நாட்டின் இரு எரிபொருள் இறக்கும் இடங்களிலும் பணிச்சுமை அதிகமாக இருப்பதால், கப்பல்களைக் கொண்டு வருவதில் தாமதம் ஏற்படுவதாக அதன் நிர்வாக இயக்குனர் மயூர நெத்திகுமார தெரிவித்தார்.

நாங்கள் ரஷ்யாவுடன் பேச்சுவார்த்தை நடத்தி வருகிறோம். தற்போதைய நிலையில், ஏப்ரல் மற்றும் மே மாதங்களுக்கான எண்ணெய் கப்பல்கள் பெரும்பாலும் உறுதி செய்யப்பட்டுள்ளன.

மேலும், இலங்கையில் எண்ணெய் இறக்குவதற்கு இரண்டு முக்கிய இடங்கள் மட்டுமே உள்ளன.

ரஷ்ய நிறுவனம் வழங்கும் எண்ணெய் கப்பல் ஒன்று அத்தகைய இடத்திற்கு வந்து சேர்வதற்கான திகதிகள் மற்றும் தொழில்நுட்ப சிக்கல்கள் குறித்து தற்போது விவாதிக்கப்பட்டு வருகிறது.

ஆனால், எரிபொருள் கொள்வனவு செய்ய முடியும் என்பது உறுதி செய்யப்பட்டுள்ளதாக அவர் தெரிவித்துள்ளார்.

மேலும் ஒரு டீசல் கப்பல் நாளை இலங்கைக்கு வரவிருக்கிறது. அது 32,000 மெட்ரிக் தொன் டீசலையும் 5,000 மெட்ரிக் தொன் விமான எரிபொருளையும் ஏற்றி வரும்.

ஆறு மற்றும் ஏழாம் திகதிகளில் மேலும் இரண்டு டீசல் கப்பல்கள் வரவிருக்கின்றன. இதன் மூலம், ஏப்ரல் முதல் வாரத்தில் இலங்கைக்கு வரும் என நாம் எதிர்பார்த்திருந்த அனைத்துக் கப்பல்களும் வந்து சேரும்.

இதன் மூலம் மே மாதம் இறுதி வரை போதுமான எரிபொருள் கையிருப்பு உள்ளது. இருப்பினும், எரிபொருள் விலை அதிகமாக இருப்பதால், பொதுமக்கள் அதை கவனமாகப் பயன்படுத்துமாறு கேட்டுக்கொள்கிறோம்.

The post ரஷ்யாவிலிருந்து எரிபொருள் விநியோகம் உறுதியானது – பெட்ரோலியக் கூட்டுத்தாபனம் அறிவிப்பு appeared first on Oruvan.com.

இது குறித்து ‘த இந்து’ நாளிதழுக்கு வெளிவிவகார அமைச்சர் விஜித ஹேரத் கருத்து வெளியிட்டுள்ளார்.

திருகோணமலையை ஒரு பிராந்திய எரிசக்தி மையமாக மாற்றுவதன் மூலம், நாட்டின் எரிபொருள் விநியோகச் சவால்களுக்கு நிரந்தர தீர்வை எட்ட முடியும் என அவர் குறிப்பிட்டுள்ளார்.

கடந்த 2025 ஏப்ரலில் இலங்கை, இந்தியா மற்றும் ஐக்கிய அரபு இராச்சியம் ஆகிய நாடுகளுக்கிடையே கையெழுத்திடப்பட்ட முத்தரப்பு புரிந்துணர்வு ஒப்பந்தத்தின் அடிப்படையில் இத்திட்டம் முன்னெடுக்கப்படவுள்ளது.

முன்னர் இத்திட்டத்தில் இந்தியத் தலையீட்டைத் தேசிய மக்கள் சக்தி எதிர்த்து வந்த போதிலும், தற்போதைய உலகளாவிய போர்ச் சூழல் மற்றும் விநியோகப் பாதிப்புகளைக் கருத்திற்கொண்டு, இந்த விவகாரத்தில் கொள்கை மாற்றத்தை ஏற்படுத்தியுள்ளதாக அமைச்சர் சுட்டிக்காட்டியுள்ளார்.

