முன்னாள் ஜனாதிபதி அசாத்துக்கு விசுவாசமான அலவைட் சிறுபான்மை பிரிவினருக்கு எதிராக தற்போதைய அரசாங்கத்திற்கு விசுவாசமான துப்பாக்கிதாரிகள் கடந்த வியாழக்கிழமை வன்முறையில் ஈடுபட்டுள்ளதாக அசோசியேட்டட் பிரஸ் செய்தி வெளியிட்டுள்ளது.

வன்முறை தற்காலிகமாக முடிவுக்கு வந்துள்ளதாகவும், பெரும்பாலான பகுதிகளை அரசாங்கம் மீண்டும் கட்டுப்பாட்டில் கொண்டு வந்துவிட்டது என்றும் அதிகாரிகள் தெரிவித்தனர்.

வன்முறைகள் குவிந்துள்ள கடலோரப் பகுதிக்குச் செல்லும் அனைத்து சாலைகளையும் அதிகாரிகள் மூடி, அமைதியை மீட்டெடுக்க நடவடிக்கை எடுத்துள்ளதாக தெரிவிக்கப்பட்டுள்ளது.

சிரியாவில் வன்முறை

இதற்கிடையில், குழுக்களுக்கு இடையிலான மோதல்களின் போது 745 பொதுமக்கள் கொல்லப்பட்டதாகவும், அவர்களில் பெரும்பாலோர் துப்பாக்கிச் சூட்டில் இறந்ததாகவும் சிரிய மனித உரிமைகள் கண்காணிப்பகம் தெரிவித்துள்ளது.

அரசாங்க பாதுகாப்புப் படைகளைச் சேர்ந்த 125 உறுப்பினர்களும், அசாத்துடன் இணைந்த ஆயுதக் குழுக்களைச் சேர்ந்த 148 உறுப்பினர்களும் கொல்லப்பட்டனர்.

அலவைட் சமூகம் குறிவைக்கப்படுகிறது

அசாத்தின் ஆட்சியின் போது, ​​அலவைட்டுகள் இராணுவத்தில் உயர் பதவிகளையும் பிற சலுகை பெற்ற பதவிகளையும் அனுபவித்தனர்.

இருப்பினும், புதிய அரசாங்கம் மூன்று மாதங்களுக்கு முன்பு ஆட்சிக்கு வந்ததிலிருந்து, முன்னாள் ஜனாதிபதியுடனான தொடர்புகளுக்காக அலவைட்டுகள் மீண்டும் குறிவைக்கப்படுகிறார்கள்.

வீடுகள் சூறையாடப்பட்டன

லடாகியா நகரின் அலவைட் பெரும்பான்மையினர் வசிக்கும் பல பகுதிகளில் வன்முறையுடன் மின்சாரம் மற்றும் குடிநீர் விநியோகமும் துண்டிக்கப்பட்டுள்ளதாக பிரித்தானியாவை தளமாகக் கொண்ட சிரிய மனித உரிமைகள் கண்காணிப்பகம் தெரிவித்துள்ளது.

அலவைட் சமூகத்தில் பலரின் வீடுகள் சூறையாடப்பட்டு, பின்னர் தீ வைத்து எரிக்கப்பட்டதாக அசோசியேட்டட் பிரஸ் செய்தி வெளியிட்டுள்ளது.

பெண்கள் நிர்வாணமாக அழைத்துச் செல்லப்பட்டனர்

தனது நாட்டின் நாடாளுமன்றத்தில் அலவைட் பிரிவினருக்கு ஒதுக்கப்பட்ட இரண்டு இடங்களில் ஒன்றை வைத்திருக்கும் லெபனான் அரசியல்வாதி ஹைதர் நாசர், பாதுகாப்பு காரணங்களுக்காக சமூக உறுப்பினர்கள் சிரியாவிலிருந்து லெபனானுக்கு தப்பிச் சென்றதாக கூறினார்.

