எனினும், அவர்கள் இருவரும் தங்களின் வீடுகளுக்குத் திரும்ப அனுமதிக்கப்படவில்லை.

எதிர்பாராத தொழில்நுட்ப கோளாறு காரணமாக கடந்த ஒன்பது மாதங்களுக்கும் மேலாக விண்வெளியில் கழித்த பிறகு சுனிதா வில்லியம்ஸும் புட்ச் வில்மோரும் பாதுகாப்பாக பூமிக்குத் திரும்பியுள்ளனர்.

அவர்களை அழைத்துவந்த விண்கலமான ஸ்பேஸ்எக்ஸின் டிராகன், புளோரிடா கடற்கரையில் வெற்றிகரமாக தரையிறங்கியது, இது உலகளாவிய கவனத்தை ஈர்த்த ஒரு பயணத்தின் முடிவைக் குறிக்கிறது.

இந்த குழுவின் இலங்கை நேரப்படி நேற்று காலை 10.40 மணியளவில் சர்வதேச விண்வெளி நிலையத்தில் இருந்து தமது பயணத்தை ஆரம்பித்தனர். இந்நிலையில் இன்று அதிகாலை 3.37 மணியளவில் அவர்கள் தரையிறங்கியுள்ளனர்.

விண்கலம் தரையிங்கிய ஒரு மணி நேரத்திற்குப் பின்னர் அதிலிருந்து சுனிதா வில்லியம்ஸ் மற்றும் புட்ச் வில்மோர் உள்ளிட்டவர்கள் மிகவும் பாதுகாப்பாக வெளியேறினர்.

இந்நிலையில், விண்வெளி வீரர்கள் 45 நாள் மறுவாழ்வு திட்டத்திற்காக ஹெலிகாப்டர் மூலம் ஹூஸ்டனுக்கு அழைத்து் செல்லப்படவுள்ளதாக தகவல்கள் வெளியாகியுள்ளன.

இந்த நிலையான நெறிமுறை, தசைச் சிதைவு மற்றும் சமநிலை சிக்கல்கள் உட்பட ஏற்படும் உடல் ரீதியான சவால்களை நிவர்த்தி செய்வதற்காக வடிவமைக்கப்பட்டுள்ளது.

விண்கலத்தில் இருந்து சிரித்தபடி சுனிதா வில்லியம்ஸ் வெளியேறினார். அவர் கைகளை அசைத்தபோது, ​​பூமியின் ஈர்ப்பு விசையை மீண்டும் அனுபவித்தார், இது விண்வெளியின் நுண் ஈர்ப்பு விசைக்கு முற்றிலும் மாறுபட்டது.

அவர் ஒரு ஸ்ட்ரெச்சரில் வைத்து அழைத்துச் செல்லப்பட்டார்.

விண்வெளிவீரர்கள் ஆரம்ப மருத்துவ பரிசோதனைகளுக்குப் பிறகு, ஹூஸ்டனில் உள்ள நாசாவின் ஜோன்சன் விண்வெளி மையத்திற்கு கொண்டு அழைத்துச் செல்லப்படுவார்கள், அங்கு அவர்கள் சுகாதார மதிப்பீடுகளுக்காக பல நாட்கள் தங்கியிருப்பார்கள்

இந்த வழக்கமான நடைமுறை, அவர்கள் தங்கள் குடும்பத்தினருடன் மீண்டும் இணைவதற்கு முன்பு அவர்கள் நல்ல ஆரோக்கியத்துடன் இருப்பதை உறுதி செய்கிறது.

நீண்ட கால விண்வெளிப் பயணங்களிலிருந்து திரும்பும் விண்வெளி வீரர்கள், நீண்ட காலமாக நுண் ஈர்ப்பு விசைக்கு ஆளாக நேரிடுவதால், தலைச்சுற்றல், குமட்டல் மற்றும் சமநிலைப் பிரச்சினைகளை அனுபவிக்கின்றனர்.

பூமியின் ஈர்ப்பு விசைக்கு முழுமையாக சரிசெய்ய அவர்களுக்கு பொதுவாக பல வாரங்கள் ஆகும்.

