அமெரிக்கச் சட்டமான போர் அதிகாரச் சட்டத்தின்படி, நாடாளுமன்றத்தின் ஒப்புதல் இல்லாமல் ஜனாதிபதியால் 60 நாட்களுக்கு மேல் இராணுவ நடவடிக்கையைத் தொடர முடியாது.

இந்நிலையில், ஈரான் மீது அமெரிக்கா போர் தொடுத்து 60 நாட்கள் நிறைவுக்கு வந்துள்ளது.

இதன்படி, டிரம்பிற்கு தற்போது நாடாளுமன்றத்தின் ஒப்புதல் இல்லை என்றும், இது அவரை மூன்று சாத்தியமான வழிகளில் ஒன்றைத் தேர்ந்தெடுக்க நிர்பந்திக்கும் என்றும் தெரியவந்துள்ளது.

அந்த வகையில், ஈரானுடன் ஒரு அமைதி ஒப்பந்தம் செய்துகொள்வதே முதல் வழியாகும், அதன் மூலம் போரை முடிவுக்குக் கொண்டுவர முடியும்.

அமெரிக்கா வான்வழித் தாக்குதல்களை நிறுத்தி, கடல் முற்றுகையை நீக்கினால், ஹார்முஸ் நீரிணையை மீண்டும் திறப்பதாக ஈரான் ஒரு நிபந்தனைக்குட்பட்ட சலுகையை முன்வைத்துள்ளது.

எனினும், இந்த சாத்தியக்கூறு பலவீனமானதாகக் கருதப்படுகிறது.

இரண்டாவது வழி, இராணுவ நடவடிக்கைக்கான அங்கீகாரத்தை காங்கிரஸிடம் கோருவதாகும், இதற்கு எளிய பெரும்பான்மை தேவை.

இந்த நிலையில், போரைத் தொடர முடியும் என்பதுடன் தரைவழி நடவடிக்கை உட்பட மேலதிக நடவடிக்கைகளும் சாத்தியமாகும். எனினும் இந்த சாத்தியக்கூறு நடுத்தரமானது என விவரிக்கப்பட்டுள்ளது.

மூன்றாவது மற்றும் அதிக சாத்தியமான சூழ்நிலை என்னவென்றால், காலக்கெடு முடிந்த பிறகும் ஜனாதிபதி டிரம்ப் அதைப் புறக்கணித்துப் போரைத் தொடர்வதுதான்.

இது ஒருவித சட்ட மற்றும் அரசியல் நெருக்கடிக்கு வழிவகுத்து, வெள்ளை மாளிகைக்கும் காங்கிரஸுக்கும் இடையிலான மோதலை மேலும் தீவிரப்படுத்தக்கூடும்.

இந்நிலையில், டிரம்ப் ஒரு கடினமான சூழ்நிலையில் இருப்பதாகவும், அவர் எடுக்கும் ஒவ்வொரு முடிவும் அரசியல் அல்லது சட்டரீதியான அபாயங்களைக் கொண்டுள்ளதாகவும் தெரிவிக்கப்பட்டுள்ளது.

மேலும் எந்த வழியும் தெளிவான வெற்றிக்கு உத்தரவாதம் அளிக்கவில்லை எனவும் ஆய்வாளர்கள் சுட்டிக்காட்டியுள்ளனர்.

அமெரிக்க-ஈரான் ஒப்பந்தம் ஏன் முடங்கியுள்ளது?

பல முக்கிய அம்சங்களில் உள்ள கருத்து வேறுபாடுகள் காரணமாக, அமெரிக்காவுக்கும் ஈரானுக்கும் இடையிலான சாத்தியமான ஒப்பந்தம் இன்னும் முடங்கியுள்ளது.

அதேவேளையில், இரு நாடுகளின் அடுத்தகட்ட நடவடிக்கைகள் மீது உலகத்தின் கவனம் குவிந்துள்ளது.

அறிக்கைகளின்படி, போர் நிறுத்தத்திற்கு ஈடாக ஈரான் தனது அணுசக்தித் திட்டத்தில் எந்தவொரு பெரிய சலுகைகளையும் வழங்காததால், அந்நாடு முன்வைத்த சமீபத்திய முன்மொழிவுகளுக்கு டிரம்ப் ஒப்புக்கொள்ளவில்லை என தெரியவந்துள்ளது.

ஈரானின் அணுசக்தித் திட்டம்

முக்கியமான சர்ச்சைகளின் பட்டியலில் முதலிடத்தில் இருப்பது ஈரானின் அணுசக்தித் திட்டம் ஆகும்.

இதில், ஈரான் தனது அணுசக்தித் திட்டத்தை முழுமையாகக் கைவிட வேண்டும் என அமெரிக்கா விரும்புகிறது.

ஆனால் அத்தகையத் தடைகள் ஒரு குறிப்பிட்ட காலத்திற்கு மட்டுமே இருக்க வேண்டும் என்று ஈரான் வாதிடுகிறது.

யுரேனியம் படிவுகள்

யுரேனிய இருப்பும் ஒரு முக்கியப் பிரச்சினையாகும். ஈரானிடம் உள்ள சுமார் 400 கிலோகிராம் செறிவூட்டப்பட்ட

யுரேனியத்தின் மீது அமெரிக்கா முழுமையானக் கட்டுப்பாட்டைக் கோருகிறது, ஆனால் ஈரான் இந்தக் கோரிக்கையை நிராகரித்துள்ளது.

ஹார்முஸ் நீரிணை

மறுபுறம், ஹார்முஸ் நீரிணையும் பதற்றத்தின் மையமாகக் காணப்படுகின்றது. அங்கு, அமெரிக்கக் கடற்படை முற்றுகையை நீக்கினால் மட்டுமே தடைகளை நீக்க முடியும் என்ற நிபந்தனையுடன் ஈரான் தடைகளைத் தொடர்ந்து விதித்துள்ளது.

அதேவேளையில், ஒரு உடன்பாடு எட்டப்படும் வரை முற்றுகை தொடரும் என்று அமெரிக்கா தெரிவித்துள்ளது.