தற்போது எரிசக்தி அமைச்சினால் இதற்கான தொழில்நுட்ப அம்சங்கள் மீளாய்வு செய்யப்பட்டு வருவதுடன், விரைவில் கேள்விப்பத்திரங்கள் கோரப்படும் என எதிர்பார்க்கப்படுகிறது.

The post திருகோணமலை எண்ணெய் குதங்களை துரிதமாகப் புனரமைக்க தீர்மானம் appeared first on Oruvan.com.

இந்நிலையில், மே மாதம் வரை எரிபொருள் கையிருப்பு இருப்பதாக  கூட்டுத்தாபனத்தின் நிர்வாக இயக்குனர் மயூர நெத்திகுமரகே தெரிவித்துள்ளார்,

நுகர்வோருக்குத் தொடர்ச்சியாக எரிபொருள் விநியோகம் செய்வதற்காகப் போதுமான இருப்புகளை கொள்முதல் செய்வதன் மூலம், எரிபொருள் நிரப்பும் நிலையங்களின் செயல்பாட்டை எளிதாக்கும் திட்டத்தைச் செயல்படுத்தியுள்ளதாக இலங்கை பெட்ரோலியக் கூட்டுத்தாபனம் அறிவித்துள்ளது.

இதன்படி, காசோலைகளை முதல் நாளே முன்பதிவு செய்யும் பிரிவிற்கோ அல்லது மொத்த முனையத்திற்கோ வழங்குவதற்கான நடவடிக்கைகளை மேற்கொள்வதன் மூலம், எரிபொருள் பெற்றுக்கொள்வதில் ஏற்படக்கூடிய தாமதங்களைத் தவிர்க்க முடியும் என கூட்டுத்தாபனம் சுட்டிக்காட்டியுள்ளது.

இதேவேளை, தேசிய எரிபொருள் அனுமதிப்பத்திர முறைமையில் இடம்பெற்றுள்ள பாரிய அளவிலான QR குறியீடு மோசடிகள் தொடர்பாக குற்றப்புலனாய்வுத் திணைக்களத்தில் முறைப்பாடு செய்யப்பட்டுள்ளது.

டிஜிட்டல் பொருளாதார அமைச்சால் உத்தியோகபூர்வமாக இந்த முறைப்பாடு செய்யப்பட்டுள்ளது.

நாட்டில் ஏற்பட்டுள்ள எரிபொருள் நெருக்கடியை தொடர்ந்து கடந்த 15ஆம் திகதி முதல் QR குறியீடு முறை மீண்டும் நடைமுறைப்படுத்தப்பட்டது.

QR முறைமையில் மேற்கொள்ளப்பட்ட அண்மைக்கால இற்றைப்படுத்தல்களைப் பயன்படுத்தி, முறையற்ற வகையில் QR குறியீடுகளை உருவாக்கப்பட்டுள்ளமை கண்டறியப்பட்டுள்ளது.

The post நாளை மற்றும் நாளை மறுநாள் எரிபொருள் விநியோகம் தொடர்பான அறிவிப்பு appeared first on Oruvan.com.

கியூஆர் திட்டத்தின் கீழ் எரிபொருள் பெறுவதற்காக ஐந்து முதல் பத்து லட்சம் பேர் வரை போலியான தரவுகளின் அடிப்படையில் கியூஆர் ஒதுக்கீட்டைப் பெற்று வருவதாகச் சந்தேகம் நிலவுவதாக மோட்டார் வாகனத் திணைக்களத்தின் மூத்த அதிகாரி ஒருவர் தெரிவித்துள்ளார்.

இதன்படி, இயக்கத்தில் இல்லாத சுமார் எட்டு லட்சம் வாகனங்கள் எரிபொருள் பெறுவதற்காகப் போலி கியூஆர் குறியீடுகளைப் பெற்று வருவதாகச் சந்தேகம் எழுந்துள்ளதாக அவர் தெரிவித்தார்.