அவர்களின் நீட்டிக்கப்பட்ட பயணங்களுக்குப் பிறகு, குடும்பத்தினருடனும் நண்பர்களுடனும் தனிப்பட்ட நேரத்தை செலவிடுவது அவர்களின் உளவியல் நல்வாழ்வை ஆதரிப்பதற்கும், பூமியில் மீண்டும் வாழ்க்கைக்கு மாறுவதற்கும் முன்னுரிமை அளிக்கப்படுகிறது.

நாசா விண்வெளி வீரர்கள் சுனிதா வில்லியம்ஸ் மற்றும் புட்ச் வில்மோர் ஜூன் 5, 2024 அன்று விண்வெளிக்குச் சென்றனர். அவர்கள் போயிங்கின் ஸ்டார்லைனர் விண்கலத்தில் முதல் குழுவினருடன் விண்வெளி சென்றனர்.

ஒருவார கால பயணமாகச் சென்ற அவர்கள் தொழில்நுட்ப சிக்கல்கள் காரணமாக தொடர்ந்து ஒன்பது மாதங்கள் அங்கேயே தங்கவேண்டி ஏற்பட்டது.

The post பாதுகாப்பாக பூமிக்கு திரும்பினார் சுனிதா வில்லியம்ஸ் appeared first on Oruvan.com.

சர்வதேச விண்வெளி மையத்தில் இருந்து சற்று நேரத்திற்கு முன்னர் அவர்கள் தனது பயணத்தை ஆரம்பித்துள்ளனர்.

விண்வெளி ஆய்வுப் பணிக்காக விண்வெளி நிலையத்திற்குச் சென்ற நாசா விண்வெளி வீரர்களான சுனிதா வில்லியம்ஸ் மற்றும் புட்ச் வில்மோர் ஆகியோர் ஒன்பது மாதங்களுக்குப் பிறகு புளோரிடா கடற்கரையில் இன்று பூமியில் தரையிறங்க உள்ளனர்.

கடந்த ஆண்டு ஜூன் ஐந்தாம் திகதி எட்டு நாள் பயணமாக விண்வெளி நிலையத்திற்குச் சென்ற இரண்டு விண்வெளி வீரர்களும், அவர்கள் பயணித்த ஸ்டார்லைனரில் ஏற்பட்ட தொழில்நுட்ப சிக்கல்கள் காரணமாக சரியான நேரத்தில் திரும்ப முடியவில்லை.

இதனால் அவர்கள் ஒன்பது மாதங்களுக்கு அங்கேயே தங்கவேண்டிய நிலை ஏற்பட்டது. இந்நிலையில், குறித்த இருவரையும் மீட்கும் பணிகளை நாசா முன்னெடுத்திருந்தது.

இதன்படி, நேற்று முன்தினம் அவர்களை ஸ்பேஸ் எக்ஸ் நிறுவனத்தின் ஃபால்கன் 9 ரொக்கெட் மூலம் டிராகன் விண்கலத்தில் விண்வெளி வீரர்கள் குழு சர்வதேச விண்வெளி மையத்திற்குச் சென்றது.

சுனிதாவும் வில்மோரும் ஸ்பேஸ்எக்ஸ் டிராகன் விண்கலத்தில் ஒரு அமெரிக்கர் மற்றும் ஒரு ரஷ்ய விண்வெளி வீரர்களுடன் பூமியை அடைவார்கள் என்று வெளிநாட்டு ஊடகங்கள் மேலும் தெரிவிக்கின்றன.

இலங்கை நேரப்படி இன்று காலை 10.15 மணி அளவில் சர்வதேச விண்வெளி மையத்தில் இருந்து டிராகன் விண்கலம் புறப்பட்டுள்ளதாக நாசா அறிவித்துள்ளது.

இவர்களை அழைத்துவரும் ஸ்பேஸ்எக்ஸ் விண்கலம் இன்று அமெரிக்க நேரப்படி மாலை 5.57 மணிக்கு (இலங்கை நேரப்படி நாளை அதிகாலை 3.27) தரையிறங்க திட்டமிடப்பட்டுள்ளதாக நாசா மேலும் அறிவித்துள்ளது.

The post விண்வெளியில் இருந்து விடைபெற்றார் சுனிதா வில்லியம்ஸ் – நேரலை appeared first on Oruvan.com.