இன்டர் மியாமி அணியின் நட்சத்திர வீரரான மெஸ்ஸி , நாஷ்வில் எஸ்சீ அணிக்கு எதிரான் போட்டியில் இந்த அரிய சாதனையை நிகழ்த்தியுள்ளார்.

ஆட்டத்தின் ஏழாவது நிமிடத்தில் மெஸ்ஸியின் வரலாற்றுச் சிறப்புமிக்க கோல் அடிக்கப்பட்டது. 38 வயதான மெஸ்ஸி, மியாமி அணியில் இணைந்ததிலிருந்து 92 போட்டிகளில் 81 கோல்களை அடித்துள்ளார்.

மெஸ்ஸி பார்சிலோனா அணிக்காக 778 போட்டிகளில் 672 கோல்களையும்,  பிஎஸ்ஜி அணிக்காக 75 போட்டிகளில் 32 கோல்களையும் அடித்துள்ளார்.

மேலும், அவர் அர்ஜென்டினா அணிக்காக 196 சர்வதேசப் போட்டிகளில் 115 கோல்களை அடித்துள்ளார்.

அவர் அடித்த மொத்த 900 கோல்களில், 755 கோல்கள் அவரது இடது காலால் அடிக்கப்பட்டவை. தனது வலது காலால் 111 கோல்களையும், தலையால் முட்டி 30 கோல்களையும் அடித்துள்ளார்.

பெனால்டி மூலம் 112 கோல்களும், ஃப்ரீ கிக் மூலம் 70 கோல்களும் அடித்துள்ளார்.

ஸ்பானிய கழகங்களான செவில்லா, அத்லெடிக் கழகம் மற்றும் அத்லெடிகோ மெட்ரிட் ஆகியவற்றுக்கு எதிராகவே மெஸ்ஸி அதிக கோல்களை அடித்துள்ளார்.

கால்பந்து வரலாற்றில் மெஸ்ஸியைத் தவிர, 900 கோல்கள் அடித்தவர்கள் பட்டியலில் இடம்பெற்ற ஒரே வீரர் போர்த்துகல் அணியின் கிறிஸ்டியானோ ரொனால்டோ ஆவார்.

ரொனால்டோ இந்தச் சாதனையை 1,236 போட்டிகளில் நிகழ்த்தியுள்ளார்.

41 வயதான ரொனால்டோ தற்போது 959 கோல்களுடன் இந்தப் பட்டியலில் முதலிடத்தில் உள்ளார் என்பதும் குறிப்பிடத்தக்கது.

The post உலக கால்பந்து வரலாற்றில் 900 கோல்களை அடித்து மெஸ்ஸி சாதனை appeared first on Oruvan.com.

ரொனால்டோவின் சொந்த ஊரான ஃபஞ்சலில் உள்ள ரொனால்டோ அருங்காட்சியகத்திற்கு அருகில் வைக்கப்பட்டிருந்த சிலையே இவ்வாறு தீவைத்து எரிக்கப்பட்டது.

இந்த சம்பவம் குறித்த காணொளி சமூக ஊடகங்களில் வைரலானது.

“கடவுளின் இறுதி எச்சரிக்கை” என்ற தலைப்பில் பகிரப்பட்ட அந்த காணொளியில், நபர் ஒருவர் ரொனால்டோவின் சிலையின் மீது எரியக்கூடிய திரவத்தை ஊற்றி பின்னர் தீ வைத்துள்ளார்.

சிலை எரியும் போது அந்த நபர் ராப் இசைக்கு நடனமாடுவதையும் காணலாம்.

இந்த சம்பவம் உலகம் முழுவதும் உள்ள ரொனால்டோ ரசிகர்களிடையே பெரும் எதிர்ப்பை ஏற்படுத்தியது. புகழுக்காக இதுபோன்ற செயலைச் செய்ததாக கடுமையான விமர்சனங்கள் எழுந்துள்ளன.

எவ்வாறாயினும், அந்நாட்டு பொலிஸார் இந்த சம்பவத்தை விசாரித்து சந்தேக நபரை அடையாளம் கண்டு கைது செய்தனர். சந்தேகநபர் இதற்கு முன்பும் இதே போன்ற குற்றங்களில் ஈடுபட்டதாக தெரிவிக்கப்பட்டுள்ளது.

