இந்திய அணிக்கு எதிராக நேற்று விசாகப்பட்டினத்தில்  நடைபெற்ற மகளிர் உலகக் கிண்ண போட்டியில் நடப்பு சாம்பியனான அவுஸ்திரேலியா, ஒரு ஓவர் மீதமுள்ள நிலையில் வெற்றி இலக்கை அடைந்து மிகப் பெரிய சாதனை படைத்துள்ளது.

331 என்ற வெற்றி இலக்கை அவுஸ்திரேலியா மகளிர் அணி ஏழு விக்கெட்டுகளை இழந்து அடைந்து இந்திய அணிக்கு அதிர்ச்சி கொடுத்திருந்தது.

போட்டியில் முதலில் துடுப்பெடுத்தாடிய இந்திய அணி 330 ஓட்டங்களை குவித்திருந்தது.  இந்தப் போட்டியில் இந்திய அணி வெற்றிபெறும் என ரசிகர்கள் பெரிதும் எதிர்பார்த்திருந்தனர்.

எனினும், அவுஸ்திரேலியா அணியின் தலைவி அலிசா ஹீலி இந்திய அணியின் பந்துவீச்சாளர்களை துவசம் செய்திருந்தார். 107 பந்துகளில் 142 ஓட்டங்களை பெற்று அணியின் வெற்றிக்கு களம் அமைத்துக்கொடுத்தார்.

இந்த வெற்றியின் மூலம் இலங்கை அணி வசம் இருந்த சாதனையை அவுஸ்திரேலியா அணி தன்வசப்படுத்திக்கொண்டது.

முன்னதாக 2024 ஆம் ஆண்டு போட்செஃப்ஸ்ட்ரூமில் தென்னாப்பிரிக்காவிற்கு எதிரான போட்டியில் இலங்கை மகளிர் அணி 302 ஓட்டங்களை துரத்தியடித்து சாதனை படைத்திருந்தமை குறிப்பிடத்தக்கது.

The post ஒரு நாள் கிரிக்கெட் போட்டியில் அவுஸ்திரேலியா மகளிர் அணி புதிய சாதனை appeared first on Oruvan.com.

இந்தப் போட்டியில் நாணய சுழற்சியில் வெற்றிபெற்ற மலேசிய அணி முதலில் பந்து வீச முடிவெடுத்திருந்தது.

இதன்படி முதலில் துடுப்பெடுத்தாடிய இலங்கை மகளிர் அணி 20 ஓவர்கள் நிறைவில் ஆறு விக்கெட்டுகளை இழந்து 162 ஓட்டங்களை குவித்திருந்தது.

இலங்கை அணி சார்பில் தஹமி செனெத்மா 55 ஓட்டங்களையும், சஞ்சனா கவிந்தி 30 ஓட்டங்களையும் குவித்திருந்தனர்.

பந்து வீச்சில் நஸ்வா இரண்டு விக்கெட்டுகளை வீழ்த்தியிருந்தார்.

163 என்ற வெற்றி இலக்கை நோக்கி பதிலுக்கு துடுப்பெடுத்தாடிய மலேசியா மகளிர் அணி 14.1 ஓவர்களில் 23 ஓட்டங்களுக்கு சகல விக்கெட்டுகளையும் இந்தது.

தொடக்க ஆட்டக்காரர் நூர் அலியா அதிகபட்சமாக ஏழு ஓட்டங்களை குவித்திருந்தார். ஐந்து பேர் ஓட்டங்கள் எதுவும் பெறாமல் ஆட்டமிழந்தனர்.

மேலும், எந்தவொரு துடுப்பாட்ட வீராங்கனையும் இரட்டை இலக்க ஓட்டங்களை குவிக்கவில்லை.

இலங்கை அணி சார்பில் சாமோதி பிரபோதா மூன்று விக்கெட்டுகளை வீழ்த்தியிருந்தார்.

போட்டியின் சிறந்த வீராங்கனையாக தஹமி செனெத்மா தெரிவுசெய்யப்பட்டிருந்தார்.

The post 19 வயதுக்குட்பட்ட மகளிர் டி20 உலகக் கிண்ணம் – முதல் போட்டியிலேயே இலங்கை அபார வெற்றி appeared first on Oruvan.com.

