இதன்போது மத்திய உள்துறை அமைச்சர் அமித் ஷாவை எடப்பாடி பழனிசாமி சந்திப்பார் எனவும் தகவல்கள் வெளியாகியுள்ளன.

மதுரையில் நேற்று நடைபெற்ற அதிமுக கூட்டணி தொகுதிப் பங்கீடு பேச்சுவார்த்தை முடிவு எட்டப்படாத நிலையில் எடப்பாடி பழனிசாமி இன்ற டில்லி  பயணமாகின்றார்.

சட்டசபை தேர்தல் நெருங்கி வரும் நிலையில் திமுக பலமான கூட்டணியை கட்டமைத்துள்ளது.

தொகுதி பங்கீடு பேச்சுவார்த்தை தொடங்கப்பட்டு, கூட்டணியில் உள்ள ஒவ்வொரு கட்சிகளுக்கும் தொகுதிகள் ஒதுக்கப்பட்டு வருகின்றன.

இந்திய யூனியன் முஸ்லீம் லீக், மனிதநேய மக்கள் கட்சிக்கு தலா இரண்டு தொகுதிகள் ஒதுக்கீடு செய்யப்பட்டு, ஒப்பந்தம் கையெழுத்தாகியுள்ளது.

அதிமுக தரப்பில் பாஜக, அம்மா மக்கள் முன்னேற்றக் கழகம், அன்புமணி தலைமையிலான பாமக, புரட்சி பாரதம், புதிய நீதிக்கட்சி கூட்டணியை உறுதி செய்துள்ளது.

எனினும், தொகுதி பங்கீடு பேச்சுவார்த்தை நடைபெறாமல் உள்ளது. இந்த நிலையில், எடப்பாடி பழனிசாமி திடீர் பயணமாக இன்று டில்லி பயணமாகின்றார்.

கடந்த 2021 சட்டசபை தேர்தலில் அதிமுக கூட்டணியில் 20 தொகுதிகளில் போட்டியிட்ட பாஜக நான்கு தொகுதிகளில் மட்டுமே வெற்றி பெற்றிருந்தது.

இந்நிலையில், இம்முறை கூடுதல் தொகுதிகள் வேண்டும் என்றும், அதாவது 35 தொகுதிகள் வேண்டும் என்றும் கோரியுள்ளதாக தகவல் வெளியாகியுள்ளமை குறிப்பிடத்தக்கது.

The post எடப்பாடி பழனிசாமி இன்று டில்லி பயணம் – அமித் ஷாவுடன் சந்திப்பு appeared first on Oruvan.com.

அனைத்திந்திய அண்ணா திராவிட முன்னேற்றக் கழக தொண்டர்கள் உரிமை மீட்புக் குழுவைக் கூட்டி கலந்துரையாடிய பின்னர் ஊடகங்களுக்கு கருத்து வெளியிட்ட அவர் இவ்வாறு கூறியுள்ளார்.

சென்னை ஆழ்வார்பேட்டையில் நடந்த ஆலோசனை கூட்டத்தில், மூத்த தலைவர்கள் பன்ருட்டி இராமச்சந்திரன், வைத்திலிங்கம், ஓ பன்னீர்செல்வம் உள்ளிட்ட அணியினர் அனைவரும் கலந்துகொண்டிருந்தனர்.

சுமார் மூன்று மணி நேரமாக நடந்த ஆலோசனை கூட்டத்தை தொடர்ந்து, பாரதிய ஜனதா கட்சி உடனான உறவை முறித்துக்கொண்டது உள்ளிட்ட மூன்று முக்கிய தீர்மானங்களை எடுத்திருப்பதாக பன்ருட்டி இராமச்சந்திரன் தெரிவித்திருந்தார்.

இதன்படி, இதுநாள் வரை தேசிய ஜனநாயக் கூட்டணியில் இருந்த உரிமை மீட்புக் குழு, இப்போது அதில் இருந்து வெளியேறுகிறது என அவர் வலியுறுத்தியுள்ளார்.

மேலும், தேசிய ஜனநாயக கூட்டணியில் இனி தொண்டர்கள் உரிமை மீட்புக் குழு இடம்பெறாது எனவும் அவர் சுட்டிக்காட்டியுள்ளார். அத்துடன், முன்னாள் முதலமைச்சர் ஓ பன்னீர்செல்வம் தமிழ்நாட்டில் பல்வேறு இடங்களுக்கு சுற்றுப்பயணம் செல்லவுள்ளார் எனவும் அவர் குறிப்பிட்டார்.

எவ்வாறாயினும், கூட்டணி அமைப்பது குறித்து தற்போது தீர்மானிக்கவில்லை எனவும், எதிர்காலத்தில் நிலைமைக்கு ஏற்ப கூட்டணி குறித்து முடிவெடுக்கப்படும் என அவர் மேலும் தெரிவித்துள்ளார்.

The post பாரதிய ஜனதா கட்சி உடனான உறவை முறித்துவிட்டது – தமிழக முன்னாள் முதலமைச்சர் ஓ பன்னீர்செல்வம் அறிவிப்பு appeared first on Oruvan.com.

அத்துடன், அதிமுக மூத்த தலைவரான செங்கோட்டையனும் மத்திய அமைச்சர் நிர்மலா சீதாராமனை சந்தித்து பேசியுள்ளயதாக தமிழக ஊடகங்கள் செய்தி வெளியிட்டுள்ளன.

