Cyclone Archives - Oruvan.com

அவுஸ்ரேலியாவை அதிரவைக்கும் ‘நரெல்லே’ சூறாவளி

Rasmila — Sat, 21 Mar 2026 12:50:41 +0000

அவுஸ்ரேலியாவின் வடக்கு மாகாணத்தை நோக்கி ‘Narelle’ தீவிர சூறாவளி மணிக்கு 195 கிலோமீட்டர் வேகத்தில் நகர்ந்து வருவதால், அங்கு மிக உயர்மட்ட அவசர எச்சரிக்கை விடுக்கப்பட்டுள்ளது.

போரோலூலா, நம்புல்வார் உள்ளிட்ட பகுதிகளில் உள்ள 10,000-க்கும் மேற்பட்ட குடியிருப்பாளர்கள் பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளனர்.

ஏற்கனவே ‘கேப் யார்க்’ பகுதியில் கரையை கடந்த இந்த சூறாவளி, தற்போது ‘வளைகுடா’ பகுதியில் வலுவடைந்து இன்று நள்ளிரவு கரையை கடக்கும் என எதிர்பார்க்கப்படுகிறது.

இதனால் Katherineஆற்றில் திங்கட்கிழமை பாரிய வெள்ளப்பெருக்கு ஏற்படக்கூடும் என்பதால், ஆயிரக்கணக்கான மணல் மூட்டைகள் அடுக்கப்பட்டு மக்கள் தயார் நிலையில் உள்ளனர்.

பாதுகாப்பு கருதி சுமார் 500-க்கும் மேற்பட்டோர் நம்புல்வார் பகுதியில் இருந்து டார்வின் நகருக்கு இராணுவ விமானம் மூலம் வெளியேற்றப்பட்டுள்ளனர்.

கனமழை மற்றும் சூறாவளி காற்று வீசும்போது வீட்டை விட்டு வெளியே வர வேண்டாம் எனவும், வீட்டின் பாதுகாப்பான சிறிய அறைகளில் தஞ்சம் புகுமாறும் பேரிடர் மேலாண்மை ஆணையம் மக்களைக் கேட்டுக்கொண்டுள்ளது. பாதிக்கப்பட்ட பகுதிகளுக்கு மத்திய அரசின் நிவாரண நிதி ஒதுக்கீடுகளும் தற்போது அறிவிக்கப்பட்டுள்ளன.

The post அவுஸ்ரேலியாவை அதிரவைக்கும் ‘நரெல்லே’ சூறாவளி appeared first on Oruvan.com.

வங்காள விரிகுடா கடல் உருவாகும் மொன்தா சூறாவளி

Mano Shangar — Thu, 16 Oct 2025 08:29:04 +0000

எதிர் வருகின்ற தீபாவளி தினத்துக்கு அண்மையாக வங்காள விரிகுடா கடல் பிராந்தியத்தின் அந்தமான் தீவு பகுதி அருகில் உருவாக இருக்கின்ற காற்று சுழற்சியானது, எதிர்வரும் 25, 26, 27, 28ஆம் திகதிகளில் (சில சந்தர்ப்பங்களில் சூறா வழியாக) வலுவடையலாம் என எதிர்பார்க்கப்படுகின்றது.

இது சூறாவளியாக வலுவடையும் சந்தர்ப்பத்தில் இதற்கு Thailand நாட்டினால் பரிந்துரை செய்யப்பட்ட மொன்தா (Montha – Pronounce as Mon-Tha) எனும் பெயர் இதற்கு வழங்கப்படும்.

இது வட தமிழ்நாட்டிற்கும் தெற்கு ஆந்திராவில் பிரதேசத்திற்கு இடையில் ஊடறுத்து செல்லும் எனவும் எதிர்பார்க்கப்படுகின்றது.

இதே வேளை இது நகர்ந்து செல்லலாம் என எதிர்பார்க்கப்படுகின்ற பாதையானது நமது பிரதேசத்தில் இருந்து சற்று தூரமாக காணப்படுவதனால் இந்த சூறாவளியின் காற்று தாக்கங்கள் எதுவும் இருக்காது என எதிர்பார்க்கப்படுகிறது

The post வங்காள விரிகுடா கடல் உருவாகும் மொன்தா சூறாவளி appeared first on Oruvan.com.

அவுஸ்திரேலியாவின் கிழக்கு கடற்கரையில் சூறாவளி

Kanooshiya Pushpakumar — Wed, 05 Mar 2025 20:30:54 +0000

அவுஸ்திரேலியாவின் கிழக்கு கடற்கரையில் சூறாவளி ஏற்பட வாய்ப்புள்ளதாக எதிர்வுகூறப்பட்டுள்ளது.

குயின்ஸ்லாந்து மற்றும் வடக்கு நியூ சவுத் வேல்ஸ் ஆகிய பகுதிகளுக்கு கடுமையான பாதிக்கப்புகள் ஏற்பட வாய்ப்புகள் உள்ளதாக சர்வதேச ஊடகங்கள் தெரிவிக்கின்றன.

ஆல்ஃபிரட் என்று பெயரிடப்பட்ட இந்த சூறாவளி அடுத்த 48 மணி நேரத்திற்குள் கரையைக் கடக்கும் என்று எதிர்பார்க்கப்படுகிறது.

கடந்த 50 ஆண்டுகளுக்கும் மேலாக இந்தப் பகுதி இவ்வளவு கடுமையான சூறாவளியால் பாதிக்கப்படுவது இதுவே முதல் முறை என்பது குறிப்பிடத்தக்கது.

ஏற்கனவே நான்கு மில்லியனுக்கும் அதிகமான மக்கள் பலத்த மழை, பலத்த காற்று மற்றும் திடீர் வெள்ள அபாயத்தை எதிர்கொண்டு வருவதாக கூறப்படுகிறது.

பிரிஸ்பேன் அருகே இவ்வளவு சக்திவாய்ந்த சூறாவளி கடைசியாக 1974 ஆம் ஆண்டு தாக்கியமை குறிப்பிடத்தக்கது.

The post அவுஸ்திரேலியாவின் கிழக்கு கடற்கரையில் சூறாவளி appeared first on Oruvan.com.