இலங்கைக்கு சுற்றுப்பயணம் மேற்கொள்ளும் அவுஸ்திரேலியா அணி, இரண்டு டெஸ்ட் போட்டிகள் மற்றும் ஒரு ஒருநாள் போட்டியில் விளையாட திட்டமிட்டிருந்தது.

எனினும், தற்போது அவுஸ்திரேலியா கிரிக்கெட் சபையுடன் கலந்தாலோசித்து ஒருநாள் போட்டியில் மாற்றம் செய்யப்பட்டுள்ளதாக இலங்கை கிரிக்கெட் சபை தெரிவித்துள்ளது.

இதன்படி, தற்போது இரண்டு ஒருநாள் மற்றும் இரண்டு டெஸ்ட் போட்டிகள் ஒழுங்கு செய்யப்பட்டுள்ளன.

டெஸ்ட் போட்டிகள் காலி சர்வதேச கிரிக்கெட் மைதானத்தில் நடைபெறும், முதல் டெஸ்ட் போட்டி ஜனவரி 29 முதல் பெப்ரவரி இரண்டாம் திகதி வரையிலும், இரண்டாவது டெஸ்ட் போட்டி பெப்ரவரி 6 முதல் 10ஆம் திகதி வரையிலும் திட்டமிடப்பட்டுள்ளது.

அதேபோல், ஒருநாள் போட்டிகள் ஆரம்பத்தில் ஹம்பாந்தோட்டையில் உள்ள மஹிந்த ராஜபக்ஷ சர்வதேச கிரிக்கெட் மைதானத்தில் நடத்த திட்டமிடப்பட்டிருந்தாலும் தற்போது கொழும்பில் உள்ள ஆர். பிரேமதாச மைதானத்திற்கு மாற்றப்பட்டலாம் தெரிவிக்கப்பட்டுள்ளது.

முதல் ஒருநாள் போட்டி பெப்ரவரி 12ஆம் திகதியும், இரண்டாவது ஒருநாள் போட்டி பெப்ரவரி 14ஆம் தேதியும் நடைபெறவுள்ளதாக அறிவிக்கப்பட்டுள்ளது.

இதன்படி, அவுஸ்திரேலியா அணி எதிர்வரும் 24ஆம் திகதி இலங்கைக்கு வரும் என தெரிவிக்கப்பட்டுள்ளது.

The post இலங்கை வரும் அவுஸ்திரேலியா அணி – ஒருநாள் போட்டிகளில் திடீர் மாற்றம் appeared first on Oruvan.com.

எனினும், லீக் கிரிக்கெட் போட்டிகளில் தொடர்ந்தும் விளையாடவுள்ளதாகவும் அவர் குறிப்பிட்டுள்ளார்.

குப்தில் தற்போது நியூசிலாந்தின் உள்நாட்டு டி20 போட்டியான சூப்பர் ஸ்மாஷில் ஆக்லாந்து அணிக்காக விளையாடி வருகிறார், மேலும் பாகிஸ்தான் சூப்பர் லீக்கிற்காக இஸ்லாமாபாத் யுனைடெட் அணியுடனும் ஒப்பந்தம் செய்யப்பட்டுள்ளார்.

இதுவரை 198 ஒருநாள் போட்டிகளில் 7346 ஓட்டங்களை குவித்துள்ளார் என்பதுடன், ஒருநாள் போட்டிகளில் நியூசிலாந்து அணி சார்பில் அதிக ஓட்டங்களை குவித்த மூன்றாவது வீரர் என்ற பெருமையையும் பெற்றுள்ளார்.

122 இருபது20 போட்டிகளில் 3531 ஓட்டங்களை குவித்துள்ள அவர், டி20 வடிவத்தில் நியூசிலாந்து அணி சார்பில் அதிக ஓட்டங்கள் குவித்த வீரர் என்ற பெருமையையும் பெற்றுள்ளார்.

இருப்பினும், 2022 ஒக்டோபர் முதல் அவருக்கு நியூசிலாந்து தேசிய அணியில் இடம் வழங்கப்படவில்லை. இந்நிலையிலேயே, அவர் ஓய்வை அறிவித்துள்ளார்.

