சனிக்கிழமை இரவு பெலவத்தை-அகுரேகொட சாலையில், இலங்கை விமானப்படை முகாமுக்கு அருகில் இந்த சம்பவம் நடந்ததாக பொலிஸார் தெரிவித்துள்ளனர்.

ஜனாதிபதியின் செயலாளரின் கார் எதிர் திசையில் பயணித்த மோட்டார் சைக்கிள் மீது மோதியது. விபத்து நடந்த நேரத்தில் மோட்டார் சைக்கிளில் நான்கு பேர் இருந்தனர், அவர்கள் ஆரம்பத்தில் கொழும்பு தேசிய மருத்துவமனையில் அனுமதிக்கப்பட்டனர்.

தாயும் 2 மற்றும் 6 வயதுடைய அவரது இரண்டு குழந்தைகளும் பின்னர் சிகிச்சைக்காக லேடி ரிட்ஜ்வே வைத்தியசாலைக்கு மாற்றப்பட்டனர்.

சம்பவத்தின் போது கலாநிதி குமநாயக்கவின் மனைவி காரில் இருந்ததாக தெரிவிக்கப்பட்டுள்ளது.

இந்நிலையில், தலங்கம பொலிஸாரால் கைது செய்யப்பட்டு கடுவெல நீதவான் நீதிமன்றத்தில் ஆஜர்படுத்தப்பட்டார், பின்னர் அவர் பிணையில் விடுவிக்கப்பட்டார்.

பாதிக்கப்பட்ட குடும்பத்திற்கு 35,000 ரூபா இழப்பீடு வழங்கவும் நீதவான் உத்தரவிட்டார்.

சம்பவம் தொடர்பில் தலங்கம பொலிஸார் மேலதிக விசாரணைகளை மேற்கொண்டு வருகின்றனர்.

The post ஜனாதிபதி செயலாளரின் கார் விபத்தில் சிக்கியது – நால்வர் படுகாயம் appeared first on Oruvan.com.