சமூக ஊடக உள்ளடக்கத்திற்காக சட்டவிரோதமான செயல்களைச் செய்வது கடுமையான விளைவுகளை ஏற்படுத்தும் என்பதற்கு இந்தக் கைது சான்றாகும் என்று அதிகாரிகள் சுட்டிக்காட்டியுள்ளனர்.

The post ரொனால்டோவின் சிலைக்கு தீவைத்த நபர் கைது! appeared first on Oruvan.com.

சனிக்கிழமை அல் அக்தூத் அணிக்கு எதிரான போட்டியில் இரண்டு கோல்களை அடித்ததுடன், 3-0 என்ற கோல் கணக்கில் அல்-நாஸ்ர் அணியையும் வெற்றிபெற செய்திருந்தார்.

இந்த இரண்டு கோல்களுடன் கழகம் மற்றும் தேசியப் போட்டிகளில் கிறிஸ்டியானோ ரொனால்டோ அடித்த கோல்களின் எண்ணிக்கை 956 ஆக உயர்ந்தது.

2022ஆம் ஆண்டு அல்-நாசரில் இணைந்த கிறிஸ்டியானோ ரொனால்டோ, கடந்த ஜூலை மாதம் அந்த அணியுடனான இரண்டு வருட புதிய ஒப்பந்தத்தில் கையெழுத்திட்டார்.

இதன் அவர் 42 வயதை கடந்தும் விளையாடும் வாய்ப்பு ஏற்பட்டுள்ளது.

இந்நிலையில், நேற்று துபாயில் இடம்பெற்ற குளோப் கால்பந்து விருது வழங்கும் நிகழ்வில் பேசிய ரொனால்டோ, “தொடர்ந்து விளையாடுவது கடினம், ஆனால் நான் உந்துதலாக இருக்கிறேன்”என்றார்.

“ஆர்வம் அதிகமாக உள்ளது, நான் தொடர்ந்து விளையாட விரும்புகிறேன். நான் எங்கு விளையாடுகிறேன் என்பது முக்கியமல்ல.

நான் எப்போதும் கால்பந்து விளையாடுவதை ரசிக்கிறேன், மேலும் தொடர்ந்து விளையாட விரும்புகிறேன். எனது இலக்கு என்னவென்று உங்களுக்குத் தெரியும்.

நான் கோப்பைகளை வெல்ல விரும்புகிறேன், நீங்கள் அனைவரும் அறிந்த அந்த எண்ணிக்கையை (1,000 கோல்களை] அடைய விரும்புகிறேன். காயங்கள் இல்லாவிட்டாலும், நான் நிச்சயமாக அந்த எண்ணிக்கையை அடைவேன்.” என்று தெரிவித்துள்ளார்.

எவ்வாறாயினும், கடந்த மாதம் “விரைவில்” கால்பந்தில் இருந்து ஓய்வு பெற திட்டமிட்டுள்ளதாக” ரொனால்டோ தெரிவித்திருந்தார்.

சவுதி புரோ லீக் புள்ளிப் பட்டியலில் முதலிடத்தில் நான்கு புள்ளிகள் முன்னிலை வகிக்கும் அல்-நாசர் அணிக்காக இந்த பருவத்தில் ரொனால்டோ 14 போட்டிகளில் 13 கோல்களை அடித்துள்ளார்.

போர்ச்சுகல் (143) மற்றும் ரியல் மாட்ரிட் (450) அணிகளுக்காக அதிக கோல்கள் அடித்த சாதனையை ரொனால்டோ தக்க வைத்துள்ளார்.

மேலும் மான்செஸ்டர் யுனைடெட், ரியல் மாட்ரிட், ஜுவென்டஸ் மற்றும் அல்-நாசர் ஆகிய நான்கு அணிகளுக்காக நூற்றுக்கும் மேற்பட்ட கோல்களை அடித்த ஒரே வீரர் என்ற சாதனையையும் அவர் தக்க வைத்துள்ளார்.

அமெரிக்கா, கனடா மற்றும் மெக்சிகோவில் நடைபெறும் 2026 உலகக் கால்பந்து தொடரே தனது கடைசி சர்வதேச போட்டியாக இருக்கும் என்று ரொனால்டோ முன்னதாக தெரிவித்திருந்தார் என்பதும் குறிப்பிடத்தக்கது.

The post 1,000 கோல்களை அடிக்கும் வரை ஓய்வு பெறபோவதில்லை – ரொனால்டோ அறிவிப்பு appeared first on Oruvan.com.