மேலும், தனது அணியின் சக வீரர்கள் மற்றும் பயிற்சியாளர்கள், குறிப்பாக 19 வயதுக்குட்பட்டோர் மட்டத்திலிருந்து தனக்கு பயிற்சி அளித்து, தனது வாழ்க்கை முழுவதும் தொடர்ந்து ஆதரவாக இருந்த மார்க் ஓ’டோனலுக்கு நன்றி தெரிவிப்பதாக குப்தில் தெரிவித்துள்ளார்.

The post சர்வதேச போட்டிகளுக்கு விடை கொடுத்தார் மார்ட்டின் குப்தில் appeared first on Oruvan.com.

சுற்றுலா இலங்கை அணிக்கும் நியூசிலாந்து அணிக்கும் இடையிலான வெள்ளைப் பந்து தொடரில் முதலில் நிறைவுற்ற மூன்றுப் போட்டிகள் கொண்ட டி20 தொடரை நியூசிலாந்து 2-1 என வெற்றி கொண்டிருந்தது.

இந்நிலையில் மூன்றுப் போட்டிகள் கொண்ட ஒருநாள் தொடரின் முதல் போட்டி இன்று இலங்கை நேரப்படி அதிகாலை 3.30 மணிக்கு ஆரம்பித்திருந்தது.

இப்போட்டியின் நாணயச் சுழற்சியில் வெற்றி கொண்ட நியூசிலாந்து அணி இலங்கை அணியை முதலில் துடுப்பெடுத்தாடப் பணித்தது.

அதற்கேற்ப முதலில் களம் புகுந்த இலங்கை அணிக்கு ஆரம்ப வீரரான அவிஷ்க பெர்ணான்டோ ஒரு புரம் நிலைத்திருக்க மற்றைய நம்பிக்குக்குறிய துடுப்பாட வீரர்களான பத்தும் நிசங்க (9), குசல் மெண்டிஸ் (2) , கமிந்து மெண்டிஸ் (3) மற்றும் சரித் அசலங்க (0) என விரைவாகப் பெவிலியன் நடந்தனர்.

இருப்பினும் நிலைத்திருந்த அவிஷ்க பெர்ணான்டோ அரைச் சதம் கடந்து 56 ஓட்டங்களுடனும், ஜனித் லியனகே 36 மற்றும் வனிந்து ஹசரங்க 35 என ஓரளவிற்கு ஓட்டங்களை சேர்த்துக் கொடுக்க 43.4 ஓவர்களில் சகல விக்கட்டுக்களையும் இழந்து 178 ஓட்டங்களைப் பெற்றுக் கொண்டது. பந்துவீச்சில் மேட் ஹென்றி நான்கு விக்கெட்டுக்களை கைப்பற்றினார்.

தொடர்ந்து இலங்கை அணியால் நிர்ணயிக்கப்பட்ட 179 ஓட்டங்கள் என்ற வெற்றி இலக்கினை நோக்கி பதிலுக்கு துடுப்பாடிய நியூஸிலாந்து அணி ஆரம்ப விக்கெட் ஜோடியான வில் யங் மற்றும் ரிச்சின் ரவீந்திர ஆகியோரின் அசத்தலான 93 ஓட்ட இணைப்பாட்டத்தால் வெற்றியை இலகுவாக நெருங்கியது.

இந்நிலையில் ரிச்சின் ரவீந்திர 45 ஓட்டங்களுடன் ஆட்டமிழந்தார். இருப்பினும் களத்திலிருந்த வில் யங் ஆட்டமிழக்காமல் 90 ஓட்டங்களையும், சப்மேன் 29 ஓட்டங்களையும் பெற்று களத்திலிருக்க 26.2 ஓவர்களில் ஒரு விக்கெட்டினை மாத்திரம் இழந்து 180 ஓட்டங்களைப் பெற்று ஒன்று விக்கெட்டுக்களால் மிக இலகு வெற்றி பெற்றது.

மேலும், ஒருநாள் தொடரில் 1:0 என முன்னிலை பெற்றது. இலங்கை சார்பில் சமிந்து விக்ரமசிங்க ஒரு விக்கெட்டை வீழ்த்தியிருந்தார். போட்டியின் நாயகனாக வேகத்தில் மிரட்டிய மேட் ஹென்றி தெரிவானமை குறிப்பிடத்தக்கது.

