ஒரு காலத்தில் அமெரிக்காவும் ஈரானும் நெருங்கிய நண்பர்களாக இருந்தனர் என்பது இன்றைய தலைமுறைக்கு வியப்பாக இருக்கலாம். 1950-களில் ஈரானை ஆட்சி செய்த Mohammad Reza Shah Pahlavi, அமெரிக்காவின் மிக நெருங்கிய கூட்டாளியாக இருந்தார். அந்தச் சமயத்தில் அமெரிக்காதான் ஈரானுக்கு அணுசக்தி தொழில்நுட்பத்தையே வழங்கியது. ஆனால், இந்த இணக்கமான பொற்காலம் நீண்ட காலம் நீடிக்கவில்லை.

இந்த நட்பு 1979-ல் தலைகீழாக மாறியது. ஷா மன்னர் திணித்த மேற்கத்திய கலாசாரம் மற்றும் ‘SAVAK’ எனும் ரகசியப் பொலிஸாரின் அடக்குமுறைக்கு எதிராக வெடித்த ஈரானியப் புரட்சியால், மன்னர் பதவியிறக்கப்பட்டு, அயதுல்லா கொமேனி தலைமையிலான இஸ்லாமிய ஆட்சி அமைந்தது.

புற்றுநோய் சிகிச்சைக்காக அமெரிக்காவில் தஞ்சமடைந்த ஷா மன்னரை மீண்டும் ஈரானிடம் ஒப்படைக்க அமெரிக்கா மறுத்தது. இதனால் ஆத்திரமடைந்த ஈரானிய மாணவர்கள் அமெரிக்கத் தூதரகத்தை முற்றுகையிட்டு, 52 அதிகாரிகளை 444 நாட்கள் பிணைக் கைதிகளாகப் பிடித்தனர். இந்தச் சம்பவம் அமெரிக்காவின் வரலாற்றில் ஒரு ‘ஆறாத வடுவாக’ மாறி, இரு நாடுகளையும் பரம எதிரிகளாக்கியது.

ஈரான் அணு ஆயுதம் தயாரிப்பதே கடந்த 20 ஆண்டுகால உலக அரசியலின் மையப்புள்ளி. 2025-ஆம் ஆண்டு மே மாதம், ஈரானின் அணு ஆயுதக் கிடங்குகளை முழுமையாக அழித்துவிட்டதாக அமெரிக்கா அறிவித்தது. ஆனால், இப்போது மீண்டும் ஈரான் அணு ஆயுதம் தயாரிப்பதாகக் கூறி தாக்குதலைத் தீவிரப்படுத்தியுள்ளது. அழித்துவிட்டதாகச் சொன்ன கிடங்குகள் ஓராண்டுக்குள் மீண்டும் எப்படி வந்தன? அன்று அமெரிக்கா சொன்னது பொய்க்கணக்கா அல்லது ஈரானின் இரகசிய தொழில்நுட்பம் அவ்வளவு வலிமையானதா?

இங்கேதான் அரசியல் சதுரங்கத்தின் ஒரு அதிர்ச்சிகரமான திருப்பம் அரங்கேறியது. 2026 பிப்ரவரி 26-ஆம் திகதி, ஓமான் தலைநகர் மஸ்கட்டில் வைத்து இரு நாடுகளுக்கும் இடையே ரகசிய சமாதானப் பேச்சுவார்த்தை நடைபெற்றது. பேச்சுவார்த்தை வெற்றி என அறிவிக்கப்பட்ட 24 மணிநேரத்திற்குள், பிப்ரவரி 28 அதிகாலையில் அமெரிக்கா ஈரானின் முக்கிய தளங்கள் மீது ஏவுகணைத் தாக்குதல்களைத் தொடுத்தது. சமாதானம் பேசிக்கொண்டே ஈரானை ரகசியமாகச் சுற்றி வளைத்த அமெரிக்காவின் இந்த நடவடிக்கை, ஒரு திட்டமிட்ட ‘தந்திரோபாய ஏமாற்று வேலை‘ என்றே பார்க்கப்படுகிறது.