அமெரிக்க ஜனாதிபதி டொனால்ட் டிரம்ப் மற்றும் சவுதி அரேபியாவின் பட்டத்து இளவரசர் முகமது பின் சல்மான் இடையேயான வெள்ளை மாளிகை சந்திப்பில் ரொனால்டோவும் கலந்து கொண்டுள்ளார்.

சவுதி மற்றும் அமெரிக்கா இடையேயான உறவை மேலும் வலுப்படுத்தும் நோக்கில் இந்த சந்திப்பு இடம்பெற்றுள்ளது. இந்த சந்திப்பில் சவுதி இளவரசருக்கு டிரம்ப் பாரிய விருந்து ஒன்றையும் ஏற்பாடு செய்திருந்தார்.

சவுதி அரேபியாவின் பட்டத்து இளவரசர் முகமது பின் சல்மானை கௌரவிக்கும் வகையில் ஜனாதிபதி டொனால்ட் டிரம்ப் செவ்வாய்க்கிழமை வெள்ளை மாளிகையில் இந்த சந்திப்பை ஏற்பாடு செய்திருந்தார்.

ஆப்பிள் நிறுவனத்தின் தலைவர் டிம் குக், டெஸ்லா நிறுவனத்தின் தலைவர் எலான் மஸ்க் உள்ளிட்டவர்களும் இந்த சந்திப்பில் கலந்துகொண்டிருந்தனர்.

2022ஆம் ஆண்டின் இறுதியில் சவுதி கழகமான அல்-நாசரில் வருடத்திற்கு 200 மில்லியன் டொலர் ஒப்பந்தத்தில் இணைந்ததிலிருந்து ரொனால்டோ சவுதி கால்பந்து லீக்கின் அடையாளமாக மாறியுள்ளார்.

இதன் அடிப்படையில் டிரம்ப்பை சந்திக்கும் சவுதி குழுவில் ரொனாட்டோவும் இணைந்துள்ளார்.

இந்நிலையில், குறித்த சந்திப்பின் போது, ரொனால்டோவுக்கு நன்றி தெரிவித்த டிரம்ப், தனது இளைய மகன் பரோன், ரொனால்டோவின் மிகப் “பெரிய ரசிகன்” என்றும் தெரிவித்துள்ளார்.

மேலும், தனது 19 வயதான மகன் பரோன், ரொனால்டோவை சந்தித்ததில் மிகவும் மகிழ்ச்சியடைந்ததாகவும் டிரம்ப் தெரிவித்துள்ளார்.

The post ரொனால்டோவுக்கு நன்றி தெரிவித்த டிரம்ப் appeared first on Oruvan.com.

ஆர்மினியா அணிக்கு எதிராக நேற்று இடம்பெற்ற போட்டியில் ஒன்பதுக்கு ஒன்று என்ற கோல் கணக்கில் அபார வெற்றியை பதிவு செய்த போர்த்துகல் அணி 2026 உலகக் கிண்ண தொடருக்கு தகுதிப் பெற்றுள்ளது.

போர்த்துகல் அணி சார்பில்  புருனோ பெர்னாண்டஸ் மற்றும் ஜோவா நெவ்ஸ் ஆகியோர் தலா மூன்று கோல்களை அடித்திருந்தனர்.

எவ்வாறாயினும் நேற்றையப் போட்டியில் போர்த்துகல் அணியின் நட்சத்திர வீரர்  கிறிஸ்டியானோ ரொனால்டோ விளையாடியிருக்கவில்லை.

போர்ச்சுகல் அணி நேற்றைய தினம் தங்களின் அபார ஆட்டத்தை வெளிப்படுத்தி இறுதி குழு ஆட்டத்தில் மூன்றாவது முயற்சியிலேயே தகுதி பெற்றுள்ளது.

இதன் மூலம் ஏழாவது முறையாக உலகக் கிண்ண தொடரில் விளையாடும் வாய்ப்பை போர்த்துகல் அணி பெற்றுள்ளது.

எனினும், அந்த அணி இதுவரை உலகக் கிண்ணத்தை ஒருபோதும் வென்றதில்லை.

இந்தப் போட்டி முழுவதும் புருனோ பெர்னாண்டஸ் மிகவும் ஆதிக்கம் செலுத்தியிருந்தார். போட்டியின் 45, 54 மற்றும் 72வது நிமிடங்களில் அவர் அணிக்காக மூன்று கோல்களை அடித்திருந்தார்.

