சிட்னியில் இடம்பெற்ற போர்டர் – கவாஸ்கர் டெஸ்ட் தொடரின் இறுதிப் போட்டி முடிந்த பின்னர் செய்தியாளர்களிடம் பேசிய அவர் இவ்வாறு தெரிவித்துள்ளார்.

சமீபகாலமாக மோசமான பார்மில் இருக்கும் ரோகித் மற்றும் கோலி ஆகியோர் டெஸ்ட் கிரிக்கெட்டில் இருந்து ஓய்வு பெறுவார்கள் என்ற வதந்திகளுக்கு மத்தியில் கம்பீரின் இந்த கருத்து வெளியாகியுள்ளது.

கோலியும், ரோகித்தும் ஆர்வத்துடன் விளையாடும் கடினமான வீரர்கள். இந்திய கிரிக்கெட்டுக்காக அவர்கள் சிறந்த முடிவை எடுப்பார்கள் என்று கம்பீர் கூறியுள்ளார்.

வீரர்கள் தேசிய அணியில் விளையாடினாலும், வாய்ப்பு கிடைக்கும் போதெல்லாம் உள்நாட்டு கிரிக்கெட்டில் விளையாட வேண்டும் என்பதே தனது நிலைப்பாடு என்றும் கம்பீர் மேலும் கூறினார்.

“எந்த வீரரின் எதிர்காலம் குறித்தும் நான் பேசவில்லை, அது குறித்து அவர்கள்தான் முடிவு செய்ய வேண்டும். தங்கள் அர்ப்பணிப்பையும் உற்சாகத்தையும் அப்படியே வைத்திருக்கும் இரண்டு நட்சத்திரங்கள் அவர்கள்.

இருவரும் இந்திய கிரிக்கெட்டை முன்னோக்கி கொண்டு செல்ல முடிந்த அனைத்தையும் செய்வார்கள் என்று கம்பீர் தெரிவித்துள்ளார்.

இதனிடையே, கம்பீர் தலைமையில் இந்திய அணிக்கு இது இரண்டாவது டெஸ்ட் தொடர் தோல்வியாகும். சொந்த மண்ணில் நியூசிலாந்துக்கு எதிரான மூன்று டெஸ்ட் போட்டிகள் கொண்ட தொடரில் இந்தியா முழு தோல்வியை தழுவியது.

ரோகித் மோசமான பார்ம் காரணமாக ஐந்தாவது டெஸ்டில் இருந்து விலகினார். இதனையடுத்து ஜஸ்பிரித் பும்ரா அணியை வழிநடத்தினார்.

அதேபோல் விராட் கோலி இந்த தொடர் முழுவதும் ஆஸி. பந்துவீச்சாளர்களின் ஆப்-சைட் வலையில் சிக்கினார். ஐந்து போட்டிகளில் அவர் 23.72 சராசரியில் வெறும் 190 ஓட்டங்களை மட்டுமே பெற்றுக்கொண்டார்.

சிட்னி டெஸ்டில் இந்தியாவை 6 விக்கெட் வித்தியாசத்தில் தோற்கடித்த அவுஸ்திரேலியா, பத்து ஆண்டுகளுக்குப் பிறகு போர்டர் – கவாஸ்கர் டெஸ்ட் தொடரை கைப்பற்றியது. அத்துடன் உலக டெஸ்ட் சாம்பியன்ஷிப் இறுதிப்போட்டியையும் உறுதி செய்தது.

The post கோலி மற்றும் சர்மா சிறந்த முடிவுகளை எடுப்பார்கள் – கம்பீர் நம்பிக்கை appeared first on Oruvan.com.

இந்திய அணிக்கு எதிராக சிட்னியில் நடந்த ஐந்தாவதும், இறுதியுமான டெஸ்ட் போட்டியில் அவுஸ்திரேலியா ஆறு விக்கெட்டுகளால் வெற்றிபெற்றுள்ளதுடன், தொடரையும் 3-1 என்ற கணக்கில் கைப்பற்றியுள்ளது.