வன்முறையின் கொடூரமான காட்சிகளுக்கு மத்தியில், பெண்கள் நிர்வாணமாக்கப்பட்டு, வீதிகளில் ஊர்வலமாக அழைத்துச் செல்லப்பட்டு, பின்னர் சுட்டுக் கொல்லப்பட்டதாக சாட்சிகள் அசோசியேட்டட் பிரஸ்ஸிடம் தெரிவித்தனர்.

The post சிரியாவில் வன்முறை – இரண்டு நாட்களில் 1000 பேர் பலி, நிர்வாணமாக அழைத்துச் செல்லப்பட்ட பெண்கள் appeared first on Oruvan.com.

இதன்படி, அவரைக் கொலை செய்ய முயற்சி மேற்கொள்ளப்பட்டுள்ளதாக தெரிவிக்கப்பட்டுள்ளது. ஊடக அறிக்கைகளின்படி, அசாத்திற்கு விஷம் கொடுக்கப்பட்டதாக சந்தேகிக்கப்படுகிறது.

இதனால், அவருக்கு மூச்சு விடுவதில் சிரமம் ஏற்பட்டுள்ளதாக அந்த செய்தியில் தெரிவிக்கப்பட்டுள்ளது. எவ்வாறாயினும், அசாத்தின் உடல்நிலை தற்போது சீராக இருப்பதாகக் கூறப்படுகிறது.

இந்நிலையில், அவருக்கு அடைக்கலம் கொடுத்த நாடான ரஷ்யாவிடமிருந்து இந்த சம்பவம் தொடர்பில் எந்த கருத்துகளும் வெளியாகவில்லை.

கடந்த ஆண்டு டிசம்பர் எட்டாம் திகதி முதல் அசாத் ரஷ்ய ஜனாதிபதி புடினின் (பாதுகாப்பில் மொஸ்கோவில் வசித்து வருகிறார். கடந்த ஞாயிற்றுக் கிழமை அவர் நோய்வாய்ப்பட்டுள்ளார். இதனையடுத்து அவருக்கு அவசர மருத்துவ உதவி தேவைப்பட்டது.

அசாத் சத்தமாக இருமினார், மூச்சுத் திணறினார். அவரால் சுவாசிக்க முடியவில்லை. அறிக்கையின்படி, அவரது உடலில் விஷம் இருப்பது தெரியவந்தது. இதன் அடிப்படையில், அவருக்கு விஷம் கொடுத்து கொல்ல முயற்சி நடந்திருக்கலாம் என சந்தேகிக்கப்படுகிறது.

முன்னாள் ஜனாதிபதிக்கு மொஸ்கோவில் உள்ள அவரது இல்லத்தில் சிகிச்சை அளிக்கப்படுகிறது. இது குறித்து ரஷ்யா இதுவரை எந்த எதிர்வினையும் தெரிவிக்கவில்லை.

விவாகரத்து செய்ய விரும்பும் மனைவி

கடந்த மாதம் அல்-அசாத்தின் மனைவி அஸ்மா அவரை விவாகரத்து செய்ய விரும்புவதாக தெரியவந்தது. அஸ்மா தனது பிறந்த இடமான பிரித்தானியாவில் தஞ்சம் கோருகிறார், ஆனால் பிரித்தானியா அவருக்கு தஞ்சம் வழங்க மறுத்துவிட்டது.

அஸ்மாவின் கடவுச்சீட்டு காலாவதியானது, மேலும் அவர் தனது கணவருடன் சேர்ந்து சிரிய மக்களை இனப்படுகொலை செய்ததாகவும் குற்றம் சாட்டப்பட்டுள்ளது.

அஸ்மாவும் அவரது குடும்பத்தினரும் தற்போது மொஸ்கோவில் தங்கியுள்ளனர். அரசாங்கம் வீழ்ச்சி கண்ட பின்னர் அசாத்தின் குடும்பம் சிரியாவை விட்டு வெளியேறியமை குறிப்பிடத்தக்கது.