இதேவேளை, குரூப் எஃப்-இன் மற்றொரு போட்டியில் அயர்லாந்து அணி ஹங்கேரியை மூன்றுக்கு இரண்டு என்ற கோல் கணக்கில் வீழ்த்தி வெற்றிபெற்றிருந்தமை குறிப்பிடத்தக்கது.

The post 2026 உலகக் கிண்ண தொடருக்கு போர்த்துகல் தகுதி appeared first on Oruvan.com.

இந்நிலையில், அடுத்த ஓரிரு வருடங்களில் கால்பந்திலிருந்து ஓய்வு பெறவுள்ளதாகவும் அவர் குறிப்பிட்டுள்ளார். 40 வயதான அவர் இதுவரை தேசிய மற்றும் கழகங்களுக்காக 953 கோல்களை அடித்துள்ளார்.

அடுத்த ஆண்டு கனடா, மெக்சிகோ மற்றும் அமெரிக்காவில் நடைபெறும் உலகக் கோப்பை, ரொனால்டோவின் ஆறாவது உலகக் கிண்ண தொடராகும்.

இந்நிலையில், ரியாத்தில் நடந்த டூரிஸ் உச்சி மாநாட்டில் நேர்காணல் ஒன்றின் போது, 2026 தனது கடைசி உலகக் கிண்ண தொடராக இருக்குமா என்று கேட்டபோது, ​​”நிச்சயமாக, ஆம் என ரொனால்டோ பதிலளித்துள்ளார்.

சவுதி அரேபியாவில் அல்-நாசர் கழகத்திற்காக தற்போது விளையாடி வரும் ரொனால்டோ  சர்வதேசப் போட்டிகளில் இதுவரை, 143 கோல்களை அடித்து முதலிடத்தில் நீடிக்கின்றார்.

அத்துடன், ஆயிரம் கோல்கள் என்ற தனது இலக்கை நோக்கியும் அவர் விளையாடி வருகின்றார்.

கடந்த வாரம் விரைவில் ஓய்வு பெருவதாக அறிவித்த ரொனால்டோ, அடுத்த இரண்டு ஆண்டுகள் விளையாடவுள்ளதை தற்போது உறுதிப்படுத்தியுள்ளார்.

The post 2026 உலகக் கிண்ண தொடரே தனது கடைசிப் போட்டியாக இருக்கும் – ரொனால்டோ appeared first on Oruvan.com.

இந்நிலையில், தனது ஓய்வுக்கு பின்னரான வாழ்க்கையை சிறிது காலமாகத் திட்டமிட்டு வருவதாகவும், எனினும், தனது விளையாட்டு வாழ்க்கையை முடிவுக்குக் கொண்டுவருவது கடினம் என்பதையும் ஒப்புக்கொண்டுள்ளார்.

தற்போது அல் நாசர் அணிக்காக விளையாடி வரும் அவர் 952 கோல்களுடன் அதிக கோல்கள் அடித்த வீரர்களின் பட்டியலில் முதலிடத்தில் உள்ளார்.

இந்நிலையில், தனது ஓய்வு குறித்து பேசிய ரொனால்டோ,

“நான் தயாராக இருப்பேன் என்று நினைக்கிறேன். இது மிக மிக கடினமாக இருக்கும்,” என்று நேர்காணல் ஒன்றில் தெரிவித்துள்ளார்.

“நான் 25, 26, 27 வயதிலிருந்தே எனது எதிர்காலத்தைத் தயார்படுத்திக் கொண்டிருக்கிறேன். அந்த அழுத்தத்தைத் தாங்கும் திறன் எனக்கு இருக்கும் என்று நினைக்கிறேன்.

கால்பந்தில் கோல் அடிப்பதற்கு நீங்கள் கொண்டிருக்கும் திறனுக்கு இணையாக எதுவும் இருக்காது.”

“ஆனால் எல்லாவற்றிற்கும் ஒரு ஆரம்பம் உண்டு, எல்லாவற்றிற்கும் ஒரு முடிவும் உண்டு. எனக்காகவும், என் குடும்பத்திற்காகவும், என் குழந்தைகளை வளர்க்கவும் எனக்கு அதிக நேரம் ஒதுக்க முடியும். என அவர் மேலும் தெரிவித்துள்ளார்.

The post ஓய்வு பெற தயாராகும் ரொனால்டோ appeared first on Oruvan.com.

புளூம்பெர்க் குறியீட்டின்படி, ரொனால்டோவின் நிகரமதிப்பு 1.4 பில்லியன் டொலர் என மதிப்பிடப்பட்டுள்ளது.

