இந்நிலையில், எதிர்வரும் 19ஆம் திகதி பதவியேற்பு விழா ஒழுங்குகள் செய்யப்பட்டுள்ளதாக தெரிவிக்கப்பட்டுள்ளது.

பிஹார் சட்​டப்​பேர​வைத் தேர்​தலில் பாரதிய ஜனதா கட்சி தலை​மையி​லான ஆளும் தேசிய ஜனநாயக கூட்​டணி 202 இடங்​களை கைப்​பற்றி அபார வெற்றியை பதிவுசெய்துள்ளது.

இந்நிலையில், பிஹாரில் ஆட்சி அமைப்பது தொடர்பில் கூட்டணியில் இடம்பெற்றுள்ள கட்சிகளின் தலைவர்கள் தீவிர ஆலோ​சனை நடத்தி வரு​கின்​றனர்.

பிஹார் முதல்​வரும் ஐக்​கிய ஜனதா தள தலை​வரு​மான நிதிஷ் குமார் பாட்​னா​வில் நேற்று கட்​சி​யின் மூத்த தலை​வர்​களு​டன் ஆலோ​சனை நடத்​தியுள்ளதாக தகவல்கள் தெரிவிக்கின்றன.

பிஹார் சட்டமன்ற தேர்தலின் புதிதாக தெரிவுசெய்யப்பட்டுள்ள ஐக்​கிய ஜனதா தள கட்சி உறுப்பினர்களின் கூட்​டம் பாட்​னா​வில் இன்று நடை​பெறவுள்ளது.

இந்த கூட்​டத்​தில் ஐக்​கிய ஜனதா தள சட்​டப்​பேர​வைத் தலை​வ​ராக நிதிஷ் குமார் தெரிவுசெய்​யப்படுவார் என தெரிவிக்கப்பட்டுள்ளது.

இதனையடுத்து, ஆளுனரை சந்​தித்து பதவி விலகல் கடிதத்தை கையளிக்க உள்​ளதுடன், புதி​தாக ஆட்​சி​யமைக்​க​வும் நிதிஷ் குமார் உரிமை கோரு​வார் என தெரிவிக்கப்பட்டுள்ளது.

இதன்படி, எதிர்வரும் 19ஆம் திகதி  நிதிஷ் குமார் 10வது முறை​யாக மீண்​டும் முதல்மைச்சராக பதவியேற்கவுள்ளதாக தகவல்கள் வெளியாகியுள்ளன.

இந்நிகழ்வில் பிரதமர் நரேந்​திர மோடி உள்ளிட்ட பலர் கலந்துகொள்ளவுள்ளதாக தெரிவிக்கப்பட்டுள்ளது.

The post நிதிஷ் குமார் 10வது முறை​யாக பிஹாரின் முதலமைச்சராகின்றார் appeared first on Oruvan.com.

இந்தியாவின் பீகார் மாநில சட்டசபை தேர்தல் திகதி அறிவிக்கப்பட்டள்ளது.

இதன்படி, இரண்டு கட்டங்களாக நவம்பர் மாதம் 6 மற்றும் 11 ஆம் திகதிகளில் சட்டசபை தேர்தல் நடத்தப்படும் என இந்திய தலைமை தேர்தல் ஆணையர் ஞானேஷ் குமார் அறிவித்துள்ளார்.

தேர்தலை வெளிப்படையாகவும், அமைதியான முறையில் நடத்துவதை உறுதி செய்ய விரும்புவதாகவும் அவர் கூறியுள்ளார்.

வாக்களிப்பதற்காக சுமார் 90 ஆயிரத்து 712 வாக்களிப்பு நிலையங்கள் ஏற்பாடு செய்யப்படும் எனவும் இந்திய தலைமை தேர்தல் ஆணையர் அறிவித்துள்ளார்.

மேலும் வன்முறையை ஏற்படுத்த கூடியவாறு சமூக வலைதளம் உள்ளிட்ட வேறு வழிகளில் போலி செய்திகள் வெளியிடுபவர்கள் மீது கடுமையான சட்ட நடவடிக்கை எடுக்கப்படும் என்றும் அவர் எச்சரித்துள்ளார்.

The post பீகார் மாநில சட்டசபை தேர்தல் திகதி அறிவிப்பு appeared first on Oruvan.com.

பீகாரில் விரைவில் தேர்தல் நடக்க இருக்கும் நிலையில் தற்போது நடந்து வரும் படுகொலைகள் நிதீஷ் குமார் தலைமையிலான அரசுக்கு கடும் நெருக்கடியை ஏற்படுத்தி இருக்கிறது.

தற்போது மேலும் ஒரு சம்பவமாக பாட்னா மருத்துவமனைக்குள் பட்டப்பகலில் நுழைந்த கும்பல் மருத்துவமனையில் சிகிச்சை பெற்று வந்த கிரிமினலை சுட்டுக்கொலை செய்துவிட்டு தப்பி ஓடிவிட்டது.

12க்கும் மேற்பட்ட கொலை வழக்குகளில் தொடர்புடைய சந்தன் மிஸ்ரா என்ற கிரிமினல் சிறையில் இருந்து பரோலில் வந்து பாட்னா பராஸ் மருத்துவமனையில் சிகிச்சை எடுத்து வந்தார்.

