ஐரோப்பிய தகுதிச்சுற்று இறுதிப் போட்டியில் போஸ்னியா அணிக்கு எதிராக போட்டியில் பெனால்டி முறையில் தோல்வியடைந்ததால், இத்தாலியின் உலகக் கோப்பைக் கனவுகள் தகர்ந்தன.

வழக்கமான நேரத்திலும் கூடுதல் நேரத்திலும் இரு அணிகளும் தலா ஒரு கோல் அடித்திருந்ததால் ஆட்டம் பெனால்டி ஷூட் அவுட்டிற்குச் சென்றது.

முன்னாள் உலக சாம்பியன் அணியான இத்தாலி நான்கிற்கு ஒன்று என்ற கோல் கணக்கில் தோல்வியை சந்தித்தனர்.

முன்னதாக ரஷ்யாவில் நடைபெற்ற 2018 உலகக் கிண்ண தொடருக்கும், கத்தாரில் நடைபெற்ற 2022 உலகக் கிண்ண தொடருக்கு இத்தாலி தகுதி பெற்றிருக்கவில்லை.

நான்கு முறை உலகக் கிண்ணத்தை வெற்றிகொண்ட அணி, தொடர்ச்சியாக மூன்று முறை உலகக் கிண்ண தொடருக்கு தகுதி பெறத் தவறியது கால்பந்து உலகை அதிர்ச்சிக்குள்ளாக்கியுள்ளது.

இத்தாலி 1934, 1938, 1982 மற்றும் 2006ஆம் ஆண்டுகளில் உலகக் கிண்ணத்தை வெற்றிகொண்டிருந்தது.

எவ்வாறாயினும், இந்தப் போட்டியில் வெற்றிபெற்ற போஸ்னியா இரண்டாவது முறையாக உலகக் கிண்ண தொடருக்கு தகுதி பெற்றுள்ளமை குறிப்பிடத்தக்கது.

The post இறுதிப் போட்டியில் தோல்வி – இத்தாலி அணி கால்பந்து உலகக் கிண்ண தொடருக்கு தகுதி பெறத் தவறியது appeared first on Oruvan.com.

வெம்ப்ளி மைதானத்தில் நடைபெற்ற விறுவிறுப்பான ஆட்டத்தில், மான்செஸ்டர் சிட்டி  அணி இரண்டு கோல்கள் அடித்து வெற்றி பெற்றுள்ளது.

மான்செஸ்டர் சிட்டி அணியின் இளம் வீரர் நிக்கோ ஓ’ரெய்லி இரண்டு கோல்கள் அடித்து அணியை வெற்றிப் பாதைக்கு அழைத்துச் சென்றிருந்தார்.

ஆட்த்தின் முதல் பாதியில் கோல் எதுவும் அடிக்கப்படவில்லை, ஆனால் இரண்டாம் பாதியில் மான்செஸ்டர் சிட்டி ஆதிக்கம் செலுத்தியது. ஓ’ரெய்லி 60வது மற்றும் 64வது நிமிடங்களில் கோல் அடித்தார்.

சிறப்பான ஆட்டத்திறனில் இருந்த அர்செனலை, மான்செஸ்டர் சிட்டி தந்திரமான நகர்வுகள் மூலம் ஒரு தீர்க்கமான போட்டியில் தோற்கடித்தது.

ஆட்டம் முழுவதும் கடுமையாகப் போராடிய போதிலும், கோல் அடிப்பதில் ஏற்பட்ட தவறுகளால் ஆர்செனல் அணிக்கு பின்னடைவு ஏற்பட்டது.

இந்தப் பருவம் முழுவதும் இதுவரை அணியைச் சிறப்பாக வழிநடத்தி வரும் மான்செஸ்டர் சிட்டி அணியின்  தலைவர்  பெர்னார்டோ சில்வா, இந்த வெற்றிஅனைவருக்கும் ஒரு சிறப்பான தருணம் என்று விவரித்தார்.

அணியில் உள்ள அனைவருக்கும் இது மிகுந்த பெருமைக்குரிய தருணம்,” என்று அவர் குறிப்பிட்டுள்ளார்.