தனது நாட்டின் பொருளாதாரத்தைப் பாதிக்கும் நிலையிலும், அமெரிக்கா ஏன் இஸ்ரேலுக்காக ஈரானுடன் இத்தனை பெரிய மோதலில் ஈடுபட்டுள்ளது? இதற்கு மூன்று முக்கிய காரணங்கள் உள்ளன

பாதுகாப்பு ஒப்பந்தம்: மத்திய கிழக்கில் அமெரிக்காவின் ஒரே ஜனநாயகக் கூட்டாளி இஸ்ரேல் மட்டுமே. அதன் பாதுகாப்பை உறுதி செய்வது அமெரிக்க வெளியுறவுக் கொள்கையின் பிரிக்க முடியாத அங்கம்.

ஈரானின் அச்சுறுத்தல்: ‘இஸ்ரேல் என்ற நாடு உலக வரைபடத்திலிருந்து துடைத்தெறியப்பட வேண்டும்’ என்பது ஈரானின் நிலைப்பாடு. ஹெஸ்புல்லா மற்றும் ஹமாஸ் போன்ற ஈரானிய ஆதரவு அமைப்புகளை முடக்க ஈரானை வீழ்த்துவது அமெரிக்காவின் வியூகம்.

அமெரிக்க உள்நாட்டு அரசியல்: அமெரிக்காவின் பொருளாதாரம் மற்றும் அரசியலில் செல்வாக்கு மிக்க ‘Jewish Lobby’ அமைப்புகளின் அழுத்தம், எந்தவொரு அமெரிக்க ஜனாதிபதியையும் இஸ்ரேலுக்கு ஆதரவாக நிற்க வைக்கிறது.

2018-ல் அணுசக்தி ஒப்பந்தத்திலிருந்து விலகிய பிறகு அமெரிக்கா விதித்த பொருளாதாரத் தடைகள் ஈரானின் முதுகெலும்பை உடைத்துள்ளன. எண்ணெய் ஏற்றுமதி முடங்கியதால் விலைவாசி உயர்ந்து மக்கள் கடும் துயரத்தில் உள்ளனர். பொருளாதார நெருக்கடியை ஏற்படுத்தி, மக்களை அரசாங்கத்திற்கு எதிராகத் திருப்புவதே அமெரிக்காவின் நோக்கம்.

உண்மையில், ஈரானில் உள்ள ஒருசாரார் ஆட்சி மாற்றத்தை விரும்பினாலும், பெரும்பான்மையான மக்கள் அமெரிக்காவின் இந்தத் தலையீடு தங்களது இறையாண்மைக்கு எதிரானது எனக் கருதி வீதிகளில் இறங்கிப் போராடுகின்றனர். அமெரிக்கா எதிர்பார்த்த உள்நாட்டுப் போர் ஏற்படவில்லை, மாறாக மக்கள் தேசப்பற்றுடன் அமெரிக்காவின் வியூகங்களை எதிர்க்கத் தொடங்கியுள்ளனர்.

தாக்குதல்கள் உச்சக்கட்டத்தை எட்டியபோது, ஈரானின் உச்சத்தலைவர் அயதுல்லா அலி கமேனி தனது பதுங்கு குழிகளுக்குச் செல்லாமல், தனது அலுவலகத்திலிருந்தே தாக்குதல்களை எதிர்கொண்டு அங்கேயே உயிர்நீத்தார். கமேனியின் மறைவுக்குப் பின் ஈரானில் ஆட்சி மாற்றத்தை ஏற்படுத்தலாம் என அமெரிக்கா போட்ட கணக்கு பொய்த்துப் போனது. மாறாக, கமேனியின் மரணம் ஈரானிய மக்களிடையே ஒரு புதிய அக்னியை மூட்டியுள்ளது.