நாம் தமிழர் கட்சியின் நகர்வுகள் பாஜகவை நோக்கி இருப்பதாக அரசியல் ஆய்வாளர்கள் கூறி வரும் நிலையில், சீமான் நேற்று இரவு நிர்மலா சீதாராமனை சந்தித்து பேசியுள்ளதாக கூறப்படுகின்றது.

நிர்மலா சீதாராமனுடனான சந்திப்பின்போது சீமான் அரசியல் தொடர்பாக பேசியதாகவும் தகவல் வெளியாகியுள்ளது. எனினும் உறுதியான தகவல்கள் எதுவும் வெளியாகவில்லை.

எவ்வாறாயினும், இந்த சந்திப்பு 2026 சட்டமன்ற தேர்தல் தொடர்பான சந்திப்பா? அல்லது பாஜகவுடன் நாம் தமிழர் கட்சி கூட்டணியில் இணையுமா? என்பது உள்ளிட்ட பல்வேறு கேள்விகளை எழுப்பியுள்ளதாக அரசியல் ஆய்வாளர்கள் கூறியுள்ளனர்.

நாம் தமிழர் கட்சியின் தலைமை ஒருங்கிணைப்பாளரான சீமான் இதுவரை எந்த கட்சியுடன் கூட்டணி அமைத்து தேர்தலை சந்தித்ததில்லை. கட்சி தொடங்கப்பட்ட கடந்த 10 ஆண்டுகளாக நாம் தமிழர் கட்சி தனித்துதான் போட்டியிட்டு வருகிறது.

இந்நிலையில் மத்திய நிதி அமைச்சர் நிர்மலா சீதாராமனை நாம் தமிழர் கட்சியின் தலைமை ஒருங்கிணைப்பாளர் சீமான் சந்தித்திருப்பது அரசியல் களத்தில் பரபரப்பை ஏற்படுத்தி உள்ளது.

The post நிர்மலா சீதாராமனை சந்தித்துப் பேசிய சீமான் – தமிழக அரசியல் களத்தில் பரபரப்பு appeared first on Oruvan.com.

2026ஆம் ஆண்டு சட்டமன்ற தேர்தலை இலக்கு வைத்து கடந்த இரண்டு ஆண்டுகளுக்கு முன்னர் தமிழக வெற்றிக் கழகம் ஆரம்பிக்கப்பட்டது. இந்நிலையில், விஜயுடன் கூட்டணி அமைக்க ஆரம்பத்தில் நாம் தமிழர் கட்சி விருப்பம் வெயிளியிட்டிருந்தது.

எனினும், விஜய் அறிவித்த கட்சிக் கொள்கைளால், கூட்டணி அமைவதில் சிக்கல் ஏற்பட்டது. இதையடுத்து, விஜய் எதிர்ப்பு அரசியலை, நாம் தமிழர் கட்சி தலைமை ஒருங்கிணைப்பாளர் சீமான் கையில் எடுத்துள்ளார்.

இதையடுத்து, விஜயுடன் கூட்டணி அமைக்க அண்ணா திராவிட முன்னேற்றக் கழகம் தரப்பில் முயற்சி மேற்கொள்ளப்பட்டு வருகிறது.

இது தொடர்பாக ஏற்கனவே விஜயுடன், அந்தக் கட்சியின் பொதுச்செயலர் எடப்பாடி பழனிசாமியின் மகன் உள்ளிட்டோர் ரகசிய பேச்சு நடத்தியுள்ளனர். எனினும், கூட்டணி பேச்சில் முட்டுக்கட்டை விழுந்தது.

இந்நிலையில், விஜய் கட்சியில் சமீபத்தில் இணைந்த ஆதவ் அர்ஜுனா உள்ளிட்டவர்கள், விஜய் ஆதரவு தொழிலதிபர்கள், கிறிஸ்துவ அமைப்புகள் தரப்பில் இருந்து அண்ணா திராவிட முன்னேற்றக் கழக கூட்டணியில் சேருமாறு விஜய்க்கு அழுத்தம் தரப்படுவதாகக் கூறப்படுகிறது.

அதிமுக கூட்டணி அமைத்தால், 60 தொகுதிகள் வரை வெல்வதற்கு வாய்ப்புள்ளது; எதிர்க்கட்சித் தலைவர் வாய்ப்பும் கிடைக்கும். அதை வைத்து அரசியல் செய்து, அடுத்த தேர்தலில் முதலமைச்சர் பதவிக்கு போட்டியிட முடிவும்.

இப்போது கோட்டை விட்டால், தமிழக வெற்றிக் கழகத்தால் ஒருபோது எழுந்து நிற்க முடியாது என, விஜய்க்கு அவருக்கு நெருங்கிய வட்டாரத்தினர் அழுத்தம் கொடுக்க துவங்கியுள்ளனர்.

இதனால், விஜய் குழப்பத்தில் இருப்பதாக கூறப்படுகின்றது. தன் இறுதி திரைப்பட படப்பிடிப்பில் விஜய் கவனம் செலுத்தி வருகிறார். அது முடிந்ததும், கூட்டணி முடிவை தெரிவிப்பதாக தன்னை சந்திப்பவர்களிடம் கூறி வருகிறார்.

The post அதிமுகவுடன் கூட்டணி அமைக்க கூறி விஜய்க்கு கடும் நெருக்கடி appeared first on Oruvan.com.