The post சிரிய சர்வாதிகாரி அசாத்தை விஷம் வைத்து கொலை செய்ய முயற்சி appeared first on Oruvan.com.

எனினும், ஜனாதிபதி பஷர் அல்-அசாத்தின் வீழ்ச்சிக்குப் பிறகு சிரியாவில் உள்ள அதன் இரண்டு முக்கிய தளங்களை விட்டு வெளியேறவில்லை என்று நான்கு சிரிய அதிகாரிகள் ரொயிட்டர்ஸிடம் உறுதிப்படுத்தியுள்ளனர்.

ரஷ்யாவுடன் நெருங்கிய கூட்டணியை உருவாக்கிய அசாத்தின் ஆட்சிக்கவிழ்ப்பு, ரஷ்யாவின் தளங்களான லடாகியாவில் உள்ள ஹ்மெய்மிம் விமானத் தளம் மற்றும் டார்டஸ் கடற்படை தளத்தின் எதிர்காலத்தை கேள்விக்குறியாக்கியுள்ளது.

வெள்ளிக்கிழமை செயற்கைக்கோள் காட்சிகள், ஹ்மெய்மிம் தளத்தில், திறந்த நிலையில், ஏற்றத் தயாராகி வரும் நிலையில், குறைந்தது இரண்டு அன்டோனோவ் AN-124 விமானங்கள் இருப்பதைக் காட்டுகிறது.

சனிக்கிழமை லிபியாவிற்கு குறைந்தது ஒரு சரக்கு விமானம் பறந்ததாக, சிரிய பாதுகாப்பு அதிகாரி ஒருவர் தெரிவித்தார்.

ரஷ்யர்களுடன் தொடர்பு கொண்ட சிரிய இராணுவ மற்றும் பாதுகாப்பு வட்டாரங்கள், மொஸ்கோ தனது படைகளை முன் வரிசைகளில் இருந்து பின்வாங்கி, சில கனரக உபகரணங்களையும் மூத்த சிரிய அதிகாரிகளையும் திரும்பப் பெறுவதாக ரொய்ட்டர்ஸிடம் தெரிவித்தன.

ஆனால், நிலைமையின் தீவிரம் காரணமாக பெயர் குறிப்பிட விரும்பாத அந்த வட்டாரங்கள், ரஷ்யா தனது இரண்டு முக்கிய தளங்களிலிருந்து வெளியேறவில்லை என்றும், தற்போது அவ்வாறு செய்யும் எண்ணம் இல்லை என்றும் கூறின.

சில உபகரணங்கள் மொஸ்கோவிற்குத் திருப்பி அனுப்பப்படுவதாக தெரிவிக்கப்பட்டுள்ளது.

புதிய இடைக்கால நிர்வாகத்திற்கு நெருக்கமான மூத்த கிளர்ச்சி அதிகாரி ஒருவர், சிரியாவில் ரஷ்ய இராணுவ இருப்பு மற்றும் அசாத் அரசாங்கத்திற்கும் மொஸ்கோவிற்கும் இடையிலான கடந்தகால ஒப்பந்தங்கள் பற்றிய பிரச்சினை விவாதிக்கப்படவில்லை என்று ரொய்ட்டர்ஸிடம் கூறினார்.

“இது எதிர்கால பேச்சுவார்த்தைகளுக்கான விஷயம், சிரிய மக்களே இறுதி முடிவை எடுப்பார்கள்” என்று அந்த அதிகாரி கூறினார். “எங்கள் படைகள் இப்போது லடாகியாவில் உள்ள ரஷ்ய தளங்களுக்கு அருகில் உள்ளன,” என்று அவர் மேலும் கூறினார்.

தளங்கள் குறித்து சிரியாவின் புதிய ஆட்சியாளர்களுடன் ரஷ்யா விவாதித்து வருவதாக கிரெம்ளின் தெரிவித்துள்ளது.