(அரபாத் பஹர்தீன்)

The post மேட் ஹென்றியின் வேகத்தினால் நியூசிலாந்திடம் வீழ்ந்தது இலங்கை appeared first on Oruvan.com.

நியூஸிலாந்துக்கு கிரிக்கெட் சுற்றுப்பணயம் மேற்கொண்டுள்ள இலங்கை அணிக்கும் நியூஸிலாந்து அணிக்கும் இடையிலான மூன்றுப் போட்டிகள் கொண்ட டி20 மற்றும் மூன்றுப் போட்டிகள் கொண்ட ஒருநாள் தொடர் எதிர்வரும் 28ஆம் திகதி ஆரம்பமாகின்றது.

இதனையொட்டி நேற்று (23) நடந்த டி20 பயிற்சி ஆட்டத்தில் இலங்கை அணி, நியூஸிலாந்து பதினொருவர் அணியை லின்கோலில் எதிர்த்தாடியது.

மழை காரணமாக அணிக்கு 10 ஓவர்கள் வழங்கப்பட்ட போட்டியின் முதலில் துடுப்பெடுத்தாடிய இலங்கை அணி 10 ஓவர்களில் இரண்டு விக்கெட்டுக்களை மாத்திரம் இழந்து 128 ஓட்டங்களைப் பெற்றுக் கொண்டது.

துடுப்பாட்டத்தில் பத்தும் நிஸ்ஸங்க 31 ஓட்டங்களையும் , வனிந்து ஹசரங்க 27 ஓட்டங்களையும், பானுக ராஜபக்ச 25 ஓட்டங்களையும் பெற்றுக் கொண்டனர். பந்துவீச்சில் மெத்யூவ் பிஸ்ஸர் ஒரு விக்கெட்டை வீழ்த்தினார்.

பின்னர் 129 ஓட்டங்கள் என்ற வெற்றி இலக்கினை நோக்கி பதிலுக்கு களம் நுழைந்த நியூஸிலாந்து பதினொருவர் அணியால் 10 ஓவர்களில் இரண்டு விக்கெட்டுக்களை இழந்து 96 ஓட்டங்களை மட்டுமே பெற்றுக் கொள்ள முடிந்தது.

துடுப்பாட்டத்தில் மெத்யூவ் பொய்லி ஆட்டமிழக்காமல் 57 ஓட்டங்களைப் பெற்றார். பந்துவீச்சில் நுவான் துஷார இரண்டு விக்கெட்டுக்களை வீழ்த்தியிருந்தார். இதனால் இலங்கை அணி 32 ஓட்டங்களால் வெற்றி பெற்றது.

The post பயிற்சி ஆட்டத்தில் இலங்கைக்கு இலகு வெற்றி appeared first on Oruvan.com.

சமகால் காலபந்து உலகில் புகழ்பெற்ற வீரராக கிலியன் எம்பாப்பே மாறியுள்ளார்.  தற்போது அவர் ரியல் மெட்ரிட் அணியில் இணைந்து விளையாடி வருகின்றார்.

முன்னதாக, பிரான்ஸின்பாரிஸ் செயிண்ட் ஜெர்மன் (பிஎஸ்ஜி) கழகத்தில் லியனோஸ் மெஸ்ஸியுடன் இணைந்து, எம்பாப்பே  சில ஆண்டுகள் விளையாடியிருந்தார்.

பின்னர் மெஸ்ஸி அமெரிக்க கழகத்துடன் ஒப்பந்தம் செய்யப்பட்டமையால் பிரான்ஸ் கழகத்திலிருந்து வெளியேறியிருந்தார்.

இந்நிலையில் மெஸ்ஸியுடன் இணைந்து விளையாடியதை தன்னால் மறக்கவே முடியாது என கூறியிருக்கின்றார் எம்பாப்பே. அதைப்போல உதைப்பந்தாட்ட உலகில் மேலும் ஒரு சிறந்த வீரரான பிரேஸிலின் நெய்மர் உடனும் இணைந்து விளையாடியிருக்கிறார்.

ஆனால் உலகின் பல பில்லியன் ரசிகர்களைக் கொண்ட போர்த்துக்கல் அணியின் தலைவரான கிறிஸ்டியானோ ரொனால்டோவுடன் மட்டும் எம்பாப்பே இதுவரையில் இணைந்து விளையாடியதே இல்லை.

