“அமரர் கலாநிதி மன்மோகன் சிங், இந்தியாவின் பிரதமராக இருந்த காலத்தில், “13ஆம் திருத்தத்தை முழுமையாக நடைமுறைப்படுத்தி, அதிலிருந்து கட்டியெழுப்பி அர்த்தமுள்ள அதிகாரப் பகிர்வு முறை ஏற்படுத்தப்படும்” என்ற வாக்குறுதியை இலங்கையின் அப்போதைய ஜனாதிபதி மஹிந்த ராஜபக்ஷவிடமிருந்து பெற்றிருந்தார்.”

– இவ்வாறு இலங்கைத் தமிழரசுக் கட்சியின் முன்னாள் நாடாளுமன்ற உறுப்பினர் ஜனாதிபதி சட்டத்தரணி எம்.ஏ. சுமந்திரன் தெரிவித்துள்ளார்.

மன்மோகன் சிங்கின் மறைவுக்கு இரங்கல் தெரிவித்து அவர் வெளியிட்டுள்ள செய்திக் குறிப்பிலேயே மேற்கண்டவாறு கூறியுள்ளார்.

அதில் மேலும் தெரிவிக்கப்பட்டுள்ளதாவது:-

“முன்னாள் இந்தியப் பிரதமர் கலாநிதி மன்மோகன் சிங்கின் (வயது 92) மறைவுக்கு எமது மனப்பூர்வமான அஞ்சலிகள். அவர் இந்தியாவின் பிரதமராக இருந்த காலத்தில் இலங்கைத் தமிழர் விவகாரத்தில் மிகவும் காத்திரமான பங்களிப்பைச் செய்திருந்தார். 2011 இல் அப்போதைய இலங்கை ஜனாதிபதி மஹிந்த ராஜபக்ஷவுடனான கூட்டறிக்கையில் “13ஆம் திருத்தத்தை முழுமையாக நடைமுறைப்படுத்தி, அதிலிருந்து கட்டியெழுப்பி அர்த்தமுள்ள அதிகாரப் பகிர்வு முறை ஏற்படுத்தப்படும்” என்ற வாக்குறுதியைப் பெற்றவர்.

அவர் பிரதமராக இல்லாத சமயத்திலும் இந்தியப் பிரதமர் நரேந்திர மோடியைச் சந்திக்கச் சென்றபோது நாம் அவரை, அவரது இல்லத்தில் சந்தித்து நன்றி கூறி உரையாடியிருந்தோம். இந்தியாவின் பொருளாதார எழுச்சிக்குக் காரணகர்த்தாவாக இருந்த அன்னாரின் மறைவுக்கு மீண்டும் எமது மனப்பூர்வமான அஞ்சலிகள்!!” – என்றுள்ளது.

The post 13 ஆம் திருத்தம் முழுமையாக நடைமுறைப்படுத்தப்படும் என்ற வாக்குறுதியை மஹிந்தவிடமிருந்து பெற்றவர் மன்மோகன் சிங் appeared first on Oruvan.com.

இரண்டு முறை பிரதமராக இருந்த அவர் வியாழக்கிழமை இரவு டெல்லி எய்ம்ஸ் மருத்துவமனையில் காலமானார்.

சிங்கின் இறுதிச் சடங்குகள் முழு அரசு மரியாதையுடன் நடைபெறும் என்று தகவல்கள் வெளியாகியுள்ளன.

இதன்படி, இன்ற வெள்ளிக்கிழமை திட்டமிடப்பட்டிருந்த அனைத்து மத்திய அரசு நிகழ்ச்சிகளும் ரத்து செய்யப்பட்டுள்ளதாக அரசு வட்டாரங்கள் தெரிவிக்கின்றன.

இதற்கிடையில், மன்மோகன் சிங்கின் மறைவுக்குப் பிறகு கர்நாடகாவில் ஏழு நாள் துக்கம் அறிவிக்கப்பட்டுள்ளது. டிசம்பர் 27 அன்று அரசு விடுமுறையாக அறிவிக்கப்பட்டுள்ளது.

