பாடசாலையின் பழைய மாணவர் சங்கத்தின் ஏற்பாட்டில் எட்டியாந்தோட்டை வின்சன்ட் பெரேரா மைதானத்தில் இந்த கிரிக்கெட் விழா நடைபெறவுள்ளது.

அணிக்கு 11 பேரை கொண்டதாக நடைபெறவுள்ள கிரிக்கெட் போட்டிகளில் ஒவ்வொரு வருடங்களை சேர்ந்த க.பொ.த சாதாரண தர வகுப்பு அணிகள் கலந்துகொள்ளவுள்ளன.

07 ஆம் திகதி காலை பாடசாலையில் இருந்து இடம்பெறும் நடைப்பவணியை தொடர்ந்து முதற்சுற்று போட்டிகள் ஆரம்பமாகவுள்ளதுடன், 09ஆம் திகதி அரையிறுதி மற்றும் இறுதிப் போட்டிகள் நடைபெறவுள்ளன.

இந்த போட்டியில் கலந்துகொள்ளும் அணிகளை எதிர்வரும் 25ஆம் திகதிக்கு முன்னர் பதிவு செய்யுமாறு பழைய மாணவர் சங்கம் கேட்டுக்கொண்டுள்ளது

The post புனித மரியாள் பழைய மாணவர்களின் கிரிக்கெட் விழா appeared first on Oruvan.com.

கிளாசென் தென்னாப்பிரிக்கா அணிக்காக நான்கு டெஸ்ட், 60 ஒருநாள் மற்றும் 58 டி20 போட்டிகளில் விளையாடியுள்ளார். அந்தந்த வடிவங்களில் முறையே 104, 2141 மற்றும் 1000 ஓட்டங்களையும் குவித்துள்ளார்.

கடந்த 2018ஆம் ஆண்டு கேப்டவுனில் இந்தியாவுக்கு எதிரான ஒருநாள் போட்டியில் கிளாசென் அறிமுகமாகியிருந்தார். பின்நாட்களில் டி20 போட்டிகளில் மிகவும் அதிரடியாக துடுப்பெடுத்தாடும் வீரராகவும் மாறியிருந்தார்.

“சர்வதேச கிரிக்கெட்டிலிருந்து விலக முடிவு செய்துள்ளதாக அறிவிக்கும் இந்த நாள் எனக்கு மிகவும் சோகமான நாள். எதிர்காலத்தில் எனக்கும் என் குடும்பத்திற்கும் எது சிறந்தது என்பதை முடிவு செய்ய எனக்கு நீண்ட நேரம் தேவைப்பட்டது

இது உண்மையிலேயே மிகவும் கடினமான முடிவு, ஆனால் அதில் எனக்கு முழுமையான அமைதியும் உள்ளது,” என்று கிளாசென் இன்ஸ்டாகிராம் பதிவில் குறிப்பிட்டுள்ளார்.

நான் வாழ்நாள் முழுவதும் பொக்கிஷமாக வைத்திருக்கும் சிறந்த நட்புகளையும் உறவுகளையும் நான் உருவாக்கியுள்ளேன்.
தென்னாப்பிரிக்கா அணிக்காக விளையாடியதன் மூலம் என் வாழ்க்கையை மாற்றிய சிறந்த மனிதர்களைச் சந்திக்க எனக்கு வாய்ப்பளித்தது.

தேசிய அணிக்காக விளையாடியமை மிகப்பெரிய கௌரவமாக இருந்தது, எப்போதும் இருக்கும். இந்நிலையில், எனது குடும்பத்தினருடன் அதிக நேரம் செலவிட ஆவலுடன் இருக்கிறேன்.

மேலும் எனது வாழ்க்கையில் என்னையும் எனது அணியினரையும் ஆதரித்த அனைவருக்கும் நன்றி தெரிவிக்க விரும்புகிறேன்” என்று ஹென்ரிச் கிளாசென் குறிப்பிட்டுள்ளார்.

இதேவேளை, சர்வதேச கிரிக்கெட் போட்டிகளில் இருந்து ஓய்வு பெற்றாலும் உலகம் முழுவதும் உள்ள டி20 கிரிக்கெட் தொடர்களில் தொடர்ந்து அவர் விளையாடுவார் என தெரிவிக்கப்பட்டுள்ளது.

The post சர்வதேச கிரிக்கெட் போட்டிகளுக்கு விடைகொடுத்தார் ஹென்ரிச் கிளாசென் appeared first on Oruvan.com.