முடக்கப்பட்ட சொத்துக்களை மீட்டெடுத்தல்

இந்த ஒப்பந்தத்திற்கு ஈடாக, பொருளாதாரத் தடைகளை நீக்குமாறும், சுமார் 20 பில்லியன் டொலர் மதிப்புள்ள முடக்கப்பட்டச் சொத்துக்களைத் திருப்பித் தருமாறும் ஈரான் அதிகாரிகள் கோரிக்கை விடுத்துள்ளனர்.

சேதங்களுக்கான இழப்பீடு

மேலும், அமெரிக்க மற்றும் இஸ்ரேலியத் தாக்குதல்களால் ஏற்பட்ட சேதங்களுக்காக ஈரான் ஏறத்தாழ 279 பில்லியன் டொலர் இழப்பீடு கோரியுள்ளது.

இது பேச்சுவார்த்தைகளில் மற்றொரு பெரும் தடையாக அமைந்துள்ளது.

ஈரானின் பிராந்திய செல்வாக்கு

பிராந்திய செல்வாக்கும் ஒரு சிக்கலான பிரச்சினையாகும்.

லெபனானில் உள்ள ஹிஸ்புல்லா மற்றும் காசாவில் உள்ள ஹமாஸ் உள்ளிட்ட தனது கூட்டாளிகளுக்கான ஆதரவை ஈரான் குறைத்துக் கொள்ள வேண்டும் என அமெரிக்கா விரும்புகையில், ஈரான் இந்த நிலைப்பாட்டை மறுத்துள்ளது.

நிபுணர்களின் கூற்றுப்படி, இந்த அடிப்படைக் கருத்து வேறுபாடுகளைத் தீர்க்காமல் ஒரு விரிவான உடன்பாட்டை எட்டுவது தற்போது கடினமாகியுள்ளதாக தெரிவிக்கப்பட்டுள்ளது.

The post ஈரான் போரால் கடும் நெருக்கடியில் டிரம்ப் – மூன்று வழிகள் மட்டுமே உள்ளன appeared first on Oruvan.com.

ஊடகங்களிடம் பேசிய அவர், இரண்டாம் சுற்றுப் பேச்சுவார்த்தையில் பங்கேற்கும் எண்ணம் ஈரானுக்கு இல்லை என்று தெரிவித்துள்ளார்.

மேலும், அமெரிக்கா போர் நிறுத்தத்தை மீறிவிட்டது என்றும், அமெரிக்காவின் போர் நிறுத்த மீறல் குறித்து பாகிஸ்தான் மத்தியஸ்தருக்குத் தெரிவிக்கப்பட்டுள்ளது என்றும் அவர் குறிப்பிட்டுள்ளார்.

ஈரான் ஒரு அமைதியான நாடு என்றும், இராஜதந்திர செயல்முறையை முன்னெடுத்துச் செல்வதில் அமெரிக்கா அக்கறை காட்டவில்லை என்றும், அது ஆக்கிரமிப்பு நடவடிக்கைகளில் ஈடுபட்டு போர் நிறுத்தத்தின் விதிமுறைகளை மீறியுள்ளது என்றும் இஸ்மாயில் பாகாயி மேலும் தெரிவித்துள்ளார்.

அமெரிக்காவின் முன்மொழிவுகள் அற்பமானவை என்றும், அமெரிக்காவின் கோரிக்கைகள் யதார்த்தமற்றவை என்றும் இஸ்மாயில் பகாய் கூறியுள்ளார்.

ஈரான் தனது கோரிக்கைகளைத் தெளிவாகக் கூறியுள்ளது, அவற்றை மாற்றிக்கொள்ளாது. ஈரானின் தேசிய நலன்களைப் பாதுகாக்கும் விடயத்தில், நாங்கள் காலக்கெடுவையோ அல்லது இறுதி எச்சரிக்கைகளையோ நம்புவதில்லை.

ஈரானிலிருந்து அணுசக்திப் பொருட்களை வெளியேற்றுவது பேச்சுவார்த்தைகளின் ஒரு பகுதியாக ஒருபோதும் இருந்ததில்லை என்றும், தனது அணுசக்தி சாதனங்கள் நாட்டிற்குள்ளேயே பாதுகாப்பாக வைக்கப்படும் என்பதே ஈரானின் தெளிவான நிலைப்பாடு என்றும் அவர் சுட்டிக்காட்டியுள்ளார்.

எங்கள் மீது கடற்படை முற்றுகையை விதித்து அமெரிக்கா போர் நிறுத்த ஒப்பந்தத்தை மீறியதாகவும், கடற்படை முற்றுகையை விதித்து ஈரானியக் கப்பல் மீது தாக்குதல் நடத்தியதாகவும், தற்போதைய போர் போன்ற சூழ்நிலை காரணமாக ஹார்முஸ் நீரிணையில் கடல் போக்குவரத்தை ஒருதலைப்பட்சமாக இயல்பு நிலைக்குக் கொண்டுவருவது சாத்தியமில்லை என்றும் அவர் கூறினார்.

அமெரிக்காவின் இந்த நடவடிக்கை, போர்நிறுத்தத்தையும் சர்வதேச சட்டங்களையும் மீறுவதாகும் என்று அவர் மேலும் கூறினார். அமெரிக்கா அனுபவங்களிலிருந்து பாடம் கற்றுக்கொள்ளவில்லை, அதன் விளைவுகள் ஒருபோதும் நல்லதாக இருக்காது.

முந்தைய பேச்சுவார்த்தைகளின் போது அமெரிக்கா நம்மீது நடத்திய தாக்குதல்களை நம்மால் மறக்க முடியாது.

அமெரிக்காவும் இஸ்ரேலும் ஒரு புதிய ஆக்கிரமிப்பைத் தொடங்க விரும்பினால், நமது ஆயுதப் படைகள் அதற்குப் பதிலடி கொடுக்கும், நமது தேசிய நலன்களைத் தொடர்ந்து பாதுகாக்கும், அமெரிக்க-இஸ்ரேலிய தாக்குதல்களுக்கு முன்பு ஹார்முஸ் நீரிணை பாதுகாப்பாக இருந்தது.

பாகிஸ்தானிய மத்தியஸ்தரின் விளக்கம் இருந்தபோதிலும், லெபனானில் போர் நிறுத்தம் ஒப்பந்தத்தின் ஒரு பகுதியாக இல்லை என்று அமெரிக்கா கூறியது.