இலங்கைக்கு அருகாமையில் ஈரானியப் போர்க்கப்பல் ‘IRIS Dena‘ மீதான அமெரிக்கத் தாக்குதல், இந்தப் போரை இந்தியப் பெருங்கடலுக்கும் கொண்டு வந்துள்ளது. இதனால் ஆசிய நாடுகளுக்கான 60 சதவீத எரிபொருள் விநியோகம் முடங்கும் அபாயம் ஏற்பட்டுள்ளது. ஹார்முஸ் நீரிணை மூடப்பட்டதால், கடல்சார் காப்பீட்டுத் தொகைகள் 500 சதவீதம் உயர்ந்துள்ளன.

அமெரிக்காவின் பலமும் ஈரானின் விடாப்பிடித் தனமும் இன்று மத்திய கிழக்கை ஒரு எரிமலையாக மாற்றியுள்ளது. 47 ஆண்டுகாலப் பகை இன்று ஒரு புதிய உலகப் போருக்கு வித்திடுமா அல்லது அமைதியில் முடியுமா? காலம் தான் பதில் சொல்ல வேண்டும்.

தொகுப்பு : தர்மராஜா ரஸ்மிலா

The post போரின் விளிம்பில்: அமெரிக்கா – ஈரான் மோதலின் முழுப்பின்னணி appeared first on Oruvan.com.

தனது முடிவு குறித்து செய்தியாளர் சந்திப்பில் பேசிய அவர், அமெரிக்க தலைநகரை குற்றம், இரத்தக்களரி மற்றும் அவமானகரமான சூழ்நிலைகளிலிருந்து காப்பாற்ற இந்த வரலாற்று நடவடிக்கை எடுக்கப்பட்டதாக தெரிவித்துள்ளார்.

தலைநகரம் வன்முறை கும்பல்கள், இரத்தவெறி கொண்ட குற்றவாளிகள் மற்றும் போதைப்பொருள் வெறியர்களால் கைப்பற்றப்பட்டுள்ளதாக டொனால்ட் டிரம்ப் தெரிவித்துள்ளார்.

இந்த முடிவின் மூலம், வாஷிங்டன், டி.சி.யில் காவல்துறை நடவடிக்கைகளை வழிநடத்துவதற்கு அமெரிக்க தேசிய காவல்படை பொறுப்பாகும் என்று தெரிவிக்கப்பட்டுள்ளது.

இருப்பினும், அமெரிக்க ஜனாதிபதி எடுத்த இந்த முடிவுக்கு வாஷிங்டன் மேயர் முரியல் பவுசர் தனது எதிர்ப்பை வெளிப்படுத்தியுள்ளதாக வெளிநாட்டு ஊடக அறிக்கைகள் தெரிவிக்கின்றன.

2023 ஆம் ஆண்டு வாஷிங்டனில் குற்றங்கள் அதிகரித்திருந்தாலும், இந்த ஆண்டுக்குள் அது குறைந்தபட்ச அளவை எட்டியுள்ளது என்று அவர் கூறியுள்ளார்.

வாஷிங்டனில் பல ஆண்டுகளாக குற்றம் குறைந்து வரும் சூழ்நிலையில் அமெரிக்க ஜனாதிபதி எடுத்த முடிவு பொருத்தமான முடிவு அல்ல என்று வாஷிங்டன் மேயர் கூறியுள்ளதாக வெளிநாட்டு ஊடக அறிக்கைகள் தெரிவிக்கின்றன.

இருப்பினும், 2024 ஆம் ஆண்டில், வாஷிங்டன் அதிக கொலை விகிதத்தைக் கொண்ட நகரமாக மாறியுள்ளது என்று வெள்ளை மாளிகை தெரிவித்துள்ளது.

The post வாஷிங்டனைப் பாதுகாக்க இராணுவத்தை அழைக்க அமெரிக்க ஜனாதிபதி முடிவு appeared first on Oruvan.com.