அவருடன் தான் இணைந்து விளையாட வேண்டும் என்ற தனது ஆசையை சமீபத்தில் எம்பாப்பே வெளிப்படுத்தியுள்ளார்.

இருப்பினும் ரொனால்டோ தற்போது வுதி அரேபியாவின் அல் நசர் கழகத்தில் ஒப்பந்தமாகி விளையாடி வருவதனால் எம்பாப்பேவின் ஆசை கனவாகவே ஆகலாம் எனலாம் எனவும் தெரிவிக்கப்பட்டுள்ளது.

The post ரொனால்டோவுடன் இணைந்து விளையாட ஆசை – கிலியன் எம்பாப்பே appeared first on Oruvan.com.

35 வயதான இமாட் வஸீம் கடந்த 2015ம் ஆண்டில் பாகிஸ்தான் அணிக்காக டி20 கிரிக்கெட்டில் அறிமுகம் ஆனார்.  இவர் பாகிஸ்தான் அணிக்காக இதுவரையில் 55 ஒருநாள் மற்றும் 75 டி20 போட்டிகளில் களம் கண்டுள்ளார்.

மேலும் 55 சர்வதேச ஒருநாள் போட்டிகளில் 986 ஓட்டங்களையும், 44 விக்கெட்டுக்களையும் வீழ்த்தியுள்ளார். அத்துடன் 75 டி20 சர்வதேச போட்டிகளில் பங்கேற்று 554 ஓட்டங்களைப் பெற்றுள்ளதுடன் , 73 விக்கெட்டுகளையும் வீழ்த்தி உள்ளார்.

மேலும் இமாத் வஸீம் கடைசியாக கடந்த ஜூன் மாதம் அயர்லாந்துக்கு எதிரான டி20 போட்டியில் பாகிஸ்தான் அணியை பிரதிநிதித்துவம் செய்து ஆடியிருந்தார்.

அண்மைக் காலமாக பாகிஸ்தான் அணியில் இடம் பிடிக்க முடியாத அவர் தற்போது சர்வதேச கிரிக்கெட்டில் இருந்து ஓய்வு பெறுவதாக அறிவித்துள்ளார். இவரது ஓய்வு முடிவு ரசிகர்களை ஆச்சரியத்தில் ஆழ்த்தியுள்ளது.

இமாத் வஸீம் உள்நாட்டு கிரிக்கெட், மற்றும் டி20 லீக் போட்டிகளில் தொடர்ந்து விளையாடுவார் என குறிப்பிட்டுள்ளதுடன், இலங்கையில் தற்சமயம் இடம்பெற்று வரும் டி10 போட்டிகளில் இமாத் வஸீம் பங்கேற்று வருகின்றமை குறிப்பிடத்தக்கது.

(அரபாத் பஹர்தீன்)

The post சர்வதேச கிரிக்கெட்டிற்கு விடை கொடுத்தார் இமாத் வஸீம் appeared first on Oruvan.com.

சுற்றுலா பங்களாதேஷ் அணிக்கும் மேற்கிந்திய தீவுகள் அணிக்கும் இடையிலான மூவகை கிரிக்கெட் தொடர்களில் முதலில் நிறைவுற்ற ஒருநாள் தொடரை மேற்கிந்தியத் தீவுகள் அணி 3-0 என வெள்ளையடித்துக் கைப்பற்றியிருந்தது.

இந்நிலையில் அடுத்த தொடரான மூன்றுப் போட்டிகளைக் கொண்ட டி20 தொடரின் முதல் போட்டி இலங்கை நேரப்படி நேற்று இடம்பெற்றது.
இப்போட்டியின் நாணயச் சுழற்சியில் வென்ற மேற்கிந்தியத் தீவுகள் முதலில் களத்தடுப்பில் ஈடுபடத் தீர்மானித்தது.

இதற்கமைய துடுப்பாட்டக் களம் நுழைந்த பங்களாதேஷ் அணிக்கு சௌமியா சர்கார் 43 ஓட்டங்களையும், மொஹ்தி ஹசன் மிராஸ் ஆட்டமிழக்காமல் 26 ஓட்டங்களையும் பெற்றுக் கொடுக்க 20 ஓவர்கள் முடிவில் ஆறு விக்கெட்டுகளை இழந்து 147 ஓட்டங்களைப் பெற்றுக் கொண்டது.