இந்த வெற்றியுடன் எதிர்வரும் ஜூன் மாதம் நடைபெறவிருக்கும் ஐசிசி உலக டெஸ்ட் சம்பியன்ஷிப் 2023-25 ​​இன் இறுதிப் போட்டிக்கும் அவுஸ்திரேலியா தகுதி பெற்றுள்ளது.

ஐசிசி உலக டெஸ்ட் சம்பியன்ஷிப் இறுதிப் போட்டியில் தென்னாப்பிரிக்காவை எதிர்த்து அவுஸ்திரேலியா விளையாடவுள்ளது.டி

ஆஸ்திரேலியா இப்போது WTC இறுதிப் போட்டியில் தென்னாப்பிரிக்காவை எதிர்கொள்ளும்.

ஐந்துப் போட்டிகள் கொண்ட போர்டர் – கவாஸ்கர் டெஸ்ட் தொடரின் ஐந்தாவது மற்றும் இறுதிப் போட்டியில், இந்தியா முதல் இன்னிங்ஸில் 185 ஓட்டங்களுக்கு ஆட்டமிழந்திருந்தது.

இதனையடுத்து, தனது முதல் இன்னிங்ஸில் துடுப்பெடுத்தாடிய அவுஸ்திரேலியா 181 ஓட்டங்களுக்கு ஆட்டமிழந்ததுடன், இந்திய அணி நான்கு ஓட்டங்களால் முன்னிலைப்பெற்றிருந்தது.

முதல் இன்னிங்ஸில் பந்து வீசியப் போது இந்திய அணியின் நட்சத்திர வீரர் பும்ரா காயமடைந்திருந்தார். எவ்வாறாயினும், இரண்டாம் இன்னிங்ஸில் இந்திய அணியை வெறும் 157 ஓட்டங்களுக்கு அவுஸ்திரேலியா அணியினர் சுருட்டியிருந்தனர்.

இதனால் அவுஸ்திரேலியா அணிக்கு 162 ஓட்டங்கள் வெற்றி இலக்காக நிர்ணயிக்கப்பட்டது. எனினும், இந்த இலக்கை அவுஸ்திரேலியா அணி நான்கு விக்கெட்டுகளை மட்டும் இழந்து அடைந்திருந்தது.

காயம் காரணமாக பும்ரா இரண்டாம் இன்னிங்ஸில் பந்து வீசவில்லை என்பதுடன், போட்டியின் தொடர் ஆட்டநாயகன் விருதும் பும்ராவிற்கு வழங்கப்பட்டிருந்தமை குறிப்பிடத்தக்கது.

The post மீண்டும் மண்டியிட்டது இந்தியா – 10 ஆண்டுகளுக்கு பின் தொடரை வசப்படுத்தியது அவுஸ்திரேலியா appeared first on Oruvan.com.

மெல்பேர்னில் இடம்பெற்ற நான்காவது போட்டியின் 340 என்ற வெற்றி இலக்கை நோக்கி துடுப்பெடுத்தாடிய இந்திய 79.1 ஓவர்களில் 155 ஓட்டங்களுக்கு சகல விக்கெட்டுகளையும் இழந்து தோல்வியை சந்தித்தது.

இந்திய அணி சார்பில் யஷஸ்வி ஜெய்ஸ்வால் அதிகப்பட்சமாக 84 ஓட்டங்களை பெற்றுக்கொண்டதுடன், ரிசப் பந்த் 30 ஓட்டங்களைப் பெற்றுக்கொடுத்தார்.

ஏனைய அனைத்து வீரர்களும் ஒன்றை இலக்கத்துடன் ஆட்டமிழந்தனர்.  அவுஸ்திரேலியா சார்பில் பட் கம்மின்ஸ் மற்றும் ஸ்கொட் போலன்ட் தலா மூன்று விக்கெட்டுகளையும், நேதன் லயன் இரண்டு விக்கெட்டுகளையும் வீழ்த்தினர்.