ஆனால், சிறுமி அதனை காதில் வாங்காமல் தொடர்ந்தும் வீடியோ வெளியிட்டு வந்துள்ளார். இந்நிலையில் கடந்த 15 ஆம் திகதி பாகிஸ்தானின் குவெட்டாவிலுள்ள சொந்த ஊருக்கு சிறுமியின் குடும்பம் சென்றுள்ளது.

அப்போது வீட்டு முற்றத்தில் விளையாடிக் கொண்டிருந்த சிறுமியின் உடலில் திடீரென துப்பாக்கிக் குண்டு பாய்ந்ததில் அவர் உயிரிழந்தார். எங்கிருந்தோ வந்த குண்டு மகளை காயப்படுத்தி அவள் இறந்ததாக சிறுமியின் தந்தை கூறியுள்ளார்.

இது தொடர்பில் பொலிஸார் நடத்திய விசாரணையில் சிறுமியின் தந்தையும் அவரது மைத்துனரும் சேர்ந்து சிறுமியை கொலை செய்தமை தெரிய வந்துள்ளது.

இதனால் இருவரையும் பொலிஸார் கைது செய்துள்ளனர். டிக்டொக் வீடியோ போட்டதால் தந்தையே மகளை கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

The post டிக்டொக் வீடியோ போட்ட மகள்…சுட்டுக்கொன்ற தந்தை appeared first on Oruvan.com.

குறிப்பாக, அமெரிக்காவில் சட்டவிரோதமான முறையில் குடியேறியவர்கள், எந்தவொரு ஆவணங்களும் இன்றி தங்கியிருப்பர்கள், விசா காலம் முடிந்தும் தங்கியிருப்பவர்களை அவர்களது சொந்த நாட்டுக்கு திருப்பி அனுப்பும் நடவடிக்கைகள் தீவிரமாக முன்னெடுக்கப்பட்டு வருகின்றன.

இதன்படி, கடந்த சில நாட்களில் மட்டும் சுமார் 600 இற்கும் அதிகமானோர் சொந்த நாடுகளுக்கு திருப்பி அனுப்பப்பட்டுள்ளனர்.

இந்நிலையில் நியூயோர்க், நியூ ஜெர்ஸி ஆகிய நகரங்களில் நேற்று திங்கட்கிழமை திடீரென பொலிஸார் மற்றும் அமெரிக்க உள்நாட்டு பாதுகாப்புத் துறையினர் சோதனை மேற்கொண்டனர்.

குருத்வராக்களில் யாரேனும் சட்ட விரோதமாக தங்கியிருக்கிறார்களா? குற்றவாளிகளுடன் தொடர்பில் இருக்கின்றனரா? போன்ற விபரங்களையும் சேகரித்து வருகின்றனர். கத்தோலிக்க திருச்சபைகளிலும் சோதனைகள் மேற்கொள்ளப்பட்டு வருகின்றன.

அவர்களின் சொந்த நாடுகளில் கொலை, பாலியல் குற்றங்கள் போன்றவற்றில் ஈடுபட்டுவிட்டு அமெரிக்காவுக்கு வந்திருந்தாலும் அவர்கள் மீதும் சட்ட நடவடிக்கை எடுக்கப்படும். இனி யாரும் ஒளிந்துகொள்ள முடியாது என பாதுகாப்பு அதிகாரிகள் தெரிவித்துள்ளனர்.

இந்நிலையில் இந்த சோதனைகளுக்கு அமெரிக்க வாழ் சீக்கியர்கள் அமைப்பு கண்டனம் தெரிவித்துள்ளது.

குருத்வராக்களை இவ்வாறு கண்காணிப்பது சீக்கியர் மத நம்பிக்கையின்படி ஏற்றுக்கொள்ள முடியாதது என்றும் அவ் அமைப்பு கூறிவருகிறது.

The post சட்ட விரோத குடியேற்றங்களை கண்டறிய தீவிர சோதனை…சீக்கியர்கள் கண்டனம் appeared first on Oruvan.com.

