தற்போதைய அரிசியின் விலை 230-240 ரூபாவாக இருப்பதால், இதை விட அதிகமாக விலையை அதிகரிக்க முடியாது என்றும், விவசாயிகள் தங்கள் நெல்லுக்கு நியாயமான விலையைப் பெற வேண்டும் என்றும் அவர் கூறினார்.

இந்த இரண்டு தேவைகளையும் கருத்தில் கொண்டு, நெல் மற்றும் அரிசிக்கான விலைகளை வர்த்தமானியில் வெளியிடத் தயாராக இருப்பதாகவும் அவர் கூறினார்.

அரிசிக்கான கட்டுப்பாட்டு விலை தொடர்பில் ஊடகங்களுக்கு கருத்து தெரிவிக்கும் போதே அவர் இந்தக் கருத்துக்களைத் தெரிவித்தார்.

The post அரிசிக்கான கட்டுப்பாட்டு விலை தொடர்பில் எதிர்காலத்தில் வர்த்தமானி அறிவித்தல் appeared first on Oruvan.com.

நாடளாவிய ரீதியில் ஏற்பட்டுள்ள அரிசி இறக்குமதிக்கு தீர்வாக அரசாங்கம் கடந்த டிசம்பர் மாதம் 4ஆம் திகதி தனியார் துறையினருக்கு அரிசியை இறக்குமதி செய்ய அனுமதி வழங்கப்பட்டது.

அதன்படி, தனியார் இறக்குமதியாளர்களால் நேற்று (08) வரையில் 115000 மெட்றிக் தொன் அரிசி இறக்குமதி செய்யப்பட்டுள்ளதாக சுங்கத் திணைக்களம் தெரிவித்துள்ளது.

இந்நிலையில், அரிசியை இறக்குமதி செய்ய வழங்கப்பட்டுள்ள கால அவகாசம் நாளையுடன் நிறைவடையவுள்ளதால், குறித்த கால அவகாசம் நிறைவடைவதற்கு ஒரு வாரத்திற்கு முன்னரே அரிசி இறக்குமதியை நிறுத்தியதாகவும் இறக்குமதியாளர்கள் தெரிவித்தனர்.

மேலும், அரசாங்கம் சார்பில் 980 மெட்றிக் தொன் அரிசியை இறக்குமதி செய்திருந்ததுடன் மேலும் 5200 மெட்றிக் தொன் அரிசியை இறக்குமதி செய்ய ஏற்பாடுகள் செய்யப்பட்டிருந்தமை குறிப்பிடத்தக்கது.

The post நாளையுடன் நிறைவடையும் அரிசி இறக்குமதிக்கான காலஅவகாசம் appeared first on Oruvan.com.