முன்னதாக நாணய சுழற்சியில் வெற்றிபெற்ற அவுஸ்திரேலியா அணி முதல் இன்னிங்சில் சகல விக்கெட்டுகளையும் இழந்து 474 ஓட்டங்களைப் பெற்றுக்கொண்டது.

ஸ்டீவ் ஸ்மித் 140 ஓட்டங்களை பெற்றுக்கொண்டதுடன், இந்திய அணி சார்பில் பும்ரா நான்கு விக்கெட்டுகளை கைப்பற்றியிருந்தார்.

தொடர்ந்து தனது முதல் இன்னிங்சில் துடுப்பெடுத்தாடிய இந்திய அணி முதல் இன்னிங்சில் சகல விக்கெட்டுகளையும் இழந்து 369 ஓட்டங்களைப் பெற்றுக்கொண்டது.

நிதிஷ் குமார் ரெட்டி 114 ஓட்டங்களைப் பெற்றுக்கொண்டார். பட் கம்மின்ஸ்,  நேதன் லயன்  மற்றும் ஸ்கொட் போலன்ட் தலா மூன்று விக்கெட்டுகளை வீழ்த்தினர்.

105 ஓட்டங்களை முன்னிலைப் பெற்றிருந்த அவுஸ்திரேலியா அணி தனது இரண்டாவது இன்னிங்சில் 234 ஓட்டங்களை பெற்றிருந்த போது ஆட்டமிழந்தது. இதன்மூலம் இந்திய அணிக்கு 340 ஓட்டங்கள் வெற்றி இலக்காக நிர்ணயிக்கப்பட்டது.

போட்டியின் இறுதி நாளான இன்று இந்திய அணி ஆரம்பம் முதலே தடுமாறியிருந்ததுடன், முன்னணி வீரர்கள் அனைவரும் சொற்ப ஓட்டங்களுக்கு ஆட்டமிழந்தனர்.

யஷஸ்வி ஜெய்ஸ்வால் மட்டும் நிதானமாக துடுப்பெடுத்தாடி ஆறுதல் அளித்த போதிலும், அவுஸ்திரேலியா அணியின் அபார பந்து வீச்சில் ஏனைய வீரர்கள் தடுமாறியிருந்தனர்.

இறுதியில் 79.1 ஓவரில் இந்திய அணி சகல விக்கெட்டுகளையும் இழந்து 155 ஓட்டங்களை மட்டுமே பெற்று தோல்வியை சந்தித்திருந்தது.

இதன் மூலம் ஐந்து போட்டிகள் கொண்ட தொடரில் 2-1 என்ற கணக்கில் அவுஸ்திரேலியா முன்னிலைப் பெற்றுள்ளது. மேலும், உலக டெஸ்ட் சம்பியன்ஷிப் இறுதிப் போட்டிக்கான வாய்ப்பையும் அவுஸ்திரேலியா பிரகாசப்படுத்தியுள்ளது.

ஏற்கனவே, தென்னாப்பிரிக்கா அணி உலக டெஸ்ட் சம்பியன்ஷிப் இறுதிப் போட்டிக்கான வாய்ப்பை உறுதிப்படுத்தியுள்ளமையும் குறிப்பிடத்தக்கது.

The post போர்டர் – கவாஸ்கர் டெஸ்ட் தொடர் : அவுஸ்திரேலியாவிடம் மண்டியிட்டது இந்தியா appeared first on Oruvan.com.

மெல்போர்னில் நடந்து வரும் அவுஸ்திரேலியா அணிக்கு எதிரான போர்டர்-கவாஸ்கர் டெஸ்ட் தொடரின் நான்காம் போட்டியின், இன்றைய நான்காம் நாள் ஆட்டத்தின் போது அவர் இந்த சாதனையை படைத்துள்ளார்.

தனது 44வது டெஸ்ட் போட்டியில் விளையாடும் பும்ரா, 19.38 சராசரியுடன் 202 விக்கெட்டுகளை வீழ்த்தியுள்ளார்.