இந்த உத்தரவினால் அமெரிக்காவில் வசிக்கும் ஏனைய நாடுகளைப் பூர்வீகமாகக் கொண்டவர்கள் மிகுந்த சிரமத்துக்கும் மன உளைச்சலுக்கும் ஆளாகியிருந்தனர்.

எனவே இந்த உத்தரவை எதிர்த்து 22 அமெரிக்க மாகாணங்கள் வழக்கு தொடர்ந்தன.

இந்நிலையில் இந்த வழக்கை விசாரித்த அமெரிக்க மாவட்ட நீதிபதி ஜோன் கோஹனூர், இது என் மனதைக் குழப்புகிறது, இந்த உத்தரவு அரசியல் சட்டத்துக்கு எதிரானது எனக் கூறி இந் நிர்வாக ஆணையை அமுல்படுத்துவதற்கு தற்காலிக தடை உத்தரவு பிறப்பித்துள்ளார்.

The post அமெரிக்க குடியுரிமை ரத்து உத்தரவுக்கு தற்காலிக தடை விதித்த நீதிமன்றம் appeared first on Oruvan.com.

அந்த உத்தரவுகளில் ஒன்று தான். பெப்ரவரி 20ஆம் திகதிக்குப் பின்னர் அமெரிக்க குடிமக்கள் அல்லாத தம்பதிகளுக்கு பிறக்கும் குழந்தைகளுக்கு அமெரிக்க குடியுரிமை கிடையாது என்பது.

இந்த உத்தரவின் பிரகாரம் குறிப்பிட்ட திகதிக்கு முன்னர் சிசேரியன் மூலமாக குழந்தைப் பெற்றுக்கொள்வதற்கு பல தம்பதிகள் மருத்துவமனையை நாடி வருகின்றனர்.

7, 8 மாதம் மற்றும் 9 மாதங்கள் கர்ப்பிணியாக இருக்கும் பெண்கள் பலரும் மருத்துவர்களிடம் ஓடி அறுவை சிகிச்சை செய்து குழந்தை பெற்றக்கொள்ள முயன்று வருகின்றனர்.

இது தொடர்பில் இந்திய வம்சாவளியைச் சேர்ந்த அமெரிக்க மகப்பேறு மருத்துவர் கூறியதாவது, “ஜனாதிபதி ட்ரம்பின் உத்தரவுக்குப் பின்னர் அமெரிக்காவில் வசிக்கும் வெளிநாட்டுப் பெண்கள் குறிப்பாக, இந்திய கர்ப்பிணிகள் உடனடியாக குழந்தை பெற்றுக்கொள்ள விரும்புகின்றனர்.

இது தொடர்பில் ஒரு நாளில் 20 கோரிக்கைகள் வரை வருகின்றன. அறுவை சிகிச்சை மூலம் குழந்தை பெற்றுக்கொள்ளலாம் என்றாலும் இதனால் குழந்தையின் உடல் நிலை மோசமாகலாம். உதாரணமாக, குறைவான எடை, வளர்ச்சியடையாத நுரையீரல், நரம்பு மண்டல பாதிப்பு போன்ற பாதிப்பு ஏற்படலாம்” எனத் தெரிவித்துள்ளார்.

எனவே ஜனாதிபதி ட்ரம்பின் முடிவுக்கு எதிர்ப்பு தெரிவித்து இந்திய வம்சாவளியினர் சார்ந்த சமூக நல அமைப்புகள், வழக்கு தொடர்ந்துள்ளன.

அதுமட்டுமின்றி அமெரிக்க குடியுரிமை இல்லாத பெற்றோர்களிடம் க்ரீன் அட்டை இல்லாவிட்டாலும் அவர்களுக்கு பிறக்கும் குழந்தைகளுக்கு அமெரிக்க குடியுரிமை கிடைக்காது என்பதால் க்ரீன் அட்டையைப் பெற்றுக்கொள்வதற்காகவும் நீண்ட வரிசையில் மக்கள் காத்திருக்கின்றனர்.

