ரஷ்யா ‘9எம்​730 புரேவெஸ்ட்​னிக்’ என்ற அணு சக்தி ஏக்தி ஏவு​கணையை கடந்த 2018-ம் ஆண்டு அறி​முகம் செய்​தது.

சக்​தி​வாய்ந்த ஏவு​கணை தயாரிப்பு திட்​டத்​தில் ஈடுட​வேண்​டாம் என்ற ஒப்​பந்​தத்​தில் இருந்து அமெரிக்கா கடந்த 2001-ம் ஆண்டு வெளி​யேறியது. இதையடுத்து நேட்டோ படைகள் விரிவுபடுத்​தப்​பட்​டன. அமெரிக்​கா​வின் வான் பாது​காப்பு ஏவு​கணை திட்​டங்​களும் விரிவுபடுத்​தப்​பட்​டன.

இதையடுத்து 9எம்​730 புரேவெஸ்ட்​னிக் என்று அணு சக்தி ஏவு​கணையை ரஷ்யா அறி​முகம் செய்​தது. இதை அமெரிக்​கா​வின் வான் பாது​காப்பு ஏவு​கணை திட்​டத்​துக்​கான ரஷ்​யா​வின் பதிலடி நடவடிக்கை என ரஷ்ய ஜனாதிபதி புதின் கூறி​னார்.

இந்த ஏவு​கணையை எவ்​வளவு தூரம் வேண்​டு​மா​னாலும் செலுத்த முடி​யும். இது பறந்து செல்​லும் பாதையை​யும் கணிக்க முடி​யாது என கூறப்​படு​கிறது.

இந்​நிலை​யில் இந்த ஏவு​கணையை ரஷ்யா கடந்த 21-ம் திகதி பரிசோதனை செய்​தது. இந்த ஏவு​கணை வானில் சுமார் 15 மணி நேரம் பறந்து 14,000 கி.மீ தூரம் சென்​ற​தாக ரஷ்ய ராணுவத் தளபதி ஜெனரல் வலேரி கெராசிமோவ் கூறி​னார்.

இந்த சோதனை வெற்​றிகர​மாக முடிந்​ததையடுத்து உக்​ரைன் போரை நடத்தி வரும் ராணுவ உயர் அதி​காரி​களு​டன் புதின் பேசி​னார்.

போர்க்​கால சீருடை அணிந்து பேசிய புதின், ‘‘இது போன்ற சக்​தி​வாய்ந்த ஏவு​கணை உலகில் எந்த நாட்​டிட​மும் இல்​லை. இது போன்ற ஆயுதத்தை உரு​வாக்​கு​வது சாத்​தி​யமில்லை என ரஷ்ய நிபுணர்​கள் முன்பு கூறினர். ஆனால் தற்​போது, இந்த முக்​கிய பரிசோதனை வெற்​றிகர​மாக நிறைவடைந்​துள்​ளது’’ என பெரு​மிதத்​துடன் கூறி​னார்.

உக்​ரைன் போர் நிறுத்​தத்தை கொண்​டுவர ரஷ்​யா​வுக்கு அழுத்​தம் கொடுக்​கும் வகை​யில், அமெரிக்க அதிபர் ட்ரம்ப் கடும் நடவடிக்​கைகளை எடுத்து வரு​கிறார். இந்த நேரத்​தில் ரஷ்யா அணு சக்தி ஏவு​கணையை பரிசோ​தித்​துள்​ளது, அமெரிக்க அதிபர் ட்ரம்ப், மேற்​கத்​திய நாடு​களுக்கு ஜனாதிபதி புதின்​ விடுக்​கும்​ எச்​சரிக்​கை​யாக இது கருதப்​படுகிறது.

The post ரஷ்யாவின் அணுசக்தி ஏவுகணை சோதனை வெற்றி appeared first on Oruvan.com.