தற்போது, ​​இந்த நாட்டில் மின்சார மோட்டார் சைக்கிள்கள் உட்பட சுமார் 100,000 வாகனங்கள் சாலையில் இயங்கி வருகின்றன.

2022 ஆம் ஆண்டு அறிக்கைகளின்படி, கியூஆர் அமைப்பு மூலம் எரிபொருள் நிரப்புவதற்காக 65 லட்சம் வாகனங்கள் பதிவு செய்யப்பட்டன, ஆனால் இந்த ஆண்டு இந்த எண்ணிக்கை மேலும் அதிகரிக்கும் என்று நம்பப்படுகிறது.

ஓகஸ்ட் 2022 எரிபொருள் ஒதுக்கீட்டு முறை அறிமுகப்படுத்தப்பட்ட இருபத்தி நான்கு மணி நேரத்திற்குள், பத்து லட்சம் வாகன உரிமையாளர்கள் பதிவு செய்திருந்தனர்.

கியூஆர் அமைப்பு, ஆகஸ்ட் 2022 முதல் செப்டம்பர் 2023 வரை 13 மாதங்களுக்குச் செயல்படுத்தப்பட்டது.

மத்திய கிழக்கில் நிலவும் போர்ச் சூழ்நிலை காரணமாக, கடந்த திங்கட்கிழமை (16ஆம் தேதி) காலை 6 மணி முதல் கியூஆர் முறை தொடங்கப்பட்டது.

அதன்படி, 2022ல் பெறப்பட்ட கியூஆர் அனுமதியை மீண்டும் செயல்படுத்தப்பட்டது.

தங்களின் பழைய வாகனத்தை மற்றொரு தரப்பினருக்கு விற்றவர்கள், புதிய வாகனம் வாங்கியவர்கள் மற்றும் தொலைபேசி எண்களை மாற்றியவர்கள் கியூஆர் ஒதுக்கீட்டைப் பெற முடியவில்லை.

இலங்கையில் சராசரியாக நாள் ஒன்றுக்கு 4,045 மெட்ரிக் தொன் பெட்ரோலும், 4,800 மெட்ரிக் தொன் டீசலும் எரிபொருள் நுகரப்படுவதாக தெரிவிக்கப்பட்டுள்ளது.

எவ்வாறாயினும், கியூஆர் ஒதுக்கீட்டின் கீழ் தினசரி எரிபொருள் நுகர்வைக் கட்டுப்படுத்தி, எரிபொருள் கையிருப்பைப் பாதுகாப்பதே அரசின் திட்டமாகும்.

The post எரிபொருளுக்காக பயன்பாட்டில் இல்லாத வாகனங்கள் கியூஆர் குறியீடுகளைப் பயன்படுத்துமா? appeared first on Oruvan.com.

இந்நிலையில், சர்வதேச மட்டத்தில் இராஜதந்திர தலையீடுகள் மூலம் தொடர்ந்து எரிபொருள் இருப்புகளைப் பெறுவதற்கு அரசாங்கம் செயல்பட்டு வருவதாக நிதி பிரதி அமைச்சர் அனில் ஜயந்த தெரிவித்துள்ளார்.

இது குறித்து தொடர்ந்தும் கருத்து வெளியிட்ட அவர், ஏப்ரல் மாதத்திற்குப் பிறகு எரிபொருள் கப்பல்கள் வந்து சேரும் என்பது குறித்த அதிகாரப்பூர்வ உறுதிப்படுத்தல் எனவும் அறிவிக்கப்படவில்லை.

எனினும், எரிபொருள் விநியோகச் சங்கிலி துண்டிக்கப்பட அனுமதிக்கப்படாது என்று அமைச்சர் சுட்டிக்காட்டியுள்ளார்.

எரிபொருள் விநியோக பிரச்சனைகளை நிவர்த்தி செய்ய ரஷ்யா, சீனா மற்றும் இந்தியா போன்ற நாடுகளுடன் நேரடி இராஜதந்திர கலந்துரையாடல்கள் தொடங்கப்பட்டுள்ளதாகவும் அமைச்சர் மேலும் தெரிவித்துள்ளார்.