இதன் மூலம் மிகவும் குறைந்த சராசரியுடன் டெஸ்ட் கிரிக்கெட் போட்டிகளில் 200க்கும் மேற்பட்ட விக்கெட்டுகளை வீழ்த்திய பந்து வீச்சாளர்களின் பட்டியலில், பும்ரா முதலிடத்தைப் பிடித்துள்ளார்.

அவருக்கு அடுத்த இடத்தில் மேற்கிந்திய தீவுகள் அணியின் மால்கம் மார்ஷல் (376 விக்கெட்டுகள், 20.94 சராசரி), ஜோயல் கார்னர் (259 விக்கெட்டுகள், 20.97 சராசரி) மற்றும் கர்ட்லி அம்ப்ரோஸ் (405 விக்கெட்டுகள், 20.99 சராசரி) ஆகிய மூவரும் உள்ளனர்.

டெஸ்ட் கிரிக்கெட்டில் தனது 200வது விக்கெட்டை பும்ரா இன்றைய ஆட்டத்தில் வீழ்த்தியிருந்தார். அவுஸ்திரேலியா அணியின் அதிரடி துடுப்பாட்ட வீரர் டிராவிஸ் ஹெட்டை வீழ்த்தியதன் மூலம் பும்ரா தனது 200வது விக்கெட்டை வீழ்த்தினார்.

அதே ஓவரில், மிட்செல் மார்ஷையும் ஓட்டங்கள் எதுவும் கொடுக்காமல் பும்ரா வீழ்த்தினார். இந்த ஆண்டு சர்வதேச கிரிக்கெட்டில் அதிக விக்கெட் எடுத்த வீரராகவும் பும்ரா மாறியுள்ளார்.

அவுஸ்திரேலியா அணிக்கு எதிராக ஐந்துப் போட்டிகள் கொண்ட தொடரில் இந்திய விளையாடி வரும் நிலையில், இதுவரை பும்ரா 29 விக்கெட்டுகளை வீழ்த்தியுள்ளார்.

மேலும், டிராவிஸ் ஹெட்டை ஆட்டமிழக்கச் செய்ததன் மூலம் 200 டெஸ்ட் விக்கெட்டுகளை வேகமாக வீழ்த்திய இந்திய வேகப்பந்து வீச்சாளர் என்ற கபில் தேவின் சாதனையையும் பும்ரா முறியடித்தார்.

கபில் தேவ் 50வது போட்டியின் போது தனது 200வது டெஸ்ட் விக்கெட்டை வீழ்த்தியிருந்தார். எனினும், பும்ரா 44வது போட்டியிலேயே 200வது விக்கெட்டை வீழ்த்தி அசத்தியுள்ளார்.

டெஸ்ட் போட்டிகளில் 200 விக்கெட்டுகளை வேகமாக வீழ்த்திய இரண்டாவது இந்தியர் இவர்தான். முன்னாள் வீரர் ரவிச்சந்திரன் அஸ்வின் 37 போட்டிகளுடன் இந்தப் பட்டியலில் முதலிடத்தில் உள்ளார்.

2023-25​​ஆம் ஆண்டுக்காள உலக டெஸ்ட் சம்பியன்ஷிப் தொடரில் இதுவரை 14 போட்டிகளில் மொத்தம் 74 விக்கெட்டுகளை வீழ்த்தியுள்ள பும்ரா, உலக டெஸ்ட் சம்பியன்ஷிப்பின் ஒரே பதிப்பில் இந்தியாவுக்காக அதிக விக்கெட்டுகளை வீழ்த்திய அஷ்வின் சாதனையை முறியடித்தார்.

2019-21 உலக டெஸ்ட் சம்பியன்ஷிப் தொடரில் 14 போட்டிகளில் 71 விக்கெட்டுகளை அஸ்வின் வீழ்த்தினார்.

எவ்வாறாயினும், உலக டெஸ்ட் சம்பியன்ஷிப் தொடரின் ஒரே பதிப்பில் அதிக விக்கெட்டுகளை வீழ்த்திய வீரர்களின் பட்டியிலில் அவுஸ்திரேலியாவின் நேதன் லயன் முதலிடத்தில் உள்ளார்.