சிரியாவின் புதிய ஆட்சியாளர்களுடன் பேச்சுவார்த்தைகள் நடந்து வருவதாகவும், ரஷ்யா அதன் தளங்களிலிருந்து விலகவில்லை என்றும் பெயர் குறிப்பிட விரும்பாத ஒரு ரஷ்ய வட்டாரம் தெரிவித்துள்ளது.

The post சிரியாவில் இருந்து தனது இராணுவத்தை மீளப் பெறும் ரஷ்யா appeared first on Oruvan.com.

அண்டை நாடுகள் உட்பட உலகத்துடன் நல்லுறவைக் கட்டியெழுப்ப சிரியா ஒரு “சாதாரண நாடாக” இருக்க முடியும் என்று அவர் குறிப்பிட்டுள்ளார். “ஆனால் இந்த பிரச்சினை சிரிய மக்களால் தேர்ந்தெடுக்கப்பட்ட எந்தவொரு தலைமையையும் சார்ந்தது.

நாங்கள் அதனுடன் (அந்த தலைமை) ஒத்துழைக்க தயாராக இருக்கிறோம். சாத்தியமான அனைத்து வசதிகளையும் ஏற்படுத்தி தாருங்கள்” என்று ஜலாலி தனது முகநூல் கணக்கில் தெரிவித்துள்ளார்.

மேலும் கிளர்ச்சியாளர்கள் வானத்தை நோக்கி சுடுவதையும் அவர் தடை செய்தார்.

டமாஸ்கஸிலிருந்து அசாத் தப்பியோட்டம்

கிளர்ச்சியாளர்கள் ஞாயிற்றுக்கிழமை அசாத் நாட்டை விட்டு வெளியேறதை அறிவித்தனர். அத்துடன், வெளிநாட்டில் வசிக்கும் நாட்டின் குடிமக்கள் “சுதந்திர சிரியாவிற்கு” திரும்ப வேண்டும் என்று அழைப்பு விடுத்தனர்.

“கொடுங்கோலன் அசாத்” தப்பி ஓடிவிட்டதாகவும், “டமாஸ்கஸ் நகரத்தை நாங்கள் சுதந்திரமாக அறிவிக்கிறோம்” என்றும் டெலிகிராமில் கிளர்ச்சிப் பிரிவுகள் தெரிவித்தன.

“பாத் ஆட்சியின் கீழ் 50 ஆண்டுகால அடக்குமுறை, 13 வருட குற்றங்கள், கொடுங்கோன்மை மற்றும் (கட்டாய) இடப்பெயர்ச்சிக்குப் பிறகு இந்த இருண்ட காலத்தின் முடிவுடன் சிரியாவின் புதிய சகாப்தத்தின் தொடக்கத்தை நாங்கள் இன்று அறிவிக்கிறோம்,” என்று கிளர்ச்சியாளர்கள் குறிப்பிட்டனர்.

சிரியாவின் நிலைமையை கண்காணிக்கும் பைடன்

அமெரிக்க ஜனாதிபதி ஜோ பைடன் சிரியாவில் நடக்கும் “அசாதாரண நிகழ்வுகளை” கண்காணித்து வருகிறார் என்று வெள்ளை மாளிகை ஒரு அறிக்கையில் கூறியுள்ளது

“ஜனாதிபதி பைடன் மற்றும் அவரது குழுவினர் சிரியாவில் நடக்கும் நிகழ்வுகளை உன்னிப்பாகக் கண்காணித்து வருகின்றனர் மற்றும் பிராந்திய பங்காளிகளுடன் தொடர்ந்து தொடர்பில் உள்ளனர்” என்று தேசிய பாதுகாப்பு பேரவையின் செய்தித் தொடர்பாளர் சீன் சாவெட் குறிப்பிட்டுள்ளார்.

The post சிரியா ஜனாதிபதி நாட்டை விட்டு தப்பியோட்டம் – பிரதமர் வெளியிட்டுள்ள அறிவிப்பு appeared first on Oruvan.com.