தற்போதைய சூழ்நிலையில், கச்சா எண்ணெய் மற்றும் டீசலை மொத்தமாகப் பெறுவதற்குத் தேவையான ஒப்பந்தங்களை எட்டுவதே அரசாங்கத்தின் முதன்மை நோக்கமாகவுள்ளது.

சில நாடுகள் தங்கள் சொந்த பாதுகாப்பிற்காக ஏற்றுமதியைக் கட்டுப்படுத்தியிருந்தாலும், இலங்கை அந்த நாடுகளுடன் மிகவும் இராஜதந்திர மட்டத்தில் கலந்துரையாடல்களை நடத்தி வருவதாகவும் அமைச்சர் சுட்டிக்காட்டினார்.

நேரடி கொள்முதல் செய்யப்பட வேண்டுமானால், அதற்குத் தேவைப்படும் கொள்முதல் செயல்முறை குறித்து தேசிய கொள்முதல் குழுவுடன் தற்போது கலந்துரையாடல்கள் நடைபெற்று வருவதாக அமைச்சர் மேலும் தெரிவித்துள்ளார்.

The post எரிபொருளை பெற்றுக்கொள்ள சர்வதேச மட்டத்தில் இராஜதந்திர தலையீடுகள் appeared first on Oruvan.com.

கமிஷன் வாங்கியவர்கள் வீட்டிற்குச் சென்றவுடன் கமிஷன்களால் ஏற்படும் சேதம் முடிவடையாது என்றும், அது தொடர்ந்து ஒரு சுமையாகவே இருக்கும் என்றும் அவர் கூறினார்.

அமைச்சரவை செய்தியாளர் சந்திப்பில் ஊடகங்களுக்கு கருத்து தெரிவிக்கும் போதே அவர் இந்தக் கருத்துக்களை தெரிவித்தார்.

கடந்த காலத்தில் எண்ணெய் கொள்முதலில் ஏற்பட்ட முறைகேடுகளுக்கு நாம் இன்னும் பணம் செலுத்தி வருகிறோம்.

இதையெல்லாம் நிர்வகிக்க தற்போதைய விலை நிர்ணய சூத்திரம் மட்டுமே தற்போது உள்ள ஒரே நியாயமான முறையாகும்.

எண்ணெய் நிறுவனத்திற்கு உண்மையில் கடனை செலுத்த வேண்டிய அவசியம் இல்லாதிருந்தால், கடந்த காலத்தில் இதுபோன்ற மோசடிகள் நடந்திருக்காவிட்டால், மக்களுக்கு இன்னும் அதிக நீதி செய்திருக்க முடியும்.

ஏனென்றால், முந்தைய அரசாங்கம் செய்தது அந்த அமைச்சர்கள் வீட்டிற்குச் செல்வதால் மட்டும் முடிந்துவிடாது. அதுவொரு இழப்பாகவே இருக்கும்” என அவர் மேலும் தெரிவித்துள்ளார்.

The post எரிபொருள் கொள்வனவில் இடம்பெற்ற முறைகேடுகள்!! இழப்பீடு செலுத்தும் அரசாங்கம் appeared first on Oruvan.com.

இதன்படி, அடுத்த இரண்டு மாத காலத்திற்குத் தேவையான எரிபொருள் முன்பதிவுகள் ஏற்கனவே உறுதி செய்யப்பட்டுள்ளதாக இலங்கை பெட்ரோலியக் கூட்டுத்தாபனத்தின் தலைவர் டி.ஜே. ராஜகருணா தெரிவித்தார்.

இது குறித்து தொடர்ந்தும் கருத்து வெளியிட்டுள்ள அவர்,

“எந்த பிரச்சனையும் இல்லாமல் இன்னும் இரண்டு மாதங்களுக்கு எரிபொருளை முன்பதிவு செய்துள்ளோம் என்பதை பொதுமக்களுக்கு நான் சொல்ல விரும்புகிறேன். அந்த முன்பதிவுகள் உறுதி செய்யப்பட்டுள்ளன.