அவர் 2021-23 பதிப்பில் 20 போட்டிகளில் 88 விக்கெட்டுகளை வீழ்த்தியுள்ளமை குறிப்பிடத்தக்கது.

The post புதிய வரலாறு படைத்தார் பும்ரா – குறைந்த சராசரியில் 200விக்கெட்டுகள் வீழ்த்தி சாதனை appeared first on Oruvan.com.

இதனால் இரு வீரர்களுக்கு போட்டித் தடை விதிக்கப்படலாம் என கூறப்படுகின்றது.

இரு அணிகளுக்கும் இடையிலான நான்காவது டெஸ்ட் போட்டி மெல்பேர்னில் இடம்பெறுகின்றது. நாணய சுழற்சியில் வெற்றிபெற்ற அவுஸ்திரேலியா முதலில் துடுப்பெடுத்தாடி வருகின்றது.

சற்று முன்னர் வரை 76 ஓவர்களில் ஐந்து விக்கெட்டுகளை இழந்துள்ள அந்த அணி 282 ஓட்டங்களை குவித்துள்ளது. இந்த போட்டியின் முக்கிய அம்சமாக சுமார் 1,445 நாட்களுக்கு பின்னர் பும்ரா வீசிய பந்தில் சிக்ஸர் அடிக்கப்பட்டது.

கடந்த நான்கு ஆண்டுகளாக டெஸ்ட் போட்டிகளில் அபாராமாக திறமையை வெளிப்படுத்தி வரும் பும்ரா கடந்த காலங்களில் வீசிய 4,484 பந்துகளுக்கு பின்னர் இன்று முதல் முறையாக சிக்ஸர் அடிக்கப்பட்டது.

அவுஸ்திரேலியா அணியின் அறிமுக வீரராக களமிறங்கியுள்ள சாம் கோன்ஸ்டஸ் பும்ராவின் பந்துவீச்சை லாவகமாக எதிர்கொண்டார். அவர் வீசிய இரண்டாவது ஓவரில் மட்டு 16 ஓட்டங்களை கோன்ஸ்டஸ் அடித்திருந்தார்.

இதன் மூலம் டெஸ்ட் போட்டிகளில் பும்ராவின் ஓவரில் அதிக ஓட்டங்களை குவித்த வீரர் என்ற சாதனையை கோன்ஸ்டஸ் படைத்தார். இந்தப் போட்டியின் மற்றுமொரு முக்கிய சம்பவமாக விராட் கோலி மற்றும் சாம் கோன்ஸ்டஸ் மோதிக்கொண்டது பரபரப்பை ஏற்படுத்தியுள்ளது.

10 ஓவரின் முடிவில் பந்தை கையில் எடுத்துக்கொண்டு ஓவர் மாற்றுவதற்காக விராட் கோலி நடந்து சென்ற போது எதிர்திசையில் கோன்ஸ்டஸ் நடந்து வந்தார். இதன்போது இருவரும் தங்களுடைய தோளில் நேருக்கு நேராக மோதிக்கொண்டனர்.

இதனையடுத்து இருவருக்கும் வாக்குவாதம் ஏற்பட்ட போது மைதானத்தில் இருந்த உஸ்மன் கவஜா மற்றும் நடுவர்கள் தலையிட்டு நிலைமையை சரிசெய்தனர்.

ஆனால் அந்த இடத்தில் விராட் கோலி தான் வேண்டுமென்றே கோன்ஸ்டஸ் மீது மோதியதாக நேரலையில் ரிக்கி பாண்டிங் மற்றும் மைக்கேல் வாகன போன்ற முன்னாள் வீரர்கள் விமர்சித்தார்கள்.

இந்நிலையில் அந்த தருணத்தில் யார் மீது தவறு இருக்கிறது என்பதை போட்டி நடுவர் ஆண்டி பைகிராஃப்ட் விசாரிப்பார் என அவுஸ்திரேலிய வாரியம் அறிவித்துள்ளது.