இந்தியக் கப்பல்கள் குறிவைக்கப்பட்டது குறித்து ஈரானிய நிறுவனங்கள் விசாரித்து வருகின்றன என்று இஸ்மாயில் பகாய் மேலும் தெரிவித்துள்ளார்.

The post அமெரிக்கா எல்லை மீறிவிட்டது! பேச்சுவார்தையில் கலந்துகொள்ளபோவதில்லை என ஈரான் அறிவிப்பு appeared first on Oruvan.com.

ஈரான் ஒரு ஒப்பந்தத்திற்கு உடன்படாவிட்டால், ‘உள்கட்டமைப்பு மற்றும் எரிசக்தி வசதிகள் மீதான தாக்குதல்கள் மீளவும் தொடங்குமென அமெரிக்க பாதுகாப்புச் செயலர் பீட் ஹெக்செத் பென்டகனில் நடந்த செய்தியாளர் சந்திப்பில் தெரிவித்தார்.

“ஈரான், ஒரு வளமான எதிர்காலத்தையும், ஒரு ‘பொன் பாலத்தையும்’ தேர்ந்தெடுக்கலாம். ஈரான் மக்களின் நலனுக்காக அவ்வாறு செய்வார்கள் என்று நாங்கள் நம்புகிறோம்,” என்று அவர் கூறினார்.

“ஆனால் ஈரான் தவறான முடிவுகளை எடுத்தால், அது முற்றுகைகளையும், உள்கட்டமைப்பு மற்றும் எரிசக்தி வசதிகள் மீதான தாக்குதல்களை எதிர்கொள்ள நேரிடும்,” என்று ஹெக்செத் மேலும் கூறினார்.

மேலும், ஹார்முஸ் நீரிணையில் உள்ள ஈரானிய துறைமுகங்களுக்குள், தேசியம் பாராமல் அனைத்துக் கப்பல்களும் நுழைவதையோ அல்லது வெளியேறுவதையோ அமெரிக்கா முடிந்தவரை தடுக்கும் என்றும் அவர் கூறினார்.

அமெரிக்கா மற்றும் இஸ்ரேல் இணைந்து ஈரான் மீது தொடுத்துள்ள போரை முடிவுக்குக் கொண்டுவருவதற்காக வார இறுதியில் இஸ்லாமாபாத்தில் நடந்த பேச்சுவார்த்தைகள் தோல்வியடைந்தது.

இந்நிலையில், சமாதான ஒப்பந்தத்திற்கான அமெரிக்காவின் நிபந்தனைகளை ஈரான் ஏற்க வேண்டும் என கட்டாயப்படுத்தும் முயற்சியாக, அமெரிக்க ஜனாதிபதி டொனால்ட் டிரம்ப் ஈரானிய துறைமுகங்களுக்குக் கடற்படை முற்றுகையிட உத்தரவிட்டார்.

இதற்கிடையில், பாகிஸ்தான் இராணுவத் தலைமைத் தளபதி ஃபீல்ட் மார்ஷல் ஆசிம் முனீர், ஈரான் நாடாளுமன்ற சபாநாயகர் முகமது பாகர் காலிபாஃபை வியாழக்கிழமை சந்தித்தார் என்று ஈரான் அரசு தொலைக்காட்சி செய்தி வெளியிட்டுள்ளது.

எனினும், அவர்களின் சந்திப்பு குறித்து வேறு எந்தத் தகவலும் வெளியாகவில்லை. கடந்த வார இறுதியில் இஸ்லாமாபாத்தில் நடந்த பேச்சுவார்த்தைகள் எந்த முன்னேற்றமும் இன்றி முடிவடைந்தது.

இந்நிலையில், இருநாடுகளுக்கும் இடையே இரண்டாவது சுற்று அமைதிப் பேச்சுவார்த்தைகளை நடத்த பாகிஸ்தான் வலியுறுத்தி வருகிறது.

பேச்சுவார்த்தைகள் மீண்டும் தொடங்குமா என்பது குறித்து எந்த முடிவும் எடுக்கப்படவில்லை.

இருப்பினும், மேலதிகப் பேச்சுவார்த்தைகள் இஸ்லாமாபாத்தில் நடைபெற வாய்ப்புள்ளது என வெள்ளை மாளிகையின் செய்தி தொடர்பாளர் கரோலின் லெவிட் தெரிவித்துள்ளார்.

The post ஈரான் உடன்படாவிட்டால் மீண்டும் தாக்குதல் நடத்தப்படும் – அமெரிக்கா எச்சரிக்கை appeared first on Oruvan.com.

இதன் கீழ், அமெரிக்காவும் – இஸ்ரேலும் ஈரான் மீதான தாக்குதல்களை நிறுத்தும், அதே நேரத்தில் ஈரான் ஹார்முஸ் நீரிணையை கப்பல் போக்குவரத்திற்காக மீளவும் திறக்கும்.

பாகிஸ்தானின் மத்தியஸ்தத்தின் மூலம் இந்தப் போர் நிறுத்தம் சாத்தியமானது. அமைதி மற்றும் ஸ்திரத்தன்மைக்காக இரு தரப்பினரும் விவேகத்துடன் செயல்பட்டதாக பாகிஸ்தான் பிரதமர் ஷாபாஸ் ஷெரீப் தெரிவித்துள்ளார்.

போர்நிறுத்தத்தின் முக்கிய நிபந்தனைகள்

ஒப்பந்தத்தின்படி, அமெரிக்கா ஈரான் மீதான அனைத்து இராணுவத் தாக்குதல்களையும் இரண்டு வாரங்களுக்கு நிறுத்தும், ஈரான் ஹார்முஸ் நீரிணை வழியாக கப்பல் போக்குவரத்திற்கு அனுமதி வழங்கம்.

அதே நேரத்தில் இஸ்ரேலும் ஈரானுக்கு எதிரான நடவடிக்கைகளை நிறுத்துவதாக அறிவித்துள்ளது.

ஹார்முஸ் நீரிணை மூடப்பட்டதால் உலகளாவிய எண்ணெய் மற்றும் எரிவாயு விலைகள் கடுமையாக உயர்ந்தன, அவை தற்போது குறையும் என எதிர்பார்க்கப்படுகின்றன.

