மாலை  6 மணிக்கு வாக்கெடுப்பு நடத்தப்படவுள்ளது. நிதி அமைச்சர் என்ற வகையில் ஜனாதிபதி அநுரகுமார திஸாநாயக்க கடந்த மாதம்  ஏழாம் திகதி வரவு- செலவுத் திட்டத்தை முன்வைத்தார்.

இதன்படி, வரவு செலவுத் திட்டம் தொடர்பில் இரண்டாம் வாசிப்புமீதான விவாதம்  எட்டாம் திகதி ஆரம்பமானது.

14 ஆம் திகதிவரை விவாதம் நடைபெற்றது.  14 ஆம் திகதி மாலை இரண்டாம் வாசிப்புமீதான வாக்கெடுப்பு நடத்தப்பட்டு, நிறைவேற்றப்பட்டது.

இதன்போது வரவு செலவுத் திட்டத்திற்கு ஆதரவாக 160 வாக்குகளும் எதிராக 42 வாக்குகளும் கிடைத்ததுடன் எட்டு பேர் வாக்களிப்பதில் இருந்து தவிர்ந்திருந்தனர்.

அதற்கமைய 118 மேலதிக வாக்குகளால் வரவு செலவுத் திட்டத்தின் இரண்டாம் வாசிப்பு நிறைவேற்றப்பட்டது.

இந்நிலையில், அமைச்சுகளுக்கான நிதி ஒதுக்கீடு தொடர்பான குழுநிலை விவாதம் நவம்பர் 15 ஆம் திகதி ஆரம்பமானது.

இதன்படி, வரவு செலவுத் திட்டம் மீதான இறுதி வாக்கெடுப்பு இன்று நடைபெறவுள்ளமை குறிப்பிடத்தக்கது.

The post வரவு செலவுத் திட்டம் – மூன்றாம் வாசிப்பு மீதான வாக்கெடுப்பு இன்று appeared first on Oruvan.com.

நிதி அமைச்சர் என்ற வகையில் ஜனாதிபதி அநுரகுமார திஸாநாயக்க கடந்த ஏழாம் திகதி வரவு- செலவுத் திட்டத்தை முன்வைத்தார்.

வரவு செலவுத் திட்டம் தொடர்பான இரண்டாம் வாசிப்புமீதான விவாதம் கடந்த எட்டாம் திகதி ஆரம்பமானது.  இந்நிலையில், இரண்டாம்  வாசிப்புமீதான வாக்கெடுப்பு நாளை மறுதினம் மாலை நடத்தப்படவுள்ளது.

இதன்போது எவ்வாறு வாக்களிக்க வேண்டும் என்பது தொடர்பில் ஆராய்வதற்காக  அரசியல்  கட்சிகளின் கூட்டங்கள்   இன்றும், நாளையும் இடம்பெறவுள்ளன.

பிரதான எதிர்க்கட்சியான ஐக்கிய மக்கள் சக்தி, ஸ்ரீலங்கா பொதுஜன பெரமுன என்பன எதிராக வாக்களிக்கும் என தெரிவித்துள்ளன. தமிழ்த் தேசியக் கட்சிகள் தமது நிலைப்பாட்டை நாளை அறிவிக்கவுள்ளன.

வரவு – செலவுத் திட்டத்தை நிறைவேற்றிக்கொள்வதற்குரிய பெரும்பான்மைபலம் தன்வசம் உள்ளபோதிலும்,  எதிரணிகளும் வரவு- செலவுத் திட்டத்தை ஆதரிக்க வேண்டும் என அரசாங்கம் எதிர்பார்க்கின்றது.

அதேவேளை, அமைச்சுகளுக்கான நிதி ஒதுக்கீடு தொடர்பான குழுநிலை விவாதம் நவம்பர் 15 ஆம் திகதி ஆரம்பமாகும்.  இந்நிலையில், வரவு செலவு திட்டம் மீதான இறுதி வாக்கெடுப்பு டிசம்பர் ஐந்தாம் திகதி இடம்பெறவுள்ளமை குறிப்பிடத்தக்கது.

The post வரவு செலவுத் திட்டம்!! அரசாங்கத்தின் எதிர்ப்பார்ப்பு appeared first on Oruvan.com.