இலங்கை மக்களுக்கு “வளரும் தேசம் – அழகான வாழ்க்கை” என்ற தொலைநோக்குப் பார்வையை அடைய தற்போதைய இலங்கை அரசாங்கம் எடுக்கும் முயற்சிகளுக்கு சீனாவின் முழு ஆதரவையும் அந்நாட்டு பிரதமர் லி கியாங் வெளிப்படுத்தியிருந்தார்.

நேற்று வியாழக்கிழமை பெய்ஜிங்கில் இலங்கை ஜனாதிபதி அநுர குமார திசாநாயக்கவுடன் இடம்பெற்ற சந்திப்பின் போது பிரதமர் லி கியாங் இந்தக் கருத்தைத் தெரிவித்தார்.

இந்தச் சந்திப்பின் போது, ​​பிரதமர் லி ஜனாதிபதி திசாநாயக்கவை அன்புடன் வரவேற்று, இலங்கையின் பொருளாதார வளர்ச்சிக்கு விரிவான ஆதரவை வழங்குவதற்கான சீனாவின் உறுதிப்பாட்டை மீண்டும் வலியுறுத்தினார்.

ஊழல் இல்லாத தேசத்தைக் கட்டியெழுப்புவதற்கான இலங்கை அரசின் தொடர்ச்சியான முயற்சிகளுக்கு சீனாவின் ஆதரவையும் பிரதமர் உறுதிப்படுத்தினார்.

ஜனாதிபதி திசாநாயக்க, தனது கருத்துக்களில், துறவி ஃபாக்சியனின் காலத்தில் இருந்தே சீனாவிற்கும் இலங்கைக்கும் இடையிலான வரலாற்றுச் சிறப்புமிக்க நட்பை எடுத்துரைத்தார்.

வறுமையை ஒழிப்பதற்கும் நாடு முழுவதும் டிஜிட்டல் மயமாக்கலை ஊக்குவிப்பதற்கும் இலங்கையின் முயற்சிகளுக்கு பிரதமர் லியின் ஆதரவையும் அவர் கோரினார்.

இலங்கையின் வளர்ச்சியில் முக்கிய பங்கு வகித்து வரும் சீன அரசாங்கத்திற்கும், அந்நாட்டு மக்களும் தொடர்ந்து அளித்து வரும் ஆதரவிற்கு ஜனாதிபதி நன்றியைத் தெரிவித்தார்.

நீண்டகால இருதரப்பு உறவை வலுப்படுத்துதல், முதலீடுகளை வளர்ப்பது, கலாச்சார பரிமாற்றங்கள், வர்த்தகம் மற்றும் அரசியல் ஒத்துழைப்பை விரிவுபடுத்துதல் உள்ளிட்ட பல்வேறு தலைப்புகளில் இந்த சந்திப்பு இடம்பெற்றது.

The post ஊழலிலிருந்து விடுவிப்பதற்கு இலங்கைக்கு முழு ஆதரவு – சீன பிரதமர் appeared first on Oruvan.com.

சீனா டியான்யிங் இன்கோபரேசன் (CNTY- China Tianying Inc),சீன ஹார்பர் பொறியியல் நிறுவனம் ( China Harbour Engineering Company Ltd) , சீன தொலைத் தொடர்பு நிர்மாண கம்பெனி லிமிடெட் (China Communications Construction Company Ltd), சீனா பெட்ரோ கெமிக்கல் கூட்டுத்தாபனம் ( China Petrochemical Corporation -SINOPEC Group),மெடலர்ஜிகல் கோபரேசன் ஒப் சைனா நிறுவனம் (Metallurgical Corporation of China Ltd), சீன சிவில் பொறியியல் நிர்மாணக் கூட்டுத்தாபனம் ( China Civil Engineering Construction Corporation),சீனா எனர்ஜி இன்டர்நெசனல் குழும நிறுவனம் (China Energy International Group Company Ltd),குவாங்சு பொதுப் போக்குவரத்து குழுமம்( The Guangzhou Public Transport Group)உட்பட பல முன்னணி சீன நிறுவனங்கள் இந்த முதலீட்டு அமர்வில் பங்கேற்றன.