ஒருவேளை அதன் முடிவில் அவர்கள் மீது தவறு இருந்தால் நடுவர் லெவல் 1 அல்லது லெவல் 2 விதிமுறை மீறியதாக பரிந்துரை செய்வார். அதை ஏற்றுக் கொண்டு ஐசிசி 3 அல்லது 4 கருப்பு புள்ளிகளை தண்டனையாக கொடுக்க (லெவல் 2 விதிமுறை) வாய்ப்புள்ளது.

ஒருவேளை லெவல் 2 விதிமுறையை மீறியதற்காக 4 புள்ளிகளை பெற்றால் இந்தத் தொடரின் 5வது போட்டியில் விராட் கோலி அல்லது கோன்ஸ்டஸ் விளையாடுவதற்கு தடை பெறுவார்கள்.

லெவல் 1 விதிமுறை மீறியதாக கருதப்பட்டால் அபராதம் மட்டும் விதிக்கப்படும் என தெரிவிக்கப்பட்டுள்ளது.

The post இளம் வீரருடன் வம்பிழுத்தாரா விராட் கோலி? – சிட்னி டெஸ்டில் தடை appeared first on Oruvan.com.

முதலாவது மாற்றமாக அணித்தலைவர் ரோகித் ஷர்மா, யஷஸ்வி ஜெய்ஸ்வாலுடன் இணைந்து தொடக்க வீரராக களமிறங்க உள்ளதாக தெரிவிக்கப்பட்டுள்ளது.

பெர்த்தில் நடந்த தொடரின் முதல் போட்டியில் விளையாடாத ஷர்மா, அடிலெய்டில் மற்றும் பிரிஸ்பேனில் இடம்பெற்ற அடுத்த இரண்டு போட்டிகளிலும் ஆறுவது இடத்திலும் களமிறங்கினார்.

நடந்து முடிந்த மூன்றுப் போட்டிகளிலும் கேஎல் ராகுல் ஆரம்ப துடுப்பாட்ட வீரராக களமிறங்கி சிறப்பாக துடுப்பெடுத்தாடியிருந்தார். இந்நிலையில், அவரை மூன்றாவது இடத்தில் களமிறக்க திட்டமிடப்பட்டுள்ளதாக கூறப்படுகின்றது.

இந்த மாற்றங்கள் காரணமாக தற்போது மூன்றாவது இடத்தில் விளையாடி வரும் சுப்மான் கில் எந்த வரிசையில் களமிறங்கி துடுப்பெடுத்தாடுவார் என் கேள்வி எழுந்துள்ளது.

மெல்போர்னில் நாளை இடம்பெறவுள்ள போட்டியில் இரண்டு சுழற்பந்து வீச்சாளர்களுடன் விளையாடுவது குறித்து இந்திய அணி ஆலோசித்து வருவதாக கூறப்படுகிறது.

இதனால் சகலதுறை வீரர் வாஷிங்டன் சுந்தர் தங்கள் விளையாடும் 11 அணியில் மீண்டும் களமிறங்கக்கூடும் என சுட்டிக்காட்டப்பட்டுள்ளது.

பெர்த்தில் நடைபெற்ற முதல் டெஸ்டில் ஜெய்ஸ்வால் மற்றும் விராட் கோலி சதம் அடித்து அணியை வெற்றிப்பாதைக்கு அழைத்துச் சென்றனர். எனினும், அடுத்த இரண்டுப் போட்டிகளிலும் அவர்கள் கடுமையாக தடுமாறியிருந்தனர்.

கேஎல் ராகுல் மட்டுமே ஆறு இன்னிங்ஸ்களில் இரண்டு அரைசதங்களுடன் ஓரளவு சிறப்பாக துடுப்பெடுத்தாடியுள்ளதுடன், இந்த தொடரில் அதிக ஓட்டங்களை குவித்த வீரர்களில் டிராவிஸ் ஹெட்டுக்கு அடுத்தபடியாக இரண்டாமிடத்தில் உள்ளார்.