நேற்று காலையில் திடீரென 5 பேர் கொண்ட கும்பல் மருத்துவமனைக்குள் நுழைந்தது. அவர்கள் ஒவ்வொரு அறையாக பார்த்துக்கொண்டே வந்து சந்தன் மிஸ்ரா சிகிச்சை பெற்று வந்த அறைக்குச் சென்று சரமாரியாக சுட்டுவிட்டு கண்ணிமைக்கும் நேரத்தில் தப்பிச் சென்றுவிட்டனர்.

அவர்கள் திரைப்படங்களில் வருவது போன்று வந்து துப்பாக்கியால் சுட்டுவிட்டுச் சென்றது பெரும் அதிர்ச்சியை ஏற்படுத்தியுள்ளது.

இது குறித்து மூத்த பொலிஸ் அதிகாரி கார்திகே சர்மா கூறுகையில், ”12-க்கும் மேற்பட்ட கொலை வழக்குகளில் தொடர்புடைய கிரிமினல் சிறையில் இருந்து பாகல்பூர் சிறைக்கு மாற்றப்பட்டு இருந்தார்.

அவர் மருத்துவ காரணங்களுக்காக பரோலில் வந்து பராஸ் மருத்துவமனையில் சிகிச்சை எடுத்து வந்தார். அவரை எதிர்க்கோஷ்டி துப்பாக்கியால் சுட்டுக் கொலை செய்துள்ளது. குற்றவாளிகள் அடையாளம் காணப்பட்டுள்ளனர்.

சந்தன் ஷெரு கூட்டத்தை சேர்ந்தவர்கள் இக்காரியத்தில் ஈடுபட்டுள்ளனர். அவர்களை கைது செய்ய நடவடிக்கை எடுக்கப்பட்டுள்ளது. இக்கொலையில் மருத்துவமனை செக்யூரிட்டி கார்டுகளுக்கு தொடர்பு இருக்கிறதா என்பது குறித்து விசாரித்து வருகிறோம்” என்று தெரிவித்தார்.

இச்சம்பவத்தை தொடர்ந்து மாநிலத்தில் சட்டம் ஒழுங்கு குறித்து எதிர்க்கட்சிகள் கேள்வி எழுப்பி இருக்கின்றன. பீகாரில் ரௌடிகளின் ஆட்சி நடப்பதாக காங்கிரஸ் தெரிவித்துள்ளது. 17 நாள்களில் 46 படுகொலைகள் நடந்திருக்கிறது என்று அக்கட்சி கூறி இருக்கிறது.

விகடன் 

The post திரைப்பட பாணியில் நடந்தேறிய கொடூரம் – பீகாரில் நடந்த அதிர்ச்சி சம்பவம் appeared first on Oruvan.com.

இந்நிலையில், குறித்த சம்பவம் தொடர்பில் இந்திய மனித உரிமைகள் அமைப்பு விசாரணைகளை முன்னெடுத்துள்ளதாக பிபிசி செய்தி வெளியிட்டுள்ளது.

சமையல்காரர் உயிரிழந்த பாம்பை ஒதுக்கிவிட்டு மதிய உணவை பரிமாறியதாக தேசிய மனித உரிமைகள் ஆணையம் (NHRC) அறிக்கை ஒன்றில் தெரிவித்துள்ளது.

கிழக்கு இந்தியாவின் பீகார் மாநிலத்தில் உள்ள மொகாமா நகரில் சுமார் 500 குழந்தைகளுக்கு உணவு பரிமாறப்பட்டதாக நம்பப்படுகிறது என்று ஆணையம் தெரிவித்துள்ளது.

குழந்தைகள் நோய்வாய்ப்படத் தொடங்கியதை அடுத்து, உள்ளூர்வாசிகள் சாலையை மறித்து போராட்டத்தில் ஈடுபட்டனர் என்று தேசிய மனித உரிமைகள் ஆணையம் தெரிவித்துள்ளது.

இந்நிலையில், “குழந்தைகளின் சுகாதார நிலை” உள்ளிட்ட மூத்த மாநில அதிகாரிகளிடமிருந்து இரண்டு வாரங்களுக்குள் “விரிவான அறிக்கை” கோரப்பட்டுள்ளதாக தெரிவிக்கப்பட்டுள்ளது.

மதிய உணவு என்று அழைக்கப்படும் இலவச பாடசாலை உணவு, 1925ஆம் ஆண்டு தெற்கு நகரமான சென்னையில் (மெட்ராஸ்) ஏழைப் பின்னணியைச் சேர்ந்த குழந்தைகளுக்காக முதன்முதலில் அறிமுகப்படுத்தப்பட்டது.

உலகின் மிகப்பெரிய திட்டங்களில் ஒன்றான இது, பசியை எதிர்த்துப் போராடவும் பாடசாலை வருகையை அதிகரிக்கவும் அறிமுகப்படுத்தப்பட்டது. இருப்பினும், உணவு சுகாதாரம் மோசமாக இருப்பதாக முறைப்பாடுகள் எழுந்துள்ளன.

2013 ஆம் ஆண்டில், பீகார் மாநிலத்தில் 23 பாடசாலை மாணவர்களின் இறப்புக்கு மோசமான உணவு சுகாதாரமே காரணம் என தெரிவிக்கப்பட்டுள்ளது.

The post பாடசாலை மாணவர்களுக்கு சமைத்த உணவில் பாம்பு – 100க்கும் மேற்பட்ட மாணவர்கள் பாதிப்பு appeared first on Oruvan.com.