The post Invest in Sri Lanka முதலீட்டு அமர்வில் ஜனாதிபதி பங்கேற்பு appeared first on Oruvan.com.

சீன ஜனாதிபதி ஜி ஜின்பிங்கின் அழைப்பின் பேரில் ஜனாதிபதி அநுரகுமார திசாநாயக்க சீனாவிற்கு நான்கு நாள் அரசு முறைப் பயணம் மேற்கொண்டுள்ளார்.

இந்நிலையில், சீனா சென்ற ஜனாதிபதிக்கு, சீன இராணுவத்தால் சம்பிரதாய வரவேற்பு அளிக்கப்பட்டதுடன், சீனாவின் துணை வெளியுறவு அமைச்சர் சென் சியாடோங் முறையாக வரவேற்றுள்ளார்.

ஜனாதிபதி அநுரகுமார திசாநாயக்கவின் பயணத்தின் போது பாதையின் இருபுறமும் இரு நாடுகளின் தேசியக் கொடிகளால் அலங்கரிக்கப்பட்டிருந்தது.

இது பரஸ்பர மரியாதை மற்றும் இராஜதந்திரத்தை அடையாளப்படுத்துகிறது.

இந்த அரசு முறைப் பயணத்தின் போது, ​​தொழில்நுட்பம், விவசாய மேம்பாட்டில் கவனம் செலுத்தும் களப் பயணங்கள் மற்றும் வறுமை ஒழிப்பை நோக்கமாகக் கொண்ட முன்முயற்சிகள் உட்பட பல முக்கிய ஈடுபாடுகளில் ஜனாதிபதி பங்கேற்க உள்ளார்.

இந்த விஜயத்தில் உயர் மட்ட வணிகக் கூட்டங்கள் மற்றும் கலந்துரையாடல்களும் இடம்பெற்றுள்ளதாக தெரிவிக்கப்பட்டுள்ளது.

மேலும், இலங்கைக்கும் சீனாவிற்கும் இடையிலான இருதரப்பு ஒத்துழைப்பை வலுப்படுத்துவதை நோக்கமாகக் கொண்ட பல புரிந்துணர்வு ஒப்பந்தங்கள் (MoU) இந்த விஜயத்தின் போது கையெழுத்திடப்படும் என்று எதிர்பார்க்கப்படுகிறது.

ஜனாதிபதி திசாநாயக்கவுடன் அமைச்சர்களான விஜித ஹேரத், பிமல் ரத்நாயக்க உள்ளிட்டவர்களும் சீனா சென்றுள்ளமை குறிப்பிடத்தக்கது.

The post சீனா சென்ற ஜனாதிபதிக்கு இராணுவ மரியாதையுடன் வரவேற்பு appeared first on Oruvan.com.

ஜனாதிபதியின் கீழ் உள்ள மூன்று அமைச்சுகளுக்கும், வெளியுறவு, வெளிநாட்டு வேலைவாய்ப்பு மற்றும் சுற்றுலா அமைச்சு, போக்குவரத்து மற்றும் நெடுஞ்சாலைகள் அமைச்சு, துறைமுகங்கள் மற்றும் சிவில் விமான போக்குவரத்து அமைச்சுக்கும் பதில் அமைச்சர்கள் நியமிக்கப்பட்டுள்ளதாக ஜனாதிபதி ஊடகப் பிரிவு அறிவித்துள்ளது.

அதன்படி, டிஜிட்டல் பொருளாதார பிரதி அமைச்சர் எரங்க வீரரத்ன, டிஜிட்டல் பொருளாதார பதில் அமைச்சராக நியமிக்கப்பட்டுள்ளார்.

பாதுகாப்பு பிரதி அமைச்சர் அருண ஜெயசேகர பதில் பாதுகாப்பு அமைச்சராக நியமிக்கப்பட்டுள்ளார்.

