பிராந்தியம் முழுவதும் உள்ள ஹைட்ரோகார்பன் உற்பத்தித் தளங்களை இந்த மோதல் குறிவைக்கத் தொடங்கியிருப்பது, அபாயகரமான புதிய கட்டத்தைக் குறிக்கிறது என்று மக்ரோன் சுட்டிக்காட்டியுள்ளார்.

“ஈரான் பாதிக்கப்பட்டதைப் போலவே, பல வளைகுடா நாடுகளும் முதல் முறையாகத் தங்களின் உற்பத்தித் திறனில் பாதிப்பைச் சந்தித்துள்ளன,” என்று அவர் குறிப்பிட்டுள்ளார்.

இந்நிலையில், மேலும், பதற்றம் அதிகரிப்பதைத் தடுக்கவும், பிராந்தியத்தை நிலைப்படுத்தவும் அமெரிக்காவுக்கும் ஈரானுக்கும் இடையே நேரடி” பேச்சுவார்த்தை நடத்த மக்ரோன் அழைப்பு விடுத்துள்ளார்.

The post மத்திய கிழக்கில் நிலைமை மேலும் மோசமடையும் – பிரான்ஸ் ஜனாதிபதி appeared first on Oruvan.com.

பாலஸ்தீனத்தை பிரான்ஸ் அதிகாரப்பூர்வமாக அங்கீகரித்துள்ளது .

பிரித்தானியா, கனடா, அவுஸ்திரேலியா உள்ளிட்ட நாடுகளும் பாலஸ்தீனத்தை அங்கீகரித்ததைத் தொடர்ந்து பிரான்ஸ் அதிபர் இம்மானுவேல் மக்ரோனின் அறிவிப்பு வெளியாகியுள்ளது.

“காசாவில் போர், படுகொலை மற்றும் மரணத்தை முடிவுக்குக் கொண்டுவருவதற்கான நேரம் இது. பாலஸ்தீன மக்களுக்கு நீதியைக் காட்ட வேண்டிய நேரம் இது.

காசா, மேற்குக் கரை மற்றும் ஜெருசலேமில் பாலஸ்தீனத்தின் நிலையை நாங்கள் அங்கீகரிக்கிறோம்,” என்று ஐ.நா.வில் மக்ரோன் உரையாற்றிய போது தெரிவித்திருந்தார்.

ஸ்பெயின் பிரதமர் பெட்ரோ சான்செஸ், பாலஸ்தீன அரசுக்கு ஐ.நா.வில் முழு உறுப்பினர் பதவி வழங்க வேண்டும் என்று அழைப்பு விடுத்துள்ளார்.

திங்களன்று பிரான்ஸ் மற்றும் சவுதி அரேபியா கூட்டிய ஐ.நா. பொதுச் சபைக் கூட்டத்தில் ஆறு நாடுகள் மட்டுமே பாலஸ்தீனத்தை புதிய நாடாக அங்கீகரித்தன, இது இரு நாடுகள் தீர்வில் கவனம் செலுத்தியது.

மொனாக்கோ, பெல்ஜியம், அன்டோரா, மோல்டா மற்றும் லக்சம்பர்க் ஆகிய நாடுகள் அனைத்தும் பிரான்ஸூக்கு முழு ஒப்புதலை வழங்கியுள்ளன.

பாலஸ்தீனத்திற்கான மாநில அந்தஸ்து ஒரு வாய்ப்பு, ஒரு பரிசு அல்ல என்று ஐ.நா. பொதுச்செயலாளர் அன்டோனியோ குட்டெரெஸ் கூறினார் .

கடந்த வாரம், பெஞ்சமின் நெதன்யாகு, பல நாடுகள் பாலஸ்தீனத்தை அங்கீகரித்தால் மேற்குக் கரையை இஸ்ரேலுடன் இணைப்பதன் மூலம் பதிலடி கொடுப்பதாக அச்சுறுத்தினார்.

இருப்பினும், பிரான்ஸ் உள்ளிட்ட நாடுகள் ஹமாஸை நிராயுதபாணியாக்கி ஒழித்து, பாலஸ்தீன அதிகாரசபைக்கு அதிகாரத்தை மாற்றும் திட்டத்தை வெளியிட்டுள்ளன.

பாலஸ்தீன பாதுகாப்புப் படைகளுக்குப் பாதுகாப்பை வழங்கவும் பயிற்சி அளிக்கவும் ஐ.நா. படைகளை அனுப்பும் என தெரிவிக்கப்பட்டுள்ளது.

கடந்த ஜூலை மாதம் அரபு லீக் கூட காசாவில் ஹமாஸ் அல்லாத தலைமையிலான அரசாங்கத்தை செயல்படுத்தப்போவதாக அறிவித்தது .