எந்த காரணத்தாலும் இந்த நாட்டில் இன்னும் இரண்டு மாதங்களுக்கு எரிபொருள் பற்றாக்குறை இருக்காது. இரண்டு மாதங்களின் பின்னர் எங்கிருந்து எரிபொருள் பெறுவது என்பதுதான் பிரச்சினை.

தற்போதைய சூழ்நிலையைக் கருத்தில் கொண்டு, சட்டவிரோதமாக எரிபொருளை பதுக்கி வைப்பவர்கள் மீது சட்ட நடவடிக்கை எடுக்கப்படும் என்றும் அவர் சுட்டிக்காட்டியுள்ளார்.

The post எரிபொருள் தட்டுப்பாடு ஏற்படாது – இலங்கை பெட்ரோலியக் கூட்டுத்தாபனம் appeared first on Oruvan.com.

சர்வதேச அளவுகோலான பிரெண்ட் கச்சா எண்ணெய் பீப்பாய்க்கு 3.3 வீதம் உயர்ந்து 79.60 டொலராக பதிவாகியுள்ளது. அமெரிக்க கச்சா எண்ணெய் பீப்பாய்க்கு 3.18 வீதம் உயர்ந்து 76.19 டொலராக பதிவாகியுள்ளது.

ஈரான் ஒரு முக்கிய எண்ணெய் உற்பத்தி நாடு என்பதுடன் ஹார்முஸ் நீரிணை அந்நாட்டிலேயே அமைந்துள்ளது. இந்த நீரிணை வழியாக உலகின் பெரும்பாலான கச்சா எண்ணெய் கொண்டுச் செல்லப்படுகின்றது.

ஒபெக் (OPEC) அறிக்கையின்படி, மே மாதத்தில் ஈரான் ஒரு நாளைக்கு சுமார் 3.3 மில்லியன் பீப்பாய்களை கச்சா எண்ணெய் உற்பத்தி செய்துள்ளதாகவும், ஹார்முஸ் நீரிணை மூடப்பட்டால் நிலைமை மோசமாகும் என்று ஆய்வாளர்கள் சுட்டிக்காட்டியுள்ளனர்.

ஹார்முஸ் நீரிணையை மூட முயற்சிப்பதற்கு எதிராக அமெரிக்க வெளியுறவுத்துறை செயலாளர் மார்கோ ரூபியோ ஈரானை கடுமையாக எச்சரித்துள்ளார்.

இஸ்லாமிய குடியரசின் ஏற்றுமதிகள் இந்த நீர்வழி வழியாகச் செல்வதால், இது “பொருளாதார தற்கொலை” என்று ரூபியோ சுட்டிக்காட்டியுள்ளார்.

ஈரானுடன் தொடர்புடைய போராளிகள் செப்டம்பர் 2019 இல் சவுதி அரம்கோவின் அப்கைக் ஆலையைத் தாக்கினர். சவுதி அரம்கோவின் அப்கைக் ஆலை உலகின் மிகப்பெரிய கச்சா பதப்படுத்தும் ஆலையாகும்.

இது ஒரு நாளைக்கு சுமார் 7 மில்லியன் பீப்பாய்கள் கச்சா எண்ணெயை பதப்படுத்துகிறது. இந்த சம்பவம் உலகளாவிய எண்ணெய் உற்பத்தியில் ஐந்து வீத தற்காலிகமாக நிறுத்தப்பட்டது.

மேலும் பிரெண்ட் கச்சா எண்ணெய் ஒரே நாளில் கிட்டத்தட்ட 20 வீதம் உயர்ந்தது, இது வரலாற்றில் மிகப்பெரிய ஒற்றை நாள் விலை உயர்வைக் குறிக்கிறது.

இந்நிலையில், ஈரானின் தேசிய பாதுகாப்பு பேரவை ஹார்முஸ் நீரிணையை மூடுவதற்கு இறுதி முடிவை எடுத்தால், இலங்கையில் எண்ணெய் விலை உயர்வை அரசாங்கத்தால் தடுக்க முடியாது என ஆய்வாளர்கள் குறிப்பிட்டுள்ளனர்.