தொழிலாளர் அமைச்சரும் பொருளாதார மேம்பாட்டு பிரதி அமைச்சருமான கலாநிதி அனில் ஜெயந்த பெர்னாண்டோ, நிதி, திட்டமிடல் மற்றும் பொருளாதார மேம்பாட்டுக்கான பதில் அமைச்சராக நியமிக்கப்பட்டுள்ளார்.

வெளிநாட்டு வேலைவாய்ப்பு பிரதி அமைச்சர் அருண் ஹேமசந்திர, வெளியுறவு, வெளிநாட்டு வேலைவாய்ப்பு மற்றும் சுற்றுலாத்துறை பதில் அமைச்சராக நியமிக்கப்பட்டுள்ளார்.

போக்குவரத்து மற்றும் நெடுஞ்சாலைகள் பிரதி அமைச்சரான கலாநிதி பிரசன்ன குமார குணசேன, போக்குவரத்து மற்றும் நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து பதில் அமைச்சராக நியமிக்கப்பட்டுள்ளார்.

The post சீனா சென்றார் ஜனாதிபதி – பதில் அமைச்சர்கள் ஐவர் நியமிப்பு appeared first on Oruvan.com.

ஜனாதிபதி அநுரகுமார திசாநாயக்க, நான்கு நாள் அரசுமுறைப் பயணமாக சீனாவுக்கு இன்று (13) இரவு புறப்பட உள்ளார்.

சீன ஜனாதிபதி ஜி ஜின்பிங்கின் அழைப்பின் பேரில் ஜனாதிபதி அநுர குமார திசாநாயக்க ஜனவரி 14 முதல் 17 வரை இந்தப் பயணத்தில் ஈடுபடவுள்ளார்.

இந்த விஜயத்தின் போது, ​​ஜனாதிபதி சீன ஜனாதிபதி ஜி ஜின்பிங், சீன பிரதமர் லி கியாங் மற்றும் இராஜதந்திரிகள் குழுவை இலங்கை ஜனாதிபதி சந்திக்க உள்ளார்.

மேலும், இந்த சீன விஜயத்தின் போது, ​​தொழில்நுட்ப மற்றும் விவசாய மேம்பாடு மற்றும் வறுமை ஒழிப்பு ஆகியவற்றில் கவனம் செலுத்தும் பல களப் பயணங்களில் ஜனாதிபதி பங்கேற்க உள்ளார்.

மேலும் பல உயர் மட்ட வணிகக் கூட்டங்களிலும் கலந்து கொள்ளவும் திட்டங்கள் உள்ளன. இந்த விஜயத்தின் போது இரு நாடுகளுக்கும் இடையில் பல இருதரப்பு ஒப்பந்தங்களில் கையெழுத்திடுவதற்கான ஏற்பாடுகளும் செய்யப்பட்டு வருகின்றன.

ஜனாதிபதியாகப் பொறுப்பேற்ற பின்னர், ஜனாதிபதி அனுரகுமார திசாநாயக்க மேற்கொள்ளும் இரண்டாவது வெளிநாட்டுப் பயணம் இது என்பதும்.

எனவே, இரு நாடுகளுக்கும் இடையிலான நீண்டகால உறவுகளை மேலும் வலுப்படுத்துவதில் இந்த விஜயம் மிக முக்கியமான படியாகக் கருதப்படுகிறது.

ஜனாதிபதியில் இந்த விஜயம் இரு நாடுகளுக்கும் இடையிலான பொருளாதார, வர்த்தகம் மற்றும் முதலீட்டு ஒத்துழைப்பை மேம்படுத்தும் என்றும் எதிர்பார்க்கப்படுகிறது.

The post இன்றிரவு சீனா செல்கின்றார் ஜனாதிபதி அநுர appeared first on Oruvan.com.

