இந்த விருதை வெற்றிக்கொண்டதன் மூலம் லைகா மொபைல் தனது வாடிக்கையாளர்களுக்கு விதிவிலக்கான தரம் மற்றும் மதிப்பை வழங்குவதற்கான உறுதிப்பாட்டை அடிக்கோடிட்டுக் காட்டுகிறது.

“Consumer Choice”ஆல் ஏற்பாடு செய்யப்பட்ட இந்த விருது, பல்வேறு பிரிவுகளில் வாடிக்கையாளர்களின் திருப்தி மற்றும் நம்பிக்கையில் சிறந்து விளங்கும் பிராண்டுகளைக் கொண்டாடுகிறது.

லைகா மொபைல் முக்கிய துறைகளில் செயல்திறன் மூலம் தன்னை வேறுபடுத்திக் கொண்டுள்ளது.

இதில், Network coverage, தகவல் தொடர்பு மற்றும் மொபைல் தரவு வரம்பு, திட்ட நெகிழ்வுத்தன்மை, கட்டண விருப்பங்கள், சேவை தரம் மற்றும் வாடிக்கையாளர்களின் ஆதரவு என்பவை அடங்கும்.

பிராண்ட் பரிந்துரையில் 91 வீத மதிப்பெண்ணையும், பணத்திற்கு மதிப்புள்ள 86 வீத மதிப்பெண்ணையும் அடைந்த லைகா மொபைல், இணைவதற்கான எளிமை மற்றும் சர்வதேச அழைப்புகளின் மலிவு விலை போன்ற அளவுருக்களில் சிறந்து விளங்கியது.

வாடிக்கையாளர் எதிர்பார்ப்புகளை பூர்த்தி செய்யும் மற்றும் சிறந்த சேவைகளை வழங்குவதில் லைகா மொபைலின் தொடர்ச்சியான அர்ப்பணிப்பை இந்த முடிவுகள் எடுத்துக்காட்டுகின்றன.

இந்நிலையில், தனது வாடிக்கையாளர்களுக்கு வழங்கும் சிறந்த சேவையாலும், ஒப்பற்ற உறவாலும் இந்த விருதைப் பெறுவது சிறப்பு வாய்ந்தது என்று லைகா நிறுவனம் தெரிவித்துள்ளது.

மேலும், லைகா மொபைல், தகவல்தொடர்புகளை எளிதாக்குவதற்கும், வாடிக்கையாளர்களை ஒருவருக்கொருவர் நெருக்கமாகக் கொண்டுவருவதற்கும், உலகம் முழுவதும் அவர்களின் உறவுகளை மேம்படுத்துவதற்கும் உறுதிபூண்டுள்ளது.

இந்த விருதை பெற்தன் மூலம் லைகா மொபைல் மீதான நுகர்வோரின் நம்பிக்கையை மேலும் அதிகரித்துள்ளது, மேலும் இந்த விருதைப் பெற்றமைக்கு அதன் ஊழியர்களின் அர்ப்பணிப்பைப் பாராட்ட வேண்டும் என்று நிறுவனம் தெரிவித்துள்ளது.

இந்த வெற்றி, பொதுமக்கள் தங்கள் நிறுவனத்தின் மீது வைத்திருக்கும் நம்பிக்கைக்கு ஒரு சான்றாக இருக்கும் என்றும், தொடர்ந்து இதுபோன்ற விருதுகளை வெல்வதற்கும், வெற்றிகரமான சேவைகளை வழங்குவதற்கும் உந்துதலாக இருக்கும் என்றும் லைகா மொபைல் தெரிவித்துள்ளது.

“தொடர்ச்சியாக மூன்றாவது முறையாக “Good Choice” 2025 விருதைப் பெற்றதில் நாங்கள் மிகவும் பெருமைப்படுகிறோம்,” என்று லைகா மொபைல் போர்ச்சுகலின் நாட்டு மேலாளர் அன்டோனியோ அர்னாட் தெரிவித்துள்ளார்.

“இந்த அங்கீகாரம் எங்கள் வாடிக்கையாளர்களின் நம்பிக்கை மற்றும் விஷ்வாசத்திற்கு ஒரு சான்றாகும். மேலும் வாடிக்கையாளர்களின் தேவைகளுக்கு ஏற்ப சேவைகளை வழங்குவதற்கான எங்கள் நோக்கத்தை வலுப்படுத்துகிறது.” என்று அவர் குறிப்பிட்டுள்ளார்.