மேலும் இந்த பருவத்தில் சிறப்பாக விளையாடி வரும் அர்செனலை வீழ்த்தி வெற்றி பெற்றது மிகவும் சிறப்பானது.” என அவர் மேலும் தெரிவித்துள்ளார்.

The post அர்செனலை வீழ்த்திய மான்செஸ்டர் சிட்டி வெற்றி appeared first on Oruvan.com.

இன்டர் மியாமி அணியின் நட்சத்திர வீரரான மெஸ்ஸி , நாஷ்வில் எஸ்சீ அணிக்கு எதிரான் போட்டியில் இந்த அரிய சாதனையை நிகழ்த்தியுள்ளார்.

ஆட்டத்தின் ஏழாவது நிமிடத்தில் மெஸ்ஸியின் வரலாற்றுச் சிறப்புமிக்க கோல் அடிக்கப்பட்டது. 38 வயதான மெஸ்ஸி, மியாமி அணியில் இணைந்ததிலிருந்து 92 போட்டிகளில் 81 கோல்களை அடித்துள்ளார்.

மெஸ்ஸி பார்சிலோனா அணிக்காக 778 போட்டிகளில் 672 கோல்களையும்,  பிஎஸ்ஜி அணிக்காக 75 போட்டிகளில் 32 கோல்களையும் அடித்துள்ளார்.

மேலும், அவர் அர்ஜென்டினா அணிக்காக 196 சர்வதேசப் போட்டிகளில் 115 கோல்களை அடித்துள்ளார்.

அவர் அடித்த மொத்த 900 கோல்களில், 755 கோல்கள் அவரது இடது காலால் அடிக்கப்பட்டவை. தனது வலது காலால் 111 கோல்களையும், தலையால் முட்டி 30 கோல்களையும் அடித்துள்ளார்.

பெனால்டி மூலம் 112 கோல்களும், ஃப்ரீ கிக் மூலம் 70 கோல்களும் அடித்துள்ளார்.

ஸ்பானிய கழகங்களான செவில்லா, அத்லெடிக் கழகம் மற்றும் அத்லெடிகோ மெட்ரிட் ஆகியவற்றுக்கு எதிராகவே மெஸ்ஸி அதிக கோல்களை அடித்துள்ளார்.

கால்பந்து வரலாற்றில் மெஸ்ஸியைத் தவிர, 900 கோல்கள் அடித்தவர்கள் பட்டியலில் இடம்பெற்ற ஒரே வீரர் போர்த்துகல் அணியின் கிறிஸ்டியானோ ரொனால்டோ ஆவார்.

ரொனால்டோ இந்தச் சாதனையை 1,236 போட்டிகளில் நிகழ்த்தியுள்ளார்.

41 வயதான ரொனால்டோ தற்போது 959 கோல்களுடன் இந்தப் பட்டியலில் முதலிடத்தில் உள்ளார் என்பதும் குறிப்பிடத்தக்கது.

The post உலக கால்பந்து வரலாற்றில் 900 கோல்களை அடித்து மெஸ்ஸி சாதனை appeared first on Oruvan.com.

அந்த அணியின் பயிற்சியாளர் சாபி அலோன்சோ பரஸ்பர ஒப்புதலின் பேரில் வெளியேறியுள்ள நிலையில் புதிய பயிற்சியாளர்  நியமிக்கப்பட்டுள்ளதாக தெரிவிக்கப்பட்டுள்ளது.

கடந்த ஞாயிற்றுக்கிழமை பார்சிலோனாவுக்கு எதிரான ஸ்பானிஷ் சூப்பர் கோப்பை இறுதிப் போட்டியில் தோல்வியடைந்த பின்னர், சாபி அலோன்சோ பரஸ்பர ஒப்புதலுடன் பதவி விலக முடிவு செய்திருந்தார்.

அவர் எட்டு மாதங்களுக்கும் குறைவான காலமே அணியின் பயிற்சியாளராக பணியாற்றியிருந்தார்.

இந்நிலையில், உடனடியாக நடைமுறைக்கு வரும் வகையில், அணியின் பயிற்சியாளராக அல்வாரோ அர்பெலோவா நியமிக்கப்பட்டுள்ளதாக தெரிவிக்கப்பட்டுள்ளது.