முன்மொழியப்பட்ட 10 அம்சத் திட்டம்

அல் ஜசீராவின்படி, ஈரான் முன்வைத்த 10 அம்ச முன்மொழிவுகளில், அமெரிக்காவிடமிருந்து ஆக்கிரமிப்பு இருக்காது என்ற உத்தரவாதம், ஹார்முஸ் நீரிணை வழியாக ஈரானின் வரையறுக்கப்பட்ட கண்காணிப்புடன் கூடிய போக்குவரத்து, ஈரானின் அணுசக்தி செறிவூட்டல் திட்டத்தை அங்கீகரித்தல், ஈரான் மீதான அனைத்துத் தடைகளையும் நீக்குதல், ஐ.நா மற்றும் சர்வதேச அணுசக்தி முகமையின் தீர்மானங்களை ரத்து செய்தல், அமெரிக்கப் படைகளைத் திரும்பப் பெறுதல், போரினால் ஏற்பட்ட சேதங்களுக்கு இழப்பீடு வழங்குதல், வெளிநாடுகளில் முடக்கப்பட்ட ஈரானிய சொத்துக்களைத் திரும்ப ஒப்படைத்தல், மற்றும் பாதுகாப்புச் சபைத் தீர்மானத்தின் மூலம் இந்த ஒப்பந்தத்தைச் சட்டப்பூர்வமாக்குதல் ஆகியவை அடங்கும்.

ஊடக அறிக்கைகளின்படி, ஈரானின் அணு ஆயுதக் கையிருப்புப் பிரச்சினை எந்தவொரு இறுதி ஒப்பந்தத்திலும் முழுமையாகத் தீர்க்கப்படும் என்று அமெரிக்க ஜனாதிபதி டிரம்ப் தெரிவித்துள்ளார்.

போர் நிறுத்தம் அறிவிக்கப்பட்டுள்ள நிலையில் அடுத்து என்ன நடக்கும்?

அரபு ஊடகங்களின்படி, நாளை வெள்ளிக்கிழமை இஸ்லாமாபாத்தில் முறைசார்ந்த பேச்சுவார்த்தைகள் தொடங்கும் என எதிர்பார்க்கப்படுகிறது.

இதன் போது இந்தத் தற்காலிகப் போர் நிறுத்தத்தை ஒரு நிரந்தர அமைதி ஒப்பந்தமாக மாற்றுவதற்கான முயற்சிகள் மேற்கொள்ளப்படும்.

தற்போதைய நிலவரம் குறித்து சர்வதேச ஆய்வாளர்கள் கூறுகையில், அடுத்த இரண்டு வாரங்கள் மத்திய கிழக்கு அமைதி, உலகளாவிய எரிசக்தி சந்தை மற்றும் பிராந்திய பாதுகாப்பு ஆகியவற்றிற்கு முக்கியமானதாக இருக்கும் என தெரிவித்துள்ளனர்.

The post அமெரிக்க-ஈரான் போர் நிறுத்த ஒப்பந்தம்!! அடுத்து என்ன நடக்கும்? appeared first on Oruvan.com.

இது அமெரிக்காவின் வெற்றி எனவும், ஜனாதிபதி டொனால்ட் டிரம்ப் மற்றும் இராணுவ வீரர்கள் இந்த வெற்றியை சாத்தியமாக்கினார்கள் எனவும் வெள்ளை மாளிகையின் செய்தி தொடர்பாளர் கரோலின் லீவிட் தெரிவித்துள்ளார்.

அத்துடன் ஹார்முஸ் நீரிணையை மீளவும் திறக்க செய்துள்ளனர் எனவும் கரோலின் லீவிட் தனது சமூக ஊடகப் பதிவு ஒன்றில் தெரிவித்துள்ளார்.

ஈரானுக்கு எதிராக “ஒபரேஷன் எபிக் ஃபியூரி” என்பது நான்கு முதல் ஆறு வாரங்கள் நீடிக்கும் ஒரு நடவடிக்கை என்று ஜனாதிபதி தொடக்கத்திலிருந்தே கூறிவந்ததாக கரோலின் லீவிட் தெரிவித்துள்ளார்.

மேலும் அமெரிக்கா 38 நாட்களில் தனது முக்கிய இராணுவ இலக்குகளை அடைந்து, அவற்றை விஞ்சியும் செயல்பட்டது” என்றும் கரோலின் லீவிட் சுட்டிக்காட்டியுள்ளார்.

ஈரான் மீது அமெரிக்காவும், இஸ்ரேலும் இணைந்து கடந்த பெப்ரவரி 28ஆம் திகதி போர் தொடுத்திருந்தது.

இதனையடுத்து முக்கிய கடல் வழிப்பாதையான ஹார்முஸ் நீரிணையை ஈரான் மூடியது. ஈரானின் இந்த நடவடிக்கையினால் உலகம் முழுவதும் பொருளாதார நெருக்கடி ஏற்பட்டது.

அத்துடன், இஸ்ரேலையும், பிராந்தியத்தில் உள்ள அமெரிக்க இராணுவ இலக்குகளையும் குறிவைத்து ஈரான் கடுமையான தாக்குதல்களை நடத்தியிருந்தது.

இதனால் மத்திய கிழக்கு முழுவதும் பெரும் போர் பதற்றம் ஏற்பட்டிருந்தது. ஈரானுக்கு ஆதரவாக ஹிஸ்பொல்லா அமைப்பினரும் போரில் களம் இறங்கியிருந்தனர்.

ஹார்முஸ் நீரிணை வழியாக முன்னெடுக்கப்பட்ட எரிபொருள் மற்றும் எரிவாயு விநியோகம் தடைப்பட்டதால் உலக நாடுகள் பெரும் பின்னடைவை சந்தித்திருந்தன.

உலக சந்தையில் எரிபொருள் விலை சடுதியாக அதிகரித்த நிலையில், பல நாடுகளில் கடும் எரிபொருள் மற்றும் எரிவாயுவிற்கு தட்டுப்பாடுகள் ஏற்பட்டது.

இந்நிலையில், ஈரான் போரை உடனடியாக முடிவுக்கு கொண்டுவர வேண்டும் என்று அமெரிக்காவிற்கு அழுத்தம் கொடுக்கப்பட்டிருந்தது.