The post காசாவில் ஐ.நா. படைகளை நிலைநிறுத்த கோரிக்கை appeared first on Oruvan.com.

நம்பிக்கையில்லாத் தீர்மானம் நிறைவேற்றப்பட்டு 24 மணி நேரத்திற்குப் பின்னர் புதிய பிரதமர் நியமிக்கப்பட்டுள்ளதாக சர்வதேச ஊடகங்கள் தெரிவிக்கின்றன.

மேலும், இது பிரான்சிஸ் தொடர்ந்து ஆழமடைந்து வரும் அரசியல் நெருக்கடியைத் தீர்க்கும் வகையில் எடுக்கப்பட்ட அவசர முடிவென்றும் தெரிவிக்கப்பட்டுள்ளது.

பிரான்சின் அடுத்த வரவு செலவுத் திட்டத்தை நிறைவேற்றும் நோக்கில் அரசியல் கட்சிகளுடன் பேச்சுவார்த்தை நடத்தும் பணியை புதிய பிரதமரிடம் ஜனாதிபதி வழங்கியுள்ளதாக ஜனாதிபதி அலுவலகம் தெரிவித்துள்ளதுர்.

மேலும் ஜனாதிபதி தன்மீது வைத்துள்ள நம்பிக்கைக்கும் செபஸ்டியன் லெகோர்னு நன்றி தெரிவித்துள்ளார்.

முன்னதாக ஒன்பது மாதங்களே பதவியில் இருந்த முன்னாள் பிரதமர் பிரான்சுவா பேய்ரூ எதிராக கொண்டுவந்த நம்பிக்கை இல்லா தீர்மானம், பிரான்சின் நாடாளுமன்றில் நிறைவேற்றப்பட்டது.

இதனையடுத்து அவர் தனது பதவி விலகல கடிதத்தை ஜனாதிபதி மெக்ரோனிடம் கையளித்தார். இந்நிலையில், புதிய பிரதமர் நியமிக்கப்பட்டுள்ளார்.

இதேவேளை, 2027 ஜனாதிபதித் தேர்தலில் பிரெஞ்சு தீவிர வலதுசாரிகள் வெற்றிபெற இதுவரை இல்லாத அளவுக்கு சிறந்த வாய்ப்பைப் பெறுவார்கள் என்று ஆய்வாளர்கள் கணித்துள்ளனர்.

எவ்வாறாயினும், மெக்ரோன் மூன்றாவது முறையாக போட்டியிட அரசியலமைப்பு ரீதியாக தடைசெய்யப்பட்டுள்ளார் என்பதும் குறிப்பிடத்தக்கது.

The post பிரான்சின் புதிய பிரதமராக செபஸ்டியன் லெகோர்னு நியமனம் appeared first on Oruvan.com.

வியட்நாமுக்கு விஜயம் செய்தபோது விமானத்தில் இந்த சம்பவம் நிகழ்ந்தது. மக்ரோனின் மனைவி பிரிஜிட் மக்ரோனின் முகத்தில் அறைவதைக் காட்டும் காணொளி ஒன்று வெளியாகியுள்ளது.

ஞாயிற்றுக்கிழமை மாலை, அதிகாரப்பூர்வ விஜயத்தின் ஒரு பகுதியாக, வியட்நாமின் தலைநகரான ஹனோய் விமான நிலையத்தில் மக்ரோன் தரையிறங்கினார்.

அவர் பயணித்த விமானத்தின் திறந்த மக்ரோன், இறங்குவதற்கு முன், அவரது முகத்தை நோக்கி இரண்டு கைகள் நீட்டுவதை கேமரா படம் பிடித்தது. அவரது மனைவி மக்ரோனின் முகத்தில் அறைந்ததாக வதந்தி பரவியது.

வைரலான இந்த காட்சிகள் தொடர்பில் இம்மானுவேல் மக்ரோனும், ஜனாதிபதியின் அதிகாரப்பூர்வ இல்லமான எலிசி அரண்மனையும் விளக்கமளித்துள்ளன.

விமானத்தில் நடந்தது ஜனாதிபதி இம்மானுவேல் மக்ரோனுக்கும் அவரது மனைவி பிரிஜிட்டிற்கும் இடையிலான பாசத்தின் வெளிப்பாடே தவிர அது ஒரு வாக்குவாதம் அல்ல என்று எலிசி அரண்மனை விளக்கமளித்துள்ளது.

The post மனைவி கண்ணத்தில் அறைந்தாரா? பிரான்ஸ் ஜனாதிபதி விளக்கம் appeared first on Oruvan.com.