புரிந்துணர்வு ஒப்பந்தங்களுக்கு மேலதிகமாக, சர்வதேச நாணய நிதியத்தின் கடன் மறுசீரமைப்பு திட்டத்திற்கான சீனாவின் உதவியுடன், பொருளாதார மீட்சிக்கான சீனாவின் ஆதரவு குறித்து விவாதிக்கப்படும் என்று வெளியுறவு அமைச்சர் விஜித ஹேரத் தெரிவித்துள்ளார்.

சீன ஜனாதிபதி ஜி ஜின்பிங்கின் அழைப்பின் பேரில், ஜனவரி 14 முதல் 17 வரை சீனாவிற்கு அரசு முறைப் பயணமாக ஜனாதிபதி அநுரகுமார திசாநாயக்க அந்நாட்டிற்கு செல்லவுள்ளார்.

இந்த விஜயத்தின் போது, ​​ஜனாதிபதி திசாநாயக்க, பரஸ்பர ஆர்வமுள்ள பல்வேறு துறைகள் குறித்து அந்நாட்டு ஜனாதிபதி ஜி ஜின்பிங்குடன் இருதரப்பு பேச்சுவார்த்தைகளை நடத்தவுள்ளார்.

மேலும் சீனப் பிரதமர் லி கியாங் மற்றும் தேசிய மக்கள் காங்கிரஸின் நிலைக்குழுத் தலைவர் ஜாவோ லெஜி ஆகியோரையும் ஜனாதிபதி அநுரகுமார சந்திக்கவுள்ளார்.

முன்மொழியப்பட்ட புரிந்துணர்வு ஒப்பந்தங்களில் விவசாயம், சுற்றுலா, கல்வி மற்றும் தொழில்நுட்பம் போன்ற துறைகளும் அடங்கும் என்று அமைச்சர் ஹேரத் தெரிவித்துள்ளார்.

மேலும், இலங்கை ரூபவாஹினி கூட்டுத்தாபனம் மற்றும் சுயாதீன தொலைக்காட்சி வலையமைப்பை டிஜிட்டல் மயமாக்குவதற்கு சீனாவின் ஆதரவை இலங்கை நாடும் என்று அவர் தெரிவித்துள்ளார்.

மீன்வளத் துறை குறித்த புரிந்துணர்வு ஒப்பந்தம், மீனவர்களுக்கு வீட்டுவசதித் திட்டத்தை வழங்குவது உள்ளிட்ட சமூக நலத்திட்டங்களை உள்ளடக்கும், அதே நேரத்தில் விவசாயத் துறையில், புதிய தொழில்நுட்பத்தை அறிமுகப்படுத்த அரசாங்கம் ஆதரவைப் பெறும்.

சீன உதவியுடன் சூரிய மின்சக்தித் திட்டங்களை அறிமுகப்படுத்துவதும் புரிந்துணர்வு ஒப்பந்தங்களில் ஒன்றில் உள்ளடக்கப்படுள்ளதாக அமைச்சர் குறிப்பிட்டுள்ளார்.

கல்வித் துறை குறித்த பேச்சுவார்த்தைகள், இலவச பாடசாலை சீருடை துணிகளைப் பெறுவதிலும், பாடசாலைகளுக்கான ஸ்மார்ட் போர்டு திட்டம் குறித்தும் கவனம் செலுத்தப்படும் என்று அவர் சுட்டிக்காட்டியுள்ளார்.

முதலீடுகளை ஈர்ப்பதற்கான சாத்தியக்கூறுகளை ஆராய்வதற்காக சிச்சுவான் மாகாணத்தின் தலைநகரான செங்டுவில் உள்ள தொழில்நுட்ப பூங்காக்கள் மற்றும் வாகன அசெம்பிளி ஆலைகளை ஜனாதிபதி பார்வையிடவுள்ளதாக அமைச்சர் மேலும் தெரிவித்துள்ளார்.

The post சீனா செல்கிறார் ஜனாதிபதி அநுர – ஏழு புரிந்துணர்வு ஒப்பந்தங்களை கைச்சாத்திட முடிவு appeared first on Oruvan.com.