அல்வாரோ அர்பெலோவா 2009-2016ஆம் ஆண்டு காலப்பகுதியில் ரியல் மெட்ரிட் அணிக்காக 238 முறை விளையாடியுள்ளார்.

இவர் விளையாடியப் காலப்பகுதியில் இரண்டு சாம்பியன்ஸ் லீக் பட்டங்களையும், ஒரு முறை லா லிகா பட்டத்தையும் மெட்ரிட் அணி வென்றிருந்தது.

இந்நிலையில், அர்பெலோவா தலைமையில் நடைபெறும் முதல் போட்டியில் இன்று புதன்கிழமை ரியல் மெட்ரிட் அணி விளையாடவுள்ளதாக தெரிவிக்கப்பட்டுள்ளது.

The post ரியல் மெட்ரிட் அணிக்கு புதிய பயிற்சியாளர் appeared first on Oruvan.com.

சனிக்கிழமை அல் அக்தூத் அணிக்கு எதிரான போட்டியில் இரண்டு கோல்களை அடித்ததுடன், 3-0 என்ற கோல் கணக்கில் அல்-நாஸ்ர் அணியையும் வெற்றிபெற செய்திருந்தார்.

இந்த இரண்டு கோல்களுடன் கழகம் மற்றும் தேசியப் போட்டிகளில் கிறிஸ்டியானோ ரொனால்டோ அடித்த கோல்களின் எண்ணிக்கை 956 ஆக உயர்ந்தது.

2022ஆம் ஆண்டு அல்-நாசரில் இணைந்த கிறிஸ்டியானோ ரொனால்டோ, கடந்த ஜூலை மாதம் அந்த அணியுடனான இரண்டு வருட புதிய ஒப்பந்தத்தில் கையெழுத்திட்டார்.

இதன் அவர் 42 வயதை கடந்தும் விளையாடும் வாய்ப்பு ஏற்பட்டுள்ளது.

இந்நிலையில், நேற்று துபாயில் இடம்பெற்ற குளோப் கால்பந்து விருது வழங்கும் நிகழ்வில் பேசிய ரொனால்டோ, “தொடர்ந்து விளையாடுவது கடினம், ஆனால் நான் உந்துதலாக இருக்கிறேன்”என்றார்.

“ஆர்வம் அதிகமாக உள்ளது, நான் தொடர்ந்து விளையாட விரும்புகிறேன். நான் எங்கு விளையாடுகிறேன் என்பது முக்கியமல்ல.

நான் எப்போதும் கால்பந்து விளையாடுவதை ரசிக்கிறேன், மேலும் தொடர்ந்து விளையாட விரும்புகிறேன். எனது இலக்கு என்னவென்று உங்களுக்குத் தெரியும்.

நான் கோப்பைகளை வெல்ல விரும்புகிறேன், நீங்கள் அனைவரும் அறிந்த அந்த எண்ணிக்கையை (1,000 கோல்களை] அடைய விரும்புகிறேன். காயங்கள் இல்லாவிட்டாலும், நான் நிச்சயமாக அந்த எண்ணிக்கையை அடைவேன்.” என்று தெரிவித்துள்ளார்.

எவ்வாறாயினும், கடந்த மாதம் “விரைவில்” கால்பந்தில் இருந்து ஓய்வு பெற திட்டமிட்டுள்ளதாக” ரொனால்டோ தெரிவித்திருந்தார்.

சவுதி புரோ லீக் புள்ளிப் பட்டியலில் முதலிடத்தில் நான்கு புள்ளிகள் முன்னிலை வகிக்கும் அல்-நாசர் அணிக்காக இந்த பருவத்தில் ரொனால்டோ 14 போட்டிகளில் 13 கோல்களை அடித்துள்ளார்.

போர்ச்சுகல் (143) மற்றும் ரியல் மாட்ரிட் (450) அணிகளுக்காக அதிக கோல்கள் அடித்த சாதனையை ரொனால்டோ தக்க வைத்துள்ளார்.

மேலும் மான்செஸ்டர் யுனைடெட், ரியல் மாட்ரிட், ஜுவென்டஸ் மற்றும் அல்-நாசர் ஆகிய நான்கு அணிகளுக்காக நூற்றுக்கும் மேற்பட்ட கோல்களை அடித்த ஒரே வீரர் என்ற சாதனையையும் அவர் தக்க வைத்துள்ளார்.

