இதன்படி, முன்மொழியப்பட்ட திருத்தங்கள் குறித்து பொதுமக்களின் கருத்தைப் பெற பொதுப் பயன்பாட்டு ஆணைக்குழு முடிவுசெய்துள்ளது.

பொதுமக்கள் தங்கள் கருத்துகளையும் பரிந்துரைகளையும் எழுத்துப்பூர்வமா சமர்ப்பிக்கலாம் என்று பொதுப் பயன்பாட்டு ஆணைக்குழு சுட்டிக்காட்டியுள்ளது.

இது குறித்து பொது மக்களின் வாய்மொழி கருத்துகளை பெற்றுக்கொள்ள ஒன்பது மாகாணங்களை உள்ளடங்கிய வகையில் ஏற்பாடுகள் செய்யப்பட்டுள்ளனர்.

இது தொடர்பான நடவடிக்கைகள் எதிர்வரும் 18ஆம் திகதி ஆரம்பமாகவுள்ளதாக தெரிவிக்கப்பட்டுள்ளது.

2025ஆம் ஆண்டின் மூன்றாவது மின்சார கட்டண திருத்தம் குறித்த பொது ஆலோசனை தொடர்பான எழுத்துப்பூர்வ கருத்துகள் மற்றும் பரிந்துரைகளை ஒக்டோபர் ஏழாம் திகதிக்கு முன்னர் சமரப்பிக்க வேண்டும் என தெரிவிக்கப்பட்டுள்ளது.

The post மின்சார கட்டணம் 6.8% அதிகரிக்கும் சாத்தியம்? appeared first on Oruvan.com.

நாடாளுமன்றில் உரையாற்றிய ஐக்கிய மக்கள் சக்தியின் நாடாளுமன்ற உறுப்பினர் எஸ்.எம். மரிக்கார், இலங்கையில் மின்சாரக் கட்டணங்களைக் குறைக்கத் தவறியதற்காக அரசாங்கத்தை கடுமையாக விமர்சித்தார்.

தெற்காசியாவிலேயே இலங்கையில் அதிக மின் கட்டணம் அறவிடப்படுவதாக அவர் சுட்டிக்காட்டினார். மரிக்கார் எம்.பியின் கூற்றுப்படி, இலங்கையின் மின்சாரக் கட்டணங்கள் தற்போது மற்ற தெற்காசிய நாடுகளை விட 254 வீதம் அதிகம் என தெரிவிக்கப்பட்டுள்ளது.

“அரசாங்கம் அதன் கொள்கை அறிக்கையை செயல்படுத்த எந்த குறிப்பிடத்தக்க நடவடிக்கையும் எடுக்காமல், 76 ஆண்டுகால சாபத்தின் மீது எல்லாவற்றையும் குறை கூறி ஆட்சியைத் தொடர முடியாது” என்றும் அவர் குறிப்பிட்டார்.

“சுகாதாரம், உணவு மற்றும் கல்வி போன்ற அத்தியாவசிய சேவைகளின் விலைகளைக் குறைப்பதாக அரசாங்கம் உறுதியளித்தது, ஆனால் இந்த வாக்குறுதிகள் எதுவும் நிறைவேற்றப்படவில்லை.”

“அரசாங்கம் ஒரு உளவியல் விளையாட்டை விளையாடுவது போல் தெரிகிறது, எந்த உண்மையான நோக்கமும் இல்லாமல் தவறான நம்பிக்கைகளை உருவாக்குகிறது.”

எரிசக்தித் துறையை அரசாங்கம் கையாளும் விதத்தையும் மரிக்கார் எம்.பி விமர்சித்தார்.

குறைந்த விலை எரிசக்தி தீர்வாக இருக்கும் சூரிய மின்கலங்கள் அரசாங்கத்திற்கு முன்னுரிமையாக இருந்திருக்க வேண்டும், ஆனால் அதிகாரத்துவ தடைகள் அவற்றை செயல்படுத்துவதை மேலும் கடினமாக்கியுள்ளதாக அவர் வலியுறுத்தினார்.

“அரசாங்கம் உடனடியாக இந்த விடயத்தில் கவனம் செலுத்த வேண்டும். பொதுமக்களின் நிதிச் சுமையைக் குறைக்க சூரிய மின்கலங்கள் கணிசமாக உதவும்,” என்று அவர் மேலும் தெரிவித்தார்.

The post தெற்காசியாவிலேயே இலங்கையில் அதிக மின் கட்டணம் – அரசாங்கத்தை விமர்சித்த எம்.பி appeared first on Oruvan.com.

ஊடகங்களுக்கு கருத்து வெளியிட்ட அவர், வறட்சி நிலைமைகள் மின்சார உற்பத்தி செலவுகளை பாதிக்கும் என்றும், இது கட்டண உயர்வுக்கு வழிவகுக்கும் என்றும் சுட்டிக்காட்டியுள்ளார்.

இலங்கை மின்சார சபை இலாபத்தைப் பதிவு செய்வது குறித்த கருத்துக்களை தெளிவுபடுத்திய அமைச்சர், மின்சார சபைக்கு எந்த லாபமும் இல்லை, ஆனால் செலவுகள் மட்டுமே உள்ளன என்றார்.

“மின்சார சபையின் செலவுகள் லாப நஷ்டமாக கணக்கிடப்படவில்லை. மின்சார சபை 140 பில்லியன் ரூபா லாபத்தைப் பதிவு செய்துள்ளதாகக் கூறப்படுகிறது. இது முற்றிலும் பொய்,” என்று அவர் கூறினார்.

இலங்கை மின்சார சபை லாபத்தைப் பதிவு செய்யவில்லை, ஆனால் மின்சார உற்பத்திக்குப் பயன்படுத்தப்படும் நிலுவைகளை மட்டுமே பதிவு செய்கிறது என்று அமைச்சர் குறிப்பிட்டுள்ளார்.

எவ்வாறாயினும், நிலவும் வறட்சி நிலைமைகளைப் பொறுத்து மின்சார உற்பத்தி செலவுகள் அதிகரிக்கக்கூடும் என்று எரிசக்தி அமைச்சர் மேலும் தெரிவித்துள்ளார்.

The post மின்சாரக் கட்டணங்கள் அதிகரிக்கும் சாத்தியம் – அமைச்சர் தகவல் appeared first on Oruvan.com.

அதன்படி, மின்சாரக் கட்டணத்தை குறைக்க முடியாது என இலங்கை மின்சார சபையின் பிரேரணைக்கு பதிலளிக்கும் வகையில், 11 முதல் 23 வீதம் வரை மின்சாரக் கட்டணத்தை குறைக்க முடியும் என்ற யோசனையை இலங்கை பொதுப் பயன்பாடுகள் ஆணைக்குழு இன்று (17) பகிரங்கப்படுத்தவுள்ளது.

இதேவேளை,மின்சாரக் கட்டணத்திற்கு பொறுப்பான இரண்டு உயர்மட்ட அமைப்புகளான இலங்கை மின்சார சபை மற்றும் இலங்கை பொதுப் பயன்பாடுகள் ஆணைக்குழு ஆகியவற்றுக்கு இடையில் கருத்து முரண்பாடு ஏற்பட்டுள்ளதாக செய்திகள் வெளியாகியுள்ளன.

The post மின் கட்டணத்தை குறைக்க முடியும் – பொதுப் பயன்பாடுகள் ஆணைக்குழு appeared first on Oruvan.com.