எவ்வாறாயினும், ஹார்முஸ் நீரிணையை உடனடியாக மீள திறக்க வேண்டும் எனவும், அணு சக்தி திட்டத்தை ஈரான் கைவிட வேண்டும் எனவும் அமெரிக்கா ஜனாதிபதி உத்தரவிட்டிருந்தார்.

அவ்வாறு இல்லையெனில் ஈரானை ஒரே இரவில் அழித்துவிடுவேன் எனவும், ஈரான் ஒரு போதும் மீண்டு வாராது எனவும் டிரம்ப் கடும் எச்சரிக்கை விடுத்திருந்தார்.

இந்நிலையில், இலங்கை நேரப்படி இன்று அதிகாலையுடன் ஈரானுக்கு விதிக்கப்பட்டிருந்த காலகெடு முடிவடைந்திருந்த நிலையில், ஈரான் மீது பெரும் தாக்குதல் நடத்தப்படும் என்ற அச்சம் நிலவியிருந்தது.

அத்துடன், அமெரிக்காவின் அச்சுறுத்தல்களுக்கு மத்தியில் ஈரான் பொது மக்கள் நேற்று மாபெரும் மனித சங்கிலி போராட்டம் ஒன்றையும் முன்னெடுத்திருந்தனர்.

ஈரான் முழுவதும் உள்ள முக்கிய பாலங்கள் மற்றும் மின் நிலையங்களில் மக்கள் தேசியக் கொடிகளை ஏந்தியபடி மனிதச் சங்கிலி போராட்டத்தில் ஈடுபட்டனர்.

போர்க் குற்றவாளிகளிடமிருந்து வரும் அச்சுறுத்தல்களுக்குத் தாங்கள் அஞ்சவில்லை என்றும், அதனால் தங்கள் உயிரைப் பற்றிக் கவலைப்படாமல் ஆபத்தான இடங்களுக்கு வந்ததாகவும் போராட்டக்காரர்கள் தெரிவித்தனர்.

இந்த போராட்டத்தில் குழந்தைகள், முதியவர்கள், இளைஞர்கள், மாணவர்கள் மற்றும் பெண்கள் கலந்துகொண்டிருந்ததாக தெரிவிக்கப்பட்டுள்ளது.

போர் பதற்றம் மிகவும் ஆபத்தான கட்டத்தை எட்டியிருந்த நிலையில், பாகிஸ்தானின் மத்தியஸ்துடன் இரு நாடுகளுக்கும் இடையில் பேச்சுவார்த்தை இடம்பெற்றிருந்தது.

இந்நிலையில் பாகிஸ்தான் பிரதமர் ஷெபாஸ் ஷெரீப்பின் இரண்டு வார கால போர் நிறுத்தக் கோரிக்கையை ஏற்றுக்கொண்டதாக டொனால்ட் டிரம்ப் தெரிவித்துள்ளார்.

ஈரான் மீதான தாக்குதல்களை இரண்டு வாரங்களுக்கு நிறுத்தி வைக்க ஒப்புக்கொண்டதாகவும், தாக்குதல்களை நிறுத்த உத்தரவு பிறப்பித்துள்ளதாகவும் டிரம்ப் கூறியுள்ளார்.

பாகிஸ்தான் பிரதமர் ஷாபாஸ் ஷெரீப் மற்றும் அந்நாட்டு இராணுவத் தளபதி ஃபீல்ட் மார்ஷல் ஆசிம் முனீர் ஆகியோருடன் பேச்சுவார்த்தை நடத்திய பின்னர் இந்த கோரிக்கையை ஏற்றுக்கொண்டதாக டிரம்ப் குறிப்பிட்டுள்ளார்.

இது குறித்து தனது ட்ரூத் சோஷியல் பதிவிட்டுள்ள டிரம்ப், ஈரான் மீதான பேரழிவுத் தாக்குதலை இன்று இரவு நிறுத்த உத்தரவிட்டுள்ளதாக குறிப்பிட்டுள்ளார்.

மேலும், டிரம்ப் தனது பதிவில், ‘ஈரான் நாடு’ என்பதற்கு மாற்றாக ‘ஈரானிய இஸ்லாமியக் குடியரசு’ என்ற சொல்லைப் பயன்படுத்தியிருந்தார்.

ஈரான் இஸ்லாமியக் குடியரசு, ஹார்முஸ் நீரிணையை முழுமையாகவும், உடனடியாகவும், பாதுகாப்பாகவும் திறக்க ஒப்புக்கொள்ள வேண்டும் என்று அவர் கூறினார்.

ஈரான் மீதான குண்டுவீச்சையும் தாக்குதலையும் இரண்டு வாரங்களுக்கு நிறுத்திவைக்க ஒப்புக்கொண்டதாகவும், இது ஒரு இருதரப்பு போர் நிறுத்தமாக அமையும் என்றும் டிரம்ப் குறிப்பிட்டுள்ளார்.

அனைத்து இராணுவ இலக்குகளையும் நாம் அடைந்து, அவற்றை விடுத்துச் சிறப்பாகச் செயல்பட்டிருப்பதோடு, மத்திய கிழக்கில் அமைதிக்கு வழிவகுக்கும் ஈரானுடனான நீண்டகால அமைதி குறித்த தெளிவான உடன்படிக்கையை நோக்கி வெகுதூரம் முன்னேறியுள்ளோம் என்பதே இந்த முடிவிற்கான காரணம் என்று டிரம்ப் சுட்டிக்காட்டிள்ளார்.

ஈரானிடமிருந்து 10 அம்ச முன்மொழிவு தமக்குக் கிடைத்ததாகவும், அதனைப் பேச்சுவார்த்தைகளுக்கான சாத்தியமான அடிப்படையாகக் கருதுவதாகவும் ஜனாதிபதி டிரம்ப் தெரிவித்துள்ளார்.

கடந்த காலத்தின் சர்ச்சைக்குரிய அம்சங்கள் அனைத்திலும் அமெரிக்காவும் ஈரானும் ஒரு உடன்பாட்டிற்கு வந்துவிட்டன, ஆனால் அந்த ஒப்பந்தத்தை இறுதிசெய்து முடிக்க இரண்டு வாரங்கள் தேவைப்படும் என்று அவர் கூறியுள்ளார்.