அமெரிக்கா, கனடா மற்றும் மெக்சிகோவில் நடைபெறும் 2026 உலகக் கால்பந்து தொடரே தனது கடைசி சர்வதேச போட்டியாக இருக்கும் என்று ரொனால்டோ முன்னதாக தெரிவித்திருந்தார் என்பதும் குறிப்பிடத்தக்கது.

The post 1,000 கோல்களை அடிக்கும் வரை ஓய்வு பெறபோவதில்லை – ரொனால்டோ அறிவிப்பு appeared first on Oruvan.com.

ஆர்மினியா அணிக்கு எதிராக நேற்று இடம்பெற்ற போட்டியில் ஒன்பதுக்கு ஒன்று என்ற கோல் கணக்கில் அபார வெற்றியை பதிவு செய்த போர்த்துகல் அணி 2026 உலகக் கிண்ண தொடருக்கு தகுதிப் பெற்றுள்ளது.

போர்த்துகல் அணி சார்பில்  புருனோ பெர்னாண்டஸ் மற்றும் ஜோவா நெவ்ஸ் ஆகியோர் தலா மூன்று கோல்களை அடித்திருந்தனர்.

எவ்வாறாயினும் நேற்றையப் போட்டியில் போர்த்துகல் அணியின் நட்சத்திர வீரர்  கிறிஸ்டியானோ ரொனால்டோ விளையாடியிருக்கவில்லை.

போர்ச்சுகல் அணி நேற்றைய தினம் தங்களின் அபார ஆட்டத்தை வெளிப்படுத்தி இறுதி குழு ஆட்டத்தில் மூன்றாவது முயற்சியிலேயே தகுதி பெற்றுள்ளது.

இதன் மூலம் ஏழாவது முறையாக உலகக் கிண்ண தொடரில் விளையாடும் வாய்ப்பை போர்த்துகல் அணி பெற்றுள்ளது.

எனினும், அந்த அணி இதுவரை உலகக் கிண்ணத்தை ஒருபோதும் வென்றதில்லை.

இந்தப் போட்டி முழுவதும் புருனோ பெர்னாண்டஸ் மிகவும் ஆதிக்கம் செலுத்தியிருந்தார். போட்டியின் 45, 54 மற்றும் 72வது நிமிடங்களில் அவர் அணிக்காக மூன்று கோல்களை அடித்திருந்தார்.

இதேவேளை, குரூப் எஃப்-இன் மற்றொரு போட்டியில் அயர்லாந்து அணி ஹங்கேரியை மூன்றுக்கு இரண்டு என்ற கோல் கணக்கில் வீழ்த்தி வெற்றிபெற்றிருந்தமை குறிப்பிடத்தக்கது.

The post 2026 உலகக் கிண்ண தொடருக்கு போர்த்துகல் தகுதி appeared first on Oruvan.com.

இந்நிலையில், தனது ஓய்வுக்கு பின்னரான வாழ்க்கையை சிறிது காலமாகத் திட்டமிட்டு வருவதாகவும், எனினும், தனது விளையாட்டு வாழ்க்கையை முடிவுக்குக் கொண்டுவருவது கடினம் என்பதையும் ஒப்புக்கொண்டுள்ளார்.

தற்போது அல் நாசர் அணிக்காக விளையாடி வரும் அவர் 952 கோல்களுடன் அதிக கோல்கள் அடித்த வீரர்களின் பட்டியலில் முதலிடத்தில் உள்ளார்.

இந்நிலையில், தனது ஓய்வு குறித்து பேசிய ரொனால்டோ,

“நான் தயாராக இருப்பேன் என்று நினைக்கிறேன். இது மிக மிக கடினமாக இருக்கும்,” என்று நேர்காணல் ஒன்றில் தெரிவித்துள்ளார்.

“நான் 25, 26, 27 வயதிலிருந்தே எனது எதிர்காலத்தைத் தயார்படுத்திக் கொண்டிருக்கிறேன். அந்த அழுத்தத்தைத் தாங்கும் திறன் எனக்கு இருக்கும் என்று நினைக்கிறேன்.