இதன்மூலம், கால்பந்து வரலாற்றில் பில்லியனர் ஆன முதல் வீரர் என்ற பெருமையை அவர் பெற்றுள்ளார்.

சவுதி கழகமான அல்-நஸ்ரில் அவர் வாங்கும் அதிகபட்ச சம்பளம், நைக் போன்ற உலகளாவிய விளம்பர ஒப்பந்தங்கள் மற்றும் அவரது CR7வணிகம் ஆகியவற்றின் மூலம் ரொனால்டோ இந்த உச்சத்தை எட்டியுள்ளார்.

2002ஆம் ஆண்டு முதல் 2023 வரை ரொனால்டோ 550 மில்லியன் டொலர்களுக்கு மேல் சம்பளம் பெற்றதாக தெரிவிக்கப்பட்டுளு்ளது.

இந்த காலப்பகுதியில் மான்செஸ்டர் யுனைடெட், ரியல் மாட்ரிட் மற்றும் ஜுவென்டஸ் உள்ளிட்ட சில சிறந்த ஐரோப்பிய கழகங்களுக்காக அவர் விளையாடியிருந்தார்.

2023ஆம் ஆண்டில், ரொனால்டோ சவுதி கழகமான அல்-நாசருக்குச் சென்றதன் மூலம் அவருக்கு ஆண்டுதோறும் சுமார் 200 மில்லியன் டொலர் வரி இல்லாத சம்பளம் மற்றும் போனஸ்கள் கிடைத்தன.

அந்த அணியுடனான ஒப்பந்தம் 2025 ஜூன் மாதம் முடிவடைய இருந்த நிலையில், அணியுடனான ஒப்பந்தத்தை ரொனால்டோ மேலும், இரண்டு ஆண்டுகளுக்கு நீடித்து ஒப்பந்தத்தில் கையெழுத்திட்டார்.

இதன்மூலம் அவர் 400 மில்லியன் டொலருக்கும் அதிக வருமானம் கிடைத்துள்ளது. எவ்வாறாயினும், உலகின் மிகப்பெரிய பணக்காரர் வீரர்கள் பட்டியலில் ரொனால்டோ முதலிடத்தில் இல்லை.

தாய்லாந்தில் உள்ள ராட்சபுரி எஃப்சிக்காக விங்கராக விளையாடி வரும் ஃபைக் போல்கியா, தற்போது உலகின் மிகப்பெரிய பணக்கார வீரராக உள்ளார்.

அவர், 2014 முதல் புருனே தேசிய அணியையும் பிரதிநிதித்துவப்படுத்துகிறார். மேலும் அந்த அணியின் தலைவராகவும் உள்ளார். அவரது சொத்து மதிப்பு 20 பில்லியன் டொலர்கள் ஆகும்.

புருனே அரச குடும்பத்தைச் சேர்ந்த அவரது சொத்து மதிப்பு அரச பரம்பரையில் இருந்து வருகிறது. இரண்டாது இடத்தில் உலகின் சிறந்த கால்பந்து வீரர்களில் ஒருவராகக் கருதப்படும் கிறிஸ்டியானோ ரொனால்டோ உள்ளார்.

உலகின் மற்றொரு மிகச்சிறந்த கால்பந்து வீரர்களில் ஒருவராகக் கருதப்படும், அர்ஜென்டினாவைச் சேர்ந்த லியோனல் மெஸ்ஸி, தற்போது 650 மில்லியன் டொலர் நிகர மதிப்புடன் மூன்றாவது இடத்தைப் பிடித்துள்ளார்.

நான்காவது இடத்தை மான்செஸ்டர் யுனைடெட் அணியின் ஜாம்பவானாகக் கருதப்படும் டேவிட் பெக்காம் உள்ளார். அவரின் நிகர மதிப்பு 450 மில்லியன் டொலர்கள் ஆகும்.

The post கால்பந்து உலகின் முதல் பில்லியனரானார் கிறிஸ்டியானோ ரொனால்டோ appeared first on Oruvan.com.

எப்போதும் காலை 8 மணிக்கு எழுந்திருக்கும் சிராஜ், டெஸ்ட் போட்டியின் கடைசி நாளன்று நிலைகொள்ளா மன நிலையில் ஆறு மணிக்கெல்லாம் எழுந்து விட்டதாக பேட்டியில் கூறியுள்ளார்.

