இந்தத் தாக்குதலில் காசாவின் இளைய செல்வாக்கு மிக்க யாகீன் ஹமாத் உட்பட பல குழந்தைகள், இரண்டு செஞ்சிலுவைச் சங்க ஊழியர்கள் மற்றும் ஒரு பத்திரிகையாளர் உட்பட பலர் கொல்லப்பட்டதாக தெரிவிக்கப்பட்டுள்ளது.

“இஸ்ரேல் தொடர்ந்து பாடசாலைகள் மீது தாக்குதல் நடத்தி வருகின்றது. அவை தங்குமிடங்களாகும். காசாவில் உள்ள 95 சதவீத பாடசாலைகளை இஸ்ரேல் தாக்கியுள்ளது.

தாக்குதலைத் தொடர்ந்து பாடசாலையில் தீ விபத்து ஏற்பட்டது. பின்னர் தீ கட்டுக்குள் கொண்டுவரப்பட்டதாக” காசா சிவில் பாதுகாப்புத் துறை தெரிவித்துள்ளது.

13 பேரின் உடல்கள் கண்டுபிடிக்கப்பட்டதாக சிவில் பாதுகாப்பு ஒரு டெலிகிராம் புதுப்பிப்பில் அறிவித்தது. 21 பேர் காயமடைந்தனர்.

குண்டுவெடிப்பில் பாடசாலையில் பாதி பகுதி அழிக்கப்பட்டது. பெரும் சேதம் ஏற்பட்டதாக மதிப்பிடப்பட்டுள்ளது. இடிபாடுகளுக்குள் மேலும் பலர் சிக்கியுள்ளனரா என்பதைக் கண்டறிய மீட்புப் பணிகள் தொடர்ந்து நடைபெற்று வருகின்றன.

முந்தைய நாள், காசாவில் ஒரு பாலஸ்தீனிய பெண் வைத்தியரின் ஒன்பது குழந்தைகளை இஸ்ரேலியப் படைகள் கொன்றன.

நாசர் மருத்துவ வளாகத்தில் உள்ள அல் தஹ்ரிர் மருத்துவமனை குழந்தை மருத்துவ நிபுணர் வைத்தியர் அலா அல்-நஜ்ஜாரின் குழந்தைகள் கொல்லப்பட்டனர்.

கான் யூனிஸில் உள்ள வைத்தியரின் வீட்டை இஸ்ரேல் தாக்கியது. இந்த நேரத்தில் வைத்தியர் பணியில் இருந்தார். கணவர் பலத்த காயங்களுடன் சிகிச்சை பெற்று வருகிறார். அவர்களின் மீதமுள்ள மகன் ஆபத்தான நிலையில் உள்ளார்.

ஒன்றரை ஆண்டுகளுக்கும் மேலாகத் தொடரும் காசாவில் இஸ்ரேலிய இராணுவத்தின் படுகொலையில் 53,901 பாலஸ்தீனியர்கள் கொல்லப்பட்டுள்ளதாக மதிப்பிடப்பட்டுள்ளது.

1.22 லட்சத்திற்கும் அதிகமானோர் காயமடைந்தனர். இஸ்ரேல் சுமார் 16,500 குழந்தைகள் உயிரிழந்துள்ளதாக தெரிவிக்கப்பட்டுள்ளது. மூன்று மாதங்களாக இஸ்ரேல் மேற்கொண்டு வரும் முற்றுகையால் காசா கடுமையான மனிதாபிமான நெருக்கடியை எதிர்கொள்கிறது.

இதற்கிடையில், காசா மீதான மனிதாபிமானமற்ற தாக்குதல்களை இஸ்ரேல் நிறுத்தாவிட்டால், அந்நாட்டின் மீது பொருளாதாரத் தடைகளை விதிப்பது குறித்து பரிசீலிக்க வேண்டும் என்று ஸ்பெயின் அழைப்பு விடுத்துள்ளது.

ஐரோப்பிய மற்றும் அரபு நாடுகளுடனான சந்திப்பிற்குப் பின்னர் ஸ்பெயினின் கோரிக்கை முன்வைக்கப்பட்டுள்ளது.

The post காசாவில் உள்ள பாடசாலை மீது இஸ்ரேல் குண்டு வீசியது; குழந்தைகள் உட்பட 25 பேர் பலி appeared first on Oruvan.com.

காசா முழுவதும் இஸ்ரேல் தனது தாக்குதல்களை தீவிரப்படுத்தியுள்ளதாக சர்வதேச செய்திகள் தெரிவிக்கின்றன.

காசாவில் இஸ்ரேலின் ஆக்கிரமிப்பை எதிர்த்து ஹமாஸ் போராளிகள் கடந்த 2023 ஒக்டோபரில் தாக்குதல் மேற்கொண்டர். இதன்போது சுமார் 1,200 பேர் உயிரிழந்ததுடன் 200 இற்கும் மேற்பட்டோர் பணய கைதிகளாக பிடிக்கப்பட்டனர்.

அந்த தாக்குதலுக்கு பதிலடியாக கடந்த 02 வருடங்களாக காசா உள்ளிட்ட பலஸ்தீன நகரங்கள் மீது இஸ்ரேல் தொடர் தாக்குதல் நடத்தி வருகிறது.

காசாவில் உயிரிழந்தவர்களில் பெரும்பான்யானோர் பெண்கள் மற்றும் குழந்தைகள் என்று ஐநா தரவுகள் தெரிவிக்கின்றன.

காசா மீதான இஸ்ரேலின் தாக்குதலில் இதுவரை உயிரிழந்தவர்களின் எண்ணிக்கை 50,000 ஆயிரத்தைக் கடந்துள்ளது.

மேலும் காயமடைந்தவர்களின் எண்ணிக்கை ஒரு லட்சத்தை கடந்துள்ளதாக சர்வதேச செய்திகள் தெரிவிக்கினறன.

The post கடந்த 24 மணிநேரத்தில் காசா மீதான இஸ்ரேலின் தாக்குதலில் 84 பேர் பலி appeared first on Oruvan.com.