The post ஜனாதிபதி ட்ரம்பின் உத்தரவு…அமெரிக்காவில் அதிகரிக்கும் சிசேரியன் appeared first on Oruvan.com.

இந்நிலையில், அமெரிக்காவைச் சேர்ந்த ஆபாசப் பட நடிகையான ஸ்டோமி டெனியல்ஸ்,கடந்த 2006 ஆம் ஆண்டு ட்ரம்ப் தன்னுடன் பாலியல் உறவு வைத்துக்கொண்டதாகவும் கடந்த 2016 ஆம் ஆண்டு நடைபெற்ற அமெரிக்க ஜனாதிபதி தேர்தலுக்கு முன்பு தன்னுடன் பாலியல் உறவு வைத்துக்கொண்டதை வெளியில் கூறாமல் இருக்க தனக்கு பணம் கொடுத்ததாகவும்  தெரிவித்துள்ளார்.

அதுமட்டுமின்றி தேர்தல் பிரச்சாரத்துக்காக திரட்டப்பட்ட நிதியிலிருந்து போலியான வணிகப் பதிவுகளை உருவாக்கி சுமார் ஒரு இலட்சத்து 30 ஆயிரம் அமெரிக்க டொலர்களை அந் நடிகைக்கு ட்ரம்ப் வழங்கியதாகவும் குற்றச்சாட்டு எழுந்தன.

இது தொடர்பில் பல பிரிவுகளில் வழக்குப் பதிவு செய்யப்பட்ட நிலையில் அவரை குற்றவாளி என கடந்த ஆண்டு ஜூன் மாதம் மன்ஹாட்டன் நீதிமன்றம் தீர்ப்பு வழங்கியது.

இந்நிலையில், இவ் வழக்கு தொடர்பில் டொனால்ட் ட்ரம்புக்கு அடுத்த வாரம் 10 ஆம் திகதி நீதிமன்றம் தண்டனை அறிவிக்கிறது.

தண்டனை அறிவிக்கப்படும்போது நேரிலோ அல்லது காணொளி மூலமாகவோ ட்ரம்ப் கலந்துகொள்ள வேண்டும் என நீதிபதி தெரிவித்துள்ளார்.

இவ் வழக்கு தொடர்பில் ட்ரம்புக்கு தண்டனை அளிக்கப்படாமல் அபராதத் தொகை விதிக்கப்பட்டு விடுதலை செய்யப்படலாம் எனவும் எதிர்பார்க்கப்படுகிறது.

20 ஆம் திகதி ஜனாதிபதியாக பதவியேற்கவுள்ள நிலையில் 10 ஆம் திகதி தண்டனை அறிவிக்கப்படும் நிகழ்வு பெரும் பேசுபொருளாகியுள்ளது.

The post 20 ஆம் திகதி பதவியேற்பு….10 ஆம் திகதி ட்ரம்புக்கு தண்டனை! appeared first on Oruvan.com.

இதற்காக சர்வதேச ரீதியில் வாக்கெடுப்பு நடத்தப்பட்டு மிகச் சிறந்த மனிதரை அந்த இதழ் தெரிவு செய்யும்.

அவ்வாறு தெரிவு செய்யப்படும் நபரின் புகைப்படம் டைம் இதழில் வெளிவரும்.

இந்நிலையில் 2024 ஆம் ஆண்டுக்கான சிறந்த மனிதராக அமெரிக்க ஜனாபதிபதியாக தெரிவு செய்யப்பட்டுள்ள டொனால்ட் ட்ரம்ப் அதிக வாக்குகளைப் பெற்று முதலிடம் பிடித்துள்ளார்.

கடந்த 2016 ஆம் ஆண்டு டைம் இதழின் சிறந்த மனிதர் பட்டியலில் ட்ரம்ப் இடம்பெற்றமை குறிப்பிடத்தக்கது.

The post இந்த வருடத்தின் சிறந்த மனிதராக டொனால்ட் ட்ரம்ப் தெரிவு appeared first on Oruvan.com.