The post தொடர்ந்து மூன்றாவது முறையாக Good Choice விருதை வென்றது லைகா மொபைல் appeared first on Oruvan.com.

உலகெங்கிலும் கையடக்கத் தொலைபேசிகளுக்கான வலைப் பின்னல்களையும் (Mobile Virtual Network Operator – MVNO ) உகாண்டாவில் ஒரு இயங்கு தளத்தையும் (operator) லைகா குழுமம் ஏலவே ஸ்தாபித்திருக்கிறது.

டிஜிட்டல் தொழில்நுட்பத்தின் பயன்பாட்டை அதிகரித்து உள்ளகச் செயல்பாடுகளை ஒருங்கிணைப்பதுடன் பல்வேறு செயல்முறைகளை தானியங்குபடுத்தவும் லைகா குழுமம் விரும்புகிறது.

தொலைதொடர்பு துறையில் தீவிரமடைந்து வரும் போட்டி மற்றும் அதிகரித்து வரும் செலவுகளுக்கு ஈடுகொடுக்கும் வகையில், விரிவான மதிப்பாய்வைத் தொடர்ந்து இந்த நகர்வுகள் மேற்கொள்ளப்பட்டுள்ளதாக லைகா குழுமம் தெரிவித்துள்ளது. இத்திட்டத்தின் ஊடாக சந்தை விரிவாக்க நடவடிக்கையில் சில முதலீடுகளை மேற்கொள்ள லைகா குழுமம் விரும்புகிறது.

மூலோபாய முக்கியத்துவம் வாய்ந்ததாகக் கருதப்படும் பிராந்தியங்கள் மற்றும் மையங்களுடனான செயல்பாடுகளை ஆதரிக்க உலகளாவிய வணிக சேவை மையங்களைப் பயன்படுத்த உத்தேசித்துள்ளது. அத்துடன் நாடு சார்ந்த நடவடிக்கைகளில் கணிசமான செயற் திறன்களைக் கொண்டுள்ளதாகவும் லைகா குழுமம் தெரிவித்துள்ளது.

அதேநேரம் புதிய சேவைகளுக்கான சந்தையின் வேகத்தை அதிகரிக்கவும் வாடிக்கையாளர் அனுபவத்தை மேம்படுத்தவும் லைகா குழுமம் எதிர்பார்கிறது.

கையடக்கத் தொலைபேசிகளுக்கான வலைப் பின்னல் செயல்பாடுகளை மேம்படுத்துவதிலும், ஆப்பிரிக்காவில் புதிய தொலைத் தொடர்பு வலைப் பின்னல் வாய்ப்புகளில் முதலீடு செய்வதிலும் கவனம் அதிகரித்துள்ளதாக லைகா குழுமம் கூறியுள்ளது. அமெரிக்கா மற்றும் ஸ்பெயின் நாடுகளில் புதிய தரமான டிஜிட்டல் வகைகளை அறிமுகப்படுத்துவதுடன், இந்த ஆண்டு வேறு புதிய நாடுகளில் விரிவாக்கத்தை விரைவில் அறிவிக்கவும் லைகா குழுமம் திட்டமிட்டுள்ளது.

“மூலோபாய மறுசீரமைப்பு ஒரு துணிச்சலான முன்னோக்கு” என லைகா குழுமத்தின் உப தலைவர் பிரேமனந்தன் சிவசாமி தெரிவித்தார்.

”இந்த முன்னுதாரண மாற்றம் எங்களின் செயல்திறனை மேம்படுத்துவது மட்டுமல்லாமல், வேகமாக மாறிவரும் தொழில்துறைக்கு ஏற்ப எங்களின் திறனை பலப்படுத்துகிறது. உலகளவில் எங்கள் வாடிக்கையாளர்கள், பங்காளர்கள் மற்றும் பணியாளர்களுக்கு இத்திட்டம் பயனளிக்கிறது.” என்றும் அவர் சுட்டிக்காட்டினார்.

வளர்ச்சியை மையமாகக் கொண்ட இந்த மாற்றங்களால் பாதிக்கப்பட்ட ஊழியர்களுடன் தற்போது ஆலோசனை நடத்திப்பட்டு வருவதாகவும் லைகா குழுமம் தெரிவித்துள்ளது.

The post சந்தை விரிவாக்கத்தை ஏற்படுத்த லைகா நிறுவனத்தில் மறுசீரமைப்பு appeared first on Oruvan.com.