இலங்கை மத்திய வங்கி வெளியிட்டுள்ள புதிய புள்ளிவிவரங்களின்படி, இது 2025 நவம்பர் மாத இறுதியில் காணப்பட்ட 6,034 மில்லியன் டொலர்களுடன் ஒப்பிடுகையில் 13.1 சதவீத வளர்ச்சியாகும். நாட்டின் பொருளாதார மீட்சி மற்றும் அந்நியச் செலாவணி வரத்து அதிகரித்துள்ளதை இந்தத் தரவுகள் உறுதிப்படுத்துகின்றன.

உத்தியோகப்பூர்வ கையிருப்பின் பிரதான அங்கமான அந்நியச் செலாவணி கையிருப்பு (Foreign Currency Reserves) குறிப்பிடத்தக்க முன்னேற்றத்தைக் கண்டுள்ளது. 2025 நவம்பரில் 5,944 மில்லியன் டொலர்களாக இருந்த இந்த கையிருப்பு, டிசம்பர் மாதத்தில் 6,734 மில்லியன் டொலர்களாக உயர்ந்துள்ளது. இது ஒரே மாதத்தில் பதிவான 13.3 சதவீத அதிகரிப்பாகும்.

சுற்றுலாத்துறை வருமானம் மற்றும் வெளிநாட்டுத் தொழிலாளர்களின் பண அனுப்புதல்கள் (Remittances) இந்த அதிகரிப்புக்கு முக்கியக் காரணங்களாக அமைந்துள்ளதாகப் பொருளாதார ஆய்வாளர்கள் கருதுகின்றனர்.

கையிருப்பில் ஏற்பட்டுள்ள இந்தத் திடீர் உயர்வு, இலங்கையின் இறக்குமதித் தேவைகளைப் பூர்த்தி செய்யவும், சர்வதேச ரீதியில் நாட்டின் கடன் செலுத்தக்கூடிய தன்மையை (Creditworthiness) மேம்படுத்தவும் உதவும் என்று எதிர்பார்க்கப்படுகிறது.

குறிப்பாக, 2024 ஆம் ஆண்டின் இறுதியில் சுமார் 6.1 பில்லியன் டொலர்களாக இருந்த கையிருப்பு, 2025 ஆம் ஆண்டின் இறுதிக்குள் 6.8 பில்லியன் டொலர்களைக் கடந்துள்ளமை நாட்டின் பொருளாதார ஸ்திரத்தன்மைக்குச் சாதகமான சமிக்ஞையாகப் பார்க்கப்படுகிறது

The post இலங்கையின் உத்தியோகப்பூர்வ மொத்த வெளிநாட்டு கையிருப்பு அதிகரிப்பு appeared first on Oruvan.com.