அமெரிக்காவின் ஜனாதிபதி என்ற முறையிலும், மத்திய கிழக்கு நாடுகளின் சார்பாகவும், நீண்ட காலமாகத் தீர்க்கப்படாமல் இருந்த இந்தப் பிரச்சினையைத் தீர்வு காணும் நிலைக்குக் கொண்டு வந்திருப்பது தனக்கு பெருமையாகும் என டிரம்ப் மேலும் தெரிவித்துள்ளார்.

இதனிடையே, ஈரான் தலைநகர் தெஹ்ரானில் மக்கள் திரண்டிருந்த நிலையில், ஈரானிய அரச தொலைக்காட்சி அமெரிக்காவுடனான போர் நிறுத்தத்தை வெற்றியாகக் காட்டி அறிவித்துள்ளது.

அந்த ஒளிபரப்பில், ஆக்கிரமிப்பு செய்யாமை, தடைகளை நீக்குதல் மற்றும் அப்பகுதியிலிருந்து அமெரிக்கப் படைகளைத் திரும்பப் பெறுதல் உள்ளிட்ட கோரிக்கைகளை அமெரிக்கா ஏற்றுக்கொண்டதாக தெரிவிக்கப்பட்டுள்ளது.

இதனிடையே, இஸ்ரேலும் தற்காலிக போர் நிறுத்தத்திற்கு ஒப்புக்கொண்டுள்ளதாக வெள்ளை மாளிகை அதிகாரி ஒருவர் தெரிவித்துள்ளார்.

ஈரான் மீது குதாக்குதல் நடத்துவதை இஸ்ரேல் நிறுத்திவிட்டதாகவும், பேச்சுவார்த்தைகளிலும் இணையும் என்றும் வெள்ளை மாளிகை அதிகாரி ஒருவர் தெரிவித்துள்ளார்.

ஈரானுடன் போர் நிறுத்தம் ஏற்படுத்துவதற்கான அமெரிக்க ஜனாதிபதி டிரம்பின் முடிவை இஸ்ரேல் ஆதரிக்கும் என்று இஸ்ரேலியப் பிரதமர் பெஞ்சமின் நெதன்யாகு தெரிவித்துள்ளதாக சர்வதேச ஊடகங்கள் செய்தி வெளியிட்டுள்ளன.

எவ்வாறாயினும், போர் நிறுத்தம் ஈரானுக்கு மட்டுமே பொருந்தும் என்றும், லெபனானுக்குப் பொருந்தாது என்றும், லெபனான் மீதான தாக்குதல்களுக்கு வழிவகுக்கும் என்றும் பெஞ்சமின் நெதன்யாகு கூறியதாக அந்த செய்தியில் மேலும் தெரிவிக்கப்பட்டுள்ளது.

The post ஈரானுக்கு எதிரான போரில் வெற்றிபெற்றுவிட்டோம் – அமெரிக்கா அறிவிப்பு appeared first on Oruvan.com.

பிராந்திய ஸ்திரத்தன்மையை முதன்மைப்படுத்தி இன்று முதல் நடைமுறைக்கு வரும் வகையில் இந்த அமைதித் திட்டம் இரு தரப்பினருக்கும் சமர்ப்பிக்கப்பட்டுள்ளதாகவும் ரொய்ட்டர்ஸ் செய்தி வெளியிட்டுள்ளது .

பாகிஸ்தானின் மத்தியஸ்தத்தில் முன்வைக்கப்பட்ட இந்தத் திட்டம், உடனடியாகப் போர் நிறுத்தத்தை அறிவித்து, முக்கியத்துவம் வாய்ந்த ஹார்முஸ் நீரிணையை மீளவும் திறப்பதை நோக்கமாக கொண்டுள்ளது.

செவ்வாய்க்கிழமை இறுதிக்குள் உடன்பாடு ஒன்றுக்கு வராவிட்டால் ஈரான் மீது கடும் தாக்குதல் நடத்தப்படும் என அமெரிக்க ஜனாதிபதி எச்சரிக்கை விடுத்திருந்தார்.

எனினும், எவ்வித அச்சுறுத்தலுக்கும் அடிப்பணியப் போவதில்லை என உறுதியான இருக்கும் ஈரான் ஹார்முஸ் நீரிணையை உடனடியான திறக்க வேண்டும் என்ற கோரிக்கையையும் நிராகரித்துள்ளது.

இந்நிலையிலேயே, தற்காலிகமாக ‘ இஸ்லாமாபாத் ஒப்பந்தம்’ எனப் பெயரிடப்பட்டுள்ள இந்த முன்மொழிவு இரு தரப்பினருக்கும் சமர்பிக்கப்பட்டுள்ளது.

இந்த சமாதானத் திட்டம், உடனடி போர் நிறுத்தத்தைத் தொடர்ந்து 15-20 நாட்களுக்குள் ஒரு விரிவான ஒப்பந்தத்தை இறுதி செய்யும் இரு கட்ட அணுகுமுறையைக் கொண்டுள்ளதாக தெரிவிக்கப்பட்டுள்ளது.

போர் நிறுத்தத்திற்கு பாகிஸ்தான மத்தியஸ்தம் வகிக்கும் நிலையில், அந்நாட்டு இராணுவத் தளபதி ஃபீல்ட் மார்ஷல் ஆசிம் முனீர், அமெரிக்க துணை ஜனாதிபதி ஜே.டி. வேன்ஸ், சிறப்புத் தூதர் ஸ்டீவ் விட்காஃப் மற்றும் ஈரான் வெளியுறவு அமைச்சர் அப்பாஸ் அராக்சி ஆகியோருடன் “இரவு முழுவதும்” பேச்சுவார்த்தை நடத்தியதாக தெரிவிக்கப்பட்டுள்ளது.

எவ்வாறாயினும், தற்காலிக போர் நிறுத்தத்தின் ஒரு பகுதியாக ஈரான் நீரிணையை மீளவும் திறக்காது என்றும், இந்த முன்மொழிவை ஈரான் பரிசீலித்து வருவதால் காலக்கெடுவை ஏற்காது என்றும் மூத்த ஈரானிய அதிகாரி ஒருவர் தெரிவித்துள்ளதாக ரொய்ட்டரஸ் தெரிவித்துள்ளது.