கால்பந்தில் கோல் அடிப்பதற்கு நீங்கள் கொண்டிருக்கும் திறனுக்கு இணையாக எதுவும் இருக்காது.”

“ஆனால் எல்லாவற்றிற்கும் ஒரு ஆரம்பம் உண்டு, எல்லாவற்றிற்கும் ஒரு முடிவும் உண்டு. எனக்காகவும், என் குடும்பத்திற்காகவும், என் குழந்தைகளை வளர்க்கவும் எனக்கு அதிக நேரம் ஒதுக்க முடியும். என அவர் மேலும் தெரிவித்துள்ளார்.

The post ஓய்வு பெற தயாராகும் ரொனால்டோ appeared first on Oruvan.com.

இதன் மூலம் உலகக் கிண்ண கால்​பந்து தொடருக்கு முன்​னேறிய மிகக்​குறைந்த அளவி​லான மக்​கள்​தொகை கொண்ட நாடு​கள் பட்​டியலில் இரண்டாவது இடத்தை கேப் வெர்​டே பிடித்துள்ளது.

இந்த நாட்டில் 5.93 லட்சம் மக்களே வசித்து வருகின்றனர்.

2026ஆம் ஆண்டு பிபா உலகக் கிண்ண கால்​பந்து  தொடரை அமெரிக்​கா, கனடா, மெக்​சிகோ ஆகிய நாடு​கள் இணைந்து நடத்​தவுள்​ளன.

இத்தொடரில் பங்​கேற்​கும் அணி​கள் தகு​திச் சுற்​றுப் போட்​டிகள் மூலம் தேர்வு செய்​யப்​படுகின்றன.

இந்​நிலை​யில் ஆப்​பிரிக்க மண்டல பிரி​வில் தகு​திச் சுற்​றுப் போட்​டிகள் நடை​பெற்​றன. இதில் கேப் வெர்டே அணி​யும், எஸ்​வாட்​டினி அணி​யும் மோதிக்கொண்டன.

இந்தப் போட்டியின் கேப் வெர்டே அணி மூன்றுக்கு பூச்சியம் என்ற கோல் கணக்கில் எஸ்​வாட்​டினி அணியை வீழ்த்தி உலகக் கிண்ண தொடருக்கு தகுதிப் பெற்றுள்ளது.

எவ்வாறாயினும், உலகக் கிண்ண கால்​பந்து தொடருக்கு தகுதி பெற்று மிகக்​குறைந்த அளவி​லான மக்​கள்​தொகை கொண்ட நாடு என்ற பெரு​மை ஐஸ்​லாந்து வசமுள்ளது.

2018ஆம் ஆண்டு உலகக் கிண்ண கால்பந்து தொடரில் அந்த அணி பங்கேற்றப் போது அந்நாட்டின் மக்கள் தொகை நான்கு லடத்திற்கும் குறைவாக இருந்தமை குறிப்பிடத்தக்கது.

The post கால்பந்து உலகக் கிண்ண தொடருக்கு கேப் வெர்டே அணி முதல் முறையாக தகுதி appeared first on Oruvan.com.

சர்வதேச கால்பந்தாட்டப் போட்டி ஒன்றில் துர்க்மேனிஸ்தானை இலங்கை வெற்றிகொண்டது இதுவே முதல் தடவையாகும். அத்துடன் மத்திய ஆசிய நாடு ஒன்றை இலங்கை வெற்றிகொண்டதும் இதுவே முதல் தடவையாகும்.

இதற்கு முன்னர் விளையாடப்பட்ட இந்த இரண்டு அணிகளுக்கும் இடையிலான ஆறு போட்டிகளில் ஐந்தில் துர்க்மேனிஸ்தான் வெற்றிபெற்றிருந்ததுடன் ஒரு போட்டி (2004) வெற்றிதோல்வியின்றி முடிவடைந்திருந்தது.

இதன் காரணமாக இன்றைய போட்டியில் இலங்கை சாதிக்குமா என்ற கேள்வி இயல்பாகவே இருந்துவந்தது.