உலகளவில் கச்சா எண்ணெய் விலை ஏற்கனவே உயர்ந்து வரும் நிலையில், எதிர்வரும் மாதத்தில் எரிபொருள் விலையில் அதிகரிப்பு எதிர்பார்க்கப்படுவதாக பொருளாதார ஆய்வாளர்கள் குறிப்பிட்டுள்ளனர்.

The post கச்சா எண்ணெய் விலை உயர்வு… இலங்கையில் எரிபொருள் விலை அதிகரிக்கும் சாத்தியம் appeared first on Oruvan.com.

குறிப்பாக யாழ் நகர், மற்றும் புறநகர் பகுதிகளில் உள்ள பலநோக்கு கூட்டுறவுச்சங்களதும், தனியாரதும் எரிபொருள் நிரப்பு நிலையங்களில் மக்கள் நீண்ட வரிசையில் நின்று எரிபொருளை பெற்றனர்.

இதேவேளை எரிபொருளுக்கு தட்டுப்பாடு இல்லை. மக்களே எரிபொருள் நிலையங்களில் நீண்ட வரிசையில் ஒன்றுகூடி நின்று எரிபொருளை பெற்றுக்கொள்ள முயற்சிக்கின்றனர் என இலங்கை பெற்றோலிய கூட்டுத்தாபனத்தின் வடக்கு மாகாண பிராந்திய முகாமையாளர் தெரிவித்துள்ளார்.

இது தொடர்பில் அவர் கூறுகையில் – வடக்கு மாகாணத்தில் எரிபொருள் இருப்பில் இருக்கின்றது. எரிபொருள் நிரப்பு நில்சியங்கள் வழமைபோன்று செயற்பட்டு எரிபொருள் விநியோகத்தை செற்கொண்டு வருகின்றன எனவும் அவர் குறிப்பிட்டார்.

அதேபோன்று போதியளவு எரிபொருள் இருக்கின்றது. செயற்கையான தட்டுப்பாட்டை ஏற்படுத்த வேண்டாம் என அரசாங்க அதிபர் அறிவித்துள்ளார்

இதேவேளை மத்திய கிழக்கில் உருவாகியுள்ள போர்ப்பதற்ற சூழல் எரிபொருளின் விநியோக தளம்பலை ஏற்படுத்திவிடும் என்ற அச்சத்தை மக்களுக்கு ஏற்படுத்தியுள்ளது.

இதனால் நாடளாவிய ரீதியில் எரிபொருளுக்காக மக்கள் மிக நீண்ட வரிசையில் காத்திருப்பதை பரவலாக அவதானிக்க முடிகின்றமை குறிப்பிடத்தக்கது.

The post ஈரான்-இஸ்ரேல் போர் பதற்றம்!! யாழில் எரிபொருளுக்கு முண்டியடித்த பொது மக்கள் appeared first on Oruvan.com.

இதன்போது, அவர்கள் சுமார் ஐந்து மணி நேரம் வாக்குமூலம் வழங்கியுள்ளதாக தெரிவிக்கப்படுகிறது.

அரசாங்கத்தை அவமானப்படுத்தும் நோக்கில், எரிபொருள் விநியோக நடவடிக்கைகளை சீர்குலைக்க இந்த பிரதிநிதிகள் முயற்சிப்பதாக குற்றப் புலனாய்வுத் திணைக்களத்திற்கு முறைப்பாடு ஒன்று கிடைக்கப் பெற்றிருந்தது.

அதன்படி, இந்தக் குழுவை நேற்றைய தினம் மாலை (04) குற்றப் புலனாய்வுத் திணைக்களத்தில் ஆஜராகுமாறு அறிவிக்கப்பட்டிருந்தமை குறிப்பிடத்தக்கது.

The post எரிபொருள் விநியோகஸ்தர்களிடம் ஐந்து மணி நேரம் வாக்குமூலம் appeared first on Oruvan.com.