மேலும், நிரந்தர போர் நிறுத்தத்திற்கான தயார்நிலை அமெரிக்காவிடம் இல்லை என்றும் அந்த அதிகாரி கூறியுள்ளதாக ரொய்ட்டர்ஸ் சுட்டிக்காட்டியுள்ளது.

ஈரான் தனது அணுசக்தித் திட்டத்தைக் கட்டுப்படுத்துவதற்கு ஈடாக, அதன் மீது விதிக்கப்பட்ட தடைகளை நீக்குவது மற்றும் முடக்கப்பட்ட நிதிச் சொத்துக்களை விடுவிப்பது குறித்துஒரு உடன்பாடு எட்டப்படும் என எதிர்பார்க்கப்படுகிறது .

மேலும், சீனா , துருக்கி மற்றும் எகிப்து ஆகிய நாடுகளும் இந்த அமைதி முன்னெடுப்பிற்குப் பங்களித்து வருவதாக தெரிவிக்கப்பட்டுள்ளது.

The post அபாய கட்டத்தில் ஈரான் போர் – உடனடிப் போர் நிறுத்தத்திற்கான திட்டம் கையளிப்பு appeared first on Oruvan.com.

அத்துடன், இருபத்தைந்தாவது அரசியலமைப்புத் திருத்தத்தைப் பயன்படுத்தி ஜனாதிபதியை பதவியிலிருந்து நீக்க வேண்டும் என்றும் கோரிக்கை விடுத்தனர்.

டிரம்ப் மனரீதியாக நிலையற்றவராகவும் ஆபத்தானவராகவும் மாறிவிட்டார் என்றும், காங்கிரஸ் உடனடியாக நடவடிக்கை எடுக்க வேண்டும் என்றும் அமெரிக்க செனட்டர் பெர்னி சாண்டர்ஸ் கூறியுள்ளார்.

அனைவரும் ஈஸ்டர் பண்டிகையைக் கொண்டாடிக்கொண்டிருக்கும் வேளையில், டிரம்ப் ஒரு மனநிலை பிறழ்ந்த பைத்தியக்காரனைப் போல சமூக ஊடகங்களில் உளறிக்கொண்டிருக்கிறார் என்று செனட் சிறுபான்மைத் தலைவர் சக் ஷுமர் தெரிவித்துள்ளார்.

டிரம்பின் முன்னாள் ஆதரவாளரான டெய்லர் கிரீன், டிரம்புக்குப் பைத்தியம் பிடித்துவிட்டது என்று கூறியுள்ளார்.

டிரம்ப் நிர்வாகத்தில் தங்களைக் கிறிஸ்தவர்கள் என்று கருதுபவர்கள் அனைவரும் ஜனாதிபதியின் இந்தப் பைத்தியக்காரத்தனத்தில் தலையிட வேண்டும் என்றும் வலியுறுத்தியுள்ளார்.

அமெரிக்க செனட்டர் கிறிஸ் மர்ஃபி, தான் டிரம்பின் அமைச்சரவையில் இருந்திருந்தால், அமெரிக்க அரசியலமைப்பின் இருபத்தைந்தாவது திருத்தத்தை நடைமுறைப்படுத்துவ்து குறித்து பேச்சுவார்த்தை நடத்தியிருப்பேன் என்று தெரிவித்துள்ளார்.

இருபத்தைந்தாவது அரசியலமைப்புத் திருத்தத்தின்படி, ஜனாதிபதிக்கு உடல்நலக் குறைபாடு ஏற்படும் பட்சத்தில், அமைச்சரவையின் பெரும்பான்மை முடிவின் மூலம் துணை ஜனாதிபதி அவரது அதிகாரங்களை ஏற்கலாம் என்று அவர் மேலும் தெரிவித்துள்ளார்.

The post டிரம்பை மனநிலை பிறழ்ந்தவர் – மூத்த அரசியல்வாதிகள் எச்சரிக்கை appeared first on Oruvan.com.

சர்வதேச ஊடகம் ஒன்றுக்கு வழங்கிய செவ்வியிலேயே அவர் இவ்வாறு தெரிவித்துள்ளார்.

நேட்டோ கூட்டணியை ஒரு காகிதப்புலி என்று சாடிய ட்ரம்ப், பிரித்தானியாவிடம் ஒரு கடற்படை கூட இல்லை என்றும் விமர்சித்துள்ளார்.

நான் ஒருபோதும் நேட்டோவால் ஈர்க்கப்படவில்லை. அவர்கள் ஒரு காகிதப்புலி என்பது எனக்கு எப்போதோ தெரியும், அது ரஷ்ய ஜனாதிபதி புட்டினுக்கும் நன்கு தெரியும் என விமர்சித்துள்ளார்.

அமெரிக்கா மற்றும் இஸ்ரேல் இணைந்து ஈரான் மீது தாக்குதல் நடத்தி வரும் நிலையில், ஈரான் தொடர்ந்தும் ஹார்முஸ் நீரிணையை மூடி உலக நாடுகளின் பொருளாதாரத்தில் பாரிய தாக்கத்தை ஏற்படுத்தியுள்ளது.

இதனால் அந்த நீரிணையை திறப்பதற்கு அமெரிக்க ஜனாதிபதி நேட்டோ நாடுகளின் உதவியை கோரியிருந்தார்.

இந்நிலையில் அவரது அழைப்பை நேரடியாகவே நேட்டோ நாடுகள் நிராகரித்த நிலையில், ட்ரம்ப் நேட்டோ நாடுகளை இவ்வாறு விமர்சித்துள்ளமை குறிப்பிடத்தக்கது.

The post நேட்டோ அமைப்பிலிருந்து அமெரிக்கா வெளியேறுகின்றதா? appeared first on Oruvan.com.

போரின் ஆரம்ப நாட்களில் உச்ச தலைவர் அயதுல்லா அலி கமேனி மற்றும் பிற மூத்த அதிகாரிகள் படுகொலை செய்யப்பட்டதன் மூலம் ஈரான் ஏற்கனவே ஆட்சி மாற்றத்தை” சந்தித்துள்ளது என்று டிரம்ப் சுட்டிக்காட்டியுள்ளார்.

அயதுல்லா அலி கமேனியின் மரணத்திற்குப் பிறகு ஈரானின் உச்ச தலைவரான அவரது மகன் மொஜ்தபா கமேனி குறித்த தன்னிடம் எந்த தகவலும் இல்லை என்றும் டிரம்ப் மீண்டும் வலியுறுத்தினார்.