ஆனால், இன்றைய போட்டியில் மிக அற்புதமாக விளையாடிய இலங்கை அணி, 57ஆவது நிமிடத்தில் மணிமெல்துர லியோன் பெரேரா அடித்த கோல் மூலம் வெற்றியீட்டியது.

அந்த சந்தர்ப்பத்தில் ஆதவன் ராஜமோகன் மிக அருகில் இருந்து பரிமாறிய பந்தை பெனல்டி எல்லைக்குள் இருந்தவாறு லியோன் பெரேரா பலமாக உதைத்து துர்க்மேனிஸ்தான் கோல்காப்பாளர் சரியெவ் ரசூலை திக்குமுக்காடவைத்தார்.

எவ்வாறாயினும் இந்த வெற்றியில் மிகப் பெரிய பங்காற்றியவர் யாழ். தந்தைக்கு பிறந்து ஜேர்மனியில் கழகமட்ட கால்பந்தாட்டத்தில் ஈடுபட்டுவரும் ஜேசன் தயாபரன் ஆவார்.

துர்க்மேனிஸ்தான் வீரர்கள் இரண்டு சந்தர்பங்களில் (58ஆவது மற்றும் 89ஆவது நிமிடங்களில்) கோல் போட எடுத்த முயற்சிகளை கோல் வாயிலில் வைத்து மிக அற்புதமாக ஜேசன் தயாபாரன் தடுத்து இலங்கையைக் காப்பாற்றி வெற்றி அடையச் செய்தார்.

இதனிடையே இலங்கை அணித் தலைவரும் கோல்காப்பாளருமான சுஜான் பெரேராவும் ஒரு கோலை தடுத்து நிறுத்தினார். மற்றொரு சந்தர்ப்பத்தில் துர்க்மேனிஸ்தானின் முயற்சி ஒன்று கோல்காப்பின் குறுக்கு கம்பத்தில் பட்டு திசை திரும்பியது.

போட்டி முடிவில் நடைபெற்ற ஊடக சந்திப்பின்போது, இரண்டு நிச்சயமான கோல்களைத் தடுத்து நிறுத்தி இலங்கையைக் காப்பாற்றி வெற்றி அடையச் செய்ததைப் பற்றி என்ன கூறவிரும்புகிறீர்கள் என 23ஆம் இலக்க பின்கள வீரர் ஜேசன் தயாபரனிடம் ஊடகவியலாளர்கள் வினவியபோது,

‘இரண்டு கோல்களைத் தடுத்தது குறித்து நான் பெருமை படுகிறேன். ஆனால், இலங்கை அணியின் வெற்றியை அதனை விட பெருமையாக கருதுகிறேன். இந்த வெற்றிக்கு எனது தனிப்பட்ட ஆற்றல்கள் காரணம் என்பதை ஒப்புக்கொள்ளமாட்டேன்.

இந்த வெற்றி முழு அணியினதும் கூட்டு முயற்சியாகும். போட்டியில் விளையாடிய வீரர்கள், ஆசனங்களில் அமர்ந்திருந்த மாற்று வீரர்கள், பயிற்றுநர் மற்றும் உதவியாளர்கள் அனைவரும் இந்த வெற்றியில் பங்காற்றியிருந்தார்கள் என்றே நான் கூறுவேன்.

‘இலங்கையின் இந்த சரித்திரம் வாய்ந்த வெற்றியை எனது மனைவிக்கும் மகனுக்கும் சமர்ப்பணம் செய்கிறேன். அவர்கள் எதிர்வரும் மார்ச் மாதம் இலங்கைக்கு வருகை தருவார்கள்’ என பதிலளித்தார்.

இதேவேளை, துர்க்மேனிஸ்தானுடனான இந்த வெற்றி முழு இலங்கைக்கும் கிடைத்த வெற்றி என பெருமிதத்துடன் தெரிவித்த பயிற்றுநர் அப்துல்லா அல்முத்தெய்ரி, இரண்டாம் கட்டப் போட்டி இலகுவாக அமையாது என்றார்.

‘நாளைய தினம் இலங்கை வீரர்கள் நன்கு ஒய்வு எடுத்து தங்களை ஆசுவாசப்படுத்திக்கொள்வார்கள். எதிர்வரும் ஞாயிற்றுக்கிழமை இரண்டாம் கட்டப் போட்டியில் துர்க்மேனிஸ்தானை எதிர்த்தாடுவதற்காக பயணிக்கவுள்ளோம்.