பந்துவீச்சில் அக்கீல் ஹொசைன் மற்றும் மெக்கேய் ஆகியோர் தலா இரண்டு விக்கெட்டுகளை வீழ்த்தினர்.

பின்னர் பங்களாதேஷ் அணியால் நிர்ணயிக்கப்பட்ட 148 என்ற எட்டக்கூடிய வெற்றி இலக்கினை நோக்கி பதிலுக்கு துடுப்பாட களம் நுழைந்த மேற்கிந்தியத் தீவுகள் அணிக்கு பங்களாதேஷ் சுழல்பந்து வீச்சாளரான மெஹ்தி ஹசன் மிராஸ் நான்கு விக்கெட்டுக்களை வீழ்த்த 19.5 ஓவர்களில் சகல விக்கட்டுக்களையும் இழந்து 140 ஓட்டங்களை மாத்திரமே பெற்று ஏழு ஓட்டங்களால் தோற்றுப் போனது.

துடுப்பாட்டத்தில் ரோமன் பவல் 60 ஓட்டங்களை பெற்றுக் கொடுத்தார். இந்த வெற்றியின் மூலம் பங்களாதேஷ் அணி மூன்று போட்டிகள் கொண்ட தொடரில் 1-0 என முன்னிலை பெற்றுள்ளமை குறிப்பிடத்தக்கது.

(அரபாத் பஹர்தீன்)

The post மிராஸின் சகலதுறை அசத்தலில் மே.இ.தீவுகளை வீழ்த்தியது வங்கதேசம் appeared first on Oruvan.com.

அந்நாட்டு கிரிக்கெட் சபை வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

கடந்த செப்டம்பர் மாதம் நடைபெற்ற இங்கிலாந்து கவுண்டி கிரிக்கெட் போட்டிகளில் பந்து வீசும் முறை விதிகளுக்கு மீறியதாக இருப்பதாக ஷாகிப் அல் ஹசன் மீது குற்றச்சாட்டு எழுந்தது.

இந்த குற்றச்சாட்டு குறித்து விசாரணை செய்து அதற்கான சோதனையில் இங்கிலாந்து கிரிக்கெட் நிர்வாகம் ஈடுபட்ட நிலையில், பந்து வீசியதில் ஷாகிப் அல் ஹசன் விதிகளை மீறியது தெரியவந்தது.

இதனையடுத்து, அதற்கான நடவடிக்கையும் மேற்கொள்ளப்பட்டுள்ளது. இதன்படி, ஷாகிப் அல் ஹசன் பந்து வீசுவதில் இருந்து இடைநீக்கம் செய்ய உத்தரவிடப்பட்டுள்ளது.

இனிமேல், சர்வதேச கிரிக்கெட் பேரவையால் அங்கீகரிக்கப்பட்ட உள்நாட்டு அல்லது வெளிநாட்டு போட்டிகளில் பந்துவீச ஷாகிப் அல் ஹசனுக்கு தடை விதிக்கப்பட்டுள்ளது.

இதேவேளை, கடந்த சில மாதங்களுக்கு முன்பு டெஸ்ட் மற்றும் சர்வதேச டி20 போட்டிகளில் இருந்து ஓய்வு பெறுவதாக ஷாகிப் அல் ஹசன் அறிவித்திருந்தார்.

எனினும், தென்னாப்பிரிக்காவுக்கு எதிரான டெஸ்ட் தொடரில் விளையாட விருப்பம் தெரிவித்திருந்த போதிலும், அவரின் கோரிக்கை நிராகரிக்கப்பட்டிருந்தது.

தற்போது இலங்கையில் இடம்பெற்று வரும் லங்காடி10 தொடரில் இணைந்துள்ளார். கோல் மார்வெல்ஸ் அணிக்காக விளையாடி வரும் ஷாகிப், கடந்த இரண்டு போட்டிகளிலும் பந்து வீசவில்லை என்பதும் குறிப்பிடத்தக்கது.

The post ஷாகிப் அல் ஹசனுக்கு பந்து வீச தடை appeared first on Oruvan.com.