எவ்வாறாயினும், ஈரானில் பல இலக்குகள் கைப்பற்றப்பட்டு அழிக்கப்பட்டுள்ளன என்று டிரம்ப் தெரிவித்துள்ளார்.

முன்னதாக, ஏர் ஃபோர்ஸ் ஒன் விமானத்தில் செய்தியாளர்களிடம் பேசிய டிரம்ப், அமெரிக்கா ஈரானுடன் நேரடியாகவும் மறைமுகமாகவும் பேச்சுவார்த்தை நடத்தி வருவதாகவும் தெரிவித்துள்ளார்.

அந்தப் பேச்சுவார்த்தைகள் மிகவும் சிறப்பாக நடைபெற்று வருவதாகவும் அவர் குறிப்பிட்டுள்ளார்.

ஈரானுடன் ஒப்பந்தம் ஏற்படுவது கிட்டத்தட்ட உறுதி என்றும், ஆனால் அது நடக்காமல் போவதற்கும் வாய்ப்புள்ளது என்றும் அவர் கூறினார். இருப்பினும், ஈரானில் அமெரிக்கா “ஆட்சி மாற்றத்தை” சாதித்துவிட்டதாக அவர் கூறினார்.

இதனிடையே, ஃபைனான்சியல் டைம்ஸ் பத்திரிகைக்கு அளித்த ஒரு தனிப் பேட்டியில், ஈரானின் எண்ணெயைக் கைப்பற்ற விரும்புவதாகவும், கார்க் தீவில் உள்ள ஈரானிய ஏற்றுமதி மையத்தை அமெரிக்காவால் கைப்பற்ற முடியும் என்றும் டிரம்ப் கூறினார்.

“உண்மையைச் சொல்லப்போனால், ஈரானில் உள்ள எண்ணெயைக் கைப்பற்றுவதுதான் எனக்கு மிகவும் பிடித்தமான விஷயம்.

ஆனால், அமெரிக்காவில் உள்ள சில முட்டாள்கள், ‘நீங்கள் ஏன் அதைச் செய்கிறீர்கள்?’ என்று கேட்கிறார்கள். உண்மையில் அவர்களே முட்டாள்கள்,” என்று டிரம்ப் ஃபைனான்சியல் டைம்ஸ் பத்திரிகையிடம் கூறினார்.

இந்த நடவடிக்கை கார்க் தீவைக் கைப்பற்றுவதாக அமையலாம் என அவர் குறிப்பிட்டார். ஒருவேளை நாங்கள் கார்க் தீவைக் கைப்பற்றலாம், அல்லது கைப்பற்றாமலும் போகலாம்.

எங்களுக்கு நிறைய வாய்ப்புகள் உள்ளன… அப்படியென்றால், நாங்கள் அங்கே [கார்க் தீவில்] சிறிது காலம் இருக்க வேண்டியிருக்கும் என டிரம்ப் கூறியுள்ளார்.

The post ஈரானில் ஆட்சி மாற்றம் நிகழ்ந்துவிட்டது – டிரம்ப் அறிவிப்பு appeared first on Oruvan.com.

“சில உளவுத்துறை அறிக்கைகளின் அடிப்படையில், ஈரானின் எதிரிகள் பிராந்திய நாட்டின் ஆதரவுடன் ஈரானிய தீவுகளில் ஒன்றை ஆக்கிரமிக்கத் தயாராகி வருகின்றனர் என்று சபாநாயனர் முகமது பாகர் காலிபாஃப் குறிப்பிட்டுள்ளார்.

இந்நிலையில், எங்கள் படைகள் எதிரிகளின் அனைத்து நகர்வுகளையும் கண்காணித்து வருகின்றன.

அவர்கள் சிறிதளவு நடவடிக்கை எடுத்தாலும், அந்தப் பிராந்திய அரசின் அனைத்து முக்கிய உள்கட்டமைப்புகளும் இடைவிடாத, ஓயாத தாக்குதல்களால் குறிவைக்கப்படும் எனவும் காலிபாஃப் குறிப்பிட்டுள்ளார்.

வளைகுடாவில் உள்ள ஈரானிய எண்ணெய் வளங்களைக் கைப்பற்றுவதற்காகவோ அல்லது முக்கியத்துவம் வாய்ந்த ஹர்முஸ் நீரிணையை பாதுகாப்பதற்காகவோ அமெரிக்கா நடவடிக்கை எடுத்து வருகின்றது.

இந்த நடவடிக்கைகளுக்காக அமெரிக்க ஜனாதிபதி தரைவழிப் படையெடுப்புக்கு உத்தரவிடக்கூடும் என்ற யூகங்களுக்கு மத்தியில், ஆயிரக்கணக்கான வீரர்களையும் வளைகுடாவில் நிலைநிறுத்தியுள்ளார்.

இந்நிலையில், ஈரானின் கச்சா எண்ணெய் ஏற்றுமதியில் முழுவதையும் கையாளும் கார்க் தீவு, சாத்தியமான இலக்குகளில் ஒன்றாகும் என தெரிவிக்கப்பட்டுள்ளது.

இந்த தீவு, “முற்றிலும் பாதுகாப்பற்ற நிலையில் இருக்கும் ஒரு சிறிய எண்ணெய் தீவு” என்று அமெரிக்கா ஜனாதிபதி டிரம்ப் சுட்டிக்காட்டியுள்ளார்.

எவ்வாறாயினம், தரைவழிப் படையெடுப்பு ஏற்பட்டால் செங்கடலில் உள்ள கப்பல் போக்குவரத்தை ஈரான் குறிவைக்கும் என்று பெயர் குறிப்பிடப்படாத ஈரானிய இராணுவ அதிகாரி ஒருவர் தெரிவித்துள்ளார்.

இது மோதலைப் பெருமளவில் விரிவுபடுத்தி உலகளாவிய வர்த்தகத்தைச் சீர்குலைக்கும் என்றும் அவர் சுட்டிக்காட்டியுள்ளார்.

The post ஈரானின் கார்க் தீவை கைப்பற்றி எதிரிகள் முயற்சி – சபாநாயகர் எச்சரிக்கை appeared first on Oruvan.com.