இந்தப் பயணம் 23 மணிநேரம் நீடிக்கும். எமது பயணத்தில் இடைவழி விமான நிலையத்தில் (Transit) தங்கும் நேரம் சுமார் 8 மணித்தியாலங்களாகும். அங்குதான் எமது வீரர்கள் நன்றாக ஓய்வு எடுக்கவேண்டியுள்ளது.

அதன் பின்னர் துர்க்மேனிஸ்தான் சென்றடைந்ததும் இரண்டாம் கட்டப் போட்டிக்கான பயிற்சிகளில் ஈடுபடுவோம். துர்க்மேனிஸ்தானை அதன் சொந்த மண்ணில் எதிர்கொள்வது இலகுவல்ல.

ஆனால், சிறந்த வியூகங்களை அமைத்து வெற்றிபெற முயற்சிப்போம்’ என்றார் அப்தூல்லா அல்முத்தெய்ரி.

இது இவ்வாறிருக்க, இலங்கையிடம் அடைந்த தோல்வி அதிர்ச்சி தருவதாகத் தெரிவித்த துர்க்மேனிஸ்தான் பயிற்றுநர் ரோவ்ஷென் மெர்டோல், எமது தோல்விக்கான குறைபாடுகளைக் கண்டறிந்து அவற்றை நிவர்த்தி செய்து கொண்டு இரண்டாம் கட்டப் போட்டியில் வெற்றிபெற முயற்சிப்போம்’ என்றார்.

இன்றைய போட்டியில் ஆட்டநாயகனாக இரண்டு கோல்களைத் தடுத்து நிறுத்திய இலங்கையின் பின்கள் வீரர் ஜேசன் தயாபரன் தெரிவானார்.

The post தமிழ் கால்பந்தாட்ட வீரர்களால் துர்க்மேனிஸ்தானை முதல் தடவையாக வீழ்த்தி சரித்திரம் படைத்தது இலங்கை appeared first on Oruvan.com.

இதன் மூலம் போர்த்துகல் அணியின் நட்சத்திர வீரரான கிறிஸ்டியானோ ரொனால்டோவின் சாதனையை மெஸ்ஸி தன்வசப்படுத்தியுள்ளார்.

மேஜர் லீக் கால்பந்து தொடரில் New York Red Bulls அணிக்கு எதிரா நேற்று இடம்பெற்ற போட்டியில் லியோனல் மெஸ்ஸி தலைமையிலான இன்டர் மியாமி அணி 5-1 என்ற கோல் கணக்கில் வெற்றிபெற்றிருந்தது.

இந்தப் போட்டியில் 60 மற்றும் 75வது நிமிடங்களில் மெஸ்ஸி கோல் அடித்திருந்தார். இதன் மூலம், லியோனல் மெஸ்ஸி, பெனால்டி இல்லாமல் அதிக கோல்கள் அடித்தவர்கள் பட்டியலில் போர்த்துகல் அணியின் வீரர் கிறிஸ்டியானோ ரொனால்டோவை முந்தினார்.

இந்த இரட்டை கோல்கள் மூலம் மெஸ்ஸி தனது பெனால்டி அல்லாத கோல்களின் எண்ணிக்கையை 764 ஆக உயர்த்தியதுடன், இது ரொனால்டோவை விட ஒரு கோல் அதிகமாகும்.

மேலும், ரொனால்டோவை விட 167 போட்டிகள் குறைவாக விளையாடியுள்ள மெஸ்ஸி மைல்கல்லை எட்டியுள்ளார்.

தற்போது 38 வயதாகும் புகழ்பெற்ற அர்ஜென்டினா அணியின் நட்சத்திர வீரர் மெஸ்ஸி 874 கோல்களை அடித்துள்ளார். எனினும், ரொனால்டோ 938 கோல்களை அடித்துள்ளார் என்பதும் குறிப்பித்தக்கது.

The post பெனால்டி இல்லாமல் அதிக கோல்கள் அடித்து மெஸ்ஸி உலக சாதனை appeared first on Oruvan.com.