத்திடுவதற்கும் திட்டமிடப்பட்டு உள்ளதாக மு.க.ஸ்டாலின் தெரிவித்துள்ளார்.

இன்று ஜேர்மனியை சென்றடைந்த முதலமைச்சருக்கு உற்சாக வரவேற்பு அளிக்கப்பட்டது. வரவேற்ற புகைப்படத்தை முதலமைச்சர் மு.க.ஸ்டாலின் சமூக வலைதளத்தில் பகிர்ந்துள்ளார்.

அந்த பதிவில் அவர் தெரிவித்துள்ளதாவது,

“ஜேர்மனியின் டியோட்ஸ்லாந்த் நகரில் தமிழ் குடும்பத்தினரை சந்தித்தேன். தமிழ் மக்களின் பாசத்தைக் கண்டு நெகிழ்ச்சி அடைந்தேன். தமிழகத்தின் சாதகமான அம்சங்களை எடுத்துக் கூறி முதலீடுகளை ஈர்க்க நடவடிக்கை எடுக்கப்படும்.

வெளிநாட்டு முதலீடுகளை ஈர்த்து பிரகாசமான எதிர்காலத்தை உருவாக்குவேன்.” என்றார்.

The post ஜேர்மனியில் தமிழ் குடும்பங்களை சந்தித்தார் ஸ்டாலின் appeared first on Oruvan.com.

அங்கு வசிக்கும் இலங்கையர்களால் ஏற்பாடு செய்யப்பட்ட இந்தக் கூட்டத்தில், ஜேர்மனியில் வசிக்கும் பல இலங்கை வர்த்தகர்கள், முதலீட்டாளர்கள் மற்றும் தொழில் வல்லுநர்கள் பங்கேற்றனர்.

நிகழ்வில் கலந்து கொண்ட ஜனாதிபதி அனுரகுமார திசாநாயக்க, மக்களை அன்புடன் வரவேற்று உரையாற்றுகையில், ஒரு வளமான அரசுக்கு நாம் ஒன்றிணைந்து பாடுபட வேண்டும் என தெரிவித்தார்.

வெளிநாடுகளில் உள்ள இலங்கையர்களின் பங்களிப்பை பாராட்டிய ஜனாதிபதி, சரிந்த அரசை மீண்டும் கட்டியெழுப்புவதற்கான நிலையான ஆரம்பம் தற்போது மேற்கொள்ளப்பட்டு வருவதாக சுட்டிக்காட்டினார்.

The post ஜேர்மனியில் வசிக்கும் இலங்கையர்களை சந்தித்த ஜனாதிபதி appeared first on Oruvan.com.

இதற்காக ஜனாதிபதி நேற்றிரவு கட்டுநாயக்க சர்வதேச விமான நிலையத்திலிருந்து புறப்பட்டார்.

இந்த விஜயத்தின் போது ஜனாதிபதி அநுரகுமார திசாநாயக்க, ஜெர்மனியின் ஜனாதிபதி, கூட்டாட்சி அரசாங்கத்தின் முக்கிய அமைச்சர்கள் மற்றும் அரச பிரதானிகளுடன் இருதரப்பு கலந்துரையாடல்களில் ஈடுபடவுள்ளார்.

அரசாங்க முன்னுரிமைகளின் அடிப்படையில் வர்த்தகம், இலத்திரனியல் பொருளாதாரம், முதலீடுகள் மற்றும் தொழில் பயிற்சி வாய்ப்புகள் உள்ளிட்ட இருநாட்டினதும் ஒத்துழைப்புகளை விரிவுபடுத்தும் புதிய வழிகள் தொடர்பபிலும் கலந்துரையாடவுள்ளார்.

ஜனாதிபதி அநுரகுமார திசாநாயக்க தலைமையில் நடைபெறும் ஜெர்மன் வர்த்தக மற்றும் தொழிற்துறை சபை ஏற்பாடு செய்யும் வணிக மன்றத்தில் இலங்கையின் பொருளாதார மாற்றம், முதலீட்டு வாய்ப்புகள், நாட்டின் வளர்ச்சித் திறன் மற்றும் இரு நாடுகளுக்கும் இடையில் புதிய வர்த்தக உறவுகளை உருவாக்குவதற்கான வாய்ப்புகள் குறித்தும் வலிறுத்தவுள்ளார்.

மேலும், இந்த விஜயத்தின் போது ஜனாதிபதி, ஜெர்மனியின் சுற்றுலா மற்றும் சுற்றுலாத் தொழில் சங்கங்கள் பிரதிநிதிகளையும் ஜெர்மனியில் வசிக்கும் இலங்கையர்களையும் சந்திக்கவுள்ளார்.

வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத் மற்றும் அரசாங்கத்தின் சிரேஷ்ட அதிகாரிகள் பலரும் இவ்விஜயத்தில் ஜனாதிபதியுடன் கலந்து கொண்டுள்ளார்கள்.

The post ஜெர்மனி ஜனாதிபதி மற்றும் அநுரகுமார திசாநாயக்க இடையே இரதரப்பு கலந்துரையாடல் appeared first on Oruvan.com.