தெலுங்கானா அரசும் அரசு அலுவலகங்கள் மற்றும் கல்வி நிறுவனங்களுக்கு இன்று வெள்ளிக்கிழமை விடுமுறை அறிவித்துள்ளது. மாநில அரசு ஏழு நாட்கள் துக்கக் காலத்தை அறிவித்துள்ளது.

டெல்லி முதல்வர் அதிஷியும் தனது அனைத்து அரசு நிகழ்ச்சிகளையும் ரத்து செய்துள்ளார்.

இந்தியாவின் முன்னாள் பிரதமர் மன்மோகன் சிங் தனது 92வது வயதில் நேற்று (26) பிற்பகல் காலமானார்.

1932 ஆம் ஆண்டு இன்றைய பாகிஸ்தானின் ஒரு பகுதியான பஞ்சாபில் அவர் பிறந்தார்.

இந்தியாவின் 13வது பிரதமரான மன்மோகன் சிங், இரண்டு முறை இந்தியாவின் பிரதமராக பதவி வகித்துள்ளார்.

நன்கு அறியப்பட்ட பொருளாதார நிபுணரான இவர், இந்தியப் பொருளாதார சீர்திருத்த செயல்பாட்டின் தலைவராகவும் கருதப்படுகிறார்.

மன்மோகன் பஞ்சாப் பல்கலைக்கழகத்தில் தனது அடிப்படைப் பட்டம் பெற்றார், பின்னர் இங்கிலாந்தில் உள்ள கேம்பிரிட்ஜ் மற்றும் ஒக்ஸ்போர்டு பல்கலைக்கழகங்களில் படித்து பட்டம் பெற்றார்.

இதன் பின்னர் இந்திய அரசுப் பணியில் சேர்ந்தார். நாட்டின் மத்திய வங்கியின் ஆளுநராகவும் பணியாற்றியுள்ளார்.

1991ஆம் ஆண்டு இந்தியப் பொருளாதாரம் சரிந்தது, அதை மீண்டும் கட்டியெழுப்பும் பணி மன்மோகனிடம் ஒப்படைக்கப்பட்டது.

அதன்படி, நாட்டின் நிதியமைச்சராக பதவியேற்று, படிப்படியாக இந்தியப் பொருளாதாரத்தை மீட்டெடுத்தார்.

உலகப் பொருளாதாரத்தில் ஜாம்பவானாகத் திகழும் இந்தியா இந்நிலையை அடைய வழிகாட்டியவர் மன்மோகன் சின் என்று பலரும் கூறுகின்றனர்.

மன்மோகன் சிங் 2004 முதல் 2014 வரை நாட்டின் பிரதமராகப் பணியாற்றினார். அதற்கு முன் அவர் இந்தியாவின் நிதி அமைச்சராகவும் பணியாற்றினார்.

சோனியா காந்தி பதவியை ஏற்க மறுத்ததை அடுத்து, 2004ல் இந்தியாவின் பிரதமரானார்.

முன்னாள் இந்தியப் பிரதமர் மன்மோகன் சிங்கின் வெளியுறவுக் கொள்கை குறித்து பேசிய அவர், பாகிஸ்தானுடனான அமைதிப் பயணத்தைத் தொடர்ந்தார்.

40 ஆண்டுகளுக்கும் மேலாக மூடப்பட்டிருந்த திபெத்துக்கான நாது லா அணுகு வழியை மீண்டும் திறக்க ஒப்பந்தம் செய்து சீனாவுடனான எல்லைப் பிரச்சினையை முடிவுக்குக் கொண்டுவர அவர் முயன்றார்.

மன்மோகன் சிங் ஆப்கானிஸ்தானுக்கு நிதியுதவியை அதிகரித்தது மற்றும் இந்தியத் தலைவராக அவர் அந்த நாட்டுக்கு விஜயம் செய்தது பலரின் கவனத்தை ஈர்த்தது.

2008ஆம் ஆண்டு சாக் உச்சி மாநாட்டில் கலந்துகொள்வதற்காக இலங்கை வந்திருந்தார் என்பதும் குறிப்பிடத்தக்கது.

The post இந்திய முன்னாள் பிரதமர் மன்மோகன் சிங் மறைவு – ஏழு நாள் துக்க தினம் அறிவிப்பு appeared first on Oruvan.com.