முதல் நாள் ஹாரி புரூக் அடித்த ஷாட்டை பவுண்டரியில் கேட்ச் பிடித்து விட்டு, தெரியாமல் பவுண்டரிக்குள் விழுந்து விட்ட சிராஜினால்தான் ஆட்டம் ஐந்தாம் நாளுக்கு வந்தது, இல்லையெனில் இவரே நான்காம் நாளிலேயே இங்கிலாந்தை பொட்டலம் கட்டியிருப்பார்.

அது சிக்ஸர் ஆனதும் அவருக்குள் பெரிய அழுத்தத்தை ஏற்படுத்தியுள்ளது. ஆனால், அழுத்தம் தன்னை பற்றிக் கொள்ள விடாமல் அழுத்தத்தை எதிரணி மீது திருப்பி இரண்டு நீண்ட அட்டகாசமான ஸ்பெல்களை அவர் வீசினார்.

அதுவும் ஐந்தாம் நாள் வந்தவுடனேயே பிரசித் கிருஷ்ணா இரண்டு பவுண்டரிகளைக் கொடுத்ததும் ஜேமி ஸ்மித் ஆட்டத்தை முடித்து விடுவார் என்றே தோன்றியது. ஆனால், பிரசித் கிருஷ்ணாவும் மீண்டெழுந்தார்.

இந்நிலையில், சிராஜ் நேற்று ஆட்டம் முடிந்தவுடன் அளித்த பேட்டியில், “நான் பொதுவாக காலை 8 மணிக்குத்தான் எழுந்திருப்பேன். ஆனால், இன்று 6 மணிக்கெல்லாம் விழித்து விட்டேன்.

இன்றைக்கு எப்படியாவது வெற்றி பெற வேண்டும், நான் அதை முடிக்க வேண்டும் என்று எனக்கு நானே சொல்லிக் கொண்டேன்.

காலையில் கூகுள் செய்து அந்த இமேஜைப் பார்த்தேன். அதாவது ரொனால்டோ படம் அதற்கு மேலே ‘BELIEVE’ எனும் வாசகம் அந்த வால்பேப்பரை நான் டவுன்லோடு செய்தேன். ஆகவே நம்பிக்கையே முக்கியம். அதுவே என் தாரக மந்திரம்” என்றார் சிராஜ்.

The post ரொனால்டோ, கூகுள், ‘BELIEVE’ – கடைசி நாளில் சிராஜின் தாரக மந்திரம் appeared first on Oruvan.com.

இந்நிலையில், ரொனால்டோ அந்த கழகத்துடன் புதிய இரண்டு ஆண்டு ஒப்பந்தத்தில் கையெழுத்திட்டுள்ளார். ஜுன் 30ஆம் திகதியுடன் அல் நாசர் கழகத்துடனான ஒப்பந்தம் முடிவடையவிருந்த நிலையில், தற்போது புதிய ஒப்பந்தத்தில் கையெழுத்திட்டுள்ளார்.

ரொனால்டோ அல் நாசர் கழகத்தில் இருந்து இம்முறை வெளியேறுவார் என வதந்திகள் பரவிய நிலையில், அவர் புதிய ஒப்பந்தத்தில் கையெழுத்திட்டுள்ளார்.

கடந்த 2022 ஆம் ஆண்டு மான்செஸ்டர் யுனைடெட்டை விட்டு வெளியேறிய ரொனால்டோ அல் நாசரில் இணைந்தார். அந்த அணிக்காக இதுவரை 111 போட்டிகளில் விளையாடியுள்ள அவர் 99 கோல்களை அடித்துள்ளார்.

நடந்து முடிந்த சவுதி புரோ லீக் சீசனில் அல் இட்டிஹாட் மற்றும் அல் ஹிலாலுக்கு அடுத்த இடத்தில் மூன்றாவது இடத்தை அல் நாசர் கழகம் பிடித்திருந்தது.

இந்நிலையில், “ஒரு புதிய அத்தியாயம் தொடங்குகிறது. அதே ஆர்வம், அதே கனவு. ஒன்றாக வரலாற்றை உருவாக்குவோம்” என்று கிறிஸ்டியானோ தனது ஒப்பந்தத்தை புதுப்பித்த பிறகு சமூக ஊடகங்களில் எழுதினார்.

The post அல் நாசர் கழகத்துடனான ஒப்பந்தத்தை 2027 வரை நீடித்தார் ரொனால்டோ appeared first on Oruvan.com.