ஜெய்ஸ்வால் 193 ஓட்டங்களுடன் இந்தப் பட்டியலில் மூன்றாவது இடத்தில் இருந்தாலும், இதில் முதல் போட்டியில் பெற்றுக்கொண்ட 161 ஓட்டங்கள் அடங்கும்.

இந்திய அணியின் நட்சத்திர வீரர்களான ஷர்மா மற்றும் விராட் கோலி துடுப்பாட்டத்தில் மீண்டும் மீண்டும் சொதப்பியுள்ளனர் என்பதும் குறிப்பிடத்தக்கது.

The post போர்டர் – கவாஸ்கர் டெஸ்ட் தொடர்: இந்திய அணியில் மாற்றம் appeared first on Oruvan.com.

அவுஸ்திரேலியான அணியின் மத்திய வரிசை துடுப்பாட்ட வீரர்களான டிராவிஸ் ஹெட் மற்றும் ஸ்டீவ் ஸ்மித் ஆகியோர் சதங்களை பூர்த்தி செய்ததுடன், அணியின் மொத்த ஓட்ட எண்ணிக்கையை சடுதியாக உயர்த்தினர்.

ஸ்டீவ் ஸ்மித் 101 ஓட்டங்களுடனும், ஹெட் 152 ஓட்டங்களுடனும் ஆட்டமிழந்தார். இந்தியா சார்பில் ஐந்து விக்கெட்டுகளை வீழ்த்திய ஜஸ்பிரித் பும்ராவைத் தவிர, வேறு யாராலும் குறிப்பிடத்தக்க பங்களிப்பை அளிக்க முடியவில்லை.

நிதிஷ் குமார் ரெட்டி ஒரு விக்கெட்டை வீழ்த்தியிருந்தார். ஒரு கட்டத்தில் 75 ஓட்டங்களுக்கு மூன்று விக்கெட்டுகளை இழந்த நிலையில், ஸ்மித்துடன் இணைந்த டிராவிஸ் ஹெட் அண்மைய மீட்டனர்.

இருவரும் இணைந்து போட்டியின் போக்கை மாற்றினர். இறுதியாக, இந்தியாவுக்கு எதிரான நான்கு டெஸ்ட் போட்டியில் டிராவிஸ் ஹெட் தனது மூன்றாவது சதத்தைப் பூர்த்தி செய்தார்.

எந்த வகையான போட்டியாக இருந்தாலும் டிராவிஸ் ஹெட் இந்தியாவுக்கு தலைவலியாக மாறியுள்ளார். கடந்த காலங்களில் இந்திய அணிக்கு எதிரான டிராவிஸ் ஹெட் அபாரமாக விளையாடி வருகின்றார்.

இந்த டெஸ்ட் போட்டி நடைபெறும் பிரிஸ்பேனில் உள்ள கப்பா கிரிக்கெட் மைதானத்தில் கடைசியாக விளையாடிய மூன்று இன்னிங்ஸிலும் டிராவிஸ் ஹெட் ஓட்டங்கள் எதுவும் பெறாமல் ஆட்டமிழந்தார்.

ஆனால், இந்தியாவுக்கு எதிரான போட்டியில் அவர் சதம் அடித்துள்ளார். 160 பந்துகளை எதிர்கொண்ட அவர் 18 நான்கு ஓட்டங்கள் அடங்களாக 152 ஓட்டங்களை குவித்திருந்தார்.

இந்த மைதானத்தில் கடைசியா தென்னாப்பிரிக்காவுக்கு எதிரான ஒரு போட்டியிலும், மேற்கிந்திய தீவுகள் அணிக்கு எதிரான இரண்டு போட்டிகளிலும், ஓட்டங்கள் எதுவும் பெறாம் டிராவிஸ் ஹெட் ஆட்டமிழந்தார்.

குறிப்பாக இந்த மூன்று போட்டிகளிலும் முதல் பந்திலேயே டிராவிஸ் ஹெட் ஆட்டமிழந்திருந்தார் என்பதும் குறிப்பிடத்தக்கது.

The post போட்டியின் போக்கையே மாற்றிய டிராவிஸ்-ஸ்மித் ஜோடி appeared first on Oruvan.com.